ᠵᠥᠷᠢᠴᠡᠯᠲᠦ ᠬᠣᠷᠸᠠ
ᠸᠴᠢᠷᠪᠠᠲᠤ ᠶᠢᠨ ᠳᠠᠰᠢᠪᠠᠯᠪᠠᠷ ᠤᠨ ᠰᠢᠯᠦᠭ
3463
2018-09-28 13:48
发表于:内蒙古
ᠣ᠊ ∙ ᠳᠠᠰᠢᠪᠠᠯᠪᠠᠷ᠄ ᠵᠥᠷᠢᠴᠡᠯᠲᠦ ᠬᠣᠷᠸᠠ
ᠦᠢ ᠲᠦᠮᠡᠨ ᠬᠦᠮᠦᠨ ᠢ ᠪᠢ ᠬᠠᠭᠤᠷᠤᠨ ᠮᠡᠬᠡᠯᠡᠵᠦ ᠶᠠᠪᠤᠨᠠ ᠃
ᠦᠢ ᠲᠦᠮᠡᠨ ᠬᠦᠮᠦᠨ ᠨᠠᠮᠠ ᠶᠢ ᠬᠠᠭᠤᠷᠤᠨ ᠮᠡᠬᠡᠯᠡᠵᠦ ᠶᠠᠪᠤᠨᠠ ᠃
ᠦᠢ ᠲᠦᠮᠡᠨ ᠬᠥᠮᠦᠨ ᠳ᠋ᠦ ᠪᠢ ᠬᠤᠳᠠᠯ ᠬᠡᠯᠡᠵᠦ ᠶᠠᠪᠤᠨᠠ ᠃
ᠦᠢ ᠲᠦᠮᠡᠨ ᠬᠥᠮᠦᠨ ᠳ᠋ᠤ ᠪᠢ ᠦᠨᠡᠨ ᠢ ᠬᠡᠯᠡᠵᠦ ᠶᠠᠪᠤᠨᠠ ᠃
ᠬᠣᠷᠸᠠ ᠳᠡᠭᠡᠷᠡ ᠪᠢ ᠬᠠᠮᠤᠭ ᠤᠨ ᠰᠡᠴᠡᠨ ᠬᠦᠮᠦᠨ
ᠬᠣᠷᠸᠠ ᠳᠡᠭᠡᠷᠡ ᠪᠢ ᠬᠠᠮᠤᠭ ᠤᠨ ᠲᠡᠨᠡᠭ ᠬᠦᠮᠦᠨ
ᠬᠣᠷᠸᠠ ᠳᠡᠭᠡᠷᠡ ᠪᠢ ᠬᠠᠮᠤᠭ ᠤᠨ ᠦᠨᠡᠨᠴᠢ ᠬᠦᠮᠦᠨ
ᠬᠣᠷᠸᠠ ᠳᠡᠭᠡᠷᠡ ᠪᠢ ᠬᠠᠮᠤᠭ ᠤᠨ ᠬᠤᠳᠠᠯᠴᠢ ᠬᠦᠮᠦᠨ
ᠦᠨᠡᠨ ᠶᠠᠭᠤᠮᠠ ᠶᠠᠷᠢᠪᠠᠯ ᠦᠨᠡᠮᠰᠢᠳᠡᠭ ᠦᠭᠡᠢ ᠶᠤᠮ ᠂ ᠬᠦᠮᠦᠰ
ᠦᠢᠯᠡ ᠶᠢᠨ ᠦᠷᠡ ᠦᠭᠡᠢ ᠬᠤᠳᠠᠯ ᠬᠡᠯᠡᠪᠡᠯ ᠦᠨᠡᠮᠰᠢᠳᠡᠭ ᠶᠤᠮ ᠂ ᠲᠡᠳᠡ︕
ᠦᠬᠦᠯ ᠢ ᠭᠡᠭᠡᠨ ᠠᠮᠢᠳᠤᠷᠠᠯ ᠭᠡᠵᠦ ᠪᠣᠳᠣᠳᠠᠭ
ᠡᠭᠦᠨ ᠯᠤᠭᠡ ᠠᠮᠢᠳᠤᠷᠠᠯ ᠢ ᠦᠬᠦᠯ ᠭᠡᠵᠦ ᠣᠶᠢᠯᠠᠭᠠᠳᠠᠭ ︕
ᠠᠮᠢᠳᠤ ᠶᠠᠪᠤᠭᠠ ᠮᠠᠨᠢ ᠶᠠᠭᠤᠲᠠᠢ ᠭᠠᠰᠢᠭᠤᠨ ᠂
ᠠᠯᠠᠭᠠ ᠪᠣᠯᠬᠤ ᠮᠢᠨᠢ ᠶᠠᠭᠤᠲᠠᠢ ᠪᠠᠶᠠᠰᠬᠤᠯᠠᠩ ᠂
ᠬᠣᠷᠸᠠ ᠳᠡᠭᠡᠷᠡ ᠪᠢ ᠬᠠᠮᠤᠭ ᠤᠨ ᠠᠶᠤᠮᠠᠬᠠᠢ ᠠᠮᠢᠲᠠᠨ ᠂
ᠬᠣᠲᠠᠯᠠ ᠳᠤᠮᠳᠠ ᠪᠢ ᠬᠠᠮᠤᠭ ᠤᠨ ᠵᠣᠷᠢᠭᠲᠠᠢ ᠨᠠᠶᠢᠷᠠᠭᠴᠢ ︕
ᠶᠢᠷᠲᠢᠨᠴᠦ ᠶᠢᠨ ᠶᠠᠭᠤᠮᠠ ᠪᠦᠬᠦᠨ ᠳᠦ ᠵᠢᠪᠡᠭᠦᠦ ᠮᠢᠨᠢ ᠬᠦᠷᠥᠨᠡ
ᠶᠢᠷᠲᠢᠨᠴᠦ ᠶᠢᠨ ᠶᠠᠭᠤᠮᠠ ᠪᠦᠬᠦᠨ ᠳᠦ ᠬᠠᠶᠢᠷᠠ ᠮᠢᠨᠢ ᠬᠦᠷᠥᠨᠡ ᠃
ᠠᠵᠠ ᠵᠢᠷᠭᠠᠯ ᠢᠶᠠᠨ ᠪᠢ ᠵᠣᠪᠠᠯᠠᠩ ᠪᠣᠯᠭᠠᠵᠤ ᠬᠤᠪᠢᠷᠠᠭᠠᠨᠠ ᠃
ᠠᠶᠤᠯ ᠵᠣᠪᠠᠯᠠᠩ ᠢᠶᠡᠨ ᠪᠢ ᠵᠢᠷᠭᠠᠯ ᠪᠣᠯᠭᠠᠵᠤ ᠴᠢᠳᠠᠨᠠ ᠃
ᠨᠠᠷᠠᠲᠤ ᠳᠤ ᠪᠢ ᠬᠠᠮᠤᠭ ᠤᠨ ᠶᠡᠬᠡ ᠠᠭᠤᠷ ᠬᠢᠯᠢᠩ ᠲᠡᠢ ᠬᠦᠮᠦᠨ
ᠨᠠᠷᠢᠨ ᠶᠠᠷᠢᠪᠠᠯ ᠪᠢ ᠬᠠᠮᠤᠭ ᠤᠨ ᠳᠥᠯᠭᠡᠨ ᠬᠦᠮᠦᠨ ︕
ᠠᠰᠤᠷᠤ ᠶᠡᠬᠡ ᠬᠦᠴᠦ ᠴᠢᠳᠠᠯ ᠨᠠᠳᠠ ᠳᠤ ᠪᠠᠭᠲᠠᠵᠤ ᠶᠠᠳᠠᠨᠠ ᠃
ᠠᠷᠠᠴᠢᠭᠠ ᠦᠭᠡᠢ ᠰᠤᠯᠠ ᠳᠣᠷᠣᠢ ᠨᠠᠮᠠ ᠶᠢ ᠬᠡᠨ ᠮᠡᠳᠡᠨᠡ ︖
ᠦᠢ ᠲᠦᠮᠡᠨ ᠰᠣᠩᠭᠣᠳᠠᠭ ᠰᠢᠯᠦᠭ ᠪᠢᠴᠢᠵᠦ ᠴᠢᠳᠠᠭᠰᠠᠨ ᠴᠤ ᠂
