ᠪᠣᠤ ᠵᠢᠨᠵᠤᠸᠠᠩᠽᠢ

ᠬᠢᠵᠢᠭ ᠲᠠᠢ  ᠲᠡᠮᠡᠴᠡᠵᠡᠭᠡᠶ᠎ᠡ

ᠪᠣᠷᠤ ᠲᠣᠭᠤᠰᠣ ᠲᠠᠬᠢᠨ ᠲᠠᠬᠢᠨ ᠲᠡᠭᠳᠡᠯ᠎ᠡ

ᠪᠤᠵᠠᠷ ᠬᠢᠵᠢᠭ ᠡᠷᠭᠢᠨ ᠡᠷᠭᠢᠨ ᠲᠠᠷᠬᠠᠯ᠎ᠠ

ᠪᠦᠮᠪᠦᠷᠴᠡᠭ ᠲᠡᠯᠡᠬᠡᠢ ᠪᠦᠷᠬᠦᠡᠢᠭᠡᠳ ᠢᠷᠡᠯ᠎ᠡ

ᠪᠦᠭᠦᠳᠡ ᠣᠯᠠᠨ ᠵᠣᠪᠠᠨᠢᠭᠠᠳ ᠢᠷᠡᠯ᠎ᠡ᠃

ᠦᠯᠦᠭᠡᠢ ᠨᠤᠲᠤᠭ ᠦᠪᠦᠷ ᠮᠣᠩᠭᠣᠯ ᠳᠤ

ᠦᠮᠦᠬᠡᠢ ᠬᠢᠵᠢᠭ ᠲᠠᠷᠬᠠᠭᠠᠳ ᠢᠷᠡᠬᠦ ᠳᠦ

ᠦᠷᠦᠴᠡ ᠴᠡᠭᠡᠵᠢ ᠮᠢᠨᠢ ᠰᠢᠮᠰᠢᠷᠡᠨ᠎ᠡ

ᠦᠵᠡᠬᠦ ᠨᠢᠳᠦ ᠮᠢᠨᠢ ᠡᠷᠢᠶᠡᠨᠲᠦᠨ᠎ᠡ ᠡ︕

ᠲᠡᠭᠷᠢ ᠭᠠᠵᠠᠷ  ᠬᠠᠷᠠᠩᠭᠤᠡᠢᠯᠠᠭᠠᠳ ᠢᠷᠡᠬᠦ ᠳᠦ

ᠲᠡᠭᠡᠲᠦ ᠲᠡᠭᠷᠢ ᠮᠢᠨᠢ ᠪᠠᠴᠢᠮᠳᠠᠭᠠᠳ ᠢᠷᠡᠯ᠎ᠡ

ᠡᠪᠡᠳᠴᠢᠨ ᠡᠮᠭᠡᠭ ᠰᠦᠷᠳᠡᠭᠦᠯᠦᠭᠡᠳ ᠢᠷᠡᠬᠦ ᠳᠦ

ᠡᠨᠡᠷᠢᠯᠲᠦ ᠨᠠᠮ ᠮᠢᠨᠢ ᠰᠠᠨᠳᠤᠷᠤᠭᠠᠳ ᠢᠷᠡᠯ᠎ᠡ᠃

ᠵᠡᠷᠯᠢᠭ ᠬᠢᠵᠢᠭ ᠲᠠᠢ ᠡᠷᠡᠰ ᠲᠡᠮᠡᠴᠡᠬᠦ ᠪᠡᠷ

ᠵᠠᠰᠠᠭ   ᠣᠷᠳᠤᠨ ᠠᠴᠠ ᠵᠠᠷᠯᠠᠵᠤ ᠯᠠ ᠪᠠᠢᠢᠨ᠎ᠠ

ᠠᠶᠣᠯᠲᠣ ᠬᠢᠵᠢᠭ ᠡᠴᠡ ᠵᠠᠪᠠᠯ ᠠᠪᠣᠷᠠᠬᠣ ᠪᠠᠷ

