www.duurn.cn
-
-
- 2018-02-28 10:05
- 2018-04-27 19:03
- 81502
- 52
ᠨᠠᠢᠵᠠ ᠶᠢᠨ ᠳᠤᠭᠤᠷᠢᠭ ᠢᠶᠠᠷ
ᠨᠠᠢᠵᠠ ᠶᠢᠨ ᠳᠤᠭᠤᠷᠢᠭ ᠢᠶᠠᠷ
5964
2018-04-18 07:50
发表于：内蒙古
ᠨᠠᠢᠵᠠ ᠶᠢᠨ ᠳᠤᠭᠤᠷᠢᠭ ᠢᠶᠠᠷ
ᠯᠢᠤ ᠵᠢᠨ
ᠬᠡᠰᠤᠭᠦᠯ ᠵᠠᠩ ᠳᠠᠢ ᠪᠢ ᠪᠠᠷ
ᠬᠡᠵᠢᠶᠡᠳᠡ ᠳᠤᠭᠤᠷᠢᠭᠠᠳ ᠶᠠᠪᠤᠳᠠᠭ
ᠬᠡᠵᠢᠶᠡ ᠶᠠᠵᠢᠶᠠᠨ ᠤ ᠠᠨᠳᠠ ᠭᠡᠳᠡᠯᠡ
ᠬᠡᠵᠢᠶᠡᠳᠡ ᠠᠭᠤᠯᠵᠭᠠ ᠦᠭᠡᠢ ᠬᠤᠯᠪᠤᠭᠠᠨ ᠨᠠᠢᠵᠠ
ᠠᠢᠯ ᠠᠢᠮᠠᠭ ᠤᠨ ᠠᠬᠠ ᠳᠡᠭᠦᠤ
ᠠᠯᠤᠰ ᠭᠦᠷᠦᠨ ᠦ ᠳᠠᠨᠢᠯ
ᠤᠷᠤᠭ ᠳᠦᠷᠦᠯ ᠦᠨ ᠤᠢᠷᠠ ᠭᠡᠳᠡᠯᠡ
ᠤᠷᠴᠢᠮ ᠳᠠᠨᠢᠯᠴᠠᠭᠰᠠᠨ ᠡᠭᠡᠴᠢ ᠳᠡᠭᠦᠤ
ᠤᠨᠴᠤᠭᠤᠢ ᠬᠠᠯᠭᠤᠮᠰᠤᠭ ᠪᠦᠰᠡᠬᠦᠢ
ᠤᠴᠢᠭᠠᠳ ᠬᠠᠨᠢᠯᠠᠴᠢᠮᠡᠷ ᠠᠮᠠᠷᠠᠭ
ᠠᠯᠢ ᠶᠢ ᠨᠢ ᠴᠤ ᠪᠤᠯᠤᠭ ᠦᠯᠡᠳᠡᠭᠡᠯ ᠦᠭᠡᠢ
ᠠᠨᠳᠠ ᠶᠢᠨ ᠳᠤᠭᠤᠷᠢᠭ ᠢᠶᠠᠷ ᠨᠢ ᠬᠡᠰᠦᠳᠡᠭ
ᠨᠠᠢᠷ ᠤᠨ ᠰᠢᠷᠡᠭᠡᠨ ᠳᠦ ᠳᠠᠯᠪᠢᠭᠰᠠᠨ
ᠨᠠᠢᠮᠠ ᠨᠠᠢᠮᠠᠨ ᠨᠤᠭᠤᠭᠠ ᠨᠤᠭᠤᠳᠨ
ᠨᠠᠢᠷᠠᠳᠠᠢ ᠬᠠᠢᠷᠠᠳᠠᠢ ᠪᠠᠨ ᠢᠯᠡᠳᠭᠡᠭᠰᠡᠨ
ᠨᠠᠢᠷᠠᠯᠠᠵᠤ ᠳᠠᠳᠠᠭᠤᠯᠤᠭᠰᠠᠨ ᠵᠢᠷᠤᠭ ᠤᠳ