ᠦᠢ ᠲᠦᠮᠡᠨ ᠰᠣᠯᠢᠶᠠᠲᠠᠢ ᠰᠢᠯᠦᠭ ᠪᠢᠴᠢᠵᠦ ᠠᠮᠵᠢᠭᠰᠠᠨ ︕
ᠦᠢ ᠲᠦᠮᠡᠨ ᠵᠠᠮ ᠬᠣᠷᠸᠠ ᠳᠤ ᠪᠤᠢ ᠴᠤ ᠠᠪᠤᠷᠠᠯ ᠦᠨᠡᠨ ᠂
ᠦᠢ ᠲᠦᠮᠡᠨ ᠬᠦᠮᠦᠨ ᠬᠣᠷᠸᠠ ᠳᠤ ᠠᠮᠢᠳᠤᠷᠠᠪᠠᠴᠤ ᠪᠣᠲᠠᠲᠤ ᠦᠨᠡᠨ ︕
ᠦᠨᠡᠨ ᠬᠤᠳᠠᠯ ᠬᠣᠶᠠᠷ ᠤᠨ ᠠᠯᠲᠠᠨ ᠬᠢᠯᠢ ᠶᠢ ᠪᠢ ᠮᠡᠳᠡᠨᠡ
ᠦᠯᠢᠭᠡᠷ ᠠᠮᠢᠳᠤᠷᠠᠯ ᠬᠣᠶᠠᠷ ᠤᠨ ᠲᠣᠷᠭᠠᠨ ᠵᠠᠭᠠᠭ ᠢ ᠪᠢ ᠮᠡᠳᠡᠨᠡ ᠃
ᠬᠣᠭᠣᠯᠠ ᠢᠳᠡᠭᠰᠡᠨ ᠴᠤ ᠪᠢ ᠥᠯᠦᠰᠴᠦ ᠪᠠᠶᠢᠳᠠᠭ ᠂
ᠬᠣᠭᠣᠰᠣᠨ ᠬᠣᠨᠣᠭᠰᠠᠨ ᠴᠤ ᠪᠢ ᠴᠠᠳᠬᠤᠯᠠᠩ ᠶᠠᠪᠤᠳᠠᠭ
ᠬᠠᠮᠤᠭ ᠰᠤᠳᠤᠷ ᠢ ᠴᠡᠭᠡᠵᠢᠯᠡᠪᠡᠴᠦ ᠂ ᠨᠢᠭᠡ ᠴᠤ ᠮᠥᠷ ᠮᠡᠳᠡᠬᠦ ᠦᠭᠡᠢ
ᠬᠠᠮᠤᠭ ᠠᠴᠠ ᠮᠠᠷᠲᠠᠮᠠᠬᠠᠢ ᠭᠡᠪᠡᠴᠦ ᠂ ᠶᠠᠭᠤ ᠶᠢ ᠴᠤ ᠪᠢ ᠮᠠᠷᠲᠠᠬᠤ ᠦᠭᠡᠢ ᠃
ᠬᠠᠩᠭᠠᠯ ᠥᠬᠢᠳ ᠲᠤ ᠳᠤᠷᠠᠯᠠᠪᠠᠴᠤ ᠂ ᠲᠡᠳᠡᠨ ᠢ ᠪᠢ ᠲᠣᠭᠣᠬᠤ ᠦᠭᠡᠢ ᠃
ᠬᠠᠶᠢᠷᠠ ᠶᠢᠨ ᠠᠶᠠᠯᠭᠤ ᠶᠢ ᠮᠡᠳᠡᠪᠡᠴᠦ ᠂ ᠬᠠᠭᠠᠴᠠᠯ ᠤᠨ ᠤᠶᠢᠳᠬᠠᠷ ᠳᠣᠲᠣᠨᠣ ᠃
ᠬᠠᠪᠤᠷ ᠤᠨ ᠴᠡᠴᠡᠭ ᠦᠨᠦᠷᠯᠡᠪᠡᠴᠦ ᠂ ᠨᠠᠮᠤᠷ ᠤᠨ ᠴᠡᠴᠡᠭ ᠢᠯᠡᠭᠦᠦ
ᠬᠠᠯᠠᠭᠤᠨ ᠵᠤᠨ ᠢᠶᠠᠷ ᠴᠡᠩᠭᠡᠪᠡᠴᠦ ᠂ ᠡᠪᠦᠯ ᠤᠨ ᠬᠦᠢᠲᠡᠨ ᠲᠠᠭᠠᠲᠠᠢ ᠃
ᠬᠠᠭᠤᠴᠢᠨ ᠬᠦᠮᠦᠨ ᠵᠣᠪᠠᠯᠠᠩ ᠠᠴᠠ ᠪᠠᠨ ᠰᠠᠯᠵᠤ ᠦᠬᠦᠬᠦ ᠨᠢ ᠲᠠᠭᠠᠲᠠᠢ᠃
ᠬᠠᠭᠤᠷᠮᠠᠴᠢ ᠬᠣᠷᠸᠠ ᠳᠤ ᠰᠢᠨᠡ ᠬᠦᠮᠦᠨ ᠲᠥᠷᠥᠬᠦ ᠨᠢ ᠤᠶᠢᠲᠠᠢ᠃
ᠨᠠᠷᠠᠨ ᠤ ᠬᠠᠯᠠᠭᠤᠨ ᠡᠳᠦᠷ ᠨᠢ ᠡᠪᠦᠯ ᠡᠴᠡ ᠬᠦᠢᠲᠡᠨ ᠳ᠋ᠤ ᠢᠲᠡᠭᠡᠨᠡ ᠃
ᠨᠠᠮᠤᠷ ᠤᠨ ᠰᠡᠷᠢᠭᠦᠨ ᠰᠥᠨᠢ ᠵᠤᠨ ᠠᠴᠠ ᠬᠠᠯᠠᠭᠤᠨ ᠳᠤ ᠦᠨᠡᠮᠰᠢᠨᠡ ᠃
ᠠᠶᠠ ᠭᠠᠰᠢᠭᠤᠨ ᠴᠢᠨᠵᠦᠦ ᠠᠮᠲᠠᠲᠠᠢ ᠪᠣᠯᠤᠭᠠᠳ ᠠᠶᠠᠲᠠᠶᠢᠬᠠᠨ ᠂
ᠠᠮᠠᠷᠠᠭ ᠬᠡᠦᠬᠡᠨ ᠦ ᠤᠷᠤᠭᠤᠯ ᠬᠦᠢᠲᠡᠨ ᠪᠣᠯᠤᠭᠠᠳ ᠵᠢᠪᠡᠭᠦᠬᠡᠨ
ᠵᠡᠭᠦᠨ ᠲᠡᠰᠢ ᠪᠡᠨ ᠶᠠᠪᠤ ᠭᠡᠪᠡᠯ ᠪᠠᠷᠠᠭᠤᠨ ᠵᠦᠭ ᠲᠦ ᠭᠡᠯᠳᠥᠷᠢᠨᠡ ᠃
ᠵᠦᠭᠡᠯ ᠬᠠᠷᠢᠶᠠᠯ ᠰᠣᠨᠣᠰᠪᠠᠯ ᠢᠷᠦᠭᠡᠯ ᠬᠡᠯᠡᠮᠡᠷ ᠠᠶᠠᠳᠠᠨᠠ ᠃
ᠬᠣᠷᠸᠠ ᠳᠡᠭᠡᠷᠡ ᠵᠢᠷᠭᠠᠯ ᠪᠤᠶᠢ ᠳ᠋ᠤ ᠦᠨᠡᠮᠰᠢᠭᠰᠡᠨ ᠳᠦ ᠣᠷᠣᠪᠠᠯ
ᠬᠣᠶᠢᠨᠠ ᠠᠴᠠ ᠪᠠᠨ ᠨᠠᠷᠠ ᠮᠠᠨᠳᠤᠭᠰᠠᠨ ᠳᠤ ᠢᠲᠡᠭᠡᠨᠡ ᠪᠢ ᠁
ᠨᠠᠷᠠᠲᠤ ᠳᠤ ᠫᠤᠱᠺᠢᠨ ᠦᠬᠦᠭᠰᠡᠨ ᠭᠡᠪᠡᠯ ᠡᠷᠡᠭᠡᠯᠵᠡᠨᠡ ᠪᠢ
ᠨᠠᠳᠠ ᠲᠠᠢ ᠴᠤᠭ ᠷᠠᠪᠵᠠ ᠠᠷᠢᠬᠢᠳᠠᠭᠰᠠᠨ ᠭᠡᠪᠡᠯ ᠦᠨᠡᠮᠰᠢᠨᠡ ᠃