ᠠᠭᠤᠣ ᠨᠠᠮ ᠮᠢᠨᠢ ᠣᠷᠢᠶᠠᠯᠠᠵᠤ ᠯᠠ ᠪᠠᠢᠢᠨ᠎ᠠ

ᠨᠠᠮ ᠵᠠᠰᠠᠭ ᠮᠢᠨᠢ ᠤᠷᠢᠶᠠᠯᠠᠭᠠᠳ ᠢᠷᠡᠬᠦ ᠳᠦ

ᠨᠠᠷᠮᠠᠢ ᠠᠷᠠᠳ  ᠨᠢ ᠲᠡᠮᠡᠴᠡᠭᠡᠳ ᠢᠷᠡᠯ᠎ᠡ

ᠨᠠᠢᠵᠠ ᠨᠦᠬᠦᠳ ᠨᠢ ᠲᠦᠪᠡᠭᠳᠡᠭᠡᠳ ᠢᠷᠡᠬᠦ ᠳᠦ

ᠨᠠᠢ᠌ᠮᠠᠨ ᠵᠦᠭ ᠡᠴᠡ ᠲᠣᠰᠠᠯᠠᠭᠠᠳ ᠢᠷᠡᠯ᠎ᠡ᠃

ᠭᠠᠰᠢᠭᠤᠨ ᠵᠤᠪᠠᠯᠠᠩ ᠤᠨ ᠡᠮᠦᠨ᠎ᠡ

ᠭᠠᠩ ᠵᠣᠷᠢᠭ ᠢᠶᠠᠨ ᠬᠦᠪᠴᠢᠯᠡᠶ᠎ᠡ

ᠬᠠᠯᠠᠮᠵᠢ ᠲᠤᠰᠠᠯᠠᠮᠵᠢ ᠶᠢᠨ ᠬᠠᠷᠢᠭᠣ ᠳᠤ

ᠬᠠᠡᠢᠷ᠎ᠠ ᠬᠣᠷᠤᠰᠤᠯ ᠢᠶᠠᠨ ᠲᠣᠲᠣᠷᠬᠠᠢᠯᠠᠶ᠎ᠠ︕

ᠠᠶᠣᠯᠲᠣ ᠡᠷᠡᠨ ᠳᠦ ᠡᠷᠡᠯᠬᠡᠭᠯᠡᠨ ᠪᠠᠡᠢᠯᠳᠤᠳᠠᠭ

ᠠᠷᠠᠳ ᠤᠨ ᠴᠠᠭᠳᠠᠭ᠎ᠠ ᠳᠤ ᠪᠠᠨ ᠶᠣᠰᠤᠯᠠᠶ᠎ᠠ

ᠠᠮᠢ ᠬᠣᠪᠢ  ᠪᠡᠨ ᠪᠣᠳᠤᠯ ᠦᠭᠡᠢ ᠲᠡᠮᠡᠴᠡᠳᠡᠭ

ᠡᠮᠴᠢ ᠰᠤᠪᠢᠯᠠᠭᠴᠢ ᠨᠠᠷ ᠲᠤ ᠪᠠᠨ ᠲᠠᠯᠠᠷᠬᠠᠶ᠎ᠠ︕

ᠲᠦᠭᠰᠢᠭᠦᠷᠢᠲᠦ ᠡᠷᠡᠨ ᠲᠠᠭᠠᠷᠢᠭᠠᠳ ᠢᠷᠡᠭᠰᠡᠨ  ᠴᠤ

ᠲᠡᠮᠡᠴᠡᠭᠡᠳ ᠶᠠᠪᠤᠳᠠᠭ ᠰᠠᠠᠢᠨ ᠳᠤᠷᠠᠴᠣᠳ ᠮᠢᠨᠢ ᠪᠢᠰᠢᠷᠡᠯᠳᠡᠢ

ᠵᠤᠪᠠᠯᠠᠩᠲᠦ ᠴᠠᠭ ᠭᠠᠰᠠᠯᠭᠠᠭᠠᠳ ᠢᠷᠡᠭᠰᠡᠨ ᠴᠤ

ᠵᠢᠳᠭᠦᠭᠡᠳ ᠭᠦᠶᠦᠳᠡᠭ ᠺᠠᠳ᠋ᠷ ᠠᠷᠠᠳ ᠮᠢᠨᠢ ᠮᠠᠭᠳᠠᠭᠠᠯᠲᠠᠢ︕

ᠠᠶᠤᠯ ᠵᠤᠪᠠᠯᠠᠩ  ᠤᠨ ᠭᠠᠮᠰᠢᠭ ᠪᠤᠯᠤᠭᠰᠠᠨ ᠪᠠᠠᠢᠳᠠᠯ᠎ᠠ

ᠠᠷᠢᠬᠢ ᠳᠠᠷᠠᠰᠤ ᠣᠤᠭᠤᠨ ᠬᠡᠷᠡᠭᠦᠯᠴᠢ ᠪᠤᠯᠠᠬᠤ ᠨᠢ ᠭᠤᠯᠤᠭᠳᠠᠯᠲᠠᠢ

ᠠᠮᠢ ᠨᠠᠰᠤᠨ ᠤ ᠲᠦᠭᠰᠢᠭᠦᠷᠢ ᠪᠤᠯᠣᠭᠰᠠᠨ ᠪᠠᠠᠢᠳᠠᠯ᠎ᠠ

ᠠᠷᠳᠠᠭ ᠶᠤᠰᠤᠭᠦᠢ ᠠᠭᠠᠰᠢᠯᠠᠨ ᠯᠤᠢᠢᠪᠠᠷᠴᠢᠨ ᠪᠤᠯᠬᠣ ᠨᠢ ᠵᠢᠭᠰᠢᠯᠳᠡᠢ︕

ᠪᠠᠭᠠᠲᠣᠷ ᠦᠨᠳᠦᠰᠦᠳᠡᠨ ᠦ ᠮᠢᠨᠢ ᠪᠠᠢᠯᠳᠤᠬᠤ ᠪᠤᠳᠣᠯ

ᠪᠤᠷᠤᠩᠬᠠᠢ ᠲᠠᠢᠰᠤᠨ ᠢ ᠢᠯᠠᠬᠤ ᠨᠢ ᠯᠠᠪᠲᠠᠢ

ᠡᠷᠡᠯᠬᠡᠭ ᠶᠠᠰᠣᠳᠠᠳ ᠤᠨ ᠮᠢᠨᠢ ᠲᠡᠮᠡᠴᠡᠯ ᠦᠨ ᠵᠣᠷᠢᠭ

ᠡᠳᠡᠭᠡᠳ ᠬᠢᠵᠢᠭ ᠢ  ᠠᠷᠢᠯᠭᠠᠬᠤ ᠨᠢ ᠪᠠᠲᠣᠲᠠᠢ︕

ᠲᠦᠪᠰᠢᠨ ᠡᠩᠬᠡ ᠶᠢ ᠬᠡᠵᠢᠶᠡᠳᠡ ᠡᠷᠬᠢᠮᠯᠡᠵᠦ

ᠲᠦᠮᠡᠨ ᠭᠠᠵᠠᠷ ᠪᠢᠲᠡᠬᠡᠢ ᠶᠠᠪᠣᠭᠠᠷᠠᠢ

ᠲᠦᠭ ᠲᠦᠮᠡᠨ ᠢᠶᠡᠨ ᠡᠭᠦᠷᠢᠳᠡ ᠪᠣᠳᠣᠯᠬᠢᠯᠠᠵᠦ

ᠲᠠᠬᠳᠦ ᠠᠰᠠᠷ ᠲᠤ ᠪᠠᠨ ᠬᠤᠷᠭᠣᠳᠠᠵᠤ  ᠰᠠᠭᠣᠭᠠᠷᠠᠢ!