ᠠᠷᠢᠬᠢᠨ ᠰᠢᠷᠡᠭᠡᠨ ᠳᠦ ᠵᠠᠰᠠᠭᠰᠠᠨ
ᠠᠷᠠᠵᠠ ᠬᠤᠷᠠᠵᠠ ᠤᠮᠳᠠᠭᠠᠨ ᠤᠳ
ᠠᠬᠠᠮᠠᠳ ᠳᠤᠮᠤᠭᠠᠳᠠᠨ ᠳᠠᠭᠠᠨ ᠪᠠᠷᠢᠭᠰᠠᠨ
ᠠᠯᠳᠠᠨ ᠬᠤᠨᠳᠠᠭᠠ ᠳᠠᠢ ᠰᠠᠷᠬᠤᠳ ᠤᠳ
ᠠᠮᠠᠷᠠᠭ ᠬᠠᠨᠢ ᠳᠠᠢ ᠪᠠᠨ ᠪᠠᠶᠠᠰᠤᠯᠴᠠᠭᠰᠠᠨ
ᠠᠵᠠ ᠵᠢᠷᠭᠠᠯ ᠤᠨ ᠰᠡᠭᠦᠳᠡᠷ ᠦᠳ
ᠠᠢᠮᠠᠭ ᠳᠦᠷᠦᠯ ᠪᠦᠭᠦᠳᠡᠭᠡᠷ
ᠠᠭᠤᠯᠵᠠᠭᠠᠳ ᠴᠠᠭᠠᠯᠠᠭᠰᠠᠨ ᠵᠢᠷᠤᠭ ᠤᠳ
ᠠᠯᠤᠰ ᠤᠨ ᠦᠵᠡᠮᠵᠢᠳᠤ ᠤᠷᠤᠨ ᠢᠶᠠᠷ
ᠠᠶᠠᠯᠠᠨ ᠵᠤᠭᠠᠴᠠᠭᠰᠠᠨ ᠳᠤᠷᠠᠰᠬᠠᠯ ᠤᠳ
ᠮᠠᠢᠮᠠᠢ ᠬᠤᠨᠵᠢᠪᠤᠷᠢ ᠶᠢᠨ ᠬᠠᠮᠢᠶᠠᠳᠠᠢ
ᠮᠡᠳᠡᠭᠡᠯᠡᠯ ᠰᠤᠷᠠᠭ ᠤᠨ ᠵᠠᠷ ᠤᠳ
ᠠᠯᠢ ᠨᠢ ᠴᠤ ᠦᠯᠡᠳᠡᠬᠦ ᠦᠭᠡᠢ ᠦᠵᠡᠳᠡᠭ
ᠠᠩᠵᠢᠶᠠᠷᠠᠬᠤ ᠳᠡᠳᠤᠢ ᠰᠢᠷᠪᠢᠳᠡᠭ ᠡ
ᠠᠶᠠᠭᠠ ᠳᠠᠢ ᠴᠠᠢ ᠠᠯᠳᠠᠨ ᠰᠠᠷᠭᠠᠢ ᠶᠢ
ᠠᠯᠢᠨ ᠳᠤ ᠨᠢ ᠴᠤ ᠪᠦᠷ ᠬᠦᠷᠭᠡᠮᠡᠷ ᠯᠠ
ᠠᠷᠠᠢ ᠳᠡᠭᠡᠪᠡᠴᠤ ᠰᠡᠳᠬᠡᠯ ᠳᠦ
ᠠᠰᠳᠠᠭᠠᠨ ᠨᠢᠭᠡᠨ ᠳᠦᠷᠦᠭᠳᠡᠭᠡᠳ ᠯᠠ
ᠨᠠᠢᠷᠠᠭ ᠤᠨ ᠨᠠᠢᠵᠠ ᠶᠢᠨ ᠳᠤᠭᠤᠷᠢᠭ ᠢᠶᠠᠷ
ᠨᠠᠢᠮᠠᠢ ᠶᠢ ᠵᠤᠳᠤᠭᠠᠳ ᠤᠷᠤᠬᠤ ᠳᠤ ᠴᠢᠨᠢ
ᠨᠠᠢᠷ ᠤᠨ ᠰᠢᠷᠡᠭᠡ ᠨᠢ ᠨᠠᠷᠠ ᠭᠢᠯᠪᠢᠭᠠᠳ
ᠨᠠᠢᠮᠠᠨ ᠨᠤᠭᠤᠭᠠ ᠨᠢ ᠠᠭᠤᠷ ᠰᠠᠪᠰᠠᠭᠠᠳ
ᠨᠢᠩᠵᠢᠨ ᠰᠡᠳᠬᠡᠯ ᠨᠢ ᠤᠤᠯᠭᠠ ᠠᠯᠳᠠᠭᠠᠳ
ᠰᠢᠨᠡ ᠪᠢᠴᠢᠭᠰᠡᠨ ᠪᠦᠳᠡᠭᠡᠯ ᠦᠳ ᠭᠡᠳᠡᠭ
ᠰᠢᠷᠡᠭᠡᠨ ᠳᠦ ᠪᠡᠨ ᠵᠠᠯᠠᠭᠰᠠᠨ ᠤᠷᠢᠯᠭᠠ ᠯᠠ
ᠰᠢᠯᠢᠳᠡᠭ ᠰᠠᠢᠬᠠᠨ ᠰᠢᠯᠦᠭ ᠦᠳ ᠭᠡᠳᠡᠭ
ᠰᠠᠷᠠ ᠳᠦᠭᠦᠷᠡᠭᠡ ᠬᠤᠬᠡᠳ ᠯᠠ
ᠨᠠᠢᠷ ᠲᠤ ᠤᠴᠢᠭᠰᠠᠨ ᠪᠢ ᠴᠢᠨᠢ
ᠨᠢᠭᠡᠮᠤᠰᠤᠨ ᠪᠠᠶᠠᠷᠯᠠᠭᠠᠳ ᠯᠠ
ᠨᠠᠷᠠᠳᠠᠢ ᠬᠠᠢᠷᠠᠳᠠᠢ ᠨᠢᠭᠡᠨ ᠳᠠᠢ
ᠨᠢᠭᠤᠴᠠ ᠪᠠᠷ ᠠᠭᠤᠯᠵᠠᠭᠰᠠᠨ ᠰᠢᠤ ᠳᠤᠭᠳᠤᠯᠤᠨ
ᠨᠢᠭᠡᠳ ᠨᠢᠭᠡ ᠪᠡᠷ ᠳᠠᠷᠠᠭᠠᠯᠠᠨ ᠦᠵᠡᠬᠦ ᠳᠦ
ᠨᠡᠢᠭᠡᠮ ᠴᠠᠭ ᠤᠨ ᠪᠠᠢᠳᠠᠯ ᠢᠶᠠᠷ
ᠨᠡᠢᠳᠭᠡᠵᠤ ᠨᠠᠢᠷᠠᠭᠤᠯᠤᠭᠰᠠᠨ ᠰᠢᠯᠦᠭ ᠦᠳ
ᠬᠠᠢᠷᠠ ᠰᠡᠳᠬᠡᠯ ᠦᠨ ᠠᠭᠤᠯᠭᠠ ᠪᠠᠷ
ᠬᠠᠷᠢᠴᠠᠭᠤᠯᠵᠤ ᠪᠢᠴᠢᠭᠰᠡᠠ ᠨᠠᠢᠷᠠᠭᠤᠯᠤᠯ ᠤᠳ
ᠪᠠᠢᠭᠠᠯᠢ ᠤᠷᠴᠢᠨ ᠢᠶᠠᠨ ᠬᠠᠢᠷᠠᠯᠠᠭᠠᠳ
ᠪᠠᠳᠠᠭᠯᠠᠵᠤ ᠰᠢᠯᠦᠭᠯᠡᠭᠰᠡᠨ ᠬᠤᠯᠪᠤᠭᠠ ᠨᠤᠭᠤᠳ
ᠦᠩᠭᠡᠷᠡᠭᠰᠡᠨ ᠦ ᠦᠪ ᠰᠤᠶᠤᠯ ᠢᠶᠠᠨ
ᠦᠮᠦᠭᠯᠡᠵᠤ ᠬᠠᠮᠭᠠᠯᠠᠭᠰᠠᠨ ᠦᠭᠦᠯᠡᠯᠭᠡ ᠨᠤᠭᠦᠳ
ᠡᠪᠦᠭᠡᠳ ᠪᠤᠭᠤᠷᠤᠯ ᠢᠶᠠᠨ ᠬᠦᠨᠳᠦᠳᠭᠡᠭᠰᠡᠨ
ᠡᠯᠢᠭᠡᠨ ᠬᠠᠢᠷᠠ ᠶᠢᠨ ᠮᠦᠷᠭᠦᠯ ᠦᠳ
ᠦᠰᠪᠤᠷᠢ ᠶᠢᠨ ᠬᠤᠬᠡᠳ ᠢᠶᠠᠨ ᠦᠬᠦᠭᠡᠷᠳᠠᠭᠰᠡᠨ
ᠦᠨᠡᠨ ᠰᠡᠳᠬᠡᠯ ᠦᠨ ᠢᠷᠦᠭᠡᠯ ᠦᠳ
ᠠᠩᠬᠠᠨ ᠤ ᠬᠠᠢᠷᠠ ᠶᠢᠨ ᠰᠡᠳᠬᠡᠯ ᠢᠶᠡᠨ
ᠠᠮᠠᠯᠠᠵᠤ ᠬᠡᠯᠡᠭᠰᠡᠨ ᠵᠠᠬᠢᠳᠠᠯ ᠤᠳ
ᠪᠤᠯᠪᠠᠰᠤᠨ ᠰᠠᠢᠬᠠᠨ ᠮᠤᠩᠭᠤᠯ ᠰᠤᠶᠤᠯ ᠢᠶᠠᠨ
ᠪᠤᠯᠳᠤ ᠪᠠᠷ ᠨᠢ ᠢᠯᠡᠳᠭᠡᠭᠡᠳ ᠬᠠᠷᠠᠭᠤᠯᠤᠨᠠ
ᠦᠨᠳᠦᠰᠦᠳᠠᠨ ᠤ ᠦᠪ ᠵᠠᠩᠰᠢᠯ ᠢᠶᠠᠨ
ᠦᠷᠭᠦᠯᠵᠢᠯᠡᠭᠦᠯᠦᠨ ᠪᠠᠳᠠᠷᠠᠭᠤᠯᠵᠦ ᠬᠦᠭᠵᠢᠭᠦᠯᠦᠨᠡ
ᠦᠵᠡᠨ ᠦᠵᠡᠨ ᠪᠠᠶᠠᠷᠯᠠᠵᠤ ᠪᠠᠢᠨᠠ
ᠦᠨᠡᠨ ᠰᠡᠳᠬᠡᠯ ᠮᠢᠨᠢ ᠳᠤᠭᠳᠤᠯᠠᠵᠤ ᠪᠠᠢᠨᠠ
ᠦᠢᠳᠠᠩ ᠯᠢᠩᠬᠤᠸᠠ ᠴᠡᠴᠡᠭ ᠢ
ᠦᠩᠭᠡ ᠳᠠᠢ ᠰᠠᠢᠬᠠᠨ ᠢ ᠨᠢ ᠬᠦᠷᠭᠡᠶᠡ
ᠬᠠᠯᠠᠰᠤᠭᠠᠳ ᠪᠢ ᠬᠦᠨᠳᠦᠷᠡᠵᠤ ᠪᠠᠢᠨᠠ
ᠬᠤᠨᠳᠠᠭᠠ ᠳᠠᠢ ᠠᠷᠠᠵᠠᠨ ᠳᠤ ᠰᠤᠭᠳᠤᠵᠤ ᠪᠠᠢᠨᠠ
ᠬᠠᠯᠠᠭᠤᠨ ᠵᠢᠷᠦᠬᠡ ᠮᠡᠳᠤ ᠤᠯᠠᠭᠠᠠ ᠳᠤᠭᠤᠷ ᠢ
ᠬᠠᠢᠷᠠᠳᠠᠢ ᠳᠠᠨᠠᠷ ᠲᠤ ᠪᠠᠨ ᠪᠡᠯᠡᠭᠯᠡᠵᠡ᠂᠂
2018᠂ 4᠂ 11᠂᠂
13 
2 
- 13847524386 211429899@qq.com 13847524386 QQ 211429899 蒙ICP备17002503号-1