ᠳᠤᠰᠤᠯ ᠨᠢᠯᠪᠤᠰᠣᠨ ᠳᠤ ᠮᠢᠨᠢ ᠭᠡᠷᠡᠯᠲᠦ ᠢᠨᠢᠶᠡᠳᠦ ᠲᠣᠳᠣᠷᠠᠨᠠ ᠃
ᠳᠠᠭᠤᠨ ᠤ ᠮᠢᠨᠢ ᠠᠶᠠᠯᠭᠤᠨ ᠳᠤ ᠭᠡᠭᠡᠨ ᠭᠤᠨᠢᠭ ᠨᠢᠭᠤᠭᠳᠠᠨᠠ ᠃
ᠬᠥᠷ ᠴᠠᠰᠤᠨ ᠳᠤᠮᠳᠠ ᠤᠷᠭᠤᠭᠰᠠᠨ ᠴᠡᠴᠡᠭ ᠢ ᠪᠢ ᠬᠠᠶᠢᠷᠠᠯᠠᠵᠤ ᠂
ᠬᠥᠬᠦᠭᠡ ᠡᠪᠦᠯ ᠵᠢᠷᠭᠢᠭᠰᠡᠨ ᠪᠣᠯᠵᠣᠮᠣᠷ ᠢ ᠪᠢ ᠥᠷᠦᠪᠳᠦᠨᠡ ᠃
ᠶᠡᠬᠡ ᠵᠠᠮ ᠤᠨ ᠳᠡᠭᠡᠷᠡᠮᠴᠢᠨ ᠢ ᠦᠨᠡᠨ ᠭᠣᠣᠯ ᠠᠴᠠ ᠪᠠᠨ ᠬᠠᠶᠢᠷᠠᠯᠠᠵᠤ ᠂
ᠢᠳᠡᠬᠦ ᠶᠠᠭᠤᠮᠠ ᠭᠤᠶᠤᠭᠰᠠᠨ ᠰᠢᠪᠠᠷᠠᠢ ᠶᠢ ᠦᠵᠡᠨ ᠶᠠᠳᠠᠵᠤ ᠳᠤᠷᠠᠭᠦᠶᠢᠴᠡᠨᠡ ᠃
ᠲᠩᠷᠢ ᠮᠢᠨᠢ ᠬᠥᠯ ᠤᠨ ᠳᠤᠮᠳᠠ ᠴᠡᠯᠡᠶᠢᠵᠦ ᠪᠤᠶᠢ ᠳ᠋ᠤ ᠢᠲᠡᠭᠡᠨᠡ ᠃
ᠲᠡᠷᠲᠡᠭᠡ ᠳᠡᠭᠡᠷᠡ ᠮᠢᠨᠢ ᠭᠠᠵᠠᠷ ᠬᠥᠬᠡᠷᠡᠵᠦ ᠪᠤᠶᠢ ᠳ᠋ᠤ ᠦᠨᠡᠮᠰᠢᠨᠡ
ᠰᠠᠷᠢᠳᠠᠭ ᠠᠭᠤᠯᠠᠰ ᠢ ᠪᠢ ᠥᠴᠥᠬᠡᠨ ᠲᠣᠯᠣᠭᠠᠳ ᠬᠡᠮᠡᠨᠡ᠃
ᠰᠠᠷᠠᠭᠤᠯ ᠲᠠᠯᠠ ᠶᠢᠨ ᠲᠣᠯᠣᠭᠠᠳ ᠢ ᠬᠠᠯᠢᠯ ᠥᠨᠳᠦᠷ ᠭᠡᠨᠡ ᠃
ᠵᠥᠷᠢᠵᠦ ᠶᠠᠷᠢᠪᠠᠯ ᠰᠡᠳᠬᠢᠯ ᠠᠮᠠᠷᠠᠵᠤ ᠂ ᠰᠥᠷᠴᠤ ᠮᠠᠷᠭᠤᠪᠠᠯ ᠲᠠᠶᠢᠪᠤᠰᠢᠷᠠᠨᠠ ᠃
ᠵᠥᠭᠡᠯᠡᠨ ᠶᠠᠭᠤᠮᠠ ᠶᠢ ᠬᠠᠲᠠᠭᠤ ᠭᠡᠪᠡᠯ ᠲᠡᠷᠡ ᠬᠦᠮᠦᠨ ᠠᠨᠳᠠ ᠮᠢᠨᠢ ᠪᠣᠯᠤᠨᠠ ᠃
