  ᠪᠣᠤ ᠵᠢᠨᠵᠤᠸᠠᠩᠽᠢ       
     ᠵᠠᠯᠠᠢᠢᠳ ᠤᠨ ᠠᠷᠪᠠᠠᠭᠡᠷ
   2022-11-29 19:30
   2024-05-14 16:06
   56715
   135

<< ᠪᠦᠳᠦᠭᠦᠯᠢᠭ>> ᠮᠠᠯᠴᠢᠨ

ᠠᠳᠤᠭᠣᠰᠤ ᠮᠠᠯ ᠠᠳᠠᠯᠢ ᠬᠠᠢᠷ᠎ᠠ ᠰᠡᠳᠭᠢᠯᠭᠡ ᠭᠡᠵᠦ ᠪᠠᠢᠳᠠᠭ ᠦᠭᠡᠢ᠂ ᠠᠷᠠᠳ ᠤᠯᠠᠨ ᠢᠶᠠᠨ ᠬᠢᠬᠠᠵᠦ ᠲᠠᠷᠤᠯᠠᠵᠣ ᠶᠠᠪᠣᠭᠰᠠᠨ᠂ ᠢᠳᠡᠭᠡᠯ ᠢᠶᠡᠨ ᠨᠢᠭᠡᠮᠦᠰᠦᠨ ᠠᠯᠳᠠᠭᠰᠠᠨ ᠪᠠᠯᠭᠠᠰᠤᠨ ᠲᠠᠷᠤᠭ᠎ᠠ ᠲᠦᠷᠦᠭᠦᠳᠠᠢ ᠨᠢᠭᠡᠨ ᠪᠠᠯᠭᠠᠰᠤᠨ ᠤ ᠬᠡᠳᠦᠨ ᠺᠠᠳ᠋ᠷ ᠬᠦᠳᠡᠬᠡ ᠪᠠᠭᠤᠨ ᠂ ᠭᠠᠴᠠᠭ᠎ᠠ ᠲᠤᠰᠬᠤᠨ ᠢᠶᠠᠷ ᠠᠵᠢᠯ  ᠢᠶᠠᠨ ᠦᠷᠨᠢᠭᠦᠯᠵᠦ ᠶᠠᠪᠤᠯ᠎ᠠ᠃
        4453     
2023-10-21 17:34    
发表于:内蒙古

<<  ᠪᠦᠳᠦᠭᠦᠯᠢᠭ>> ᠮᠠᠯᠴᠢᠨ

                                 ᠪᠤᠤ ᠵᠢᠨᠵᠤᠸᠠᠨᠭᠽᠢ

ᠵᠤᠨ ᠤ ᠲᠤᠨᠭᠭᠠᠯᠠᠭ ᠰᠠᠢᠬᠠᠨ ᠨᠢᠭᠡᠨ ᠡᠳᠦᠷ ᠪᠠᠢᠵᠤ ᠪᠢᠯᠡ ᠃ ᠠᠳᠤᠭᠣᠰᠤ  ᠮᠠᠯ   ᠠᠳᠠᠯᠢ  ᠬᠠᠢᠷ᠎ᠠ ᠰᠡᠳᠭᠢᠯᠭᠡ ᠭᠡᠵᠦ ᠪᠠᠢᠳᠠᠭ ᠦᠭᠡᠢ᠂ ᠠᠷᠠᠳ ᠤᠯᠠᠨ ᠢᠶᠠᠨ ᠬᠢᠬᠠᠵᠦ ᠲᠠᠷᠤᠯᠠᠵᠣ ᠶᠠᠪᠣᠭᠰᠠᠨ᠂ ᠢᠳᠡᠭᠡᠯ ᠢᠶᠡᠨ ᠨᠢᠭᠡᠮᠦᠰᠦᠨ ᠠᠯᠳᠠᠭᠰᠠᠨ ᠪᠠᠯᠭᠠᠰᠤᠨ ᠲᠠᠷᠤᠭ᠎ᠠ ᠲᠦᠷᠦᠭᠦᠳᠠᠢ  ᠨᠢᠭᠡᠨ ᠪᠠᠯᠭᠠᠰᠤᠨ ᠤ ᠬᠡᠳᠦᠨ ᠺᠠᠳ᠋ᠷ ᠬᠦᠳᠡᠬᠡ ᠪᠠᠭᠤᠨ ᠂  ᠭᠠᠴᠠᠭ᠎ᠠ ᠲᠤᠰᠬᠤᠨ ᠢᠶᠠᠷ  ᠠᠵᠢᠯ  ᠢᠶᠠᠨ ᠦᠷᠨᠢᠭᠦᠯᠵᠦ ᠶᠠᠪᠤᠯ᠎ᠠ᠃ ᠲᠡᠲᠡ ᠦᠳᠡ ᠶᠢᠨ ᠬᠤᠭᠤᠯᠠ ᠬᠡᠷᠡᠭᠰᠡᠬᠦ ᠪᠡᠷ ᠨᠢᠭᠡᠨ ᠮᠠᠯᠴᠢᠨ ᠤ ᠭᠡᠷ ᠢ ᠰᠤᠨᠭᠭᠤᠨ ᠪᠠᠭᠤᠳᠠᠯᠯᠠᠬᠤ ᠪᠠᠷ ᠪᠤᠯᠵᠠᠢ ᠃ ᠲᠡᠷᠭᠡᠨ ᠲᠤᠳᠤᠷ᠎ᠠ ᠄

