www.duurn.cn
- ᠪᠣᠤ ᠵᠢᠨᠵᠤᠸᠠᠩᠽᠢ
- ᠵᠠᠯᠠᠢᠢᠳ ᠤᠨ ᠠᠷᠪᠠᠠᠭᠡᠷ
- 2022-11-29 19:30
- 2025-03-06 13:17
- 93332
- 144
ᠬᠦᠳᠡᠭᠡ ᠨᠤᠳᠤᠭ ᠲᠤ ᠪᠠᠨ ᠬᠠᠷᠢᠭᠰᠠᠨ ᠨᠢ
ᠬᠣᠯᠠ ᠶᠢᠨ ᠵᠡᠷᠭᠡᠯᠭᠡᠨ ᠵᠢᠷᠪᠢᠯᠵᠡᠨᠡ
ᠬᠣᠯᠠᠩ ᠤᠨ ᠤᠳᠤᠭᠠ ᠪᠣᠷᠭᠢᠯᠤᠨᠠ
ᠭᠣᠪᠢ ᠪᠠᠨ ᠡᠷᠭᠢᠭᠡᠳ ᠮᠠᠰᠢᠨ ᠤᠳ ᠲᠠᠪᠬᠢᠯᠳᠤᠨᠠ
ᠭᠣᠤᠯ ᠢᠶᠠᠨ ᠲᠠᠭᠠᠭᠠᠳ ᠠᠳᠤᠭᠤᠳ ᠪᠡᠯᠴᠢᠨᠡ ︕
277
2025-02-27 16:04
发表于：内蒙古
ᠬᠦᠳᠡᠭᠡ ᠨᠤᠳᠤᠭ ᠲᠤ ᠪᠠᠨ ᠬᠠᠷᠢᠭᠰᠠᠨ ᠨᠢ
ᠪ ᠂ ᠠᠯᠳᠠᠨᠪᠠᠭᠠᠨᠠ
ᠬᠣᠯᠠ ᠶᠢᠨ ᠵᠡᠷᠭᠡᠯᠭᠡᠨ ᠵᠢᠷᠪᠢᠯᠵᠡᠨᠡ
ᠬᠣᠯᠠᠩ ᠤᠨ ᠤᠳᠤᠭᠠ ᠪᠣᠷᠭᠢᠯᠤᠨᠠ
ᠭᠣᠪᠢ ᠪᠠᠨ ᠡᠷᠭᠢᠭᠡᠳ ᠮᠠᠰᠢᠨ ᠤᠳ ᠲᠠᠪᠬᠢᠯᠳᠤᠨᠠ
ᠭᠣᠤᠯ ᠢᠶᠠᠨ ᠲᠠᠭᠠᠭᠠᠳ ᠠᠳᠤᠭᠤᠳ ᠪᠡᠯᠴᠢᠨᠡ ︕
ᠰᠠᠷᠠᠭᠤᠯ ᠵᠠᠮ ᠤᠳ ᠨᠢ ᠴᠠᠷᠳᠠᠭᠳᠠᠨ ᠤᠷᠳᠤᠯᠵᠠᠨᠠ
ᠰᠡᠢᠷᠡᠭ ᠠᠰᠠᠷ ᠤᠳᠨᠢ ᠰᠦᠨᠳᠡᠷᠯᠡᠨ ᠪᠣᠰᠤᠯᠴᠠᠨᠠ
ᠰᠤᠷᠭᠠᠭᠤᠯᠢ ᠶᠢ ᠲᠣᠭᠤᠷᠢᠭᠠᠳ ᠬᠡᠤᠬᠡᠳ ᠭᠦᠶᠦᠯᠳᠦᠨᠡ
ᠰᠤᠳᠠᠭ ᠢ ᠡᠷᠭᠢᠴᠡᠭᠡᠳ ᠲᠤᠭᠤᠯ ᠤᠳ ᠲᠣᠭᠯᠠᠨᠠ
ᠠᠶᠠ ᠬᠦᠭᠡᠷᠦᠬᠦᠢ ᠂ ᠬᠦᠳᠡᠭᠡ ᠮᠢᠨᠢ ︱ ᠦᠯᠦᠭᠡᠢ ᠮᠢᠨᠢ
