ᠲᠤᠭᠤᠵᠢ
ᠭᠦᠬᠡ ᠴᠠᠢ ᠲᠠᠢ ᠢᠳᠡᠬᠡᠰᠢᠭᠰᠡᠨ ᠲᠦᠷᠪᠡᠨ ᠦᠶᠡ
ᠬᠠᠷᠠᠬᠠᠨ ᠪᠠᠭᠠ ᠠᠴᠠ ᠪᠠᠨ ︵ ᠴᠣᠸᠠᠨ ᠲᠡᠮᠳᠡᠭᠳ᠋ᠦ ︶ ᠬᠡᠪ ᠦᠨ ᠴᠠᠢ ᠲᠠᠢ ᠬᠣᠪᠢ ᠲᠠᠪᠢᠯᠠᠩ ᠲᠠᠶ ᠪᠣᠯᠵᠡᠢ ᠃ ᠡᠨᠡᠭᠦ ᠬᠣᠪᠢ ᠵᠠᠶᠠᠭᠠ ᠶᠢ ᠮᠢᠨᠤ ᠡᠮᠡᠬᠡ ᠡᠵᠢ ᠂ ᠮᠢᠨᠤ ᠮᠦᠮᠣ ᠂ ᠮᠢᠨᠤ ᠬᠡᠷᠬᠡᠢ ᠂ ᠮᠢᠨᠤ ᠬᠡᠦᠬᠡᠨ ᠲᠦᠷᠪᠡᠨ ᠦᠶᠡ ᠭᠦᠮᠤᠨ ᠠᠴᠠ ᠡᠭᠦᠰᠬᠡᠨ ᠶᠠᠷᠢᠬᠣ ᠪᠣᠯᠣᠨᠠ ᠃
1168
2022-01-12 14:27
发表于:内蒙古
︱ ᠯᠢ ᠴᠸᠨ
ᠪ ᠂ ᠷᠢᠨᠴᠢᠨ ᠮᠣᠩᠭᠣᠯᠴᠢᠯᠠᠪᠠ
ᠪᠢ ᠡᠨᠡ ᠵᠢᠯ ᠁ ᠨᠠᠰᠣᠳᠠᠢ ᠂ ᠲᠡᠣᠯᠠᠢ ᠲᠠᠢ ᠃ ᠦᠪᠦᠷ ᠮᠣᠨᠭᠭᠣᠯ ᠤᠨ ᠦᠪᠡᠷᠳᠡᠬᠡᠨ ᠵᠠᠰᠠᠬᠣ ᠣᠷᠣᠨ ᠤ ᠬᠡᠰᠢᠭᠳᠡᠨ ᠬᠤᠰᠢᠭᠤᠨ ᠤ ᠨᠣᠮᠢᠨ ᠨᠤᠭᠤᠭᠠᠨ ᠲᠠᠯᠠ ᠨᠣᠳᠣᠭ ᠲᠤ ᠣᠰᠤ ᠠᠮᠰᠠᠨ ᠵᠣᠯᠠᠢ ᠰᠢᠷᠣᠢᠳᠠᠵᠤ ᠂ ᠬᠠᠷᠠᠬᠠᠨ ᠪᠠᠭᠠ ᠠᠴᠠ ᠪᠠᠨ ︵ ᠴᠣᠸᠠᠨ ᠲᠡᠮᠳᠡᠭᠳ᠋ᠦ ︶ ᠬᠡᠪ ᠦᠨ ᠴᠠᠢ ᠲᠠᠢ ᠬᠣᠪᠢ ᠲᠠᠪᠢᠯᠠᠩ ᠲᠠᠶ ᠪᠣᠯᠵᠡᠢ ᠃ ᠡᠨᠡᠭᠦ ᠬᠣᠪᠢ ᠵᠠᠶᠠᠭᠠ ᠶᠢ ᠮᠢᠨᠤ ᠡᠮᠡᠬᠡ ᠡᠵᠢ ᠂ ᠮᠢᠨᠤ ᠮᠦᠮᠣ ᠂ ᠮᠢᠨᠤ ᠬᠡᠷᠬᠡᠢ ᠂ ᠮᠢᠨᠤ ᠬᠡᠦᠬᠡᠨ ᠲᠦᠷᠪᠡᠨ ᠦᠶᠡ ᠭᠦᠮᠤᠨ ᠠᠴᠠ ᠡᠭᠦᠰᠬᠡᠨ ᠶᠠᠷᠢᠬᠣ ᠪᠣᠯᠣᠨᠠ ᠃
ᠪᠢ ᠮᠡᠳᠡᠬᠡ ᠣᠷᠤᠬᠤ ᠦᠶᠡ ᠡᠴᠡ ᠪᠡᠨ ᠡᠮᠡᠬᠡ ᠡᠵᠢ ᠶᠢᠨ ᠢᠶᠡᠨ ᠴᠢᠨᠠᠭᠰᠠᠨ ᠡᠬᠡᠭᠦᠨ ᠴᠠᠢ ᠶᠢ ᠣᠤᠭᠤᠳᠠᠭ ᠪᠠᠢᠭᠰᠠᠨ ᠃ ᠮᠢᠨᠤ ᠬᠡᠷ ᠲᠠᠷᠢᠶᠠᠴᠢᠨ ᠲᠣᠰᠬᠤᠨ ᠳᠤ ᠪᠠᠢᠵᠤ ᠠᠮᠢᠳᠣᠷᠠᠯ ᠲᠡᠢᠮᠦ ᠴᠢᠨᠡᠬᠡᠯᠢᠭ ᠦᠬᠡᠢ ᠂ ᠣᠯᠠᠨ ᠵᠡᠷᠬᠡᠯᠡᠳᠡᠬᠡ ᠠᠢᠯ ᠰᠠᠬᠠᠭᠠᠯᠳᠠ ᠶᠢᠨ ᠬᠢᠨ ᠲᠠᠢ ᠪᠠᠨ ᠠᠳᠠᠯᠢᠬᠠᠨ ᠃ ᠨᠠᠪᠴᠢᠨ ᠴᠠᠢ ᠶᠢᠨ ᠢᠮᠡᠦᠷᠳᠡᠭ ᠢ ᠨᠢ ᠲᠡᠢᠯᠭᠦ ᠦᠬᠡᠢ ᠪᠣᠯᠬᠣ ᠪᠠᠷ ᠶᠡᠷᠣ ᠠᠴᠠ ᠪᠠᠨ ᠣᠤᠭᠤᠳᠠᠭ ᠦᠬᠡᠢ ᠂ ᠬᠡᠪ ᠦᠨ ᠴᠠᠢ ᠪᠠᠨ ᠣᠤᠭᠤᠳᠠᠭ ᠶᠤᠮ ᠃ ᠲᠡᠷᠡ ᠦᠶᠡ ᠶᠢᠨ ᠬᠦᠮᠦᠰ ᠬᠡᠪ ᠦᠨ ᠴᠠᠢ ᠠᠴᠠ ᠪᠣᠰᠣᠳ ᠴᠠᠢ ᠶᠢ ᠪᠦᠷ ᠯᠠ ᠣᠯᠠᠮᠵᠢᠯᠠᠯᠳᠣ ᠵᠠᠩᠰᠢᠯ ᠢᠶᠠᠷ ᠢᠶᠠᠨ ︽ ᠨᠠᠪᠴᠢᠨ ᠴᠠᠢ ︾ ᠬᠡᠳᠡᠭ᠌ ᠃ ᠡᠮᠡᠬᠡ ᠡᠵᠢ ᠬᠡᠷ ᠲᠡᠭᠡᠨ ᠴᠠᠢ ᠴᠢᠨᠠᠬᠣ ᠳᠤ ᠪᠠᠨ ᠪᠡᠰᠡᠷᠡᠩᠬᠡᠨ ᠴᠠᠭᠠᠨ ᠱᠠᠭᠠᠵᠢᠩ ᠲᠡᠪᠦᠷᠡ ᠬᠡᠷᠡᠭᠯᠡᠳᠡᠭ ᠂ᠮᠠᠨᠣᠰ ᠡᠭᠦᠨ ᠢ ︽ ᠴᠠᠢ ᠴᠢᠨᠠᠬᠣ ᠲᠣᠩᠬᠤ ︾ ᠬᠡᠵᠡᠬᠡᠳᠡᠭ ᠃ ᠡᠮᠡᠬᠡ ᠡᠵᠢ ᠴᠠᠭᠠᠨ ᠱᠠᠭᠠᠵᠢᠩ ᠲᠡᠪᠦᠷᠡ ᠳᠦ ᠬᠡᠳᠦᠨ ᠴᠣᠮᠤ ᠪᠣᠴᠠᠯᠤᠭᠰᠠᠨ ᠣᠰᠤ ᠂ ᠬᠣᠶᠠᠷ ᠭᠣᠷᠪᠠᠨ ᠴᠢᠮᠬᠢ ᠨᠦᠳᠦᠭᠰᠡᠨ ᠴᠠᠢ ᠪᠠᠨ ᠬᠢᠵᠣ ᠂ ᠤᠯᠠᠯᠵᠠᠭᠰᠠᠨ ᠭᠠᠯ ᠤᠨ ᠴᠣᠭ ᠲᠤ ᠢᠳᠡᠬᠡᠰᠢᠭᠦᠯᠦᠨ ᠲᠠᠷᠬᠢᠭᠤᠯᠣᠭᠠᠳ ᠣᠤᠭᠤᠳᠠᠭ ᠮᠢᠨᠢ ᠨᠢᠬᠡ ᠬᠡᠷ ᠦᠨ ᠭᠦᠮᠦᠰ ᠦᠨ ᠬᠠᠮᠣᠭ ᠤᠨ ᠶᠡᠬᠡ᠋ ᠵᠣᠷᠢᠭ᠋ ᠰᠠᠨᠠᠭᠠ ᠶᠢᠨ ᠭᠦᠷᠳᠡᠬᠡᠯ ᠮᠦᠨ ᠃ ᠮᠢᠨᠤ ᠮᠡᠳᠡᠭᠥ ᠪᠡᠷ ᠂ ᠡᠪᠦᠬᠡ ᠠᠪᠤ ᠡᠪᠦᠯ ᠳᠡᠭᠡᠨ ᠠᠭᠣᠯᠠᠨ ᠳᠤ ᠭᠠᠷᠴᠣ ᠲᠦᠯᠡᠬᠡ ᠴᠠᠪᠴᠢᠵᠣ ᠠᠷᠭᠠᠯ ᠲᠡᠭᠦᠬᠡᠳ ᠬᠡᠷ ᠲᠡᠭᠡᠨ ᠬᠠᠷᠢᠵᠣ ᠢᠷᠡᠬᠦ ᠪᠣᠯᠭᠠᠨ ᠳᠤ ᠲᠠᠭᠦᠨ ᠦ ᠨᠣᠬᠠᠢ ᠶᠢᠨ ᠠᠷᠠᠰᠣᠨ ᠮᠠᠯᠠᠭᠠᠢ ᠂ ᠣᠷᠳᠤ ᠰᠠᠬᠠᠯ ᠨᠢ ᠴᠠᠩᠳᠣᠭᠠᠳ ᠂ ᠴᠠᠭᠠᠨ ᠬᠢᠷᠠᠭᠣ ᠮᠦᠰᠦᠨ ᠴᠦᠪᠦᠷᠦᠭᠦᠰᠦ ᠰᠠᠭᠣᠴᠢᠬᠠᠭᠰᠠᠨ ᠪᠠᠢᠳᠠᠭ ᠃ ᠡᠪᠦᠬᠡ ᠠᠪᠤ ᠶᠢ ᠬᠡᠷ ᠲᠡᠭᠡᠨ ᠬᠠᠷᠢᠵᠣ ᠢᠷᠡᠮᠡᠭᠴᠡ ᠡᠮᠡᠬᠡ ᠡᠵᠢ ᠣᠳᠠᠭᠠ ᠪᠣᠯᠭᠠᠨ ᠪᠦᠳᠦᠬᠦᠨ ︽ ᠨᠣᠭᠣᠭᠠᠨ ᠪᠣᠷᠴᠠᠭ ᠤᠨ ᠦᠩᠬᠡᠳᠤ ᠠᠶᠠᠭᠠ ︾ ᠳᠦ ᠠᠶᠠᠭᠠᠯᠠᠳᠠᠭ ᠪᠠᠢᠭᠰᠠᠨ ᠃ ᠡᠪᠦᠬᠡ ᠮᠢᠨᠢ ᠠᠭᠣᠷ ᠰᠠᠪᠰᠠᠭᠰᠠᠨ ᠡᠬᠡᠭᠦᠨ ᠴᠠᠢ ᠪᠠᠨ ᠣᠤᠭᠣᠵᠤ ᠂ ᠴᠣᠭ ᠣᠴᠢᠯᠠᠭᠰᠠᠨ ᠰᠢᠷᠦᠮᠡᠨ ᠵᠣᠤᠬᠠᠨ ᠳᠤ ᠪᠠᠨ ᠭᠠᠷ ᠢᠶᠠᠨ ᠡᠬᠡᠬᠡᠨ ᠢᠯᠴᠢ ᠶᠢᠨ ᠲᠦᠯᠦ ᠪᠡᠷ ᠦᠪᠴᠢ ᠪᠡᠶᠡ ᠪᠡᠨ ᠲᠣᠯᠠᠭᠠᠴᠠᠭᠣᠯᠳᠠᠭ ᠪᠢᠯᠡ ᠃ ᠲᠡᠭᠦᠨ ᠡᠴᠡ ᠰᠡᠳᠦᠭᠳᠡᠵᠦ ᠪᠢ ᠂ ᠬᠡᠪ ᠦᠨ ᠴᠠᠢ ᠶᠢ ᠬᠡᠭᠦᠳᠡᠭ ᠴᠡᠬᠡᠵᠢᠨ ᠳᠦ ᠪᠡᠨ ᠬᠠᠳᠠᠭᠠᠯᠠᠨ ᠡᠵᠢ ᠶᠢᠨ ᠰᠥ᠋ ᠰᠢᠭ ᠡᠷᠬᠢᠮᠨᠡᠨ ᠨᠠᠨᠳᠢᠩᠨᠠᠳᠠᠭ ᠶᠤᠮ ᠃ ᠲᠣᠰᠬᠤᠨ ᠤ ᠵᠠᠬᠠ ᠵᠡᠷᠬᠡᠯᠡᠳᠡᠬᠡ ᠠᠢᠯ ᠤᠨ ᠬᠢᠨ ᠦ ᠣᠯᠠᠩᠬᠢ ᠨᠢ ᠬᠡᠪ ᠦᠨ ᠴᠠᠢ ᠶᠢ ᠬᠣᠳᠠᠯᠳᠣᠨ ᠠᠪᠬᠤ ᠲᠠᠷ ᠦᠬᠡᠢ ᠪᠣᠴᠠᠯᠤᠭᠰᠠᠨ ᠣᠰᠤ ᠪᠠᠨ ᠯᠠ ᠣᠤᠭᠣᠵᠠᠭᠠᠳᠠᠭ ᠃ ᠮᠠᠨ ᠤ ᠬᠡᠷ ᠦᠨ ᠠᠮᠢᠳᠣᠷᠠᠯ ᠤᠪᠤᠭᠠ ᠲᠣᠷᠢᠭᠣᠨ ᠳᠠᠭᠠᠨ ᠣᠷᠤᠨᠠ ᠃ ᠲᠡᠬᠡᠭᠦᠯᠡᠷ ᠢᠶᠡᠨ ᠪᠢ ᠵᠣᠵᠠᠭᠠᠯᠢᠭ ᠬᠡᠰᠡᠨ ᠪᠢᠴᠢᠬᠠᠨ ᠨᠠᠢᠵᠢ ᠪᠠᠨ ᠬᠡᠷ ᠲᠡᠭᠡᠨ ᠲᠠᠭᠠᠭᠣᠯᠵᠤ ᠢᠷᠡᠬᠡᠳ ᠡᠮᠡᠬᠡ ᠡᠵᠢ ᠶᠢᠨ ᠴᠢᠨᠠᠭᠰᠠᠨ ᠴᠠᠢ ᠶᠢ ᠣᠤᠭᠣᠵᠠᠭᠠᠭᠠᠳ ᠄ ︽ ᠲᠡᠳᠡᠨᠦᠰ ᠬᠠᠮᠣᠭ ᠤᠨ ᠠᠩᠬᠠ ᠣᠳᠠᠭᠠ ᠡᠢᠮᠣ ᠰᠢᠮᠡᠯᠢᠭ ᠣᠰᠤ ᠴᠠᠢ ᠣᠤᠭᠣᠵᠤ ᠪᠠᠢᠨᠠ ᠂ ᠦᠨᠡᠬᠡᠷ ᠣᠤᠭᠤᠬᠣ ᠳᠤ ᠠᠮᠳᠠᠳᠠᠢ ︕ ︾ ᠬᠡᠵᠤ ᠭᠠᠢᠬᠠᠰᠬᠢᠨ ᠭᠦᠦᠷᠨᠢᠯᠳᠦᠵᠤ ᠠᠨᠳᠠ ᠨᠠᠷ ᠶᠠᠭ ᠯᠠ ︽ ᠠᠮᠳᠠᠰᠢᠭᠰᠠᠨ ᠮᠣᠤᠷ ︾ ᠰᠢᠭ᠋ ᠱᠠᠩᠳᠠᠭᠣᠷᠠᠭᠠᠳ ᠨᠢ ᠮᠢᠨᠤ ᠰᠡᠳᠭᠢᠯ ᠳᠦ ᠬᠡᠳᠦᠢ ᠲᠠᠭᠠᠳᠠᠢ ᠪᠠᠢᠳᠠᠭ ᠢ ᠶᠠᠭᠣ ᠪᠢᠯᠡ ᠃
ᠰᠡᠭᠦᠯᠡᠷ ᠮᠢᠨᠤ ᠬᠡᠷ ᠰᠢᠶᠡᠨ ᠦ ᠵᠡᠬᠡᠯᠢ ᠳᠦ ᠨᠡᠭᠦᠨ ᠰᠠᠭᠣᠷᠢᠰᠢᠵᠣ ᠂ ᠣᠳᠠᠭᠰᠠᠨ ᠴᠣ ᠦᠬᠡᠢ ᠡᠪᠦᠬᠡ ᠠᠪᠤ ᠂ ᠡᠮᠡᠬᠡ ᠡᠵᠢ ᠣᠢᠷᠠ ᠣᠢᠷᠠᠬᠠᠨ ᠨᠠᠰᠣᠨ ᠲᠠᠭᠠᠯᠠᠯ ᠪᠣᠯᠣᠭᠰᠠᠨ ᠪᠤᠯᠪᠠᠴᠣ ᠮᠦᠨ ᠯᠠ ᠨᠢᠬᠡ ᠬᠡᠷ ᠢᠶᠡᠷ ᠢᠶᠡᠨ ᠮᠦᠮᠣ ᠶᠢᠨ ᠴᠢᠨᠠᠭᠰᠠᠨ ᠰᠦᠨ ᠲᠠᠯᠬᠠ ᠲᠠᠢ ᠴᠠᠢ ᠶᠢ ᠣᠤᠭᠣᠪᠠ ᠃ ᠮᠢᠨᠤ ᠠᠪᠤ ᠶᠢᠨ ᠬᠣᠷᠰᠢᠶᠠᠨ ᠠᠴᠠ ᠠᠪᠴᠢᠷᠠᠭᠰᠠᠨ ᠬᠡᠪ ᠦᠨ ᠴᠠᠢ ᠶᠢ ᠮᠢᠨᠤ ᠮᠦᠮᠣ ᠨᠠᠳᠠᠳᠣ ᠪᠠᠷ ᠨᠦᠳᠦᠭᠦᠯᠳᠡᠭ ᠃ ᠪᠢ ᠂ ᠣᠳᠠᠭᠠ ᠪᠦᠷᠢ ᠴᠠᠢ ᠪᠠᠨ ᠬᠡᠮᠬᠡᠴᠢᠵᠦ ᠨᠦᠳᠦᠭᠦ ᠡᠴᠡ ᠪᠡᠨ ᠡᠮᠦᠨᠠ ᠬᠡᠪ ᠦᠨ ᠴᠠᠢ ᠲᠡᠬᠡᠷᠡᠬᠢ ︵ ᠁ ︱ ᠴᠤᠸᠠᠨ ︶ ᠬᠡᠰᠡᠨ ᠦᠰᠦᠭ ᠦᠨ ᠭᠣᠷᠪᠠᠨ ᠭᠣᠪᠢᠯ ᠢ ᠡᠷᠡᠬᠡᠢ ᠬᠣᠷᠤᠭᠣ ᠂ ᠲᠣᠮᠳᠠ ᠬᠣᠷᠤᠭᠣ ᠂ ᠴᠢᠭᠴᠢ ᠬᠣᠷᠤᠭᠣ ᠪᠠᠷ ᠢᠶᠠᠨ ᠪᠠᠢᠨ ᠲᠠᠬᠢᠨ ᠨᠢᠳᠦᠷᠦᠨ ᠲᠡᠮᠳᠢᠷᠢᠭᠦ ᠳᠦ ᠲᠣᠢᠯ ᠤᠨ ᠬᠦᠯᠥᠬᠡᠷ ᠲᠣᠰᠤᠷᠠᠭᠣᠨ ᠲᠦᠷᠦᠭᠳᠡᠯ ᠦᠭᠴᠦ ᠠᠨᠠᠪᠠᠳ ᠲᠠᠯᠠᠢ ᠠᠴᠠ ᠭᠦᠨ ᠡᠬᠡ ᠶᠢᠨ ᠬᠠᠢᠷᠠ ᠶᠢ ᠰᠠᠨᠠᠭᠳᠠᠭᠣᠯᠳᠠᠭ ᠪᠢᠯᠡ ᠃ ᠶᠡᠷᠦᠳᠡᠬᠡᠨ ᠪᠠᠭᠠ ᠰᠦᠬᠡ ᠂ ᠱᠣᠷᠠᠭ ᠦᠵᠦᠭᠦᠷᠳᠦ ᠬᠢᠳᠣᠭᠠ ᠬᠡᠷᠡᠭᠯᠡᠨ ᠂ ᠬᠡᠪ ᠦᠨ ᠴᠠᠢ ᠪᠠᠨ ᠬᠠᠭᠠᠯᠵᠤ ᠲᠠᠯᠠᠭᠠᠳ ᠯᠣᠩᠬᠤ ᠪᠣᠶᠤ ᠪᠣᠳᠤᠩ ᠳᠤ ᠰᠠᠪᠠᠯᠠᠨ ᠠᠪᠴᠣ ᠴᠠᠢ ᠴᠢᠨᠠᠬᠣ ᠳᠠᠭᠠᠨ ᠪᠡᠯᠡᠨ ᠪᠣᠯᠭᠠᠳᠠᠭ ᠃
