www.duurn.cn
- ᠲᠦᠮᠡᠲᠦ ᠰᠢᠨᠡ
- ᠦᠦᠰᠢᠨ ᠭᠠᠯᠠᠭᠤᠲᠤ
- 2017-07-25 10:54
- 5
- 1968907
- 1359
ᠪ ᠊ ᠣᠶᠢ᠍ᠳᠤᠪ : ᠪᠦᠬᠦ ᠬᠢᠲᠠᠳ ᠤᠨ ᠳᠡᠭᠡᠳᠦ ᠱᠠᠩᠨᠠᠯ 《 ᠠᠯᠲᠠᠨ ᠲᠠᠬᠢᠶᠠ 》 ᠶᠢ ᠭᠠᠷᠳᠠᠵᠤ ᠠᠪᠤᠭᠰᠠᠨ ᠨᠠᠷᠠᠩᠬᠤᠸᠠᠷ
ᠪ ᠊ ᠣᠶᠢ᠍ᠳᠤᠪ : ᠪᠦᠬᠦ ᠬᠢᠲᠠᠳ ᠤᠨ ᠳᠡᠭᠡᠳᠦ ᠱᠠᠩᠨᠠᠯ 《 ᠠᠯᠲᠠᠨ ᠲᠠᠬᠢᠶᠠ 》 ᠶᠢ ᠭᠠᠷᠳᠠᠵᠤ ᠠᠪᠤᠭᠰᠠᠨ ᠨᠠᠷᠠᠩᠬᠤᠸᠠᠷ
(《ᠮᠣᠩᠭᠣᠯ ᠲᠦᠮᠡᠨ ᠦ ᠪᠠᠬᠠᠷᠬᠠᠯᠳᠤ ᠡᠮᠡᠭᠲᠡᠶᠢᠴᠦᠳ》 ᠨᠣᠮ ᠳᠤ ᠣᠷᠣᠵᠤ ᠪᠤᠢ ᠴᠤᠪᠤᠷᠠᠯ ᠬᠥᠷᠥᠭ-5)
9455
2018-12-18 15:13
发表于：内蒙古
ᠪ ᠊ ᠣᠶᠢ᠍ᠳᠤᠪ : ᠪᠦᠬᠦ ᠬᠢᠲᠠᠳ ᠤᠨ ᠳᠡᠭᠡᠳᠦ ᠱᠠᠩᠨᠠᠯ 《 ᠠᠯᠲᠠᠨ ᠲᠠᠬᠢᠶᠠ 》 ᠶᠢ ᠭᠠᠷᠳᠠᠵᠤ ᠠᠪᠤᠭᠰᠠᠨ ᠨᠠᠷᠠᠩᠬᠤᠸᠠᠷ
(《ᠮᠣᠩᠭᠣᠯ ᠲᠦᠮᠡᠨ ᠦ ᠪᠠᠬᠠᠷᠬᠠᠯᠳᠤ ᠡᠮᠡᠭᠲᠡᠶᠢᠴᠦᠳ》 ᠨᠣᠮ ᠳᠤ ᠣᠷᠣᠵᠤ ᠪᠤᠢ ᠴᠤᠪᠤᠷᠠᠯ ᠬᠥᠷᠥᠭ-5)
ᠨᠢᠭᠡᠨ ᠪᠦᠰᠡᠭᠦᠢ ᠬᠥᠳᠡᠭᠡ ᠶᠢᠨ ᠪᠥᠭᠯᠡᠭᠦᠦ ᠬᠢᠵᠠᠭᠠᠷ ᠲᠤ ᠬᠥᠭᠰᠢᠨ ᠡᠵᠢ ᠲᠡᠢ ᠪᠡᠨ ᠬᠣᠶᠠᠭᠤᠯᠠᠬᠠᠨ ᠢᠶᠠᠨ ᠠᠮᠢᠳᠤᠷᠠᠵᠤ ᠪᠠᠶᠢᠲᠠᠯᠠ ᠡᠵᠢ ᠨᠢ ᠪᠤᠷᠬᠠᠨ ᠪᠣᠯᠤᠨᠠ᠃ ᠢᠩᠭᠢᠭᠡᠳ ᠬᠥᠭᠡᠷᠦᠬᠦᠢ ᠪᠦᠰᠡᠭᠦᠢ ᠮᠣᠷᠢᠨ ᠲᠡᠷᠭᠡᠨ ᠳᠡᠭᠡᠷᠡ ᠡᠵᠢ ᠶᠢᠨ ᠢᠶᠡᠨ ᠱᠠᠷᠢᠯ ᠢ ᠠᠴᠢᠭᠠᠳ ᠬᠥᠳᠡᠭᠡᠯᠡᠭᠦᠯᠬᠦ ᠪᠡᠷ ᠶᠠᠪᠤᠨᠠ᠃ ᠲᠡᠭᠡᠲᠡᠯᠡ ᠶᠠᠭ ᠭᠣᠣᠯ ᠤᠨ ᠭᠠᠷᠠᠮ ᠳᠡᠭᠡᠷᠡ ᠢᠷᠡᠭᠡᠳ ᠲᠡᠷᠭᠡᠨ ᠳᠦ ᠵᠢᠳᠬᠦᠵᠦ ᠶᠠᠪᠤᠭᠰᠠᠨ 《ᠭᠠᠩᠭᠠᠩ ᠬᠠᠷᠠ》 ᠮᠣᠷᠢ ᠨᠢ ᠦᠬᠥᠴᠢᠬᠡᠳᠡᠭ᠃ ᠡᠶᠢᠮᠦ ᠨᠢᠭᠡᠨ ᠥᠷᠦᠪᠳᠦᠯᠲᠡᠢ ᠳᠦᠷᠢ ᠣᠯᠠᠨ ᠤᠯᠤᠰ ᠤᠨ ᠺᠢᠨᠣ᠋ ᠨᠠᠭᠠᠳᠤᠮ ᠢᠶᠠᠷ ᠣᠳᠣ ᠪᠣᠯᠵᠤ᠂ ᠤᠯᠠᠮ ᠢᠶᠠᠷ 1995 ᠣᠨ ᠠᠴᠠ ᠠᠷᠤ ᠮᠣᠩᠭᠣᠯ ᠤᠨ ᠲᠧᠯᠧᠢᠰ ᠦᠳ ᠢᠶᠡᠷ 《ᠭᠠᠩᠭᠠᠩ ᠬᠠᠷᠠ》 ᠭᠡᠳᠡᠭ ᠺᠢᠨᠣ᠋ ᠭᠠᠷᠴᠤ ᠡᠬᠢᠯᠡᠭᠰᠡᠨ ᠲᠡᠦᠬᠡ ᠲᠡᠢ᠃ ᠡᠨᠡ ᠺᠢᠨᠣᠨ ᠤ ᠭᠣᠣᠯ ᠳᠦᠷᠢ ᠳᠦ ᠳᠤᠮᠳᠠᠳᠤ ᠤᠯᠤᠰ ᠤᠨ ᠨᠢᠭᠡᠳᠦᠭᠡᠷ ᠳᠡᠰ ᠦᠨ ᠳᠠᠭᠤᠴᠢᠨ ᠲᠩᠷᠢ᠂ ᠪᠦᠬᠦ ᠬᠢᠲᠠᠳ ᠤᠨ ᠺᠢᠨᠣ᠋ ᠤᠷᠠᠯᠢᠭ ᠤᠨ ᠬᠠᠮᠤᠭ ᠤᠨ ᠳᠡᠭᠡᠳᠦ 《ᠠᠯᠲᠠᠨ ᠲᠠᠬᠢᠶᠠ》 ᠱᠠᠩᠨᠠᠯ ᠬᠦᠷᠲᠡᠭᠰᠡᠨ ᠨᠡᠷᠡᠲᠦ ᠵᠦᠴᠦᠭᠡᠴᠢᠨ ᠨᠠᠷᠠᠩᠬᠤᠸᠠᠷ ᠨᠠᠷ ᠲᠣᠭᠯᠠᠭᠰᠠᠨ ᠶᠤᠮ᠃ ᠮᠥᠨ ᠨᠠᠷᠠᠩᠬᠤᠸᠠᠷ 2000 ᠍ ᠊ᠭᠠᠳ ᠣᠨ ᠤ ᠦᠶᠡ ᠳᠦ ᠵᠢᠷᠠᠭᠠᠳ ᠣᠨ ᠤ ᠰᠤᠶᠤᠯ ᠤᠨ ᠬᠤᠪᠢᠰᠬᠠᠯ ᠤᠨ ᠦᠢᠯᠡ ᠶᠠᠪᠤᠳᠠᠯ ᠢ ᠬᠠᠷᠠᠭᠤᠯᠤᠭᠰᠠᠨ 《ᠠᠮᠢᠨ ᠭᠣᠣᠯ》 ᠬᠡᠮᠡᠬᠦ ᠣᠯᠠᠨ ᠠᠩᠭᠢᠲᠤ ᠺᠢᠨᠣᠨ ᠤ ᠭᠣᠣᠯ ᠳᠦᠷᠢ ᠶᠢ ᠪᠦᠲᠦᠭᠡᠵᠦ᠂ ᠡᠨᠡ ᠺᠢᠨᠣ᠋ ᠮᠥᠨ ᠯᠠ ᠮᠠᠨ ᠤ ᠲᠧᠯᠸᠢᠰ ᠦᠳ ᠢᠶᠡᠷ ᠭᠠᠷᠴᠤ ᠣᠯᠠᠨ ᠤ ᠰᠣᠨᠢᠷᠬᠠᠯ ᠢ ᠲᠠᠲᠠᠵᠤ ᠪᠠᠶᠢᠯᠠ᠃ ᠲᠡᠶᠢᠮᠦ ᠡᠴᠡ ᠵᠦᠴᠦᠭᠡᠴᠢᠨ ᠨᠠᠷᠠᠩᠬᠤᠸᠠᠷ ᠢ ᠠᠷᠤ ᠮᠣᠩᠭᠣᠯᠴᠤᠳ ᠠᠨᠳᠤᠬᠤ ᠦᠭᠡᠢ᠃ ᠭᠡᠬᠦ ᠳᠦ ᠪᠡᠨ ᠨᠠᠷᠠᠩᠬᠤᠸᠠᠷ ᠵᠥᠪᠬᠡᠨ ᠡᠨᠡ ᠬᠣᠶᠠᠷ ᠺᠢᠨᠣ᠋ ᠍ ᠪᠠᠷ ᠢᠶᠠᠨ ᠪᠤᠰᠤ᠂ ᠬᠢᠲᠠᠳ ᠤᠨ ᠣᠯᠠᠨ ᠠᠷᠪᠠᠨ ᠺᠢᠨᠣᠨ ᠳᠤ ᠭᠣᠣᠯ ᠳᠦᠷᠢ ᠪᠦᠲᠦᠭᠡᠵᠦ᠂ ᠮᠥᠨ ᠣᠯᠠᠨ ᠠᠷᠪᠠᠨ ᠺᠢᠨᠣ᠋ ᠨᠠᠶᠢᠷᠠᠭᠤᠯᠵᠤ ᠳᠤᠮᠳᠠᠳᠤ ᠤᠯᠤᠰ ᠲᠤ ᠨᠡᠷᠡ ᠳᠦ ᠭᠠᠷᠴᠠᠢ᠃ ᠡᠳᠦᠭᠡ ᠲᠡᠷᠡ ᠪᠡᠷ ᠪᠡᠭᠡᠵᠢᠩ ᠳᠦ ᠠᠮᠢᠳᠤᠷᠠᠵᠤ ᠪᠠᠶᠢᠨᠠ᠃ ᠥᠪᠥᠷ ᠮᠣᠩᠭᠣᠯ ᠤᠨ ᠨᠡᠷᠡᠲᠦ ᠺᠢᠨᠣ᠋ ᠨᠠᠶᠢᠷᠠᠭᠤᠯᠤᠭᠴᠢ ᠰᠤᠶᠤᠯᠴᠡᠴᠡᠭ ᠨᠠᠮᠠ ᠢᠢ ᠨᠠᠷᠠᠩᠬᠤᠸᠠᠷ ᠲᠠᠢ ᠠᠭᠤᠯᠵᠠᠭᠤᠯᠬᠤ ᠳᠤ ᠪᠠᠨ᠄ 《ᠵᠠ ᠡᠨᠡ ᠲᠣᠮᠣ ᠵᠦᠴᠦᠭᠡᠴᠢᠨ ᠢ ᠮᠠᠨ ᠤ ᠰᠡᠳᠬᠦᠯᠴᠢᠳ ᠣᠯᠵᠤ ᠠᠭᠤᠯᠵᠠᠬᠤ ᠭᠡᠳ ᠴᠢᠳᠠᠳᠠᠭ ᠦᠭᠡᠢ ᠶᠤᠮ᠃ ᠪᠠᠷᠠ ᠶᠢ ᠨᠢ ᠬᠠᠷᠠᠪᠠᠯ ᠳᠡᠭᠡᠳᠦ ᠭᠡᠵᠦ ᠪᠣᠳᠣᠳᠠᠭ᠃ ᠬᠠᠷᠢᠨ ᠥᠪᠡᠷ ᠢ ᠲᠠᠨᠢ ᠠᠷᠤ ᠮᠣᠩᠭᠣᠯ ᠠᠴᠠ ᠢᠷᠡᠭᠰᠡᠨ ᠭᠡᠬᠦ ᠪᠡᠷ ᠶᠡᠬᠡ ᠬᠦᠨᠳᠦᠯᠡᠵᠦ ᠪᠠᠶᠢᠨᠠ》 ᠭᠡᠵᠦ ᠬᠡᠯᠡᠭᠰᠡᠨ᠃ ᠨᠡᠭᠡᠷᠡᠨ ᠴᠤ ᠲᠡᠶᠢᠮᠦ ᠪᠠᠶᠢᠯᠠ᠃
ᠨᠠᠷᠠᠩᠬᠤᠸᠠᠷ ᠥᠪᠥᠷ ᠮᠣᠩᠭᠣᠯ ᠤᠨ ᠰᠢᠯᠢ ᠶᠢᠨ ᠬᠣᠲᠠ ᠳ᠋ᠤ ᠲᠥᠷᠦᠵᠡᠢ᠃ ᠠᠪᠤ ᠨᠢ ᠬᠢᠩᠭᠠᠨ ᠠᠶᠢᠮᠠᠭ ᠤᠨ᠂ ᠡᠵᠢ ᠨᠢ ᠰᠢᠯᠤᠭᠤᠨ ᠴᠠᠭᠠᠨ ᠬᠣᠰᠢᠭᠤᠨ ᠤ ᠴᠡᠪᠡᠷ ᠮᠣᠩᠭᠣᠯ ᠬᠦᠮᠦᠰ᠃ ᠦᠨᠡᠨ ᠳᠦ ᠪᠡᠨ ᠪᠢᠳᠡᠨ ᠦ ᠲᠠᠰᠤᠷᠠᠭᠰᠠᠨ ᠮᠢᠬᠠ᠂ ᠦᠰᠦᠷᠦᠭᠰᠡᠨ ᠴᠢᠰᠤ᠃ ᠨᠠᠷᠠᠩᠬᠤᠸᠠᠷ ᠢ ᠪᠠᠭᠠ ᠪᠠᠶᠢᠬᠤ ᠳᠤ ᠠᠪᠤ ᠡᠵᠢ ᠨᠢ ᠮᠣᠩᠭᠣᠯ ᠬᠡᠯᠡ ᠪᠡᠨ ᠮᠠᠷᠲᠠᠴᠢᠬᠠᠨᠠ ᠭᠡᠳ ᠭᠠᠳᠠᠭᠤᠷ ᠰᠤᠷᠭᠠᠭᠤᠯᠢ ᠰᠤᠶᠤᠯ ᠤᠨ ᠭᠠᠵᠠᠷ ᠬᠢᠲᠠᠳ ᠢᠶᠠᠷ ᠶᠠᠷᠢᠬᠤ ᠶᠢ ᠡᠷᠡᠰ ᠬᠣᠷᠢᠭᠯᠠᠳᠠᠭ ᠪᠠᠶᠢᠵᠠᠢ᠃ ᠭᠡᠪᠡᠴᠦ ᠠᠪᠤ ᠡᠵᠢ ᠨᠢ ᠲᠡᠭᠦᠨ ᠢ ᠪᠠᠶᠢᠩᠭᠤ ᠬᠠᠵᠠᠭᠤ ᠳᠤ ᠪᠠᠨ ᠪᠠᠶᠢᠯᠭᠠᠵᠤ ᠴᠢᠳᠠᠭᠰᠠᠨ ᠦᠭᠡᠢ᠃ ᠥᠬᠢᠨ ᠢ 14 ᠨᠠᠰᠤᠲᠠᠢ ᠪᠠᠶᠢᠬᠤ ᠦᠶᠡ ᠳᠦ ᠬᠢᠲᠠᠳ ᠤᠨ ᠺᠢᠨᠣᠴᠢᠳ ᠰᠤᠷᠭᠠᠭᠤᠯᠢ ᠳᠡᠭᠡᠷᠡ ᠨᠢ ᠢᠷᠡᠵᠦ᠂ ᠪᠢᠴᠢᠬᠠᠨ ᠬᠡᠦᠬᠡᠳ ᠦᠳ ᠢ ᠺᠢᠨᠣ᠋ ᠤᠷᠠᠯᠢᠭ ᠲᠤ ᠲᠡᠩᠴᠡᠬᠦ ᠡᠰᠡᠬᠦ ᠶᠢ ᠰᠢᠯᠭᠠᠵᠤ ᠪᠠᠶᠢᠭᠰᠠᠭᠠᠷ ᠭᠠᠭᠴᠠᠬᠠᠨ ᠨᠠᠷᠠᠩᠬᠤᠸᠠᠷ ᠢ ᠰᠣᠩᠭᠣᠵᠠᠢ᠃ ᠢᠩᠭᠢᠭᠡᠳ ᠨᠠᠷᠠᠩᠬᠤᠸᠠᠷ ᠠᠷᠪᠠᠨ ᠳᠥᠷᠪᠡᠬᠡᠨ ᠨᠠᠰᠤ ᠲᠠᠢ ᠳᠠᠭᠠᠨ ᠥᠪᠥᠷ ᠮᠣᠩᠭᠣᠯ ᠠᠴᠠ ᠪᠡᠭᠡᠵᠢᠩ ᠳᠦ ᠣᠴᠢᠵᠤ ᠲᠣᠮᠣᠬᠠᠨ ᠺᠢᠨᠣ᠋ ᠦᠢᠯᠡᠳᠪᠦᠷᠢ ᠶᠢᠨ ᠵᠦᠴᠦᠭᠡᠴᠢᠨ ᠪᠣᠯᠤᠭᠰᠠᠨ ᠪᠠᠶᠢᠨᠠ᠃ ᠡᠨᠡ ᠪᠠᠰᠠ ᠯᠠ ᠬᠣᠪᠣᠷᠬᠠᠨ ᠲᠣᠬᠢᠶᠠᠯᠳᠤᠯ ᠶᠤᠮ᠃ ᠪᠢᠴᠢᠬᠠᠨ ᠥᠬᠢᠨ ᠢᠶᠡᠨ ᠪᠡᠭᠡᠵᠢᠩ ᠲᠡᠰᠢ ᠶᠠᠪᠤᠭᠤᠯᠬᠤ ᠳᠤ ᠪᠠᠨ ᠡᠵᠢ ᠨᠢ 《ᠴᠢ ᠬᠠᠮᠢᠭᠠ ᠴᠤ ᠣᠴᠢᠭᠰᠠᠨ ᠮᠣᠩᠭᠣᠯ ᠬᠦᠮᠦᠨ ᠭᠡᠳᠡᠭ ᠢᠶᠡᠨ ᠪᠢᠲᠡᠭᠡᠢ ᠮᠠᠷᠲᠠᠭᠠᠷᠠᠢ᠃ ᠪᠡᠭᠡᠵᠢᠩ ᠳᠦ ᠣᠴᠢᠬᠤ ᠳᠤ ᠴᠢᠨᠤ ᠬᠠᠵᠠᠭᠤ ᠳᠤ ᠳᠠᠩᠳᠠ ᠬᠢᠲᠠᠳ ᠬᠦᠮᠦᠰ ᠪᠠᠶᠢᠨᠠ᠃ ᠴᠢᠨᠤ ᠰᠡᠳᠬᠢᠯ ᠴᠢᠨᠢ ᠠᠶᠤᠮᠠᠷ ᠪᠦᠳᠦᠭᠦᠨ (ᠲᠣᠮᠣ) ᠰᠢᠦ᠃ ᠮᠣᠩᠭᠣᠯ ᠢᠶᠠᠷ ᠢᠶᠠᠨ ᠪᠠᠶᠢᠭᠠᠷᠠᠢ》 ᠭᠡᠵᠦ ᠵᠠᠬᠢᠵᠠᠢ᠃ ᠥᠬᠢᠨ ᠤ ᠨᠡᠷᠡ ᠶᠢ ᠠᠩᠬᠠᠨ ᠳᠤ ᠪᠠᠨ ᠨᠠᠷᠠᠨᠴᠡᠴᠡᠭ ᠭᠡᠳᠡᠭ ᠪᠠᠶᠢᠪᠠ᠃ ᠲᠡᠭᠡᠲᠡᠯᠡ ᠺᠢᠨᠣᠨ ᠤ ᠬᠢᠨ ᠨᠠᠷᠠᠨ ᠭᠡᠳᠡᠭ ᠦᠨ ᠠᠷᠤ ᠲᠠᠯᠠ ᠳᠤ ᠬᠤᠸᠠᠷ ᠬᠡᠮᠡᠬᠦ ᠬᠢᠲᠠᠳ ᠨᠡᠷᠡ ᠵᠠᠯᠭᠠᠵᠠᠢ᠃ ᠬᠤᠸᠠᠷ ᠨᠢ ᠬᠢᠲᠠᠳ ᠢᠶᠠᠷ ᠴᠡᠴᠡᠭ ᠭᠡᠰᠡᠨ ᠦᠭᠡ᠃ ᠭᠡᠬᠦ ᠳᠦ ᠪᠡᠨ ᠡᠷᠲᠡᠨ ᠦ ᠮᠣᠩᠭᠣᠯ ᠬᠡᠯᠡᠯᠭᠡ ᠪᠡᠷ ᠪᠣᠯ ᠬᠤᠸᠠᠷ ᠨᠢ 《ᠴᠡᠴᠡᠭᠲᠦ ᠤᠷᠭᠤᠮᠠᠯ ᠤᠨ ᠪᠡᠯᠭᠡ ᠪᠡᠷ ᠦᠷᠡᠵᠢᠬᠦ ᠡᠷᠬᠡᠲᠡᠨ》 ᠭᠡᠳᠡᠭ ᠤᠳᠬᠠ ᠠᠭᠤᠯᠣᠨᠠ᠃
ᠪᠢᠴᠢᠬᠠᠨ ᠥᠬᠢᠨ ᠨᠠᠷᠠᠩᠬᠤᠸᠠᠷ ᠪᠡᠭᠡᠵᠢᠩ ᠳᠦ ᠣᠴᠢᠭᠠᠳ ᠰᠢᠭᠤᠳ ᠯᠠ ᠺᠢᠨᠣᠨ ᠳᠤ ᠲᠣᠭᠯᠠᠵᠤ ᠡᠬᠢᠯᠡᠵᠡᠢ᠃ ᠴᠢᠩᠭᠢᠭᠡᠳ 1982 ᠣᠨ ᠳᠤ ᠪᠡᠭᠡᠵᠢᠩ ᠦᠨ ᠺᠢᠨᠣ᠋᠂ ᠵᠦᠴᠦᠭᠡ ᠶᠢᠨ ᠳᠡᠭᠡᠳᠦ ᠰᠤᠷᠭᠠᠭᠤᠯᠢ ᠳᠤ ᠰᠢᠯᠢᠭᠳᠡᠨ ᠣᠷᠣᠵᠤ᠂ ᠡᠨᠳᠡ ᠳᠥᠷᠪᠡᠨ ᠵᠢᠯ ᠰᠤᠷᠤᠯᠴᠠᠵᠤ ᠲᠡᠭᠦᠰᠦᠭᠡᠳ ᠬᠣᠶᠠᠷ ᠵᠢᠯ ᠪᠠᠭᠰᠢᠯᠠᠭᠰᠠᠨ ᠪᠠᠶᠢᠨᠠ᠃ ᠳᠠᠷᠠᠭᠠ ᠨᠢ ᠠᠩᠭᠯᠢ ᠤᠯᠤᠰ ᠲᠤ ᠣᠴᠢᠵᠤ ᠺᠢᠨᠣ᠋ ᠨᠠᠶᠢᠷᠠᠭᠤᠯᠤᠭᠴᠢ ᠶᠢᠨ ᠮᠡᠷᠭᠡᠵᠢᠯ ᠢᠶᠡᠷ ᠰᠤᠷᠤᠯᠴᠠᠵᠠᠢ᠃ ᠲᠡᠷᠡᠪᠡᠷ ᠵᠠᠷᠢᠮ ᠺᠢᠨᠣᠨ ᠤ ᠬᠢ ᠪᠠᠨ ᠲᠠᠯᠠ ᠪᠠᠷ ᠢᠩᠭᠢᠵᠦ ᠬᠦᠦᠷᠨᠢᠪᠡ᠃
-ᠠᠷᠤ ᠮᠣᠩᠭᠣᠯ ᠳᠤ ᠣᠴᠢᠵᠤ 《ᠭᠠᠩᠭᠠᠩ ᠬᠠᠷᠠ》 ᠺᠢᠨᠣᠨ ᠤ ᠵᠢᠷᠤᠭ ᠠᠪᠬᠤ ᠳᠤ ᠬᠣᠶᠠᠷ ᠰᠠᠷᠠ ᠪᠣᠯᠤᠭᠰᠠᠨ᠃ ᠮᠢᠨᠦ ᠠᠮᠢᠳᠤᠷᠠᠯ ᠳᠤ ᠬᠠᠮᠤᠭ ᠤᠨ ᠭᠣᠶᠣ ᠰᠡᠳᠬᠢᠭᠳᠡᠯ ᠲᠥᠷᠦᠭᠦᠯᠦᠭᠰᠡᠨ ᠲᠣᠬᠢᠶᠠᠯᠳᠤᠯ ᠪᠣᠯ ᠡᠨᠡ ᠬᠣᠶᠠᠷ ᠰᠠᠷᠠ ᠶᠢᠨ ᠬᠤᠭᠤᠴᠠᠭᠠ ᠪᠠᠶᠢᠯᠠ᠃ ᠬᠠᠮᠤᠭ ᠤᠨ ᠭᠣᠶᠣ ᠥᠩᠭᠡ ᠲᠡᠢ ᠲᠠᠯᠠ ᠨᠤᠲᠤᠭ ᠢ ᠪᠢ ᠣᠯᠵᠤ ᠬᠠᠷᠠᠭᠰᠠᠨ᠃ ᠳᠠᠷᠠᠭᠠ ᠨᠢ 《ᠠᠮᠢᠨ ᠭᠣᠣᠯ》 ᠺᠢᠨᠣᠨ ᠤ ᠵᠢᠷᠤᠭ ᠠᠪᠤᠯᠲᠠ ᠶᠢ ᠲᠠᠪᠤᠨ ᠰᠠᠷᠠ ᠶᠢᠨ ᠲᠤᠷᠰᠢ ᠬᠢᠬᠦ ᠳᠦ ᠮᠥᠨ ᠯᠠ ᠲᠠᠯᠠ ᠨᠤᠲᠤᠭ ᠢᠶᠠᠷ ᠢᠶᠠᠨ ᠪᠠᠬᠠᠷᠬᠠᠭᠰᠠᠨ᠃ ᠡᠨᠡ ᠺᠢᠨᠣᠨ ᠳᠤ ᠲᠣᠭᠯᠠᠬᠤ ᠳᠤ ᠪᠠᠨ ᠪᠢ ᠥᠪᠡᠷ ᠦᠨ ᠦᠨᠳᠦᠰᠦᠲᠡᠨ ᠦ ᠠᠮᠢᠳᠤᠷᠠᠯ᠂ ᠰᠤᠶᠤᠯ᠂ ᠵᠠᠩ ᠵᠠᠩᠰᠢᠯ᠂ ᠨᠠᠨᠳᠢᠨ ᠰᠡᠳᠬᠢᠯ ᠭᠡᠳ ᠪᠦᠬᠦ ᠶᠠᠭᠤᠮᠠ ᠲᠠᠢ ᠭᠦᠨ ᠭᠦᠨᠵᠡᠭᠡᠢ ᠲᠠᠨᠢᠯᠴᠠᠭᠰᠠᠨ᠃ 《ᠠᠮᠢᠨ ᠭᠣᠣᠯ》 ᠺᠢᠨᠣ᠋ ᠪᠣᠯ ᠬᠦᠮᠦᠨ᠂ ᠠᠮᠢᠲᠠᠨ᠂ ᠪᠠᠶᠢᠭᠠᠯᠢ ᠳᠡᠯᠡᠬᠡᠢ ᠪᠡᠨ ᠬᠠᠶᠢᠷᠠᠯᠠᠬᠤ ᠰᠡᠳᠬᠢᠯ ᠢ ᠶᠡᠬᠡ ᠪᠡᠷ ᠲᠥᠷᠦᠭᠦᠯᠦᠭᠰᠡᠨ ᠺᠢᠨᠣ᠋᠃《ᠭᠠᠩᠭᠠᠩ ᠬᠠᠷᠠ》 ᠺᠢᠨᠣ᠋ ᠴᠤ ᠭᠡᠰᠡᠨ ᠮᠣᠩᠭᠣᠯ ᠦᠨᠳᠦᠰᠦᠲᠡᠨ ᠠᠮᠢ ᠲᠠᠢ ᠭᠣᠣᠯ ᠲᠠᠢ ᠶᠠᠭᠤᠮᠠᠨ ᠳᠤ ᠬᠠᠶᠢᠷᠠᠲᠠᠢ ᠪᠠᠶᠢᠳᠠᠭ ᠥᠪᠡᠷᠮᠢᠴᠡ ᠣᠨᠴᠠᠯᠢᠭ ᠢ ᠬᠠᠷᠠᠭᠤᠯᠤᠭᠰᠠᠨ᠃ ᠬᠦᠮᠦᠨ ᠪᠠᠶᠢᠭᠠᠯᠢ ᠲᠠᠢ ᠪᠠᠨ ᠬᠠᠮᠲᠤ ᠣᠷᠣᠰᠢᠵᠤ᠂ ᠬᠠᠮᠲᠤ ᠰᠥᠨᠥᠬᠦ ᠨᠢ ᠮᠢᠨᠦ ᠰᠡᠳᠬᠢᠯ ᠢ ᠶᠡᠬᠡ ᠪᠡᠷ ᠳᠣᠭᠳᠣᠯᠤᠭᠤᠯᠤᠭᠰᠠᠨ᠃ ᠡᠨᠡ ᠺᠢᠨᠣ᠋ ᠪᠦᠲᠦᠭᠡᠭᠳᠡᠭᠰᠡᠨ ᠲᠡᠷᠡ ᠵᠢᠯ ᠳᠦ ᠪᠡᠨ ᠺᠠᠨᠠᠳᠠ ᠶᠢᠨ ᠣᠯᠠᠨ ᠤᠯᠤᠰ ᠤᠨ ᠺᠢᠨᠣ᠋ ᠨᠠᠭᠠᠳᠤᠮ ᠠᠴᠠ ᠲᠣᠮᠣ ᠱᠠᠩᠨᠠᠯ ᠠᠪᠤᠭᠰᠠᠨ᠃ 《ᠭᠠᠩᠭᠠᠩ ᠬᠠᠷᠠ》 ᠍ ᠶᠢᠨ ᠨᠠᠶᠢᠷᠠᠭᠤᠯᠤᠭᠴᠢ ᠬᠣᠷᠢᠨ ᠬᠡᠳᠦᠨ ᠵᠢᠯ ᠦᠨ ᠲᠤᠷᠰᠢ ᠡᠨᠡ ᠺᠢᠨᠣ᠋ ᠍ ᠪᠠᠨ ᠳᠡᠯᠡᠬᠡᠢ ᠶᠢᠨ ᠣᠯᠠᠨ ᠣᠷᠣᠨ ᠳᠤ ᠭᠠᠷᠭᠠᠵᠤ ᠮᠠᠰᠢ ᠶᠡᠬᠡ ᠬᠦᠨᠳᠦᠳᠬᠡᠯ ᠣᠯᠤᠭᠰᠠᠨ᠃ ᠡᠨᠡ ᠪᠣᠯ ᠬᠦᠮᠦᠨ ᠦ ᠶᠢᠷᠲᠢᠨᠴᠦ ᠶᠢᠨ ᠥᠪᠡᠷᠮᠢᠴᠡ ᠣᠨᠴᠠᠯᠭᠠ ᠲᠠᠢ ᠺᠢᠨᠣ᠋᠃《ᠠᠮᠢᠨ ᠭᠣᠣᠯ》 ᠺᠢᠨᠣ᠋ ᠴᠤ ᠪᠠᠰᠠ ᠮᠣᠩᠭᠣᠯ ᠦᠨᠳᠦᠰᠦᠲᠡᠨ ᠦ ᠥᠪᠡᠷᠮᠢᠴᠡ ᠣᠨᠴᠠᠯᠢᠭ ᠲᠠᠢ᠃ ᠡᠮᠦᠨᠡᠲᠦ ᠬᠢᠲᠠᠳ ᠠᠴᠠ ᠭᠤᠷᠪᠠᠨ ᠮᠢᠩᠭᠠᠨ ᠥᠨᠥᠴᠢᠨ ᠬᠡᠦᠬᠡᠳ ᠢ ᠥᠪᠥᠷ ᠮᠣᠩᠭᠣᠯ ᠳᠤ ᠠᠪᠴᠢᠷᠠᠵᠤ᠂ ᠮᠣᠩᠭᠣᠯ ᠠᠪᠤ᠂ ᠡᠵᠢ ᠨᠦᠭᠦᠳ ᠲᠦ ᠦᠷᠡᠴᠢᠯᠡᠭᠦᠯᠵᠦ ᠪᠠᠶᠢᠭᠰᠠᠨ ᠬᠠᠲᠠᠭᠤ ᠴᠠᠭ ᠦᠶᠡ ᠶᠢ ᠲᠤᠰᠬᠠᠭᠰᠠᠨ ᠺᠢᠨᠣ᠋᠃ ᠲᠡᠷᠡ ᠦᠶᠡ ᠳᠦ ᠢᠳᠡᠵᠦ ᠤᠤᠭᠤᠬᠤ ᠶᠠᠭᠤᠮᠠ ᠳᠤᠲᠠᠭᠳᠠᠯ ᠲᠠᠢ᠂ ᠠᠮᠢᠳᠤᠷᠠᠯ ᠠᠬᠤᠢ ᠨᠢ ᠮᠠᠰᠢ ᠬᠦᠨᠳᠦ ᠪᠠᠶᠢᠭᠰᠠᠨ ᠴᠤ ᠮᠠᠨ ᠤ ᠬᠢᠨ ᠥᠨᠥᠴᠢᠨ ᠬᠡᠦᠬᠡᠳ ᠦᠳ ᠢ ᠥᠪᠡᠷ ᠦᠨ ᠬᠡᠦᠬᠡᠳ ᠰᠢᠭ ᠢᠶᠡᠨ ᠥᠰᠬᠡᠵᠦ ᠪᠣᠶᠢᠵᠢᠭᠤᠯᠤᠭᠰᠠᠨ᠃ ᠮᠣᠩᠭᠣᠯᠴᠤᠳ ᠤᠨ ᠲᠥᠷᠥᠯᠬᠢ ᠵᠠᠩ ᠴᠢᠨᠠᠷ᠂ ᠦᠵᠡᠯ ᠰᠠᠨᠠᠭᠠ ᠪᠣᠯ ᠡᠶᠢᠮᠦ᠃ ᠡᠨᠡ ᠬᠣᠶᠠᠷ ᠺᠢᠨᠣ᠋ ᠍ ᠪᠠᠷ ᠳᠠᠮᠵᠢᠭᠤᠯᠤᠭᠠᠳ ᠪᠢ ᠥᠪᠡᠷ ᠦᠨ ᠮᠣᠩᠭᠣᠯ ᠦᠨᠳᠦᠰᠦᠲᠡᠨ ᠳᠦ ᠪᠡᠨ ᠮᠠᠰᠢ ᠶᠡᠬᠡ ᠬᠠᠶᠢᠷᠠᠲᠠᠢ ᠪᠣᠯᠤᠭᠰᠠᠨ ᠁》 ᠭᠡᠵᠦ ᠦᠭᠦᠯᠡᠭᠰᠡᠨ ᠶᠤᠮ᠃
ᠲᠡᠭᠦᠨ ᠦ ᠪᠦᠲᠦᠭᠡᠭᠰᠡᠨ 《ᠰᠠᠯᠬᠢᠨ ᠤ ᠡᠰᠡᠷᠭᠥ ᠮᠣᠷᠢ》᠂ 《ᠡᠵᠢ》᠂ 《ᠲᠩᠷᠢ ᠰᠢᠭ ᠲᠠᠯᠠ ᠨᠤᠲᠤᠭ》 ᠵᠡᠷᠭᠡ ᠺᠢᠨᠣ᠋ ᠨᠤᠭᠤᠳ ᠳᠤᠮᠳᠠᠳᠤ ᠤᠯᠤᠰ ᠲᠤ ᠶᠡᠬᠡᠳᠡ ᠠᠯᠳᠠᠷᠰᠢᠵᠠᠢ᠃ ᠪᠦᠬᠦ ᠬᠢᠲᠠᠳ ᠤᠨ ᠺᠢᠨᠣ᠋ ᠤᠷᠠᠯᠢᠭ ᠤᠨ ᠬᠠᠮᠤᠭ ᠤᠨ ᠳᠡᠭᠡᠳᠦ ᠱᠠᠩᠨᠠᠯ ᠪᠣᠯᠬᠤ 《ᠠᠯᠲᠠᠨ ᠲᠠᠬᠢᠶᠠ》 ᠱᠠᠩᠨᠠᠯ ᠢ ᠬᠦᠷᠲᠡᠬᠦ ᠭᠡᠵᠦ ᠬᠢᠲᠠᠳ᠂ ᠮᠣᠩᠭᠣᠯ ᠣᠯᠠᠨ ᠵᠦᠴᠦᠭᠡᠴᠢᠨ ᠬᠦᠰᠡᠳᠡᠭ ᠪᠣᠯᠪᠠᠴᠤ ᠪᠠᠷᠤᠭᠲᠠᠢ ᠪᠣᠯ ᠠᠪᠴᠤ ᠴᠢᠳᠠᠳᠠᠭ ᠦᠭᠡᠢ ᠶᠤᠮ ᠪᠠᠶᠢᠨᠠ᠃ ᠬᠢᠲᠠᠳ ᠤᠨ ᠵᠦᠴᠦᠭᠡᠴᠢᠳ ᠡᠴᠡ 《ᠠᠯᠲᠠᠨ ᠲᠠᠬᠢᠶᠠ》 ᠱᠠᠩᠨᠠᠯ ᠠᠪᠤᠭᠰᠠᠨ ᠬᠦᠮᠦᠨ ᠲᠤᠩ ᠴᠥᠭᠡᠬᠡᠨ ᠪᠥᠭᠡᠳ ᠬᠠᠷᠢᠨ ᠥᠪᠥᠷ ᠮᠣᠩᠭᠣᠯ ᠠᠴᠠ ᠨᠠᠷᠠᠩᠬᠤᠸᠠᠷ᠂ ᠰᠡᠴᠡᠩᠭᠤᠸᠠ᠂ ᠠᠯᠢᠶᠠ ᠭᠡᠰᠡᠨ ᠭᠤᠷᠪᠠᠨ ᠵᠦᠴᠦᠭᠡᠴᠢᠨ ᠠᠪᠴᠠᠢ᠃ ᠲᠡᠶᠢᠮᠦ ᠡᠴᠡ ᠵᠦᠴᠦᠭᠡᠴᠢᠨ ᠮᠠᠨᠢ 《ᠲᠡᠷᠪᠤᠮ ᠭᠠᠷᠤᠢ ᠬᠦᠮᠦᠨ ᠡᠴᠡ ᠲᠡᠷᠡ ᠱᠠᠩᠨᠠᠯ ᠢ ᠨᠢ ᠠᠪᠤᠭᠰᠠᠨ》 ᠭᠡᠵᠦ ᠳᠠᠷᠤᠤᠬᠠᠨ ᠬᠡᠯᠡᠵᠦ ᠪᠠᠶᠢᠨᠠ᠃ ᠲᠣᠮᠣ ᠱᠠᠩᠨᠠᠯ ᠭᠠᠷᠳᠠᠵᠤ ᠠᠪᠤᠭᠰᠠᠨ ᠬᠦᠮᠦᠰ ᠭᠣᠣᠯᠳᠠᠭᠤ ᠯᠠ 《ᠪᠢ ᠬᠠᠮᠲᠤ ᠣᠯᠠᠨ ᠢᠶᠠᠷ ᠢᠶᠠᠨ ᠪᠠᠬᠠᠷᠬᠠᠵᠤ ᠪᠠᠶᠢᠨᠠ᠃ ᠨᠠᠮᠠ ᠶᠢ ᠲᠥᠷᠦᠭᠦᠯᠦᠭᠰᠡᠨ ᠡᠵᠢ ᠠᠪᠤ ᠪᠠᠷ ᠢᠶᠠᠨ ᠪᠠᠬᠠᠷᠬᠠᠵᠤ ᠪᠠᠶᠢᠨᠠ》 ᠭᠡᠵᠦ ᠬᠡᠯᠡᠳᠡᠭ᠃ ᠬᠠᠷᠢᠨ ᠨᠠᠷᠠᠩᠬᠤᠸᠠᠷ 《ᠡᠵᠢ》 ᠺᠢᠨᠣ᠋ ᠍ ᠪᠠᠷ ᠢᠶᠠᠨ 《ᠠᠯᠲᠠᠨ ᠲᠠᠬᠢᠶᠠ》 ᠱᠠᠩᠨᠠᠯ ᠠᠪᠬᠤ ᠳᠤ ᠪᠠᠨ 《ᠪᠢ ᠡᠵᠢ ᠶᠢᠨ ᠳᠦᠷᠢ ᠶᠢ ᠪᠦᠲᠦᠭᠡᠭᠰᠡᠨ᠃ ᠡᠭᠦᠨ ᠢ ᠨᠠᠳᠠ ᠳᠤ ᠲᠠᠯᠠ ᠨᠤᠲᠤᠭ ᠮᠢᠨᠢ ᠥᠭᠭᠦᠭᠰᠡᠨ᠃ ᠲᠠᠯᠠ ᠨᠤᠲᠤᠭ ᠲᠤ ᠪᠠᠨ ᠪᠠᠶᠠᠷᠯᠠᠯᠠ ᠁》 ᠭᠡᠵᠦ ᠬᠡᠯᠡᠵᠡᠢ᠃