ᠬᠡᠷᠢᠶᠡ ᠶᠢ ᠬᠠᠮᠤᠭ ᠤᠨ ᠰᠠᠶᠢᠬᠠᠨ ᠳᠠᠭᠤᠴᠢᠨ ᠰᠢᠪᠠᠭᠤ ᠭᠡᠪᠡᠯ ᠪᠠᠶᠠᠷᠯᠠᠨᠠ ᠃
ᠬᠡᠭᠡᠷᠡ ᠶᠢᠨ ᠪᠣᠣᠬᠠᠢ ᠶᠢ ᠬᠠᠮᠤᠭ ᠤᠨ ᠳᠣᠲᠣᠨᠣ ᠨᠥᠬᠦᠷ ᠭᠡᠪᠡᠯ ᠦᠨᠡᠮᠰᠢᠨᠡ ᠃
ᠦᠬᠦᠯ ᠳᠦ ᠪᠢ ᠢᠲᠡᠭᠡᠨᠡ ᠂ ᠠᠮᠢᠳᠤᠷᠠᠯ ᠳᠤ ᠪᠢ ᠳᠤᠷᠠᠭᠦᠶᠢᠴᠡᠨᠡ ᠃
ᠦᠷ ᠴᠠᠶᠢᠬᠤ ᠳᠤ ᠠᠭᠤᠷᠯᠠᠨᠠ ᠂ ᠰᠥᠨᠢ ᠪᠣᠯᠬᠤ ᠳᠤ ᠪᠠᠶᠠᠷᠯᠠᠨᠠ ᠃
ᠲᠦᠷᠦᠭᠦᠯᠡᠭᠰᠡᠨ ᠮᠣᠷᠢᠨ ᠳᠤ ᠪᠢᠰᠢ ᠂ ᠬᠣᠴᠣᠷᠤᠭᠰᠠᠨ ᠳᠤ ᠨᠢ ᠬᠠᠶᠢᠷᠠᠲᠠᠢ ᠃
ᠲᠦᠮᠡᠨ ᠬᠦᠮᠦᠨ ᠦ ᠳᠤᠮᠳᠠ ᠠᠴᠠ ᠬᠠᠮᠤᠭ ᠤᠨ ᠮᠠᠭᠤ ᠳᠤ ᠨᠢ ᠳᠤᠷᠠᠲᠠᠢ ᠃
ᠠᠯᠲᠠᠨ ᠰᠢᠮᠠᠭᠤᠯ ᠵᠦᠩᠭᠢᠨᠡᠬᠦ ᠨᠢ ᠠᠷᠰᠯᠠᠨ ᠬᠦᠷᠬᠢᠷᠡᠬᠦ ᠡᠴᠡ ᠠᠶᠤᠮᠰᠢᠭ ᠂
ᠠᠶᠠᠯᠭᠤᠳᠤ ᠬᠢᠭᠢᠯᠢ ᠤᠶᠠᠩᠭᠠᠯᠠᠬᠤ ᠨᠢ ᠬᠠᠭᠠᠯᠭᠠ ᠬᠢᠬᠤᠲᠤᠨᠠᠬᠤ ᠠᠴᠠ ᠮᠠᠭᠤᠬᠠᠢ ︕
ᠤᠯᠠᠭᠠᠨ ᠰᠠᠬᠢᠭᠤᠰᠤᠨ ᠤ ᠳᠠᠰᠢᠪᠠᠯᠪᠠᠷ ᠤᠨ ᠤᠴᠢᠷ ᠢ ᠤᠯᠬᠤ ᠬᠡᠴᠡᠭᠦᠦ ᠂
ᠤᠶᠢᠳᠬᠠᠷᠲᠤ ᠬᠣᠷᠸᠠ ᠶᠢᠨ ᠨᠠᠶᠢᠷ ᠳᠡᠭᠡᠷᠡ ᠤᠳᠠᠲᠠᠯᠠ ᠰᠤᠭᠳᠤᠭᠤᠨᠠᠬᠤ ᠶᠠᠩᠵᠤ ᠲᠠᠢ ︕
1997-03-08
3 0