ᠴᠠᠭ ᠴᠠᠭ ᠤᠨ ᠴᠠᠭᠠᠨ ᠰᠠᠷᠠ
ᠰᠢᠨᠡ ᠴᠠᠭ ᠦᠶᠡ ᠶᠢᠨ ᠴᠠᠭᠠᠨ ᠰᠠᠷᠠ ᠶᠢᠨ ᠤᠶᠠᠩᠭᠠ ᠶᠣᠮᠳᠠᠭ᠃
1030
2022-02-02 22:09
发表于:内蒙古
ᠴᠠᠭ ᠴᠠᠭ ᠤᠨ ᠴᠠᠭᠠᠨ ᠰᠠᠷᠠ
︱ ᠪ᠂ ᠷᠢᠨᠴᠢᠨ
ᠣᠳᠣ ᠴᠠᠭ ᠤᠨ
ᠴᠠᠭᠠᠨ ᠰᠠᠷᠠ
ᠤᠳᠤᠮ ᠤᠭ ᠲᠠᠢ
ᠤᠵᠠᠭᠤᠷ ᠰᠣᠶᠣᠯ ᠲᠠᠢ᠂
ᠪᠦᠷᠭᠡ ᠠᠰᠠᠷ ᠲᠠᠢ
ᠴᠠᠬᠢᠯᠭᠠᠨ ᠲᠣᠨᠣᠭ ᠲᠠᠢ
ᠪᠦᠲᠦᠨ ᠰᠢᠭᠦᠰᠦ ᠲᠠᠢ
ᠴᠡᠭᠡ ᠠᠢᠷᠠᠭ ᠲᠠᠢ᠂
ᠬᠤᠷᠤᠳ ᠤᠨ ᠲᠠᠪᠠᠭ ᠲᠠᠢ
ᠬᠤᠨᠳᠠᠭᠠ ᠬᠡᠮ ᠲᠠᠢ
ᠨᠣᠴᠣᠨ ᠳᠡᠯᠪᠡᠷᠡᠬᠦ
ᠫᠣᠤᠵᠢᠩ ᠤᠨ ᠲᠠᠭᠤ ᠦᠭᠡᠢ ᠂
ᠨᠠᠮ ᠵᠢᠮᠬᠡᠨ
ᠨᠠᠷᠬᠢᠶᠠᠨ ᠲᠠᠢ
ᠨᠠᠭᠠᠳᠤᠮ ᠬᠥᠭᠵᠢᠮ ᠤᠨ
ᠴᠣᠭᠯᠠᠭᠠᠨ ᠲᠠᠢ᠂
ᠦᠷᠡ ᠠᠴᠢᠨᠠᠷ ᠤᠨ
ᠢᠨᠢᠶᠡᠳᠦᠮ ᠲᠠᠢ
ᠡᠪᠦᠭᠡ ᠳᠡᠭᠡᠳᠦᠰ ᠤᠨ
ᠥᠭᠭᠢᠶᠡᠮᠦᠷ ᠲᠠᠢ
ᠥᠯᠵᠡᠢ ᠬᠤᠲᠤᠭ ᠲᠠᠢ
ᠴᠠᠭᠠᠨ ᠰᠠᠷᠠ︕
ᠰᠢᠨᠡ ᠴᠠᠭ ᠤᠨ
ᠴᠠᠭᠠᠨ ᠰᠠᠷᠠ
ᠰᠢᠨᠡ ᠥᠩᠭᠡ ᠲᠠᠢ
ᠰᠡᠪᠡᠭᠦᠨ ᠠᠮᠢᠰᠬᠤᠯ ᠲᠠᠢ᠂
ᠬᠣᠲᠠ ᠬᠥᠳᠡᠭᠡ ᠶᠢᠨ
ᠬᠤᠷᠳᠤᠴᠠ ᠵᠡᠮ ᠲᠠᠢ
ᠬᠣᠯᠠ ᠣᠢᠷᠠ ᠶᠢᠨ
ᠬᠤᠪᠢᠷᠠᠯ ᠬᠥᠭᠵᠢᠯ ᠲᠠᠢ᠂
ᠡᠪᠦᠷ ᠤᠲᠠᠰᠤ ᠶᠢᠨ
ᠥᠭᠡᠳᠡ ᠮᠡᠨᠳᠦ ᠲᠠᠢ
ᠡᠭᠦᠯᠡ ᠶᠢᠨ ᠴᠠᠭᠠᠨᠠ
ᠬᠣᠯᠪᠣᠭᠠ ᠰᠦᠯᠵᠢᠶᠡ ᠲᠠᠢ᠂