ᠲᠠᠷᠤᠭ᠎ᠠ ᠡ ᠂ ᠡᠨᠳᠡᠬᠢ ᠮᠠᠯᠴᠢᠳ ᠮᠠᠰᠢ ᠪᠦᠳᠦᠭᠦᠯᠢᠭ ᠂ ᠶᠠᠭᠤ ᠪᠤᠳᠤᠪᠠᠯ ᠶᠠᠭᠤ ᠪᠠᠨ ᠡᠷᠤᠢ ᠬᠤᠷᠤᠢ  ᠦᠭᠡᠢ ᠶᠠᠷᠢᠭᠠᠳ ᠲᠠᠨ ᠢ ᠠᠭᠤᠷᠯᠠᠭᠤᠯᠵᠤ ᠮᠡᠳᠡᠨ᠎ᠡ ᠰᠢᠤ ᠭᠡᠵᠦ ᠨᠢᠭᠡ ᠨᠢ ᠠᠵᠢᠭ ᠴᠤ  ᠦᠭᠡᠢ ᠶᠠᠷᠢᠨ᠎ᠠ ᠃

ᠬᠠᠮᠢᠶ᠎ᠠ ᠦᠭᠡᠢ ᠂ ᠬᠠᠮᠢᠶ᠎ᠠ ᠦᠭᠡᠢ ᠂ ᠨᠠᠳᠠ ᠶᠢ ᠬᠠᠷᠢᠶᠠᠬᠤ ᠦᠭᠡᠢ ᠴᠠᠭ ᠲᠤ ᠪᠢ ᠶᠠᠭᠠᠬᠢᠭᠰᠠᠨ ᠴᠤ ᠠᠭᠤᠷᠰᠠᠬᠤ  ᠦᠭᠡᠢ ᠶᠤᠮ ᠡ ᠁ ᠭᠡᠵᠦ ᠬᠡᠯᠡᠯᠴᠡᠨ ᠶᠠᠪᠤᠭᠰᠠᠭᠠᠷ ᠨᠢᠭᠡᠨ ᠮᠠᠯᠴᠢᠨ ᠡᠷᠦᠬᠡ ᠶᠢᠨ ᠡᠭᠦᠳᠡᠨ ᠡᠮᠦᠨ᠎ᠡ ᠲᠡᠷᠭᠡ ᠵᠤᠭᠰᠤᠪᠠ ᠃

ᠶᠠᠭ ᠡᠨᠡ ᠦᠶᠡᠰ ᠨᠢᠭᠡᠨ ᠬᠠᠷᠠᠪᠳᠤᠷ ᠴᠢᠷᠠᠢ ᠲᠠᠶ ᠢᠳᠡᠷ ᠨᠠᠰᠤᠨ ᠤ ᠮᠠᠯᠴᠢᠨ ