ᠬᠦᠭᠵᠢᠨ ᠴᠡᠴᠡᠭᠯᠡᠭᠰᠡᠨ ᠴᠩᠭᠡᠯᠲᠦ ᠴᠠᠭᠠᠨ ᠰᠠᠷ᠎ᠠ

ᠪᠤᠤ ᠵᠢᠨᠵᠤᠸᠠᠨᠭᠽᠢ

ᠬᠦᠷᠦᠰᠦᠲᠦ ᠲᠡᠯᠡᠬᠡᠢ ᠬᠦᠬᠡᠷᠡᠨ ᠬᠦᠬᠡᠷᠡᠭᠰᠡᠭᠡᠷ

ᠬᠦᠭᠵᠢᠯ ᠮᠠᠨᠳᠤᠯ ᠢ ᠬᠤᠷᠤᠢᠯᠠᠨ ᠬᠣᠷᠤᠢᠯᠠᠭᠰᠠᠭᠠᠷ

ᠬᠦᠭᠵᠢᠨ ᠴᠡᠴᠡᠭᠯᠡᠭᠰᠡᠨ ᠴᠩᠭᠡᠯᠲᠦ ᠴᠠᠭᠠᠨ ᠰᠠᠷ᠎ᠠ

ᠬᠦᠷ ᠪᠠᠶᠠᠷ ᠲᠠᠢ ᠬᠦᠷᠦᠭᠡᠳ ᠢᠷᠡᠯ᠎ᠡ᠃

ᠴᠢᠬᠢ ᠲᠦᠯᠡᠢᠷᠡᠮ᠎ᠡ ᠫᠣᠤᠵᠢᠩ ᠤᠨ ᠲᠠᠭᠣᠨ ᠳᠤ

ᠴᠢᠨᠡᠭᠡᠯᠢᠭ ᠨᠤᠲᠤᠭ ᠮᠢᠨᠢ ᠲᠤᠯᠭᠢᠰᠤᠭᠠᠠᠠᠳ  ᠢᠷᠡᠯ᠎ᠡ

ᠴᠢᠩᠭᠢᠨᠡᠮ᠎ᠡ ᠰᠠᠢᠬᠠᠨ ᠬᠣᠭᠣᠷ ᠤᠨ ᠲᠠᠭᠣᠨ ᠳᠤ

ᠴᠩᠭᠡᠯᠲᠦ ᠴᠠᠭᠠᠨ  ᠰᠠᠷ᠎ᠠ ᠮᠢᠨᠢ  ᠮᠤᠷᠢᠯᠠᠭᠠᠳ ᠢᠷᠡᠯ᠎ᠡ᠃  

ᠡᠷᠡᠭᠦᠯ ᠰᠠᠷᠠᠭᠣᠯ ᠠᠭᠣᠷ ᠠᠮᠢᠰᠬᠣᠯ ᠨᠢ 

ᠡᠨᠡ ᠲᠡᠯᠡᠬᠡᠢ ᠶᠢ ᠢᠯᠪᠢᠭᠡᠳ  ᠢᠷᠡᠯ᠎ᠡ

ᠡᠷᠬᠡ  ᠵᠢᠷᠭᠠᠯᠲᠤ ᠡᠳᠦᠷ ᠬᠣᠨᠣᠭ ᠨᠢ

ᠡᠬᠡ ᠨᠣᠲᠣᠭ ᠢ ᠮᠢᠨᠢ ᠪᠠᠶᠠᠰᠬᠠᠭᠠᠳ ᠢᠷᠡᠯ᠎ᠡ ᠃

ᠲᠠᠨᠠᠨ ᠴᠠᠭᠠᠨ ᠭᠡᠷ ᠦᠳ ᠡᠴᠡ

ᠲᠣᠩᠭᠠᠯᠠᠭ ᠭᠡᠷᠡᠯ ᠰᠠᠴᠣᠷᠠᠵᠣ ᠪᠠᠢᠨ᠎ᠠ

ᠲᠠᠯ᠎ᠠ ᠶᠢᠨ ᠲᠡᠷᠲᠡᠭᠡ ᠠᠢᠯ ᠤᠳ ᠠᠴᠠ

ᠲᠠᠭᠣᠣ ᠬᠦᠭᠵᠢᠮ ᠬᠠᠩᠭᠢᠨᠠᠵᠣ ᠪᠠᠢᠨ᠎ᠠ ᠃

ᠪᠣᠯᠪᠠᠰᠣᠨ ᠡᠷᠡᠨ ᠦ ᠪᠠᠭᠠᠴᠣᠳ ᠪᠠᠢᠨᠠᠮ

ᠪᠣᠮᠪᠣᠢᠵᠣ ᠵᠣᠭᠰᠣᠭᠠᠳ ᠶᠣᠰᠣᠯᠠᠬᠣ ᠨᠢ ᠬᠦᠭᠡᠷᠦᠬᠦᠨ  

ᠨᠢᠭᠦᠯᠰᠦᠩᠭᠦᠢ ᠰᠡᠳᠭᠢᠯ ᠲᠠᠢ ᠪᠣᠭᠣᠷᠣᠯᠴᠣᠳ ᠪᠠᠢᠨᠠᠮ

ᠨᠢᠯᠪᠣᠰᠣᠷᠠᠵᠤ ᠰᠠᠭᠣᠭᠠᠳ ᠢᠷᠦᠭᠡᠬᠦ ᠨᠢ ᠬᠦᠭᠡᠷᠦᠬᠦᠢ ︕

ᠴᠠᠢᠯᠵᠠᠭᠰᠠᠨ ᠰᠢᠨᠡᠬᠡᠨ ᠭᠠᠷ ᠣᠲᠠᠰᠣᠨ ᠠᠴᠠ ᠨᠢ

ᠴᠠᠬᠢᠯᠭᠠᠨ ᠭᠡᠷᠡᠯ ᠰᠠᠴᠣᠷᠠᠵᠣ ᠯᠠ ᠪᠠᠢᠨ᠎ᠠ

ᠴᠠᠭᠠᠳᠣᠬᠢ ᠬᠣᠯᠠ ᠶᠢᠨ ᠰᠠᠲᠣᠨ ᠲᠦᠷᠦᠯ ᠠᠴᠠ ᠨᠢ

ᠴᠢᠮᠡᠭᠡ ᠮᠡᠨᠳᠦᠴᠢᠯᠡᠯ ᠢᠷᠡᠵᠦ ᠯᠠ ᠪᠠᠢᠨ᠎ᠠ ᠃

ᠮᠢᠩᠭᠠᠨ ᠮᠢᠩᠭᠠᠨ ᠭᠠᠵᠠᠷ ᠠᠯᠣᠰ ᠪᠠᠢᠭᠰᠠᠨ  ᠴᠤ

ᠮᠠᠰᠢ ᠬᠣᠷᠳᠣᠨ ᠮᠡᠨᠳᠦᠴᠢᠯᠡᠵᠦ ᠪᠠᠶᠠᠰᠣᠯᠴᠠᠵᠠᠭᠠᠨ᠎ᠠ

ᠲᠦᠮᠡᠨ ᠲᠦᠮᠡᠨ ᠭᠠᠵᠠᠷ ᠬᠣᠯᠠ ᠪᠠᠢᠭᠰᠠᠨ  ᠴᠤ

ᠲᠣᠩ  ᠴᠤ ᠲᠦᠷᠭᠡᠨ ᠨᠢᠭᠣᠷᠯᠠᠵᠣ ᠴᠡᠩᠭᠡᠯᠳᠦᠵᠡᠭᠡᠨ᠎ᠡ

ᠮᠤᠷᠢᠨ ᠬᠤᠭᠤᠷ ᠤᠨ ᠡᠭᠡᠰᠢᠭ ᠣᠶᠠᠩᠭ᠎ᠠ

ᠮᠤᠨᠳᠠᠭ  ᠲᠡᠯᠡᠬᠡᠢ  ᠶᠢ ᠲᠣᠩᠰᠣᠯᠭᠠᠵᠣ ᠪᠠᠢᠨ᠎ᠠ

ᠮᠢᠷᠠᠯᠵᠠᠭᠰᠠᠨ ᠬᠡᠤᠬᠡᠨᠴᠤᠳ ᠦᠨ  ᠳᠠᠭᠤᠣ ᠬᠦᠭᠵᠢᠮ 

ᠮᠢᠩᠭᠠᠨ  ᠭᠠᠵᠠᠷ  ᠴᠤᠣᠷᠢᠶᠠᠲᠤᠵᠣ ᠪᠠᠢᠨ᠎ᠠ ᠃

ᠵᠠᠰᠠᠮᠠᠯ ᠰᠠᠢᠬᠠᠨ ᠵᠠᠮ ᠢᠶᠠᠷ ᠨᠢ

ᠵᠦᠢᠯ ᠦᠨ ᠲᠡᠷᠭᠡ ᠵᠦᠷᠢᠯᠳᠦᠵᠦ ᠪᠠᠢᠨ᠎ᠠ

ᠵᠢᠭᠠᠯ ᠪᠣᠭᠣᠷᠣᠯ ᠣᠯᠠᠨ ᠢᠶᠠᠷ ᠢᠶᠠᠨ 

ᠵᠣᠴᠢᠨ  ᠪᠣᠯᠤᠯᠴᠠᠨ ᠠᠢᠯᠴᠢᠯᠠᠵᠣ ᠪᠠᠢᠨ᠎ᠠ ᠃

ᠰᠠᠯᠬᠢᠨ ᠬᠦᠯᠦᠭ ᠬᠦᠯᠦᠭᠯᠡᠭᠰᠡᠨ ᠮᠡᠳᠦ

ᠰᠠᠯᠬᠢ ᠵᠢᠪᠠᠷ ᠲᠠᠲᠠᠭᠣᠯᠣᠨ ᠨᠢᠰᠴᠡᠭᠡᠵᠦ ᠪᠠᠢᠨ᠎ᠠ

ᠰᠠᠨᠴᠢᠭ ᠴᠠᠢᠭᠰᠠᠨ ᠡᠵᠢ ᠳᠦ ᠪᠠᠨ ᠣᠴᠢᠬᠣ ᠪᠠᠷ

ᠰᠡᠳᠭᠢᠯ  ᠪᠠᠶᠠᠷᠲᠠᠢᠬᠠᠨ ᠠᠶᠠᠯᠠᠵᠠᠭᠠᠵᠣ ᠪᠠᠢᠨ᠎ᠠ ᠃

ᠬᠣᠷᠳᠣᠴᠠ ᠲᠡᠩᠬᠡᠭᠡ ᠪᠠᠨ ᠠᠳᠠᠯᠢᠳᠬᠠᠭᠠᠳ

ᠬᠣᠷᠳᠣᠯᠠᠨ ᠬᠣᠷᠳᠣᠯᠠᠨ ᠲᠠᠪᠬᠢᠵᠠᠭᠠᠵᠣ ᠪᠠᠢᠨ᠎ᠠ

ᠬᠦᠭᠰᠢᠷᠡᠭᠡ ᠡᠴᠢᠭᠡ ᠳᠦ ᠪᠠᠨ ᠵᠣᠯᠭᠠᠬᠣ ᠪᠠᠷ

ᠬᠦᠭᠰᠡᠨ ᠬᠦᠭᠰᠡᠨ ᠵᠠᠮᠨᠠᠵᠠᠭᠠᠵᠣ ᠪᠠᠢᠨ᠎ᠠ ᠃

ᠲᠦᠷᠬᠦᠮ ᠳᠦ ᠪᠠᠨ ᠠᠢᠯᠴᠢᠯᠠᠬᠣ ᠰᠢᠨ᠎ᠡ ᠪᠡᠷᠢ ᠨᠢ