ᠮᠢᠨᠤ ᠮᠦᠮᠣ ᠴᠠᠢ ᠴᠢᠨᠠᠬᠣ ᠳᠤ ᠪᠠᠨ ᠦᠷᠭᠦᠢ ᠰᠢᠳᠡᠭᠰᠡᠨ ᠱᠠ ᠪᠦᠰᠡᠳᠦ ᠰᠢᠭᠣᠳᠠᠢ ᠲᠣᠳᠣᠷᠠ ᠪᠠᠨ ᠨᠦᠳᠦᠭᠰᠡᠨ ᠴᠠᠢ ᠪᠠᠨ ᠪᠣᠴᠠᠯᠭᠠᠨ ᠢᠳᠡᠰᠢᠭᠦᠯᠳᠡᠭ ᠃ ᠮᠦᠮᠣ ᠬᠡᠯᠡᠭᠦ ᠪᠡᠷ ᠂ ᠱᠠ ᠪᠦᠰᠡᠳᠦ ᠵᠢᠭᠠᠬᠠᠨ ᠰᠢᠭᠣᠳᠠᠢ ᠳᠤ ᠴᠢᠨᠠᠭᠰᠠᠨ ᠴᠠᠢ ᠪᠣᠯ ᠴᠠᠢ ᠳ᠋ᠣᠨᠢ ᠰᠢᠯᠪᠢ ᠰᠢᠭᠠᠷᠠᠤ ᠣᠷᠤᠳᠠᠭ ᠦᠬᠡᠢ ᠃ ᠪᠠᠰᠠ ᠨᠢᠬᠡ ᠣᠳᠠᠭᠠ ᠴᠢᠨᠠᠵᠤ ᠣᠤᠭᠤᠨᠠ ᠃ ᠬᠠᠷᠢᠨ ᠬᠡᠰᠡᠭ ᠪᠣᠰᠠᠭ ᠬᠡᠯᠳᠡᠷᠬᠡᠢ ᠪᠡᠷ ᠴᠢᠨᠠᠭᠰᠠᠨ ᠴᠠᠢ ᠰᠢᠭ᠋ ᠪᠦᠷᠢᠯᠬᠡᠨ ᠰᠦᠢᠳᠬᠡᠭᠳᠡᠭᠦ ᠦᠬᠡᠢ ᠬᠡᠳᠡᠭ᠌ ᠃
ᠮᠢᠨᠤ ᠮᠦᠮᠣ ᠬᠡᠵᠢᠶᠡᠳᠡ ᠪᠡᠨ ᠨᠠᠳᠠᠳᠣ ᠪᠠᠷ ᠰᠦᠨ ᠲᠠᠯᠬᠠ ᠪᠠᠷ ᠴᠠᠢ ᠰᠦᠯᠡᠭᠦᠯᠳᠡᠭ ᠂ ᠮᠦᠮᠣ ᠶᠢᠨ ᠶᠠᠷᠢᠬᠣ ᠪᠠᠷ ᠂ ᠲᠡᠷᠡ ᠶᠠᠮᠠᠷ ᠠᠵᠢᠯ ᠬᠢᠬᠦ ᠳᠡᠭᠡᠨ ᠴᠣ ᠲᠣᠩ ᠨᠠᠷᠢᠯᠢᠭ ᠂ ᠲᠡᠭᠦᠨ ᠦ ᠰᠦᠯᠡᠭᠰᠡᠨ ᠴᠠᠢ ᠶᠢᠨ ᠰᠦᠨ ᠲᠠᠯᠬᠠ ᠨᠢ ᠬᠦᠷᠳᠡᠯᠠ ᠵᠢᠭᠠᠬᠠᠨ ᠴᠣ ᠪᠣᠷᠵᠢᠩᠰᠡᠨ ᠡᠬᠡᠳᠡᠭᠦ ᠦᠬᠡᠢ ᠰᠢᠣ ᠬᠡᠮᠡᠳᠡᠭ ᠃ ᠨᠡᠬᠡᠷᠡᠨ ᠦᠷᠯᠦᠬᠡ ᠪᠦᠷᠢ ᠶᠢᠨ ᠴᠠᠢᠯᠠᠯᠭᠠ ᠪᠤᠯᠪᠠᠯ ᠨᠢᠬᠡ ᠬᠡᠷ ᠢᠶᠡᠷ ᠢᠶᠡᠨ ᠲᠣᠭᠤᠷᠢᠨ ᠰᠠᠭᠣᠭᠠᠳ ᠮᠦᠮᠣ ᠶᠢᠨ ᠢᠶᠡᠨ ᠴᠢᠨᠠᠭᠰᠠᠨ ᠴᠠᠢ ᠶᠢ ᠣᠤᠭᠤᠵᠠᠭᠠᠵᠤ ︔ ᠲᠡᠭᠦᠨ ᠦ ᠬᠠᠩᠨᠠᠭᠰᠠᠨ ᠪᠣᠤᠪᠤ ᠶᠢ ᠢᠳᠡᠵᠣ ᠂ ᠲᠠᠪᠤᠰᠣᠯᠠᠵᠤ ᠬᠠᠳᠠᠭᠠᠭᠰᠠᠨ ᠬᠠᠭᠣᠷᠠᠢ ᠨᠣᠭᠤᠭᠠ ᠶᠢ ᠵᠣᠭᠤᠭᠯᠠᠬᠤ ᠳᠤ ᠡᠨᠡ ᠲᠡᠯᠡᠬᠡᠢ ᠳᠦ ᠬᠠᠮᠣᠭ ᠤᠨ ᠵᠣᠯ ᠲᠠᠢ ᠭᠦᠮᠤᠨ ᠨᠢ ᠮᠠᠨᠣᠰ ᠬᠡᠮᠡᠷ ᠪᠣᠳᠣᠭᠳᠠᠭᠣᠯᠳᠠᠭ ᠃ ᠮᠦᠮᠣ ᠂ ᠦᠷᠯᠦᠬᠡ ᠶᠢᠨ ᠣᠤᠭᠤᠭᠠᠳ ᠦᠯᠡᠳᠡᠭᠰᠡᠨ ᠰᠥ᠋ ᠲᠠᠢ ᠴᠠᠢ ᠶᠢ ᠲᠠᠪᠤᠷᠠ ᠳᠤ ᠪᠠᠨ ᠬᠡᠵᠢᠶᠡᠳᠡ ᠪᠡᠨ ᠬᠠᠯᠠᠭᠤᠨ ᠪᠠᠢᠯᠭᠠᠳᠠᠭ ᠃ ᠮᠠᠨ ᠤ ᠡᠬᠡᠴᠢ ᠲᠡᠭᠦᠦ ᠬᠡᠳᠦᠭᠦᠯᠡ ᠰᠣᠷᠭᠠᠭᠣᠯᠢ ᠠᠴᠠ ᠪᠠᠨ ᠬᠠᠷᠢᠵᠣ ᠢᠷᠡᠬᠡᠳ ᠂ ᠠᠶᠠᠭᠠ ᠠᠶᠠᠭᠠ ᠪᠠᠷ ᠠᠭᠣᠷ ᠨᠢ ᠰᠠᠪᠰᠠᠭᠰᠠᠨ ᠰᠥ᠋ ᠲᠠᠢ ᠴᠠᠢ ᠪᠠᠨ ᠣᠤᠭᠣᠪᠠᠯ ᠶᠠᠭ ᠯᠠ ᠠᠯᠵᠢᠶᠠᠯ ᠵᠦᠳᠡᠷᠡᠯ ᠣᠢᠳᠬᠠᠷᠠᠯ ᠣᠨᠳᠣᠭᠣᠷᠠᠯ ᠢ ᠲᠠᠢᠯᠠᠬᠤ ᠡᠷᠳᠡᠨᠢ ᠶᠢᠨ ᠡᠮ ᠬᠡᠵᠤ ᠮᠡᠳᠡ ᠃