ᠺᠢᠨᠣᠨ ᠳᠤ ᠤᠳᠬᠠ ᠵᠣᠬᠢᠶᠠᠯ᠂ ᠤᠷᠠᠨ ᠵᠢᠷᠤᠭ᠂ ᠳᠠᠭᠤᠤ ᠬᠥᠭᠵᠢᠮ᠂ ᠳ᠋ᠷᠠᠮ ᠭᠡᠳ ᠣᠷᠣᠬᠤ ᠦᠭᠡᠢ ᠤᠷᠠᠯᠢᠭ ᠤᠨ ᠲᠥᠷᠥᠯ ᠭᠡᠵᠦ ᠦᠭᠡᠢ᠃ ᠡᠨᠡ ᠲᠠᠯᠠ ᠠᠴᠠ ᠪᠠᠨ ᠶᠡᠬᠡᠬᠡᠨ ᠲᠦᠭᠡᠮᠡᠯ ᠰᠢᠨᠵᠢ ᠴᠢᠨᠠᠷ ᠲᠠᠢ ᠤᠷᠠᠯᠢᠭ ᠪᠥᠭᠡᠳ ᠨᠠᠷᠠᠩᠬᠤᠸᠠᠷ ᠵᠥᠪᠬᠡᠨ ᠺᠢᠨᠣᠨ ᠳᠤ ᠲᠣᠭᠯᠠᠭᠠᠳ ᠵᠣᠭᠰᠣᠬᠤ ᠦᠭᠡᠢ ᠨᠠᠶᠢᠷᠠᠭᠤᠯᠤᠭᠴᠢ᠂ ᠫᠷᠣᠳᠢᠶᠦ᠋ᠰᠧᠷ᠂ ᠰᠡᠳᠦᠪ ᠰᠠᠨᠠᠭᠠᠴᠢᠯᠠᠭᠴᠢ ᠭᠡᠳ ᠣᠯᠠᠨ ᠲᠠᠯᠠᠳᠤ ᠦᠢᠯᠡ ᠠᠵᠢᠯᠯᠠᠭᠠᠨ ᠳᠤ ᠠᠪᠢᠶᠠᠰ ᠴᠢᠳᠠᠯ᠂ ᠰᠡᠳᠬᠢᠯ ᠣᠶᠤᠨ ᠢᠶᠠᠨ ᠬᠡᠳᠦᠶᠢᠨᠡ ᠳᠠᠶᠢᠴᠢᠯᠠᠭᠠᠳ ᠰᠤᠷᠴᠢᠬᠠᠵᠠᠢ᠃
ᠺᠢᠨᠣ᠋ ᠵᠣᠬᠢᠶᠠᠯ ᠳᠤ ᠰᠡᠳᠦᠪ ᠥᠭᠴᠦ᠂ ᠥᠪᠡᠷ ᠢᠶᠡᠨ ᠫᠷᠣᠳᠢᠶᠦ᠋ᠰᠧᠷ ᠬᠢᠵᠦ᠂ ᠥᠪᠡᠷ ᠢᠶᠡᠨ ᠭᠣᠣᠯ ᠳᠦᠷᠢ ᠳᠦ ᠨᠢ ᠲᠣᠭᠯᠠᠭᠰᠠᠨ 《ᠰᠠᠯᠬᠢᠨ ᠤ ᠡᠰᠡᠷᠭᠥ ᠮᠣᠷᠢ》 ᠺᠢᠨᠣᠨ ᠤ ᠬᠢ ᠪᠠᠨ ᠲᠤᠬᠠᠢ ᠨᠠᠷᠠᠩᠬᠤᠸᠠᠷ ᠥᠭᠦᠯᠡᠬᠦ ᠳᠦ ᠪᠡᠨ᠄ 《2000 ᠍ ᠊ᠭᠠᠳ ᠣᠨ ᠤ ᠦᠶᠡ ᠳᠦ ᠨᠤᠲᠤᠭ ᠲᠤ ᠪᠠᠨ ᠣᠴᠢᠬᠤ ᠳᠤ ᠰᠢᠯᠢ ᠶᠢᠨ ᠭᠣᠣᠯ ᠤᠨ ᠴᠡᠯᠡᠭᠡᠷ ᠰᠠᠶᠢᠬᠠᠨ ᠲᠠᠯᠠ ᠨᠤᠲᠤᠭ ᠮᠠᠨᠢ ᠤᠯᠠᠶᠢᠷᠠᠵᠤ ᠬᠠᠯᠴᠠᠷᠠᠭᠠᠳ ᠬᠡᠴᠡᠭᠦᠬᠡᠨ ᠪᠣᠯᠤᠭᠰᠠᠨ ᠪᠠᠶᠢᠯᠠ᠃ ᠡᠨᠡ ᠨᠢ ᠨᠠᠳᠠ ᠳᠤ ᠶᠠᠮᠠᠷ ᠰᠢᠯᠲᠠᠭᠠᠨ ᠠᠴᠠ ᠡᠶᠢᠮᠦ ᠪᠣᠯᠪᠠ ᠭᠡᠳᠡᠭ ᠰᠡᠳᠡᠯᠲᠡ ᠥᠭᠭᠦᠭᠰᠡᠨ᠃ ᠮᠣᠩᠭᠣᠯ ᠬᠦᠮᠦᠨ ᠯᠠ ᠥᠪᠡᠷ ᠢᠶᠡᠨ ᠰᠡᠷᠡᠵᠦ ᠮᠡᠳᠡᠷᠡᠬᠦ ᠶᠣᠰᠣᠲᠠᠢ᠃ ᠪᠢᠳᠡ ᠪᠣᠯ ᠰᠡᠳᠬᠢᠵᠦ ᠴᠢᠳᠠᠳᠠᠭ ᠨᠡᠭᠦᠳᠡᠯᠴᠢᠨ ᠠᠷᠠᠳ ᠲᠦᠮᠡᠨ᠃ ᠳᠤᠷᠠᠲᠠᠢ ᠭᠠᠵᠠᠷ ᠢᠶᠠᠨ ᠣᠴᠢᠭᠠᠳ ᠮᠠᠯ ᠢᠶᠠᠨ ᠬᠠᠷᠢᠭᠤᠯᠵᠤ ᠮᠠᠯᠵᠢᠭᠠᠳ ᠪᠠᠶᠢᠳᠠᠭ ᠲᠡᠶᠢᠮᠦ ᠲᠣᠮᠣ ᠦᠨᠳᠦᠰᠦᠲᠡᠨ᠃ ᠬᠠᠷᠢᠨ ᠥᠨᠥᠳᠥᠷ ᠲᠠᠯᠠ ᠨᠤᠲᠤᠭ ᠮᠠᠨᠢ ᠬᠤᠪᠠᠬᠠᠶᠢᠷᠠᠭᠠᠳ ᠪᠠᠶᠢᠨᠠ᠃ ᠡᠭᠦᠨ ᠳᠦ ᠰᠡᠷᠡᠯᠳᠡ ᠣᠷᠣᠭᠤᠯᠬᠤ ᠶᠢᠨ ᠲᠤᠯᠠᠳᠠ 《ᠰᠠᠯᠬᠢᠨ ᠤ ᠡᠰᠡᠷᠭᠥ ᠮᠣᠷᠢ》 ᠺᠢᠨᠣ᠋ ᠍ ᠪᠠᠨ ᠪᠦᠲᠦᠭᠡᠭᠰᠡᠨ᠃ ᠠᠮᠧᠷᠢᠺᠠ ᠳᠤ ᠪᠣᠯᠤᠭᠰᠠᠨ ᠣᠯᠠᠨ ᠤᠯᠤᠰ ᠤᠨ ᠺᠢᠨᠣ᠋ ᠨᠠᠭᠠᠳᠤᠮ ᠠᠴᠠ ᠲᠣᠮᠣ ᠱᠠᠩᠨᠠᠯ ᠠᠪᠤᠭᠰᠠᠨ᠃ ᠤᠷᠤᠰᠴᠤ ᠪᠠᠶᠢᠭᠠ ᠭᠣᠣᠯ᠂ ᠲᠡᠨᠳᠡ ᠡᠴᠡ ᠤᠷᠭᠤᠨ ᠭᠠᠷᠴᠤ ᠢᠷᠡᠵᠦ ᠪᠤᠢ ᠴᠢᠰᠤ ᠪᠣᠯ ᠲᠣᠮᠣ ᠬᠠᠶᠢᠷᠠ ᠶᠤᠮ᠃ ᠬᠦᠮᠦᠰ ᠢ ᠰᠡᠷᠡᠭᠦᠯᠵᠦ ᠲᠠᠯᠠ ᠲᠠᠯᠠ ᠠᠴᠠ ᠨᠢ ᠪᠣᠳᠣᠭᠤᠯᠤᠭᠠᠳ᠂ ᠪᠢᠳᠡ ᠨᠠᠷ ᠡᠶᠢᠮᠦ ᠠᠶᠤᠮᠰᠢᠭᠲᠠᠢ ᠦᠶᠡ ᠳᠦ ᠬᠦᠷᠴᠦ ᠢᠷᠡᠵᠦ ᠪᠠᠶᠢᠨᠠ ᠰᠢᠦ ᠭᠡᠰᠡᠨ ᠪᠣᠳᠣᠯ ᠢ ᠲᠥᠷᠦᠭᠦᠯᠵᠦ ᠪᠠᠶᠢᠭᠠ ᠶᠤᠮ᠃ ᠪᠢᠳᠡ ᠥᠪᠡᠷᠰᠡᠳ ᠦᠨ ᠢᠶᠡᠨ ᠠᠵᠢᠯ ᠢ ᠰᠠᠶᠢᠨ ᠬᠢᠭᠡᠳ᠂ ᠳᠠᠷᠠᠭᠠᠴᠢ ᠶᠢᠨ ᠰᠢᠨᠡ ᠵᠠᠯᠠᠭᠤ ᠦᠶᠡ ᠪᠠᠨ ᠶᠠᠮᠠᠷ ᠵᠠᠮ ᠢᠶᠠᠷ ᠵᠠᠮᠨᠠᠭᠤᠯᠬᠤ ᠪᠤᠢ ᠭᠡᠳᠡᠭ ᠢ ᠤᠷᠠᠯᠢᠭ ᠢᠶᠠᠷ ᠣᠶᠢᠯᠠᠭᠠᠭᠤᠯᠵᠤ ᠥᠭᠬᠦ ᠶᠣᠰᠣᠲᠠᠢ ᠁》 ᠭᠡᠵᠦ ᠬᠡᠯᠡᠭᠰᠡᠨ᠃
ᠠᠯᠢᠪᠠ ᠤᠯᠤᠰ ᠦᠨᠳᠦᠰᠦᠲᠡᠨ ᠦ ᠪᠦᠲᠦᠭᠡᠭᠰᠡᠨ ᠺᠢᠨᠣ᠋ ᠪᠣᠯ ᠲᠡᠦᠬᠡ ᠶᠢᠨ ᠬᠡᠳᠦᠨ ᠵᠠᠭᠤᠨ ᠤ ᠦᠶᠡ ᠪᠣᠯᠤᠭᠠᠳ ᠣᠷᠣᠰᠢᠨ ᠪᠤᠢ ᠨᠡᠶᠢᠭᠡᠮ ᠦᠨ ᠢᠶᠡᠨ ᠪᠣᠳᠠᠲᠤ ᠠᠮᠢᠳᠤᠷᠠᠯ᠂ ᠬᠦᠮᠦᠰ ᠦᠨ ᠰᠤᠶᠤᠯ᠂ ᠶᠣᠰᠣ ᠵᠠᠩᠰᠢᠯ᠂ ᠵᠠᠩ ᠠᠷᠠᠨᠰᠢᠨ᠂ ᠰᠡᠳᠬᠢᠯ ᠬᠥᠳᠡᠯᠦᠯ ᠵᠡᠷᠭᠡ ᠶᠢ ᠬᠠᠷᠠᠭᠤᠯᠬᠤ ᠴᠢᠬᠤᠯᠠ ᠪᠠᠷᠢᠮᠲᠠ ᠪᠣᠯᠵᠤ ᠦᠯᠡᠳᠡᠳᠡᠭ᠃ ᠨᠡᠷᠡᠲᠦ ᠵᠦᠴᠦᠭᠡᠴᠢᠨ ᠮᠠᠨᠢ ᠳᠤᠮᠳᠠᠳᠤ ᠤᠯᠤᠰ ᠲᠤ ᠪᠣᠯᠤᠠ ᠥᠪᠥᠷ ᠮᠣᠩᠭᠣᠯ ᠳᠤ ᠬᠡᠵᠢᠶᠡ ᠴᠤ ᠠᠷᠢᠯᠤᠰᠢ ᠦᠭᠡᠢ ᠡᠶᠢᠮᠦ ᠪᠠᠷᠢᠮᠲᠠ ᠣᠯᠠᠨ ᠢ ᠦᠯᠡᠳᠡᠭᠡᠵᠡᠢ᠃ ᠥᠪᠥᠷ ᠮᠣᠩᠭᠣᠯ ᠤᠨ ᠤᠷᠠᠯᠢᠭ᠂ ᠰᠤᠶᠤᠯ ᠤᠨ ᠬᠢᠨ ᠪᠣᠯᠤᠠ ᠤᠳᠬᠠ ᠵᠣᠬᠢᠶᠠᠯ ᠤᠨ ᠬᠢᠨ ᠲᠠᠢ ᠵᠣᠭᠣᠭ ᠤᠨ ᠰᠢᠷᠡᠭᠡᠨ ᠦ ᠠᠷᠤ ᠳᠤ ᠡᠩ ᠦᠨ ᠰᠠᠶᠢᠬᠠᠨ ᠶᠠᠷᠢᠶᠠ ᠥᠷᠨᠢᠭᠦᠯᠵᠦ ᠰᠠᠭᠤᠬᠤ ᠳᠤ ᠲᠡᠳᠡ ᠭᠣᠣᠯᠳᠠᠭᠤ ᠯᠠ 《ᠮᠠᠨ ᠤ ᠤᠷᠠᠯᠢᠭ ᠲᠠᠨ ᠤ ᠬᠢ ᠠᠴᠠ ᠭᠤᠴᠢᠨ ᠵᠢᠯ ᠢᠶᠡᠷ ᠬᠣᠴᠣᠷᠤᠭᠳᠠᠵᠤ ᠶᠠᠪᠤᠭᠠ》 ᠭᠡᠵᠦ ᠬᠡᠯᠡᠳᠡᠭ ᠶᠤᠮ᠃ ᠡᠨᠡ ᠨᠢ ᠤᠳᠬᠠ ᠵᠣᠬᠢᠶᠠᠯ᠂ ᠳᠠᠭᠤᠤ ᠬᠥᠭᠵᠢᠮ᠂ ᠳᠠᠭᠤᠤᠷᠢ᠂ ᠪᠠᠯᠧᠲ ᠵᠡᠷᠭᠡ ᠳᠦ ᠬᠠᠮᠢᠶᠠᠷᠬᠤ ᠪᠠᠶᠢᠬᠤ᠃ ᠲᠡᠳᠡᠨ ᠦ ᠤᠷᠠᠨ ᠪᠦᠲᠦᠭᠡᠯ ᠳᠦ ᠰᠤᠶᠤᠯ ᠤᠨ ᠬᠤᠪᠢᠰᠬᠠᠯ ᠭᠡᠭᠴᠢ ᠨᠢ ᠬᠣᠷᠢ ᠭᠤᠴᠢᠨ ᠵᠢᠯ ᠦᠨ ᠵᠠᠢ ᠣᠷᠣᠭᠤᠯᠤᠭᠰᠠᠨ ᠪᠠᠶᠢᠬᠤ ᠦᠨᠳᠦᠰᠦ ᠲᠡᠢ᠃ ᠬᠠᠷᠢᠨ ᠥᠪᠥᠷ ᠮᠣᠩᠭᠣᠯ ᠤᠨ ᠺᠢᠨᠣ᠋ ᠤᠷᠠᠯᠢᠭ ᠮᠠᠨ ᠤ ᠬᠢ ᠠᠴᠠ ᠣᠯᠠᠨ ᠵᠢᠯ ᠢᠶᠡᠷ ᠬᠣᠴᠣᠷᠤᠭᠳᠠᠵᠤ ᠶᠠᠪᠤᠭᠰᠠᠨ ᠴᠤ 1990 ᠣᠨ ᠠᠴᠠ ᠮᠠᠨ ᠤ ᠬᠢ ᠲᠠᠢ ᠡᠩ ᠵᠡᠷᠭᠡᠴᠡᠵᠦ ᠡᠳᠦᠭᠡ ᠣᠯᠠᠨ ᠤᠯᠤᠰ ᠤᠨ ᠺᠢᠨᠣ᠋ ᠨᠠᠭᠠᠳᠤᠮ ᠤᠳ ᠠᠴᠠ ᠠᠯᠲᠠ᠂ ᠮᠥᠩᠭᠥᠨ ᠮᠧᠳᠠᠯ ᠰᠢᠭᠦᠷᠡᠭᠡᠳ ᠢᠷᠡᠳᠡᠭ ᠪᠣᠯᠵᠠᠢ᠃