ᠣᠷᠤ  ᠦᠭᠡᠢ ᠭᠠᠵᠠᠷ ᠤᠪᠤᠭ᠎ᠠ ᠪᠤᠰᠬᠠᠨ

ᠣᠯᠢᠭ ᠦᠭᠡᠢ ᠴᠠᠯᠴᠢᠵᠤ ᠪᠢᠲᠡᠬᠡᠢ ᠲᠡᠨᠦᠭᠡᠷᠡᠢ

ᠡᠮᠬᠢ ᠵᠢᠷᠦᠮ ᠦᠭᠡᠢ ᠡᠨᠳᠡ ᠲᠡᠨᠳᠡ ᠭᠦᠶᠦᠨ

ᠡᠷᠦᠢ ᠬᠤᠷᠤᠢ ᠦᠭᠡᠢ ᠰᠠᠮᠠᠭᠤᠷᠠᠵᠣ ᠪᠢᠳᠡᠬᠡᠢ ᠭᠡᠰᠦᠭᠠᠷᠡᠢ︕

ᠭᠠᠵᠢᠭᠤ ᠡᠪᠡᠳᠴᠢᠨ ᠲᠠᠢ ᠡᠷᠡᠰ ᠲᠡᠮᠡᠴᠡᠬᠦ ᠪᠡᠷ

ᠭᠠᠷ ᠨᠢᠭᠤᠷ ᠢᠶᠠᠨ ᠦᠷᠬᠦᠯᠵᠢ ᠣᠬᠢᠶᠠᠵᠠᠭᠠᠶ᠎ᠠ

ᠪᠣᠵᠠᠷ ᠬᠢᠵᠢᠭ ᠢ ᠵᠠᠪᠠᠯ ᠠᠷᠢᠯᠭᠠᠬᠤ ᠪᠠᠷ

ᠪᠡᠭᠡᠯᠡᠢ ᠠᠮᠠᠪᠴᠢ ᠪᠠᠨ ᠨᠡᠢᠢᠳᠡᠮ ᠵᠡᠭᠦᠵᠡᠭᠡᠶ᠎ᠡ︕

ᠠᠯᠠᠭᠬᠠᠨ ᠡᠨᠡ ᠬᠤᠷᠸ᠎ᠠ ᠳᠤ

ᠠᠯᠳᠠ ᠮᠦᠩᠭᠦ  ᠬᠤᠪᠣᠷ ᠠᠴᠠ ᠬᠤᠪᠣᠷ ᠡ

ᠠᠰᠢᠳᠠ ᠶᠢᠨ ᠡᠨᠡ ᠠᠮᠢᠳᠣᠷᠠᠯ ᠳᠤ

ᠠᠮᠢ ᠨᠠᠰᠤ ᠡᠷᠬᠢᠮ ᠡᠴᠡ ᠡᠷᠬᠢᠮ ᠡ︕

ᠠᠶᠣᠯ ᠵᠤᠪᠠᠯᠠᠩ ᠠᠴᠠ ᠰᠠᠯᠬᠣ ᠪᠠᠷ

ᠠᠭᠤᠣ ᠨᠠᠮ ᠢᠶᠠᠨ ᠲᠠᠭᠠᠵᠠᠭᠠᠶ᠎ᠠ

ᠠᠮᠢ ᠨᠠᠰᠤ ᠪᠠᠨ ᠠᠪᠣᠷᠠᠬᠤ ᠪᠠᠷ

ᠠᠷᠬᠠᠭ ᠡᠪᠡᠳᠴᠢᠨ ᠢ ᠠᠷᠢᠯᠭᠠᠵᠠᠭᠠᠶ᠎ᠠ︕

ᠵᠤᠯ ᠪᠣᠰᠤ ᠠᠴᠠ ᠬᠡᠯᠲᠦᠷᠢᠬᠦ ᠪᠡᠷ

ᠵᠠᠰᠠᠭ ᠵᠠᠬᠢᠷᠤᠭᠠᠨ ᠢᠶᠠᠨ ᠬᠦᠷᠢᠶᠡᠯᠡᠵᠡᠭᠡᠶ᠎ᠡ︕

ᠵᠢᠷᠭᠠᠯᠲᠤ ᠠᠮᠢᠳᠤᠷᠠᠯ ᠢᠶᠠᠨ ᠴᠣᠭᠴᠠᠯᠠᠬᠤ ᠪᠠᠷ