ᠲᠡᠷᠭᠡ ᠪᠡᠨ ᠵᠢᠯᠣᠭᠣᠳᠣᠭᠠᠳ ᠪᠠᠶᠠᠰᠣᠯ ᠲᠠᠢ

ᠲᠡᠷᠭᠡᠳᠡ ᠨᠢ ᠰᠠᠭᠣᠭᠰᠠᠨ ᠰᠢᠨ᠎ᠡ ᠬᠦᠷᠭᠡᠨ ᠨᠢ

ᠰᠡᠳᠭᠢᠯ ᠢᠶᠡᠨ ᠲᠡᠯᠭᠡᠭᠡᠳ ᠵᠢᠷᠭᠠᠯ ᠲᠠᠢ ᠃

ᠲᠦᠷᠦᠭᠰᠡᠨ ᠨᠣᠲᠣᠭ ᠢᠶᠠᠷ ᠢᠶᠠᠨ ᠠᠢᠯᠴᠢᠯᠠᠵᠣ ᠪᠠᠢᠨ᠎ᠠ

ᠲᠦᠷᠦᠯ ᠰᠠᠳᠤᠨ ᠢᠶᠠᠷ ᠢᠶᠠᠨ ᠴᠣᠭᠯᠠᠷᠠᠵᠣ ᠪᠠᠢᠨ᠎ᠠ

ᠲᠣᠲᠣᠭᠠᠳᠦ ᠰᠡᠳᠭᠢᠯ ᠢᠶᠡᠨ ᠠᠭᠣᠳᠠᠯᠴᠠᠵᠣ ᠪᠠᠢᠨ᠎ᠠ

ᠲᠣᠲᠣᠨᠣ ᠬᠠᠢᠷ᠎ᠠ ᠪᠠᠨ ᠰᠣᠯᠢᠯᠴᠠᠵᠣ ᠪᠠᠢᠨ᠎ᠠ ︕

ᠬᠦᠷᠦᠰᠦᠲᠦ ᠲᠡᠯᠡᠬᠡᠢ ᠬᠦᠬᠡᠷᠡᠨ ᠬᠦᠬᠡᠷᠡᠭᠰᠡᠭᠡᠷ

ᠬᠦᠭᠵᠢᠯ ᠮᠠᠨᠳᠤᠯ ᠢ ᠬᠤᠷᠤᠢᠯᠠᠨ ᠬᠣᠷᠤᠢᠯᠠᠭᠰᠠᠭᠠᠷ

ᠬᠦᠭᠵᠢᠨ ᠴᠡᠴᠡᠭᠯᠡᠭᠰᠡᠨ ᠴᠩᠭᠡᠯᠲᠦ ᠴᠠᠭᠠᠨ ᠰᠠᠷ᠎ᠠ

ᠬᠦᠷ ᠪᠠᠶᠠᠷ ᠲᠠᠢ ᠬᠦᠷᠦᠭᠡᠳ ᠢᠷᠡᠯ᠎ᠡ᠃

ᠴᠢᠬᠢ ᠲᠦᠯᠡᠢᠷᠡᠮ᠎ᠡ ᠫᠣᠤᠵᠢᠩ ᠤᠨ ᠲᠠᠭᠣᠨ ᠳᠤ

ᠴᠢᠨᠡᠭᠡᠯᠢᠭ ᠨᠤᠲᠤᠭ ᠮᠢᠨᠢ ᠲᠤᠯᠭᠢᠰᠤᠭᠠᠠᠠᠳ  ᠢᠷᠡᠯ᠎ᠡ

ᠴᠢᠩᠭᠢᠨᠡᠮ᠎ᠡ ᠰᠠᠢᠬᠠᠨ ᠬᠣᠭᠣᠷ ᠤᠨ ᠲᠠᠭᠣᠨ ᠳᠤ

ᠴᠩᠭᠡᠯᠲᠦ ᠴᠠᠭᠠᠨ  ᠰᠠᠷ᠎ᠠ ᠮᠢᠨᠢ  ᠮᠤᠷᠢᠯᠠᠭᠠᠳ ᠢᠷᠡᠯ᠎ᠡ᠃