ᠠᠬᠢᠭᠠᠳ ᠪᠢ ᠢᠷᠡᠯᠡ ᠂ ᠴᠢᠮᠠᠢ ᠪᠠᠨ ᠦᠨᠦᠰᠦᠶᠡ ︕
ᠠᠮᠤᠷ ᠠᠮᠤᠭᠤᠯᠠᠩ ᠠᠮᠢᠳᠤᠷᠠᠯ ᠤᠨ ᠴᠢᠨᠢ ᠰᠠᠢᠬᠠᠨ ᠳᠤ
ᠠᠶᠣᠤᠯᠢᠬᠠᠢ ᠵᠢᠷᠦᠬᠡ ᠮᠢᠨᠢ ᠰᠠᠯᠵᠤ ᠪᠣᠯᠤᠰᠢ ᠦᠭᠡᠢ ᠲᠠᠰᠤᠯᠠ ᠃
ᠴᠠᠷᠠᠰᠤᠨ ᠤᠢ ᠶᠢᠨ ᠰᠠᠢᠬᠠᠨ ᠠᠭᠠᠷ
ᠴᠠᠢᠳᠠᠮ ᠪᠦᠷᠢᠳᠦ ᠶᠢᠨ ᠰᠠᠷᠠᠭᠤᠯ ᠬᠦᠨᠳᠡᠢ
ᠴᠢ ᠪᠢᠳᠡᠨ ᠳᠦ ᠲᠦᠢᠯ ᠦᠨ ᠲᠠᠭᠠᠳᠠᠢ ᠪᠠᠢᠳᠠᠭ ᠤᠨ
ᠴᠠᠭᠠᠨᠠᠬᠢ ᠤᠴᠢᠷ ᠨᠢ ᠴᠤᠬᠤᠮ ᠶᠠᠭᠤ ᠪᠢᠯᠡ ⁈
ᠠᠢᠯ ᠲᠣᠰᠬᠣᠨ ᠤ ᠪᠠᠨ ᠭᠤᠳᠤᠮᠵᠢ ᠪᠦᠬᠦᠨ ᠢᠶᠡᠷ
ᠣᠷᠴᠢᠨ ᠲᠣᠭᠤᠷᠢᠨ ᠤ ᠬᠢᠨ ᠭᠠᠵᠠᠷ ᠪᠦᠬᠦᠨ ᠢᠶᠡᠷ
ᠡᠳᠦᠷᠵᠢᠨ ᠰᠦᠨᠢᠵᠢᠨ ᠵᠤᠭᠠᠯᠠᠵᠤ ᠶᠠᠪᠤᠬᠤ ᠳᠤ ᠪᠠᠨ
ᠡᠯᠢᠭᠡ ᠵᠢᠷᠦᠬᠡ ᠮᠢᠨᠢ ᠲᠣᠭᠳᠤᠯᠠᠵᠤ ᠯᠠ ᠢᠷᠡᠯᠡ᠃
ᠡᠷᠬᠡ ᠵᠢᠷᠭᠠᠯ ᠢᠶᠠᠷ ᠲᠦᠭᠦᠷᠡᠩ ᠪᠢᠯᠬᠠᠭᠰᠠᠨ
ᠡᠪᠯᠢᠭᠬᠡᠨ ᠲᠡᠷᠡᠬᠦ ᠴᠠᠭᠠᠬᠠᠨ ᠪᠠᠢᠰᠢᠩ ᠳᠤ
ᠡᠨᠡᠬᠡᠨ ᠨᠠᠰᠤᠨ ᠤ ᠠᠵᠢᠯ ᠮᠡᠷᠭᠡᠵᠢᠯ ᠢᠶᠡᠨ
ᠡᠬᠢᠯᠡᠭᠦᠯᠵᠦ ᠪᠢ ᠡᠨᠳᠡ ᠡᠴᠡ ᠭᠠᠷᠳᠠᠵᠤ ᠶᠠᠪᠤᠭᠰᠠᠨ ︕
ᠬᠦᠭᠡᠷᠦᠬᠦᠢ ᠬᠦᠳᠡᠭᠡ ᠨᠤᠳᠤᠭ ᠮᠢᠨᠢ ᠂ ᠦᠨᠦᠳᠦᠷ ᠴᠢ
ᠬᠣᠲᠠ ᠪᠠᠯᠭᠠᠰᠤ ᠪᠣᠯᠵᠤ ᠰᠦᠨᠳᠡᠷᠯᠡᠬᠦ ᠳᠦ ᠪᠡᠨ
ᠬᠦᠭᠵᠢᠯ ᠪᠠᠳᠠᠷᠠᠯ ᠢ ᠴᠢᠨᠢ ᠰᠢᠯᠦᠭᠯᠡᠵᠦ ᠡᠭᠡᠰᠢᠭᠯᠡᠭᠰᠡᠨ
ᠬᠦᠭᠡᠷᠦᠬᠦᠨ ᠦᠷᠡ ᠨᠠᠮᠠᠢ ᠪᠠᠨ ᠪᠢᠲᠡᠬᠡᠢ ᠮᠠᠷᠳᠠᠭᠠᠷᠠᠢ ︕
ᠬᠡᠤᠬᠡᠨ ᠬᠠᠪᠤᠷ ᠢᠶᠠᠨ ᠮᠦᠷᠳᠡᠨ ᠲᠠᠭᠠᠵᠤ ᠬᠠᠷᠢᠵᠤ ᠢᠷᠡᠭᠡᠳ
ᠬᠦᠳᠡᠭᠡ ᠨᠤᠳᠤᠭ ᠲᠠᠢ ᠪᠠᠨ ᠠᠮᠢᠰᠬᠤᠯ ᠨᠢᠭᠡᠰᠴᠤ ᠠᠭᠤᠵᠢᠷᠠᠨᠠ
ᠬᠠᠴᠠᠷ ᠤᠷᠤᠭᠤ ᠪᠦᠮᠪᠦᠷᠢᠬᠦ ᠨᠢᠯᠪᠦᠰᠦ ᠪᠡᠨ ᠠᠷᠴᠢᠭᠠᠳ
ᠬᠠᠯᠠᠭᠤᠨ ᠵᠢᠷᠦᠬᠡᠨ ᠦ ᠠᠭᠤᠯᠠ ᠲᠣᠯᠤᠭᠠᠳ ᠢᠶᠠᠨ ᠦᠨᠦᠰᠦᠨᠡ
ᠠᠭᠤᠯᠠᠰ ᠤᠨ ᠴᠢᠨᠢ ᠴᠡᠩᠬᠡᠷ ᠲᠦ ᠠᠭᠤᠰᠴᠤ ᠶᠠᠪᠤᠯᠠ
ᠤᠨᠢᠶᠠᠷ ᠤᠨ ᠴᠢᠨᠢ ᠭᠦᠨ ᠳᠦ ᠲᠣᠳᠤᠷᠠᠵᠤ ᠶᠠᠪᠤᠯᠠ
ᠴᠡᠴᠡᠭ ᠦᠨ ᠴᠢᠨᠢ ᠦᠨᠦᠷ ᠲᠦ ᠰᠣᠭᠳᠤᠭᠤᠷᠠᠵᠤ ᠶᠠᠪᠤᠯᠠ
ᠴᠡᠭᠡᠯᠬᠡᠨ ᠰᠢᠯᠦᠭᠯᠡᠵᠦ ᠴᠡᠩᠭᠡᠯ ᠣᠢᠳᠬᠠᠷ ᠢᠶᠠᠨ ᠦᠯᠡᠳᠡᠭᠡᠵᠦ ᠶᠠᠪᠤᠯᠠ
ᠠᠶᠠ ᠬᠦᠭᠡᠷᠦᠬᠦᠢ ︕ ᠬᠦᠳᠡᠭᠡ ᠮᠢᠨᠢ ᠦᠯᠦᠭᠡᠢ ᠮᠢᠨᠢ ︕
ᠡᠷᠭᠢᠵᠦ ᠴᠢᠮᠠᠢ ᠪᠠᠨ ᠦᠵᠡᠷᠡ ᠢᠷᠡᠬᠦ ᠳᠦ ᠪᠡᠨ
ᠡᠳᠦᠷ ᠬᠣᠨᠤᠭ ᠤᠨ ᠬᠢᠵᠠᠭᠠᠷ ᠲᠠᠢ ᠶᠢ ᠶᠠᠭᠠᠬᠢᠶᠠ
ᠠᠬᠢᠭᠠᠳ ᠴᠢᠮᠠ ᠠᠴᠠ ᠪᠠᠨ ᠶᠠᠭᠠᠬᠢᠵᠤ ᠴᠤ ᠠᠶᠠᠷᠯᠠᠶᠠ ︕
1 
0 
- 13847524386 211429899@qq.com 13847524386 QQ 211429899 蒙ICP备17002503号-1