ᠳᠡᠯᠡᠬᠡᠢ ᠶᠢᠨ ᠺᠢᠨᠣ᠋ ᠤᠷᠠᠯᠢᠭ ᠤᠨ ᠲᠡᠦᠬᠡᠨ ᠳ᠋ᠡᠬᠢ ᠣᠨᠴᠠᠭᠠᠢ ᠪᠠᠭᠠᠲᠤᠷ ᠤᠳ ᠤᠨ ᠨᠢᠭᠡ᠂ ᠵᠥᠪᠯᠡᠯᠲᠦ ᠶᠢᠨ ᠨᠠᠶᠢᠷᠠᠭᠤᠯᠤᠭᠴᠢ ᠠᠨᠳᠠᠷᠢ ᠲᠠᠷᠺᠣᠪᠰᠺᠦ 《ᠺᠢᠨᠣ᠋ ᠪᠣᠯ ᠬᠠᠮᠤᠭ ᠤᠨ ᠠᠵᠠ ᠦᠭᠡᠢ ᠤᠷᠠᠯᠢᠭ》 ᠭᠡᠵᠦ ᠬᠡᠯᠡᠭᠰᠡᠨ ᠪᠠᠶᠢᠳᠠᠭ᠃ ᠡᠨᠡ ᠬᠥᠮᠥᠨ ᠰᠣᠴᠢᠶᠠᠯᠢᠰᠲ ᠨᠡᠶᠢᠭᠡᠮ ᠤᠨ ᠦᠶᠡ ᠳᠦ ᠦᠵᠡᠯ ᠪᠣᠳᠣᠯ ᠠᠴᠠ ᠪᠠᠨ ᠪᠣᠯᠵᠤ ᠪᠠᠷᠠᠭᠤᠨ ᠤ ᠣᠷᠣᠨ ᠨᠤᠭᠤᠳ ᠤᠷᠤᠭᠤ ᠳᠦᠷᠪᠡᠭᠰᠡᠨ ᠪᠣᠯᠬᠣᠷ ᠺᠢᠨᠣ᠋ ᠤᠷᠠᠯᠢᠭ ᠢ ᠡᠶᠢᠨᠬᠦ ᠠᠵᠠ ᠦᠭᠡᠢ ᠳ᠋ᠤ ᠲᠣᠭᠠᠴᠠᠭᠰᠠᠨ ᠪᠠᠶᠢᠬᠤ᠃ ᠬᠠᠷᠢᠨ ᠨᠠᠷᠠᠩᠬᠤᠸᠠᠷ ᠤᠨ ᠬᠤᠪᠢ ᠳᠤ ᠺᠣᠮᠮᠤᠶᠢᠨᠢᠰᠲ ᠳᠢᠭᠯᠢᠮ ᠲᠡᠢ ᠠᠭᠤᠤ ᠶᠡᠬᠡ ᠬᠢᠲᠠᠳ ᠭᠦᠷᠦᠨ ᠳᠦ ᠤᠷᠠᠨ ᠪᠦᠲᠦᠭᠡᠯ ᠲᠤᠭᠤᠷᠪᠢᠵᠤ ᠪᠠᠶᠢᠭᠠ ᠴᠤ ᠦᠵᠡᠯ ᠪᠣᠳᠣᠯ ᠢᠶᠠᠨ ᠡᠪᠲᠡᠶᠢᠬᠡᠨ ᠣᠶᠢᠯᠠᠭᠠᠭᠤᠯᠤᠭᠠᠳ᠂ ᠺᠢᠨᠣ᠋ ᠤᠷᠠᠯᠢᠭ ᠢ ᠥᠪᠡᠷᠲᠡᠭᠡᠨ ᠠᠵᠠ ᠦᠭᠡᠢ ᠤᠷᠠᠯᠢᠭ ᠪᠢᠰᠢ ᠠᠵᠠ ᠲᠠᠢ ᠤᠷᠠᠯᠢᠭ ᠪᠣᠯᠭᠠᠭᠠᠳ ᠵᠣᠭᠰᠣᠬᠤ ᠦᠭᠡᠢ ᠣᠯᠠᠨ ᠤᠯᠤᠰ ᠤᠨ ᠺᠢᠨᠣ᠋ ᠨᠠᠭᠠᠳᠤᠮ ᠤᠳ ᠲᠤ ᠳᠤᠮᠳᠠᠳᠤ ᠤᠯᠤᠰ ᠪᠣᠯᠤᠨ ᠥᠪᠥᠷ ᠮᠣᠩᠭᠣᠯ ᠢ ᠲᠥᠯᠦᠭᠡᠯᠡᠵᠦ ᠣᠷᠣᠯᠴᠠᠳᠠᠭ 《ᠬᠢᠯᠢ ᠬᠢᠵᠠᠭᠠᠷ ᠦᠭᠡᠢ ᠤᠷᠠᠯᠢᠭ》 ᠪᠣᠯᠭᠠᠵᠤ ᠴᠢᠳᠠᠵᠠᠢ᠃ ᠲᠡᠶᠢᠮᠦ ᠳᠦ ᠪᠡᠨ ᠴᠤ ᠲᠡᠭᠦᠨ ᠢ ᠥᠪᠥᠷ ᠮᠣᠩᠭᠣᠯᠴᠤᠳ ᠲᠡᠳᠦᠢ ᠦᠭᠡᠢ ᠲᠡᠷᠪᠤᠮ ᠭᠠᠷᠤᠢ ᠬᠦᠮᠦᠨ ᠠᠮᠠ ᠲᠠᠢ ᠬᠢᠲᠠᠳ ᠤᠯᠤᠰ ᠬᠦᠨᠳᠦᠯᠡᠨ ᠪᠢᠰᠢᠷᠡᠳᠡᠭ ᠶᠤᠮ ᠪᠠᠶᠢᠨᠠ᠃
ᠲᠦᠮᠡᠲᠦ ᠰᠢᠨᠡ ᠬᠥᠷᠪᠡᠭᠦᠯᠪᠡ
7 
0 
- ᠳ᠋ᠦ ︵5︶
43 09:20
- ᠳ᠋ᠦ ︵4︶ 41 2025-03-16 08:37
- ᠳ᠋ᠦ ︵3︶ 103 2025-03-13 08:06
- ᠪ ᠊ ᠣᠶᠢ᠍ᠳᠣᠪ : ᠦᠵᠡᠭᠴᠢᠳ ᠢᠶᠡᠨ ᠮᠡᠯᠮᠡᠷᠲᠡᠯᠡ ᠪᠦᠵᠢᠭ᠍ᠯᠡᠳᠡᠭ᠌ ᠬᠠᠰ - ᠣᠳᠤᠨ 9822 2018-12-18 08:05
- ᠠᠮᠸᠷᠢᠺᠠ ᠶᠢᠨ ᠺᠢᠨᠣ᠋ ᠨᠠᠭᠠᠳᠤᠮ ᠡᠴᠡ ᠲᠡᠷᠢᠭᠦᠨ ᠪᠠᠶᠢ᠍ᠷᠢ ᠶᠢᠨ ᠱᠠᠩᠨᠠᠯ ᠬᠦᠷᠲᠡᠭᠰᠡᠨ ᠰᠣᠶᠣᠯᠴᠡᠴᠡᠭ 9498 2018-12-16 18:48
- ᠨᠠᠶᠢ᠍ᠷᠠᠯ ᠳᠠᠭᠤᠨ ᠤ ᠤᠳᠤᠷᠢᠳᠤᠭᠠᠴᠢᠳ ᠢᠶᠡᠷ ᠳᠡᠯᠡᠬᠡᠢ ᠳ᠋ᠤ ᠲᠠᠨᠢᠭᠳᠠᠭᠰᠠᠨ ᠢᠯᠠᠭᠤᠨᠭᠡᠷᠡᠯ 9221 2018-12-15 18:42
- 13847524386 211429899@qq.com 13847524386 QQ 211429899 蒙ICP备17002503号-1
