ᠬᠦᠩ ᠦ᠋ᠨ ᠵᠣᠣ ᠶ᠋ᠢᠨ ᠭᠡᠭᠡᠨ ᠪ ᠠᠯᠲᠠᠨ ᠰᠤᠷᠭᠠᠯ ᠣᠷᠣᠰᠢᠪᠠᠢ ᠨᠢᠭᠡᠳᠦᠭᠡᠷ ᠪᠦᠯᠦᠭ ᠰᠤᠷᠭᠠᠯ ᠰᠢᠯᠦᠭ ᠨᠢᠭᠡ ᠠᠪᠤᠷᠠᠯ ᠦ᠋ᠨ ᠣᠷᠣᠨ ᠪᠦᠬᠦᠨ ᠨᠢᠭᠡᠨ ᠳᠡᠭᠡᠷ᠎ᠡ ᠬᠤᠷᠠᠭᠰᠠᠨ ᠂ ᠠᠴᠢ ᠲᠡᠭᠦᠰ ᠪᠯᠠᠮ᠎ᠡ ᠮᠢᠨᠦ ᠵᠢᠷᠦᠬᠡᠨ ᠎ᠳ᠋ᠦ᠍ᠷ ᠣᠷᠣᠰᠢ ᠂ ᠠᠳᠠᠭ ᠮᠢᠨᠦ ᠠᠳᠬᠠᠭ ᠰᠢᠨᠤᠯ ᠪᠤᠳᠤᠩᠭᠤᠢ ᠎ᠶ᠋ᠢ ᠠᠷᠢᠯᠭᠠᠨ ᠂ ᠠᠰᠠᠷᠠᠯᠲᠤ ᠰᠤᠷᠭᠠᠯ ᠦᠭᠡᠰ ᠊ᠢ ᠬᠤᠷᠴᠠ ᠪᠣᠯᠭᠠᠨ ᠠᠳᠢᠰᠯᠠ᠃ ᠢᠰᠢᠲᠠᠨᠽᠡᠨᠸᠠᠩᠵᠢᠯ ᠭᠡᠳᠡᠭ ᠬᠦᠩ ᠦ᠋ᠨ ᠵᠣᠣ ᠶ᠋ᠢᠨ ᠱᠠᠪᠷᠤᠩ ᠪᠢ ᠂ ᠢᠯᠡᠷᠬᠡᠶ᠋ᠢᠶ᠎ᠡ ᠡᠷᠳᠡᠮ ᠦᠭᠡᠢ ᠪᠡᠶ᠎ᠡ ᠳ᠋ᠡᠭᠡᠨ ᠭᠤᠨᠢᠬᠰᠢᠵᠤ ᠂ ᠢᠯᠡᠭᠦᠰᠢᠭ ᠶᠠᠷᠢᠬ ᠦᠭᠡᠰ ᠊ᠢ ᠰᠤᠷᠭᠠᠯ ᠪᠤᠯᠭᠠᠨ ᠪᠢᠴᠢᠭᠡᠳ ᠂ ᠢᠯᠡᠳᠬᠡᠵᠦ ᠲᠠᠷᠬᠠᠭᠠᠬᠤ ᠶᠠᠮᠪᠠᠷ ᠮᠠᠭᠤᠬᠠᠢ ᠰᠣᠯᠢᠶᠠᠨ᠃ ᠣᠰᠣᠯ ᠦᠭᠡᠢ ᠪᠯᠠᠮ᠎ᠡ ᠶ᠋ᠢᠨ ᠠᠳᠢᠰ ᠲᠤᠰᠠ ᠪᠣᠯᠬᠤ ᠪᠡᠷᠬᠡ ᠪᠣᠢ ᠂ ᠣᠯᠢᠬ ᠦᠭᠡᠢ ᠮᠢᠨᠦ ᠣᠶᠤᠨ ᠮᠡᠷᠭᠡᠨ ᠪᠣᠯᠬᠤ ᠪᠡᠷᠬᠡ ᠪᠣᠢ ᠂ ᠣᠨᠣᠯ ᠦᠭᠡᠢ ᠡᠨᠡ ᠴᠠᠭ ᠲᠤᠷ ᠬᠡᠷᠡᠭ ᠪᠣᠯᠬᠤ ᠪᠡᠷᠬᠡ ᠪᠣᠢ ᠂ ᠤᠪ ᠦᠭᠡᠢ ᠠᠮᠢᠲᠠᠨ ᠳ᠋ᠤᠷ ᠰᠤᠷᠭᠠᠯ ᠪᠣᠯᠬᠤ ᠪᠡᠷᠬᠡ ᠪᠣᠢ᠃ ᠵᠠᠪᠰᠢᠭᠤᠯᠤᠨ ᠠᠪᠤᠭᠰᠠᠨ ᠨᠢ ᠳᠡᠭᠡᠳᠦᠰ ᠦ᠋ᠨ ᠲᠠᠭᠠᠯᠠᠯ ᠂ ᠵᠠᠩᠭᠤᠷᠠᠵᠤ ᠬᠡᠯᠡᠬᠦ ᠢᠨᠤ ᠮᠢᠨᠦ ᠮᠡᠲᠦ ᠶ᠋ᠢᠨ ᠬᠥᠪᠰᠥᠷᠭᠡ ᠂ ᠵᠠᠰᠠᠷᠠᠵᠤ ᠰᠠᠭᠤᠬᠤ ᠢᠨᠤ ᠳᠣᠣᠷᠠᠳᠤᠰ ᠦ᠋ᠨ ᠠᠪᠢᠶᠠᠰ ᠂ ᠵᠠᠭᠠᠲᠤᠨᠠᠨ ᠪᠢᠴᠢᠭᠯᠡᠬᠦ ᠰᠡᠳᠬᠢᠯ ᠮᠠᠰᠢ ᠬᠥᠭᠡᠷᠦᠬᠦᠢ᠃ ᠭᠠᠯ ᠦ᠋ᠨ ᠥᠩᠭᠡ ᠤᠯᠠᠭᠠᠨ ᠴᠤ᠌ ᠤᠲᠤᠭ᠎ᠠ ᠠᠨᠤ ᠬᠠᠷᠠᠪᠲᠤᠷ ᠂ ᠭᠠᠷᠬᠤ ᠰᠤᠷᠭᠠᠯ ᠲᠤᠰᠠᠲᠠᠢ ᠴᠤ᠌ ᠦᠭᠡᠰ ᠢᠨᠤ ᠳᠠᠭᠠᠷᠢᠯ ᠂ ᠭᠠᠩ ᠲᠡᠮᠦᠷ ᠬᠠᠲᠠᠭᠤ ᠴᠤ᠌ ᠭᠠᠯ ᠦ᠋ᠨ ᠳᠣᠲᠣᠷ᠎ᠠ ᠤᠶᠠᠬᠠᠨ ᠂ ᠭᠠᠷᠰᠢ ᠲᠡᠨᠡᠭ ᠭᠣᠯᠣᠪᠠᠴᠤ ᠣᠶᠤᠲᠠᠨ ᠳ᠋ᠤᠷ ᠤᠲᠤᠮᠵᠢ ᠃ ᠠᠪᠤᠯ ᠬᠡᠭᠡᠯ ᠬᠣᠶᠠᠷ ᠶ᠋ᠢᠠᠷ ᠪᠣᠯᠬᠢ ᠮᠢᠨᠦ ᠴᠢᠨᠠᠷ ᠎᠊ᠢ ᠂ ᠠᠶ᠋ᠢᠮᠠᠭ ᠬᠠᠪᠢ ᠪᠦᠭᠦᠳᠡᠭᠡᠷ ᠮᠡᠳᠡᠭᠰᠡᠭᠡᠷ ᠲᠤᠯᠠᠳᠠ ᠂ ᠠᠮᠠ ᠮᠡᠳᠡᠨ ᠴᠠᠯᠴᠢᠰᠤᠭᠠᠢ ᠪᠤᠷᠬᠠᠨ ᠲᠩᠷᠢ ᠮᠡᠳᠡᠭ ᠂ ᠠᠰᠤᠷᠤ ᠮᠡᠷᠭᠡᠳ ᠶᠡᠬᠡ ᠨᠣᠶᠠᠳ ᠡᠩᠬᠡ ᠲᠠᠩᠰᠤᠭ ᠪᠣᠯᠲᠤᠭᠠᠢ᠃ ᠲᠠᠨᠽᠡᠨᠸᠠᠩᠵᠢᠯ ᠲᠠᠷᠪᠠᠬᠯᠠᠬᠤ ᠨᠢ ᠲᠠᠩᠴᠤ ᠪᠠᠬᠠᠨ ᠬᠡᠳᠦ ᠪᠠᠶ᠋ᠢᠨ᠎ᠠ ᠂ ᠳᠠᠶᠠᠭᠠᠷ ᠪᠠᠬᠠᠨ ᠪᠣᠳᠣᠵᠤ ᠪᠠᠶ᠋ᠢᠵᠤ ᠪᠣᠯᠤᠭᠰᠠᠨ ᠶᠡᠷᠦ ᠳᠡᠭᠡᠷ᠎ᠡ ᠪᠠ ᠂ ᠳᠠᠯᠳᠠᠯᠠᠭᠰᠠᠨ ᠭᠡᠮ ᠦ᠋ᠨ ᠴᠢᠨᠠᠷ ᠪᠤᠵᠠᠷ ᠶᠡᠬᠡ ᠪᠣᠯᠤᠯᠲᠠᠢ ᠂ ᠳᠠᠪᠬᠤᠷ ᠳᠠᠪᠬᠤᠷ ᠠᠯᠳᠠᠭᠳᠠᠪᠠᠯ ᠬᠠᠶ᠋ᠢᠷᠠᠨ ᠬᠡᠷᠡᠭ ᠪᠢᠰᠢ ᠊ᠤᠤ︖ ᠰᠢᠷ᠎ᠠ ᠬᠦᠷᠡᠩ ᠲᠣᠷᠭ᠎ᠠ ᠳᠤᠷᠳᠤᠩ ᠨᠠᠪᠰᠠᠨ ᠰᠠᠪᠰᠠᠨ ᠶᠠᠪᠤᠭᠴᠢ ᠂ ᠱᠠᠪᠷᠤᠩ ᠬᠥᠮᠦᠨ ᠪ ᠶᠣᠰᠣ ᠨᠣᠮᠯᠠᠯ ᠲᠡᠶ᠋ᠢᠮᠦ ᠠᠭᠰᠠᠨ ᠪᠤᠰᠤ ᠪᠠ ? ᠱᠠᠯᠢᠬ ᠰᠢᠨᠤᠯ ᠪᠠᠭᠠᠲᠤᠷᠰᠢᠬ ᠥᠩᠭᠡ ᠭᠦᠪᠰᠦᠷ ᠪᠤᠯᠤᠬᠴᠢ ᠂ ᠱᠠᠵᠢᠨ ᠲᠥᠷᠥ ᠬᠣᠶᠠᠭᠤᠯᠠ ᠳ᠋ᠤᠷ ᠬᠠᠷᠰᠢ ᠪᠤᠵᠠᠷ ᠪᠤᠰᠤ ᠊ᠤᠤ︖ ᠰᠢᠷᠡᠭᠡᠨ ᠎ᠳ᠋ᠦ᠍ ᠵᠠᠯᠠᠬᠤᠢ ᠳ᠋ᠤᠷ ᠭᠡᠭᠡᠨ ᠪᠠᠭᠰᠢ ᠶ᠋ᠢᠨ ᠳᠦᠷᠢ ᠲᠡᠢ ᠂ ᠰᠢᠯᠢᠳᠡᠭ ᠮᠣᠷᠢ ᠣᠨᠣᠬᠤᠢ ᠳ᠋ᠤᠷ ᠮᠠᠶ᠋ᠢᠮᠠᠢ ᠫᠠᠨᠽᠠ ᠶ᠋ᠢᠨ ᠶᠠᠩᠵᠤ ᠲᠠᠢ᠂ ᠰᠢᠯᠢᠪᠡᠯᠵᠡᠨ ᠵᠠᠩᠨᠠᠬᠤ ᠨᠢ ᠵᠢᠰᠤᠷ ᠵᠣᠯᠪᠢᠩ ᠪᠠᠶ᠋ᠢᠳᠠᠯ ᠲᠠᠢ ᠂ ᠰᠢᠨ᠎ᠡ ᠴᠠᠭ ᠦ᠋ᠨ ᠪᠤᠷᠬᠠᠨ ᠭᠡᠳᠡᠭ ᠡᠶ᠋ᠢᠮᠦ ᠠᠭᠰᠠᠨ ᠠᠵᠤᠭᠤ᠃ ᠬᠣᠪᠣᠷ ᠨᠣᠮᠯᠠᠯ ᠬᠡᠯᠡᠬᠦ ᠢᠨᠤ ᠶᠡᠬᠡ ᠨᠣᠮᠴᠢ ᠶ᠋ᠢᠨ ᠦᠭᠡ ᠲᠡᠢ ᠂ ᠬᠣᠨᠢᠨ ᠮᠢᠬ᠎ᠠ ᠎ᠢᠳᠡᠬᠦ ᠨᠢ ᠴᠢᠨᠣ᠎ᠠ ᠨᠣᠬᠠᠢ ᠶ᠋ᠢᠨ ᠰᠢᠨᠤᠯ ᠲᠠᠢ ᠂ ᠬᠤᠳᠠᠯᠳᠤᠭ᠎ᠠ ᠮᠠᠶ᠋ᠢᠮᠠᠢ ᠳᠡᠭᠡᠷ᠎ᠡ ᠬᠢᠲᠠᠳ ᠮᠡᠲᠦ ᠶᠠᠪᠤᠭᠴᠢ ᠂ ᠬᠣᠵᠢᠮ ᠳ᠋ᠠᠭᠠᠨ ᠨᠠᠢ᠍ᠮᠠᠨ ᠲᠠᠮᠤ ᠶ᠋ᠢᠨ ᠮᠥᠩᠭᠥᠨ ᠰᠢᠪᠠᠭᠤ ᠪᠢᠰᠢ ᠦᠦ ᠃ ᠭᠠᠰᠠᠯᠠᠩᠲᠤ ᠣᠷᠴᠢᠯᠠᠩ ᠦ᠋ᠨ ᠮᠥᠩᠬᠡ ᠪᠤᠰᠤ ᠎ᠶ᠋ᠢ ᠤᠮᠠᠷᠲᠠᠨ ᠂ ᠭᠠᠭᠴᠠ ᠨᠢᠭᠡᠨ ᠪᠡᠶᠡᠨ ᠳ᠋ᠡᠭᠡᠨ ᠵᠠᠭᠤᠨ ᠣᠷᠣᠨ ᠪᠡᠯᠡᠤᠠᠲᠦᠨ ᠂ ᠭᠠᠶ᠋ᠢᠬᠠᠭᠤᠯᠤᠨ ᠡᠯᠳᠡᠪ ᠡᠳ᠋ ᠎᠊ᠢ ᠲᠡᠯᠭᠡᠨ ᠰᠢᠨᠤᠨ ᠶᠠᠪᠤᠭᠴᠢ ᠂ ᠭᠠᠵᠠᠷ ᠦᠭᠡᠢ ᠪᠤᠶᠠᠨ ᠶ᠋ᠢᠠᠨ ᠪᠠᠷᠠᠬᠤ ᠪᠠᠭᠰᠢ ᠪᠢᠰᠢ ᠊ᠤᠤ ᠃ ᠠᠷᠢᠭᠤᠨ ᠪᠤᠶᠠᠨ ᠠᠮᠢᠲᠠᠨ ᠪ ᠰᠦᠰᠦᠭ ᠴᠠᠭᠠᠨ ᠬᠡᠰᠢᠭ ᠎᠊ᠢ ᠂ ᠠᠯᠲᠠ ᠮᠥᠩᠭᠥ ᠱ᠌ᠢᠷᠦ ᠨᠣᠮᠢᠨ ᠪᠣᠳᠣᠭ ᠬᠡᠪᠢᠰ ᠪᠣᠯᠭᠠᠭᠠᠳ ᠂ ᠠᠮᠠ ᠮᠡᠳᠡᠨ ᠲᠠᠯᠪᠢᠯᠠᠵᠤ ᠵᠣᠷᠢᠬ ᠮᠡᠳᠡᠨ ᠶᠠᠪᠤᠭᠴᠢ ᠂ ᠠᠭᠰᠤᠮ ᠪᠠᠭᠰᠢ ᠠᠯᠤᠰ ᠲᠠᠭᠠᠨ ᠠᠯᠳᠠᠭᠳᠠᠬᠤ ᠪᠢᠰᠢ ᠊ᠤᠤ? ᠡᠷᠲᠡ ᠴᠠᠭ ᠦ᠋ᠨ ᠮᠡᠷᠭᠡᠳ ᠪᠦᠬᠦᠨ ᠴᠢᠯᠡᠭᠡᠭᠦᠷ ᠊ᠢ ᠡᠳ᠌ᠯᠡᠵᠦ ᠂ ᠡᠨᠡᠳᠬᠡᠭ ᠪᠠ ᠲᠥᠪᠡᠳ ᠎᠊ᠢ ᠤᠳᠤᠷᠢᠳᠤᠨ ᠠᠲᠠᠯ᠎ᠠ ᠂ ᠡᠯᠮᠡᠭ ᠪᠠᠭᠰᠢ ᠵᠢᠤᠽᠢ ᠲᠡᠷᠭᠡ ᠬᠥᠪᠥᠩ ᠬᠣᠷᠭᠣᠢ ᠡᠳ᠋ᠯᠡᠭᠴᠢ ᠂ ᠡᠨᠡ ᠬᠠᠷᠢᠨ ᠲᠠᠨᠢᠬᠤᠢ ᠳ᠋ᠤᠷ ᠲᠡᠷᠡ ᠬᠢᠯᠪᠠᠷ ᠬᠡᠷᠡᠭ ᠪᠢᠰᠢ ᠊ᠤᠤ ? ᠬᠤᠷᠢᠮ ᠨᠠᠶ᠋ᠢᠷ ᠦ᠋ᠨ ᠪᠡᠯᠡᠭ ᠰᠠᠭᠤᠳᠠᠯ ᠳ᠋ᠤᠷ ᠲᠡᠷᠢᠭᠦᠯᠡᠨ ᠂ ᠬᠤᠷᠠᠯ ᠪᠤᠶᠠᠨ ᠭᠠᠷᠤᠯᠭᠠᠨ ᠳ᠋ᠤᠷ ᠬᠣᠵᠢᠳ ᠬᠣᠮᠰᠠ ᠪᠤᠯᠤᠰᠬᠢᠨ ᠂ ᠬᠤᠪᠢᠯᠭᠠᠨ ᠪ ᠴᠢᠨᠠᠷ ᠬᠡᠷᠡᠭ ᠦᠨᠳᠦᠰᠦ ᠪᠡᠨ ᠪᠤᠵᠠᠷᠯᠠᠨ ᠂ ᠬᠤᠳᠠᠯ ᠴᠢᠨᠠᠷ ᠢᠯᠡᠷᠡᠭᠰᠡᠨ ᠮᠤᠩᠬᠠᠭ ᠳᠦᠷᠢ ᠪᠤᠰᠤ ᠊ᠤᠤ︖ ᠲᠦᠪᠰᠢᠨ ᠪᠠᠲᠤ ᠱᠠᠭᠱᠠᠪᠠᠳ ᠦ᠋ᠨ ᠰᠣᠶᠣᠯ ᠪᠦᠬᠦᠨ ᠎᠊ᠢ ᠰᠤᠯᠠᠳᠬᠠᠨ ᠂ ᠲᠥᠯᠭᠡ ᠪᠡᠯᠭᠡ ᠬᠤᠳᠠᠯ ᠬᠣᠮᠣᠬᠠᠢ ᠠᠷᠭ᠎ᠠ ᠮᠡᠬᠡ ᠎ᠶ᠋ᠢ ᠵᠢᠭᠠᠵᠤ ᠂ ᠲᠦᠮᠡᠨ ᠲᠦᠮᠡᠨ ᠎᠊ᠢ ᠲᠥᠭᠡᠷᠢᠭᠦᠯᠦᠨ ᠠᠰᠢᠬ ᠬᠣᠨᠵᠢᠯ ᠪᠣᠯᠭᠠᠭᠴᠢ ᠂ ᠲᠦᠭᠦᠬᠡᠢ ᠪᠠᠭᠰᠢ ᠶ᠋ᠢᠨ ᠪᠣᠯᠪᠠᠰᠤᠷᠠᠯ ᠬᠠᠰᠢ ᠶᠠᠰᠢ ᠪᠣᠯᠤᠮᠤᠢ᠃ ᠠᠷᠪᠠᠨ ᠴᠠᠭᠠᠨ ᠪᠤᠶᠠᠨ ᠶ᠋ᠢᠠᠷ ᠠᠮᠠ ᠶᠤᠭᠠᠨ ᠳᠦᠭᠦᠷᠭᠡᠨ ᠂ ᠠᠷᠪᠠᠨ ᠬᠠᠷ᠎ᠠ ᠨᠢᠭᠦᠯ ᠶ᠋ᠢᠠᠷ ᠵᠢᠷᠦᠬᠡ ᠪᠡᠨ ᠰᠠᠬᠰᠠᠯᠭᠠᠨ ᠂ ᠠᠷᠪᠠᠨ ᠵᠦᠭ ᠊ᠤᠨ ᠠᠮᠢᠲᠠᠨ ᠎᠊ᠢ ᠤᠳᠤᠷᠢᠳᠤᠨ᠎ᠠ ᠬᠡᠮᠡᠭᠡᠳ ᠂ ᠠᠷᠪᠠᠨ ᠵᠦᠭ ᠪᠤᠷᠬᠠᠨ ᠪ ᠡᠮᠦᠨ᠎ᠡ ᠶᠠᠭᠤᠨ ᠶ᠋ᠢᠠᠨ ᠬᠡᠯᠡᠨᠡᠮ᠃ ᠮᠠᠭᠤ ᠪᠡᠶ᠎ᠡ ᠶ᠋ᠢᠨ ᠴᠢᠨᠠᠷ ᠭᠡᠮ ᠎᠊ᠢ ᠲᠤᠭᠠᠴᠠᠬᠰᠠᠨ ᠲᠠᠰᠢᠷᠠᠮ ᠂ ᠮᠠᠩᠯᠠᠢ ᠶᠡᠬᠡ ᠳᠡᠭᠡᠳᠦᠰ ᠶ᠋ᠢᠡᠷ ᠲᠠᠭᠠᠷᠠᠬᠲᠠᠬᠤ ᠬᠠᠮᠢᠭ᠎ᠠ ᠂ ᠮᠠᠨ ᠪ ᠮᠡᠲᠦ ᠶ᠋ᠢᠨ ᠵᠠᠷᠢᠮ ᠨᠢᠭᠡᠨ ᠦᠭᠳᠡᠬᠦᠢ᠎ᠳ᠋ᠦ᠍ᠷ ᠬᠦᠷᠪᠡᠰᠦ ᠂ ᠮᠠᠭᠠᠳ ᠮᠤᠩᠬᠠᠭ ᠲᠠᠨᠽᠠᠨᠸᠠᠩᠵᠢᠯ ᠮᠢᠨᠦ ᠲᠡᠨᠡᠭ ᠪᠣᠯᠲᠤᠭᠠᠢ ᠃ ᠠᠮᠢᠯᠠᠭᠤᠯᠤᠭᠴᠢ ᠄ ᠦᠯᠵᠡᠶ᠋ᠢᠪᠠᠭᠠᠲᠤᠷ ᠴᠠᠬᠢᠮ ᠬᠠᠭᠤᠳᠠᠰᠤᠨ ᠳ᠋ᠤᠷ ᠵᠠᠰᠠᠨ ᠰᠢᠨᠡᠳᠬᠡᠭᠰᠡᠨ ᠨᠢ᠄ ᠲᠦᠮᠡᠲᠦ ᠰᠢᠨ᠎ᠡ