ᠳᠠᠷᠠᠰᠤᠨ ᠤ ᠳᠠᠭᠤᠤ ᠸᠴᠢᠷᠪᠠᠲᠤ ᠶᠢᠨ ᠳᠠᠰᠢᠪᠠᠯᠪᠠᠷ ᠠᠯᠲᠠᠨ ᠵᠦᠩᠵᠡ ᠲᠡᠢ ᠳᠠᠷᠠᠰᠤ ᠪᠣᠯ ᠠᠯᠲᠠᠨ ᠭᠤᠷᠭᠤᠤᠯᠳᠠᠢ ᠶᠢᠨ ᠨᠢᠯᠪᠤᠰᠤ ᠶᠤᠮ ᠠᠮᠰᠠᠵᠤ ᠨᠢᠭᠡ᠂ ᠬᠥᠨᠲᠦᠷᠴᠥ ᠨᠢᠭᠡ ᠬᠦᠷᠲᠡᠭᠰᠡᠭᠡᠷ ᠠᠷᠪᠠᠨ ᠭᠤᠷᠪᠠ ᠬᠣᠨᠣᠪᠠ ᠠ᠋᠂ ᠪᠢ ᠮᠥᠩᠭᠥᠨ ᠵᠦᠩᠵᠡ ᠲᠡᠢ ᠳᠠᠷᠠᠰᠤ ᠪᠣᠯ ᠮᠥᠩᠭᠥᠨ ᠬᠥᠬᠥᠭᠡᠨ ᠦ ᠨᠢᠯᠪᠤᠰᠤ ᠶᠤᠮ ᠮᠥᠷᠭᠥᠵᠦ ᠨᠢᠭᠡ᠂ ᠡᠷᠭᠦᠵᠦ ᠨᠢᠭᠡ ᠬᠦᠷᠲᠡᠭᠰᠡᠭᠡᠷ ᠮᠥᠩᠬᠡ ᠶᠢᠨ ᠶᠤᠮ ᠰᠢᠭ ᠵᠢᠷᠭᠠᠪᠠ ᠪᠢ ᠡᠯᠳᠡᠪ ᠲᠦ ᠳᠤᠷᠠᠲᠠᠢ ᠠᠪᠤᠭᠠᠢ ᠨᠠᠷ ᠡᠨᠳᠡ ᠴᠤ ᠨᠢᠭᠡ᠂ ᠲᠡᠨᠳᠡ ᠴᠤ ᠨᠢᠭᠡ ᠱᠤᠤᠭᠢᠭᠰᠠᠨ ᠶᠤᠮ ᠡᠷᠭᠢᠨ ᠳᠤᠬᠤ ᠲᠠᠢ ᠨᠥᠬᠥᠷ ᠦᠳ ᠨᠢ ᠪᠣᠯ ᠡᠷᠯᠢᠭ ᠦᠨ ᠳᠦ ᠣᠴᠢᠬᠤ ᠠᠴᠠ ᠠᠶᠤᠭᠰᠠᠨ ᠶᠤᠮ ᠬᠣᠪᠠᠨ ᠳ᠋ᠤ ᠳᠤᠷᠠᠲᠠᠢ ᠡᠵᠡᠭᠲᠡᠢ ᠨᠠᠷ ᠬᠣᠶᠢᠨ᠎ᠠ ᠴᠤ ᠨᠢᠭᠡ ᠤᠷᠳᠤ ᠴᠤ ᠨᠢᠭᠡ ᠱᠤᠤᠭᠢᠭᠰᠠᠨ ᠶᠤᠮ ᠬᠣᠣᠷ ᠲᠠᠢ ᠰᠢᠷ᠎ᠠ ᠲᠠᠢ ᠨᠥᠬᠥᠷ ᠦᠳ ᠨᠢ ᠪᠣᠯ ᠬᠣᠷᠣᠰᠴᠤ ᠵᠠᠨᠤᠬᠤ ᠠᠴᠠ ᠠᠶᠤᠭᠰᠠᠨ ᠶᠤᠮ ᠬᠣᠩᠬᠣᠨ ᠴᠡᠴᠡᠭ ᠵᠦᠩᠵᠡ ᠨᠢ ᠪᠣᠯ ᠬᠣᠯᠠ ᠭᠠᠵᠠᠷ ᠤᠨ ᠴᠢᠮᠡᠭ ᠶᠤᠮ ᠬᠣᠷᠣᠳᠠᠵᠤ ᠨᠢᠭᠡ᠂ ᠰᠢᠷᠠᠳᠠᠵᠤ ᠨᠢᠭᠡ ᠬᠦᠷᠲᠡᠭᠰᠡᠭᠡᠷ ᠬᠣᠶᠠᠷ ᠳᠣᠯᠣᠭ᠎ᠠ ᠬᠣᠨᠣᠪᠠ ᠠ᠋᠂ ᠪᠢ ᠰᠠᠷᠠᠨᠠᠢ ᠴᠡᠴᠡᠭ ᠵᠦᠩᠵᠡ ᠨᠢ ᠪᠣᠯ ᠰᠠᠷᠠᠨ ᠤ ᠰᠢᠭᠦᠳᠡᠷᠢ ᠨᠢᠯᠪᠤᠰᠤ ᠶᠤᠮ ᠰᠠᠶᠢᠬᠠᠨ ᠴᠤ ᠨᠢᠭᠡ᠂ ᠬᠥᠭᠡᠷᠬᠡᠨ ᠴᠤ ᠨᠢᠭᠡ ᠬᠡᠦᠬᠡᠨ ᠳᠦ ᠰᠠᠭᠠᠳᠠᠵᠤ ᠮᠣᠷᠢᠯᠠᠭᠰᠠᠭᠠᠷ ᠠᠯᠮᠠᠶᠢᠷᠠᠪᠠ᠂ ᠪᠢ ᠨᠠᠪᠴᠢᠨ ᠴᠡᠴᠡᠭ ᠵᠦᠩᠵᠡ ᠨᠢ ᠪᠣᠯ᠂ ᠨᠠᠷᠠᠨ ᠤ ᠬᠠᠯᠠᠭᠤᠨ ᠳᠤᠰᠤᠯ ᠶᠤᠮ ᠨᠠᠨᠳᠢᠨ ᠨᠢᠭᠡ᠂ ᠨᠠᠷᠭᠢᠵᠤ ᠨᠢᠭᠡ ᠰᠠᠭᠤᠭᠰᠠᠭᠠᠷ ᠨᠠᠮᠤᠷ ᠤᠨ ᠰᠠᠷᠠ ᠶᠢ ᠦᠳᠡᠪᠡ ᠪᠢ ᠲᠠᠭᠠᠨ᠎ᠠ ᠶᠢᠨ ᠴᠡᠴᠡᠭ ᠵᠦᠩᠵᠡ ᠨᠢ ᠪᠣᠯ ᠲᠠᠯ᠎ᠠ ᠨᠤᠲᠤᠭ ᠤᠨ ᠭᠣᠷᠣᠬ᠎ᠠ ᠶᠤᠮ ᠲᠠᠩᠰᠤᠭ ᠨᠢᠭᠡ᠂ ᠲᠠᠩᠬᠠᠢ ᠨᠢᠭᠡ ᠬᠦᠷᠲᠡᠭᠰᠡᠭᠡᠷ ᠲᠠᠮᠤ ᠶᠢᠨ ᠵᠣᠪᠠᠯᠠᠩ ᠢ ᠮᠠᠷᠲᠠᠪᠠ ᠪᠢ ᠬᠤᠪᠢ ᠵᠠᠶᠠᠭᠠᠨ ᠤ ᠳᠠᠷᠠᠰᠤ ᠨᠢ ᠪᠣᠯ ᠬᠠᠤᠯᠢ ᠵᠠᠷᠯᠢᠭ ᠲᠤ ᠬᠠᠮᠢᠶ᠎ᠠ ᠦᠭᠡᠢ ᠶᠤᠮ ᠬᠠᠭᠤᠴᠢᠯᠠᠵᠤ ᠨᠢᠭᠡ᠂ ᠬᠠᠭᠤᠷᠲᠠᠵᠤ ᠨᠢᠭᠡ ᠬᠦᠷᠲᠡᠭᠰᠡᠭᠡᠷ ᠬᠤᠪᠢᠯᠭᠠᠨ ᠪᠠᠭᠰᠢ ᠳᠤ ᠪᠠᠨ ᠵᠠᠩᠨᠠᠭᠤᠯᠪᠠ᠂ ᠪᠢ ᠡᠨᠡ ᠨᠠᠰᠤᠨ ᠤ ᠳᠠᠷᠠᠰᠤ ᠨᠢ ᠪᠣᠯ ᠡᠷᠯᠢᠭ ᠦᠨ ᠡᠵᠡᠨ ᠦ ᠰᠢᠳᠬᠡᠯ ᠶᠤᠮ ᠡᠷᠬᠡᠯᠡᠵᠦ ᠨᠢᠭᠡ᠂ ᠡᠷᠡᠯᠬᠡᠵᠦ ᠨᠢᠭᠡ ᠬᠦᠷᠲᠡᠭᠰᠡᠭᠡᠷ ᠡᠷᠭᠢᠬᠦ ᠴᠠᠭ ᠢ ᠡᠯᠡᠭᠡᠪᠡ ᠡ᠂ ᠪᠢ ᠪᠣᠯᠣᠷ ᠵᠦᠩᠵᠡ ᠳᠠᠷᠠᠰᠤ ᠨᠢ ᠪᠣᠯ᠂ ᠪᠣᠯᠵᠣᠮᠣᠷ ᠰᠢᠪᠠᠭᠤᠨ ᠤ ᠨᠢᠯᠪᠤᠰᠤ ᠶᠤᠮ ᠪᠣᠰᠴᠤ ᠨᠢᠭᠡ᠂ ᠰᠠᠭᠤᠵᠤ ᠨᠢᠭᠡ ᠬᠦᠷᠲᠡᠭᠰᠡᠭᠡᠷ ᠪᠣᠯᠵᠣᠭᠠᠲᠤ ᠠᠮᠠᠷᠠᠭ ᠢᠶᠠᠨ ᠮᠠᠷᠲᠠᠪᠠ ᠪᠢ ᠡᠷᠢᠶᠡᠨ ᠵᠦᠩᠵᠡ ᠲᠡᠢ ᠳᠠᠷᠠᠰᠤ ᠨᠢ ᠪᠣᠯ ᠡᠯᠢᠶ᠎ᠡ ᠰᠢᠪᠠᠭᠤᠨ ᠤ ᠨᠢᠯᠪᠤᠰᠤ ᠶᠤᠮ ᠡᠨᠳᠡᠵᠦ ᠨᠢᠭᠡ᠂ ᠭᠡᠨᠡᠳᠡᠵᠦ ᠨᠢᠭᠡ ᠶᠠᠪᠤᠭᠰᠠᠭᠠᠷ ᠢᠵᠢᠢ᠂ ᠠᠪᠤ ᠪᠠᠨ ᠠᠯᠳᠠᠪᠠ ᠪᠢ ᠬᠡᠷᠡᠭ ᠲᠦ ᠳᠤᠷᠠᠲᠠᠢ ᠠᠪᠤᠭᠠᠢ ᠨᠠᠷ ᠬᠡᠯᠡᠵᠦ ᠨᠢᠭᠡ᠂ ᠬᠣᠷᠢᠵᠤ ᠨᠢᠭᠡ ᠱᠤᠤᠭᠢᠭᠰᠠᠨ ᠶᠤᠮ ᠡᠷᠡᠰᠭᠦ ᠰᠠᠭᠤᠭᠰᠠᠨ ᠨᠥᠬᠥᠷ ᠦᠳ ᠨᠢ ᠪᠣᠯ᠂ ᠬᠡᠷᠡᠭᠦᠯ ᠡᠳᠦᠬᠦ ᠡᠴᠡ ᠠᠶᠤᠭᠰᠠᠨ ᠶᠤᠮ ᠶᠠᠮᠪᠠᠨ ᠳᠤ ᠳᠤᠷᠠᠲᠠᠢ ᠡᠵᠡᠭᠲᠡᠢ ᠨᠠᠷ ᠨᠢ ᠶᠠᠷᠢᠵᠤ ᠨᠢᠭᠡ᠂ ᠢᠳᠬᠠᠵᠤ ᠨᠢᠭᠡ ᠦᠵᠡᠭᠰᠡᠨ ᠶᠤᠮ ᠢᠷᠭᠠᠢ ᠵᠠᠩ ᠲᠠᠢ ᠨᠥᠬᠥᠷ ᠦᠳ ᠨᠢ ᠪᠣᠯ᠂ ᠶᠠᠷᠢᠶ᠎ᠠ ᠬᠡᠯᠡᠨ ᠡᠴᠡ ᠠᠶᠤᠭᠰᠠᠨ ᠶᠤᠮ ᠨᠣᠮᠢᠨ ᠵᠦᠩᠵᠡ ᠳᠠᠷᠠᠰᠤ ᠨᠢ ᠪᠣᠯ ᠨᠢᠳᠤᠨᠤᠨ ᠵᠢᠯ ᠦᠨ ᠰᠢᠭᠦᠳᠡᠷᠢ ᠶᠤᠮ ᠨᠣᠮᠣᠬᠠᠷᠠᠵᠤ ᠨᠢᠭᠡ᠂ ᠠᠭᠰᠤᠷᠴᠣ ᠨᠢᠭᠡ ᠬᠦᠷᠲᠡᠭᠰᠡᠭᠡᠷ ᠨᠣᠴᠣᠭᠰᠠᠨ ᠭᠠᠯ ᠰᠢᠭ ᠪᠣᠯᠪᠠ ᠠ᠋ ᠪᠢ ᠲᠠᠨᠠᠨ ᠵᠦᠩᠵᠡ ᠳᠠᠷᠠᠰᠤ ᠨᠢ ᠪᠣᠯ᠂ ᠲᠠᠯ᠎ᠠ ᠶᠢᠨ ᠴᠡᠴᠡᠭ ᠦᠨ ᠰᠢᠭᠦᠳᠡᠷᠢ ᠶᠤᠮ ᠲᠠᠭᠠᠷᠠᠭᠤᠯᠵᠤ ᠨᠢᠭᠡ᠂ ᠲᠠᠯᠪᠢᠵᠤ ᠨᠢᠭᠡ ᠬᠦᠷᠲᠡᠭᠰᠡᠭᠡᠷ ᠲᠠᠪᠤᠨ ᠵᠢᠯ ᠢ ᠦᠳᠡᠪᠡ ᠪᠢ ᠬᠠᠰ ᠤᠨ ᠵᠦᠩᠵᠡ ᠲᠡᠢ ᠳᠠᠷᠠᠰᠤ ᠨᠢ ᠪᠣᠯ ᠬᠠᠷᠠᠬᠠᠨ ᠨᠢᠳᠦᠨ ᠦ ᠨᠢᠯᠪᠤᠰᠤ ᠶᠤᠮ ᠬᠠᠶᠢᠷᠠᠯᠠᠵᠤ ᠨᠢᠭᠡ᠂ ᠬᠠᠷᠠᠮᠯᠠᠵᠤ ᠨᠢᠭᠡ ᠬᠦᠷᠲᠡᠭᠰᠡᠭᠡᠷ ᠬᠠᠲᠠᠨ ᠵᠢᠷᠦᠬᠡ ᠪᠡᠨ ᠡᠮᠲᠡᠯᠡᠪᠡ ᠪᠢ ᠬᠤᠪᠠᠨ ᠵᠦᠩᠵᠡ ᠲᠡᠢ ᠳᠠᠷᠠᠰᠤ ᠨᠢ ᠪᠣᠯ᠂ ᠬᠤᠨ ᠰᠢᠪᠠᠭᠤᠨ ᠤ ᠨᠢᠯᠪᠤᠰᠤ ᠶᠤᠮ ᠬᠤᠳᠠᠯ ᠨᠢᠭᠡ᠂ ᠦᠨᠡᠨ ᠨᠢᠭᠡ ᠬᠦᠷᠲᠡᠭᠰᠡᠭᠡᠷ ᠬᠠᠭᠤᠴᠢᠨ ᠶᠠᠲᠤᠭ᠎ᠠ ᠶᠢ ᠤᠬᠢᠯᠠᠭᠤᠯᠪᠠ ᠪᠢ ᠨᠣᠭᠣᠯᠢᠨ ᠵᠦᠩᠵᠡ ᠲᠡᠢ ᠳᠠᠷᠠᠰᠤ ᠨᠢ ᠪᠣᠯ ᠨᠣᠭᠲᠣᠷᠣ ᠰᠢᠪᠠᠭᠤᠨ ᠤ ᠨᠢᠯᠪᠤᠰᠤ ᠶᠤᠮ ᠨᠣᠶᠢᠷᠰᠤᠵᠤ ᠨᠢᠭᠡ᠂ ᠰᠡᠷᠡᠵᠦ ᠨᠢᠭᠡ ᠬᠦᠷᠲᠡᠭᠰᠡᠭᠡᠷ ᠬᠡᠳᠦᠨ ᠵᠢᠯ ᠢ ᠦᠳᠡᠪᠡ ᠪᠢ ᠬᠡᠭᠡᠯᠡᠭᠰᠡᠨ ᠵᠦᠩᠵᠡ ᠲᠡᠢ ᠳᠠᠷᠠᠰᠤ ᠨᠢ ᠪᠣᠯ᠂ ᠬᠡᠷᠢᠶ᠎ᠡ ᠰᠢᠪᠠᠭᠤᠨ ᠤ ᠨᠢᠯᠪᠤᠰᠤ ᠶᠤᠮ ᠬᠡᠪᠲᠡᠵᠦ ᠨᠢᠭᠡ᠂ ᠬᠡᠪᠲᠦᠭᠦᠯᠵᠦ ᠨᠢᠭᠡ ᠬᠦᠷᠲᠡᠭᠰᠡᠭᠡᠷ ᠬᠡᠳᠦᠨ ᠵᠢᠯ ᠢ ᠦᠳᠡᠪᠡ ᠪᠢ ᠭᠠᠩᠭᠠᠨ ᠵᠦᠩᠵᠡ ᠲᠡᠢ ᠳᠠᠷᠠᠰᠤ ᠨᠢ ᠪᠣᠯ ᠭᠠᠷᠤᠳᠢ ᠰᠢᠪᠠᠭᠤᠨ ᠤ ᠨᠢᠯᠪᠤᠰᠤ ᠶᠤᠮ ᠭᠠᠩᠰᠠᠷᠠᠵᠤ ᠨᠢᠭᠡ᠂ ᠭᠠᠨᠢᠬᠠᠷᠴᠣ ᠨᠢᠭᠡ ᠬᠦᠷᠲᠡᠭᠰᠡᠭᠡᠷ ᠭᠠᠯᠪᠠ ᠶᠢᠨ ᠵᠣᠪᠠᠯᠠᠩ ᠢ ᠮᠠᠷᠲᠠᠪᠠ ᠪᠢ ᠠᠷᠢᠭᠤᠨ ᠵᠦᠩᠵᠡ ᠲᠡᠢ ᠳᠠᠷᠠᠰᠤ ᠨᠢ ᠪᠣᠯ ᠠᠷᠰᠯᠠᠨ ᠵᠠᠭᠠᠨ ᠤ ᠨᠢᠯᠪᠤᠰᠤ ᠶᠤᠮ ᠠᠴᠢᠷᠠᠵᠤ ᠨᠢᠭᠡ᠂ ᠠᠭᠰᠤᠷᠴᠣ ᠨᠢᠭᠡ ᠬᠦᠷᠲᠡᠭᠰᠡᠭᠡᠷ ᠠᠯᠠᠭ ᠬᠣᠷᠸ᠎ᠠ ᠶᠢ ᠲᠠᠨᠢᠪᠠ ᠪᠢ ᠡᠷᠳᠡᠨᠢ ᠵᠦᠩᠵᠡ ᠲᠡᠢ ᠳᠠᠷᠠᠰᠤ ᠨᠢ ᠪᠣᠯ ᠡᠯᠳᠡᠪ ᠰᠢᠪᠠᠭᠤᠨ ᠤ ᠨᠢᠯᠪᠤᠰᠤ ᠶᠤᠮ ᠡᠮᠵᠡᠭᠯᠡᠵᠦ ᠨᠢᠭᠡ᠂ ᠡᠷᠳᠦᠵᠦ ᠨᠢᠭᠡ ᠬᠦᠷᠲᠡᠭᠰᠡᠭᠡᠷ ᠡᠨᠡᠬᠡᠨ ᠬᠣᠷᠸ᠎ᠠ ᠶᠢ ᠦᠵᠡᠪᠡ ᠡ ᠪᠢ ᠠᠨᠠᠷ ᠵᠦᠩᠵᠡ ᠲᠡᠢ ᠳᠠᠷᠠᠰᠤ ᠨᠢ ᠪᠣᠯ᠂ ᠠᠷᠢᠶᠠᠲᠠᠨ ᠤ ᠬᠠᠭᠠᠨ ᠤ ᠨᠢᠯᠪᠤᠰᠤ ᠶᠤᠮ ᠠᠯᠳᠠᠵᠤ ᠨᠢᠭᠡ᠂ ᠣᠨᠣᠵᠤ ᠨᠢᠭᠡ ᠶᠠᠪᠤᠭᠰᠠᠭᠠᠷ ᠠᠯᠲᠠᠨ ᠳᠡᠯᠡᠬᠡᠢ ᠶᠢ ᠲᠤᠭᠤᠯᠪᠠ ᠪᠢ