ᠳᠡᠷᠢ ᠣᠳᠣᠭᠠ ᠶᠢᠨ
ᠮᠠᠨᠠᠨ ᠦᠭᠡᠢ
ᠲᠠᠷᠬᠠᠨ ᠪᠠᠢᠭᠠᠯᠢ
ᠪᠣᠬᠢᠷᠲᠤᠯ ᠦᠭᠡᠢ᠂
ᠰᠠᠶᠠ ᠲᠣᠭᠠᠯᠠᠮᠠᠷ
ᠰᠦᠷᠦᠭ ᠲᠠᠢ
ᠰᠠᠭᠤᠯᠠᠭᠠ ᠪᠢᠯᠬᠠᠮᠠ
ᠰᠠᠭᠠᠯᠢ ᠲᠠᠢ
ᠰᠠᠷᠠ ᠰᠢᠨᠡ ᠶᠢᠨ
ᠴᠠᠭᠠᠨ ᠰᠠᠷᠠ︕
ᠡᠷᠢᠨ ᠴᠠᠭ ᠤᠨ
ᠴᠠᠭᠠᠨ ᠰᠠᠷᠠ
ᠭᠠᠯ ᠳᠠᠬᠢᠬᠤ
ᠳᠠᠳᠬᠠᠯ ᠲᠠᠢ
ᠭᠠᠯ ᠰᠡᠷᠬᠡᠢᠢᠯᠡᠬᠦ
ᠵᠠᠷᠯᠢᠭ ᠲᠠᠢ᠂
ᠠᠬᠠᠮᠠᠳ ᠢᠶᠡᠨ ᠬᠦᠨᠳᠦᠯᠡᠬᠦ
ᠰᠤᠷᠭᠠᠯ ᠲᠠᠢ
ᠠᠩᠬᠠ ᠨᠢᠯᠬᠠ ᠶᠢ ᠬᠠᠢᠷᠠᠯᠠᠬᠤ
ᠬᠦᠮᠦᠵᠢᠯ ᠲᠠᠢ᠂
ᠡᠷᠳᠡᠮ ᠨᠣᠮ ᠳ᠋ᠦ ᠰᠢᠮᠳᠠᠬᠤ
ᠵᠣᠷᠢᠭ ᠲᠠᠢ
ᠡᠷᠢᠯ ᠭᠠᠢᠬᠠᠮᠰᠢᠭ ᠢ ᠡᠷᠬᠢᠮᠨᠡᠬᠦ
ᠬᠦᠰᠡᠯᠡᠩ ᠲᠠᠢ᠂
ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠳ᠋ᠦ ᠰᠢᠭᠳᠡᠷᠡᠬᠦ
ᠰᠥᠰᠥ ᠲᠠᠢ
ᠰᠢᠯᠢᠳᠡᠭ ᠰᠢᠨᠡ ᠶᠢ ᠪᠦᠲᠦᠭᠡᠬᠦ
ᠰᠢᠨᠳᠠᠰᠤ ᠲᠠᠢ᠂
ᠲᠦᠮᠠᠨ ᠤᠯᠠᠨ ᠮᠡᠨᠳᠦᠯᠴᠡᠬᠦ
ᠵᠣᠯᠭᠠᠯᠳᠠ ᠲᠠᠢ
ᠲᠥᠷᠥᠯ ᠰᠠᠳᠤᠨ ᠤᠴᠠᠷᠠᠬᠤ
ᠠᠭᠤᠯᠵᠠᠯᠲᠠ ᠲᠠᠢ᠂
ᠳᠠᠯᠠᠢ ᠦᠨᠳᠦᠰᠦᠲᠡᠨ
ᠪᠦᠯᠬᠦᠮᠳᠡᠯ ᠲᠠᠢ
ᠲᠠᠶᠠᠩ ᠲᠠᠶᠠᠭᠠᠷ
ᠵᠢᠷᠭᠠᠯ ᠲᠠᠢ
ᠰᠢᠨᠡ ᠦᠶᠡ ᠶᠢᠨ
ᠴᠠᠭᠠᠨ ᠰᠠᠷᠠ︕
ᠬᠠᠷᠠ ᠪᠠᠷᠰ ᠵᠢᠯ ᠤᠨ ᠰᠢᠨᠡ ᠶᠢᠨ ᠬᠣᠶᠠᠷ
2022᠂2·2
35 0