1979 ᠤᠨ ᠳᠤ ᠪᠢ ᠂ ᠲᠣᠮᠳᠠᠳᠤ ᠰᠣᠷᠭᠠᠭᠣᠯᠢ ᠪᠠᠨ ᠲᠡᠭᠦᠰᠴᠤ ᠲᠣᠰᠬᠠᠢ ᠮᠡᠷᠬᠡᠵᠢᠯ ᠦᠨ ᠰᠣᠷᠭᠠᠭᠣᠯᠢ ᠳᠤ ᠰᠢᠯᠭᠠᠵᠤ ᠣᠷᠤᠭᠠᠳ ᠂ ᠦᠪᠡᠷᠳ ᠲᠦᠷᠦᠭᠰᠡᠨ ᠠᠬᠠ ᠳᠡᠭᠦᠦ ᠦᠬᠡᠷᠡ ᠦᠬᠡᠢ ᠶᠠᠪᠤᠯᠴᠠᠭᠰᠠᠨ ᠭᠣᠷᠪᠠᠨ ᠬᠠᠮᠳᠣ ᠰᠣᠷᠣᠭᠴᠢ ᠪᠠᠷ ᠢᠶᠠᠨ ᠭᠦᠷᠬᠡᠭᠦᠯᠭᠦ ᠪᠡᠷ ᠪᠣᠯᠪᠠ ᠃ ᠲᠡᠷᠡ ᠦᠶᠡ ᠳᠦ ᠂ ᠰᠢᠶᠡᠨ ᠦ ᠵᠡᠬᠡᠯᠢ ᠳᠦ ᠵᠦᠪᠬᠢᠨ ᠣᠯᠤᠰ ᠤᠨ ᠡᠵᠡᠩᠨᠡᠯᠳᠡ ᠶᠢᠨ ᠬᠡᠳᠦᠬᠡᠨ ᠬᠣᠭᠤᠯᠠᠨ ᠬᠡᠷ ᠲᠠᠢ ᠃ ᠲᠡᠭᠦᠨ ᠦ ᠨᠢᠬᠡ ᠨᠢ ︽ ᠦᠨᠳᠦᠰᠦᠳᠡᠨ ᠦ ᠴᠠᠢ ᠶᠢᠨ ᠮᠣᠬᠤᠯᠠᠭ ︾ ᠬᠡᠳᠡᠭ᠌ ᠃ ᠮᠠᠨ ᠤ ᠬᠡᠳᠦᠭᠦᠯᠡ ᠪᠦᠷ ᠯᠠ ︽ ᠶᠠᠳᠠᠭᠤ ᠰᠣᠷᠣᠭᠴᠢ ︾ ᠶᠤᠮ ᠴᠢᠨᠢ ᠳ᠋ᠠ ᠮᠦᠨ ︽ ᠦᠨᠳᠦᠰᠦᠳᠡᠨ ᠦ ᠴᠠᠢ ᠶᠢᠨ ᠮᠣᠬᠤᠯᠠᠭ ︾ ᠲᠡᠭᠡᠨ ᠬᠦᠷᠴᠦ ᠬᠦᠮᠣᠨ ᠪᠦᠷᠢ ᠨᠢᠬᠡ ᠲᠡᠪᠦᠷᠡ ᠴᠠᠢ ᠂ ᠲᠦᠷᠪᠡᠨ ᠬᠠᠩᠨᠠᠭᠰᠠᠨ ᠪᠣᠤᠪᠤ ᠂ ᠵᠢᠭᠠᠬᠠᠨ ᠫᠢᠯᠠ ᠳᠤ ᠲᠠᠪᠣᠰᠣᠯᠠᠭᠰᠠᠨ ᠬᠠᠭᠣᠷᠠᠢ ᠨᠣᠭᠤᠭᠠ ᠠᠪᠤᠯᠠ ᠃
ᠭᠠᠯ ᠤᠨ ᠠᠬᠠ ᠠᠴᠠ ᠠᠷᠢᠬᠢᠨ ᠤ ᠢᠷᠦᠬᠡᠯ ᠦᠨ ᠦᠭᠡ ᠶᠠᠷᠢᠬᠣ ᠳᠤ ᠪᠠᠨ ᠄ ︽ ᠠᠷᠣᠤᠷᠠ ᠴᠠᠢ ᠪᠠᠷ ᠲᠡᠬᠡᠵᠢᠯᠡᠵᠦ ᠂ ᠮᠠᠨ ᠤ ᠰᠠᠢᠨ ᠠᠬᠠ ᠳᠡᠭᠦᠦ ᠨᠠᠷ ᠤᠨ ᠠᠮᠵᠢᠯᠳᠠ ᠦᠨᠳᠦᠷ ᠰᠣᠷᠤᠯᠭᠠ ᠶᠢᠨ ᠬᠢᠷᠢ ᠪᠦᠳᠦᠮᠵᠢ ᠶᠢ ᠬᠠᠮᠳᠣᠪᠠᠷ ᠪᠡᠯᠬᠡᠳᠡᠵᠣ ᠂ ᠠᠯᠣᠰ ᠢᠷᠡᠬᠡᠳᠦᠢ ᠶᠢᠨ ᠢᠷᠠᠭᠤ ᠦᠢᠯᠡᠰ ᠢ ᠵᠦᠩᠨᠡᠨ ᠢᠷᠦᠬᠡᠶᠡ ︕ ︾ ᠬᠡᠳ ᠲᠦᠷᠪᠡᠭᠦᠯᠡ ᠪᠡᠨ ᠠᠩᠬᠢᠭᠤᠯᠤᠨ ᠦᠨᠦᠷᠳᠦ ᠰᠥ᠋ ᠲᠠᠢ ᠴᠠᠢ ᠪᠠᠨ ᠡᠷᠭᠦᠵᠦ ︽ ᠲᠦᠷᠪᠡᠭᠦᠯᠡ ᠪᠡᠨ ᠬᠣᠨᠳᠠᠭᠠ ᠮᠦᠷᠭᠦᠯᠦᠶᠡ ︾ ᠬᠡᠰᠡᠨ ᠨᠢ ᠮᠢᠨᠤ ᠰᠡᠳᠭᠢᠯ ᠦᠨ ᠭᠦᠪᠴᠢ ᠶᠢ ᠴᠢᠪᠬᠠᠳᠠᠨ ᠨᠠᠳᠠᠳᠣ ᠳᠤ ᠬᠡᠴᠢᠨᠡᠨ ᠶᠡᠬᠡ᠋ ᠪᠠᠶᠠᠷ ᠵᠢᠷᠭᠠᠯ ᠤᠯᠭᠣᠭᠰᠠᠨ ᠢ ᠶᠠᠭᠣᠨ ᠬᠡᠯᠡᠭᠦ ᠪᠣᠢ ᠃ ᠪᠢ ᠂ ᠠᠵᠢᠯ ᠳᠤ ᠣᠷᠤᠭᠰᠠᠨ ᠤ ᠲᠠᠷᠠᠭᠠ ᠭᠣᠶᠤ ᠭᠣᠶᠤ ᠠᠰᠠᠷ ᠲᠠᠭᠳᠤ ᠨᠤᠭᠤᠳ ᠤᠨ ᠦᠨᠳᠦᠷ ᠲᠠᠢᠯᠠᠯᠭᠠ ᠂ ᠦᠷᠬᠡᠨ ᠵᠠᠯᠠᠯᠭᠠ ᠳᠤ ᠲᠣᠭᠠ ᠦᠬᠡᠢ ᠣᠯᠠᠨ ᠨᠠᠷᠬᠢᠭᠰᠠᠨ ᠴᠣ ᠲᠡᠷᠡ ᠣᠳᠠᠭᠠ ᠶᠢᠨ ᠮᠠᠨ ᠤ ᠲᠦᠷᠪᠡᠨ ᠬᠠᠮᠳᠤ ᠰᠤᠷᠤᠭᠴᠢ ᠶᠢᠨ ᠬᠠᠢᠷᠠ ᠰᠡᠳᠬᠢᠯᠭᠡ ᠪᠢᠯᠬᠠᠭᠰᠠᠨ ᠴᠠᠢ ᠪᠠᠷ ᠠᠷᠢᠬᠢ ᠶᠢ ᠣᠷᠣᠯᠠᠭᠣᠯᠣᠭᠰᠠᠨ ᠬᠤᠪᠢᠳᠤ ᠦᠳᠡᠯᠳᠡ ᠶᠢᠨ ︽ ᠬᠤᠨᠳᠠᠭᠠ ᠡᠷᠭᠦᠯᠳᠡ ︾ ᠮᠢᠨᠤ ᠨᠠᠰᠣᠨ ᠲᠣᠷᠰᠢᠳᠠ ᠮᠠᠷᠳᠠᠭᠳᠠᠰᠢ ᠦᠬᠡᠢ ᠶᠣᠮᠰᠠᠨ ᠃
ᠪᠢ ᠂ ᠲᠣᠰᠬᠠᠢ ᠮᠡᠷᠬᠡᠵᠢᠯ ᠦᠨ ᠰᠣᠷᠭᠠᠭᠣᠯᠢ ᠪᠠᠨ ᠲᠡᠭᠦᠰᠦᠬᠡᠳ ᠰᠢᠶᠡᠨ ᠳᠦ ᠠᠵᠢᠯᠯᠠᠵᠠᠢ ᠃ ᠡᠨᠡ ᠰᠢᠶᠡᠨ ᠪᠤᠯ ᠬᠢᠳᠡᠳ ᠮᠣᠨᠭᠭᠣᠯ ᠦᠨᠳᠦᠰᠦᠳᠡᠨ ᠬᠠᠮᠳᠣᠷᠠᠨ ᠰᠠᠭᠣᠷᠢᠰᠢᠭᠰᠠᠨ ᠵᠠᠳᠠᠭᠠᠢᠯᠢᠭ ᠪᠠᠭᠠ ᠵᠡᠬᠡᠯᠢ ᠪᠠᠯᠭᠠᠰᠣ ᠪᠤᠯᠣᠨᠠ ᠃ ᠪᠢ ᠪᠣᠯ ᠬᠢᠳᠡᠳ ᠦᠨᠳᠦᠰᠦᠳᠡᠨ ᠂ ᠮᠣᠨᠭᠭᠣᠯ ᠬᠡᠷᠬᠡᠢ ᠪᠠᠭᠤᠯᠭᠠᠭᠰᠠᠨ ᠭᠦᠮᠤᠨ ᠪᠣᠯᠬᠣ ᠪᠠᠷ ᠢᠶᠠᠨ ᠠᠶᠠᠨᠳᠠᠭᠠᠨ ᠰᠥ᠋ ᠲᠠᠢ ᠴᠠᠢ ᠮᠢᠨᠤ ᠮᠦᠩᠬᠡ ᠶᠢᠨ ᠲᠡᠪᠢᠯᠠᠩ ᠪᠣᠯᠪᠠ ᠃ ᠲᠡᠷᠡ ᠵᠢᠯ ᠨᠢ ᠮᠢᠨᠤ ᠬᠡᠷᠬᠡᠢ ᠶᠢᠨ ᠬᠣᠶᠠᠳᠣᠭᠠᠷ ᠡᠬᠡᠴᠢ ᠰᠡᠬᠡᠬᠡᠳᠡᠨ ᠵᠠᠯᠠᠭᠣᠴᠣᠳ ᠤᠨ ᠭᠦᠳᠡᠬᠡ ᠪᠠᠭᠣᠬᠤ ᠳᠤ ᠣᠷᠣᠯᠴᠠᠵᠤ ᠂ ᠴᠣᠯᠤ ᠮᠠᠯᠵᠢᠬᠤ ᠣᠷᠤᠨ ᠤ ᠲᠠᠯᠠᠢᠨᠠᠭᠣᠷ ᠭᠦᠩᠰᠸ ᠳᠦ ᠰᠡᠬᠡᠬᠡᠳᠡᠨ ᠢᠶᠡᠷ ᠣᠴᠢᠭᠠᠳ ᠂ ᠮᠠᠯᠴᠢᠳ ᠠᠴᠠ ᠴᠠᠢ ᠴᠢᠨᠠᠬᠣ ᠪᠠᠠ ᠰᠠᠭᠠᠭᠰᠠᠨ ᠰᠥ᠋ ᠪᠡᠷ ᠰᠦᠯᠡᠬᠦ ᠮᠣᠨᠭᠭᠣᠯ ᠵᠣᠷ ᠰᠣᠷᠴᠤ ᠂ ᠬᠦᠳᠡᠭᠡ ᠶᠢᠨ ᠮᠠᠯᠴᠢᠳ ᠡᠷᠳᠡ ᠲᠡᠬᠡᠳᠦ ᠡᠴᠡ ᠪᠡᠨ ᠬᠦᠬᠡ ᠴᠠᠢ ᠣᠤᠭᠣᠬᠤ ᠲᠠᠳᠬᠠᠯ ᠢᠶᠠᠨ ᠲᠠᠬᠢᠨ ᠣᠯᠠᠮᠵᠢᠯᠠᠪᠠ ᠃ ᠬᠣᠶᠠᠳᠣᠭᠠᠷ ᠡᠬᠡᠴᠢ ᠬᠡᠪ ᠦᠨ ᠴᠠᠢ ᠪᠠᠨ ᠨᠦᠳᠦᠵᠦ ᠰᠠᠪᠠᠯᠠᠭᠠᠳ ᠤᠳᠠᠭᠠ ᠪᠣᠯᠭᠠᠨ ᠪᠦᠳᠦᠬᠦᠨ ᠰᠢᠷᠡᠮᠤᠨ ᠲᠣᠭᠤᠭᠠᠨ ᠳᠤ ᠣᠭᠤᠳᠠ ᠲᠠᠶ ᠨᠢ ᠣᠳᠠᠭᠠᠨ ᠰᠢᠭ᠋ ᠴᠢᠨᠠᠵᠤ ᠂ ᠡᠷᠬᠢᠬᠡᠳ ᠴᠠᠢ ᠪᠠᠨ ᠪᠣᠳᠤᠩ ᠳᠤ ᠣᠳᠤᠯᠠᠭᠠᠳ ᠰᠢᠭᠠᠷᠠᠤ ᠶᠢ ᠨᠢ ᠲᠣᠩᠭᠠᠭᠠᠨ ᠂ ᠲᠡᠪᠦᠷᠡ ᠳᠦ ᠪᠡᠨ ᠣᠭᠤᠳᠠ ᠲᠠᠶ ᠦᠨᠢᠶᠡ ᠰᠥ᠋ ᠪᠡᠨ ᠬᠢᠬᠡᠳ ᠲᠣᠩᠭᠠᠭᠠᠭᠰᠠᠨ ᠴᠠᠢ ᠲᠠᠢ ᠪᠠᠨ ᠣᠰᠤ ᠪᠠᠨ ᠨᠡᠷᠡᠵᠦ ᠂ ᠬᠡᠳᠦᠨᠳᠡ ᠰᠠᠮᠣᠷᠤᠨ ᠰᠦᠯᠡᠳᠡᠭ ᠃ ᠠᠷᠭᠠᠯ ᠤᠨ ᠵᠦᠬᠡᠯᠡᠨ ᠭᠠᠯ ᠢᠶᠠᠷ ᠴᠢᠨᠠᠨ ᠢᠳᠡᠬᠡᠰᠢᠭᠦᠯᠦᠭᠰᠡᠨ ᠡᠢᠮᠣ ᠰᠥ᠋ ᠲᠠᠢ ᠴᠠᠢ ᠶᠢᠨ ᠦᠨᠦᠷ ᠂ ᠲᠠᠯᠠ ᠨᠣᠳᠣᠭ ᠲᠤ ᠰᠠᠯᠬᠢᠨ ᠤ ᠠᠶᠠ ᠪᠠᠷ ᠰᠡᠩᠬᠢᠨᠡ ᠃ ᠰᠦᠨ ᠲᠠᠯᠠᠢ ᠮᠡᠳᠣ ᠰᠥ᠋ ᠲᠠᠢ ᠴᠠᠢ ᠶᠢᠨ ᠰᠢᠮᠡ ᠲᠡᠵᠢᠬᠡᠯ ᠣᠤᠭᠤᠬᠤ ᠲᠣᠰᠤᠮ ᠰᠦᠯᠢᠭ ᠠᠮᠳᠠᠭᠳᠠᠵᠣ ᠪᠠᠢᠳᠠᠭ ᠄ ᠭᠦᠶ᠋ᠢ ︕ ᠬᠣᠭᠤᠷᠳᠠᠬᠣ ᠨᠢ ᠮᠤᠷᠢᠨ ᠬᠣᠭᠤᠷ ᠂ ᠲᠠᠭᠣᠯᠠᠬᠤ ᠨᠢ ᠣᠷᠳᠤ ᠶᠢᠨ ᠲᠠᠭᠣᠤ ᠂ ᠰᠠᠷᠬᠣᠳᠬᠤ ᠨᠢ ᠰᠠᠭᠠᠯᠢ ᠶᠢᠨ ᠠᠷᠢᠬᠢ ᠂ ᠣᠤᠭᠤᠬᠣ ᠨᠢ ᠰᠥ᠋ ᠲᠠᠢ ᠴᠠᠢ ᠰᠢᠳᠡ ᠁ ᠡᠬᠡᠭᠦᠯᠦᠨ ᠪᠤᠳᠣᠪᠠᠯ ᠂ ᠪᠣᠭᠳᠠ ᠴᠢᠩᠬᠢᠰ ᠦᠨ ᠲᠠᠩᠰᠣᠭ ᠮᠣᠨᠭᠭᠣᠯ ᠢᠳᠡᠬᠡᠨ ᠂ ᠪᠣᠰᠣᠳ ᠦᠨᠳᠦᠰᠦᠳᠡᠨ ᠶᠠᠰᠣᠳᠠᠨ ᠠᠴᠠ ᠤᠨᠴᠠᠯᠢᠭᠳᠠᠭᠰᠠᠨ ᠲᠠᠶᠠᠭᠠᠷ ᠮᠣᠩᠭᠣᠯᠴᠣᠳ ᠤᠨ ᠡᠷᠬᠢᠮ ᠪᠠᠶᠠᠨ ᠠᠮᠢᠳᠣᠷᠠᠯ ᠬᠡᠯᠳᠠᠢ ᠃
ᠮᠠᠨ ᠤ ᠬᠡᠷᠬᠡᠢ ᠡᠬᠡᠴᠢ ᠲᠡᠭᠦᠦ ᠬᠡᠳᠦᠭᠦᠯᠡ ᠶᠢᠨ ᠢᠶᠡᠨ ᠭᠣᠷᠪᠠᠳᠣᠭᠠᠷ ᠨᠢ ᠃ ᠬᠣᠶᠠᠳᠣᠭᠠᠷ ᠡᠬᠡᠴᠢ ᠶᠦᠭᠡᠨ ᠰᠥ᠋ ᠲᠠᠢ ᠴᠠᠢ ᠴᠢᠨᠠᠬᠣ ᠣᠷᠠ ᠲᠡᠮ ᠢ ᠠᠪᠴᠣ ᠂ ᠬᠣᠷᠢᠮᠯᠠᠭᠰᠠᠨ ᠶᠤᠭᠠᠨ ᠲᠠᠷᠠᠭᠠ ᠦᠷᠯᠦᠬᠡ ᠡᠷᠳᠡᠬᠡᠨ ᠪᠣᠰᠣᠮᠠᠭᠴᠠ ᠪᠠᠨ ᠴᠠᠢ ᠴᠢᠨᠠᠵᠤ ᠪᠣᠳᠠᠭᠠ ᠣᠷᠬᠢᠭᠰᠠᠨ ᠰᠥ᠋ ᠲᠠᠢ ᠴᠠᠢ ᠣᠤᠭᠣᠬᠰᠠᠨ ᠶᠤᠮᠳᠠᠭ ᠃ ᠬᠡᠷ ᠦᠨ ᠴᠢᠮᠡᠭ ᠬᠡᠷᠬᠡᠢ ᠶᠢᠨ ᠮᠢᠨᠢ ᠬᠠᠭᠣᠷᠠᠢ ᠪᠣᠳᠠᠭᠠ ᠪᠢᠰᠢ ᠪᠤᠯ ᠲᠦᠭᠦᠬᠡᠢ ᠪᠣᠳᠠᠭᠠ ᠶᠢ ᠰᠢᠷᠠ ᠲᠣᠰᠤ ᠲᠠᠶ ᠬᠠᠭᠣᠷᠣᠨ ᠴᠡᠴᠡᠭᠯᠡᠭᠦᠯᠦᠭᠰᠡᠨ ᠲᠡᠷᠡ ᠭᠦ ᠪᠣᠳᠠᠭᠠ ᠣᠷᠬᠢᠭᠰᠠᠨ ᠴᠠᠢ ᠶᠢᠨ ᠦᠨᠦᠷ ᠠᠭᠣᠷ ᠨᠢ ᠦᠷᠦᠬᠡ ᠲᠦᠭᠦᠷᠠᠩ ᠰᠠᠪᠰᠠᠯᠠᠳᠠᠭ ᠰᠠᠨ ᠃ ᠣᠴᠢᠷᠯᠠᠬᠤᠶᠠ ᠂ ᠶᠡᠬᠡ᠋ ᠪᠠᠭᠠ ᠭᠦᠮᠤᠨ ᠳᠤ ᠠᠶᠠᠭᠠᠯᠠᠭᠰᠠᠨ ᠪᠣᠳᠠᠭᠠ ᠣᠷᠬᠢᠭᠰᠠᠨ ᠴᠠᠢ ᠶᠤᠭᠠᠨ ᠬᠣᠳᠠᠯᠳᠣᠭᠠ ᠶᠢᠨ ᠬᠠᠪᠳᠠᠭᠠ ᠲᠠᠶ ᠦᠨᠢᠶᠡᠨ ᠰᠥ᠋ ᠨᠠᠢᠷᠠᠨ ᠂ ᠰᠢᠷᠠ ᠲᠣᠰᠤ ᠂ ᠬᠣᠷᠣᠳ ᠠᠠᠭᠠᠷᠣᠤᠯ ᠂ ᠬᠠᠪᠳᠠᠭᠠᠢ ᠦᠷᠦᠮᠡ ᠭᠦᠪᠪᠦᠬᠦᠯᠵᠦ ᠂ ᠴᠠᠭᠠ ᠢᠳᠡᠬᠡᠨ ᠦᠷᠦᠯᠡᠭᠰᠡᠨ ᠴᠠᠢᠯᠠᠯᠭᠠ ᠶᠢᠨ ᠵᠤᠢᠷᠯᠡᠰᠢ ᠦᠬᠡᠢ ᠰᠢᠮᠡ ᠶᠢ ᠣᠮᠳᠠᠯᠠᠭᠠᠳ ᠪᠠᠷᠠᠬᠣ ᠦᠬᠡᠢ ᠪᠠᠢᠳᠠᠭ ᠃ ᠬᠡᠷᠪᠡ ᠲᠦᠷᠦᠭᠦᠦ ᠡᠳᠦᠷ ᠨᠢ ᠠᠷᠢᠬᠢ ᠣᠤᠭᠣᠭᠠᠳ ᠰᠢᠷᠠ ᠦᠨᠳᠦᠷ ᠪᠣᠯ ᠂ ᠲᠠᠷᠠᠭᠠ ᠦᠷᠯᠦᠬᠡ ᠶᠢᠨ ᠡᠨᠡ ᠨᠢᠬᠡ ᠡᠷᠡᠮ ᠪᠣᠳᠠᠭᠠ ᠣᠷᠬᠢᠭᠰᠠᠨ ᠴᠠᠢ ᠶᠢ ᠣᠤᠭᠣᠪᠠᠯ ᠠᠷᠢᠬᠢᠨ ᠰᠢᠷᠠ ᠶᠢ ᠲᠠᠢᠯᠬᠤ ᠨᠢ ᠠᠯᠠᠮᠠᠷ ᠡ ᠃ ᠬᠡᠷ ᠲᠦ ᠬᠡᠢᠴᠢᠳ ᠢᠷᠡᠭᠰᠡᠬᠡᠷ ᠬᠡᠷᠬᠡᠢ ᠮᠢᠨᠢ ᠂ ᠰᠣᠷᠤᠭᠰᠠᠨ ᠵᠠᠩ ᠢᠶᠠᠷ ᠢᠶᠠᠨ ᠰᠢᠷᠡᠭᠡᠨ ᠳᠦ ᠠᠷᠢᠬᠢ ᠨᠣᠭᠤᠭᠠ ᠭᠠᠷᠭᠠᠬᠤ ᠠᠴᠠ ᠡᠮᠦᠨᠠ ᠂ ᠴᠠᠢ ᠪᠠᠨ ᠴᠢᠨᠠᠵᠤ ᠰᠦᠯᠡᠬᠡᠳ ᠪᠣᠳᠠᠭᠠ ᠣᠷᠬᠢᠭᠰᠠᠨ ᠴᠠᠢ ᠠᠶᠠᠭᠠᠯᠠᠵᠣ ᠲᠠᠷᠠᠭ ᠠᠢᠷᠠᠭ ᠤᠨ ᠵᠠᠭᠣᠰᠢ ᠪᠠᠷ ᠨᠠᠢᠷ ᠤᠨ ᠡᠬᠢᠯᠡᠯᠳᠡ ᠪᠤᠯᠭᠠᠳᠠᠭ ᠃ ᠰᠢᠷᠡᠭᠡᠨ ᠨᠠᠢᠷ ᠲᠠᠷᠠᠭᠰᠠᠨ ᠤ ᠰᠡᠭᠦᠯᠡᠷ ᠲᠡᠮᠡᠢ ᠣᠳᠠᠬᠤ ᠦᠬᠡᠢ ᠵᠠᠯᠭᠠᠭᠠᠳ ᠪᠠᠰᠠ ᠯᠠ ᠪᠣᠳᠠᠭᠠ ᠣᠷᠬᠢᠭᠰᠠᠨ ᠰᠥ᠋ ᠲᠠᠢ ᠴᠠᠢ ᠣᠤᠭᠣᠵᠠᠭᠠᠵᠣ ᠂ ᠬᠤᠯᠠ ᠤᠢᠷᠠ ᠶᠢᠨ ᠵᠣᠴᠢᠳ ᠢᠶᠠᠨ ᠮᠣᠨᠭᠭᠣᠯ ᠶᠣᠰᠣ ᠪᠠᠷ ᠲᠠᠢᠯᠠᠵᠤ ᠂ ᠨᠠᠷᠬᠢᠵᠤ ᠴᠣᠭᠯᠠᠷᠠᠭᠰᠠᠨ ᠠᠬᠠ ᠳᠡᠭᠦᠦ ᠨᠠᠷ ᠢᠶᠠᠨ ᠮᠣᠨᠭᠭᠣᠯ ᠠᠢᠯ ᠤᠨ ᠢᠶᠠᠨ ᠵᠣᠷᠰᠢᠯ ᠢᠶᠠᠷ ᠣᠭᠳᠣᠨ ᠵᠠᠯᠠᠵᠣ ᠂ ᠦᠳᠡᠨ ᠮᠣᠷᠳᠠᠭᠣᠯᠳᠠᠭ ᠪᠢᠯᠡ ᠃
ᠴᠠᠭ ᠦᠶᠡ ᠶᠢᠨ ᠠᠢᠵᠠᠮ ᠣᠷᠤᠰᠬᠠᠯ ᠢᠶᠠᠷ ᠰᠥ᠋ ᠲᠠᠢ ᠴᠠᠢ ᠴᠢᠨᠠᠬᠣ ᠴᠣ ᠴᠠᠭ ᠢᠶᠠᠨ ᠲᠠᠭᠠᠭᠠᠳ ᠭᠦᠭᠵᠢᠨ ᠬᠣᠪᠢᠷᠠᠵᠠᠢ ᠃ ᠦᠨᠦ ᠂ ᠡᠮᠡᠬᠡ ᠡᠵᠢ ᠶᠢᠨ ︽ ᠴᠠᠢ ᠴᠢᠨᠠᠬᠣ ᠲᠣᠩᠬᠤ ︾ ᠠᠯᠢ ᠵᠢᠯ ᠂ ᠠᠯᠢ ᠰᠠᠷᠠ ᠂ ᠠᠯᠢ ᠡᠳᠦᠷ ᠠᠯᠠᠭᠠ ᠪᠣᠯᠣᠭᠰᠠᠨ ᠢ ᠪᠣᠤ ᠮᠡᠳᠡ ᠃ ᠣᠳᠣ ᠂
40 0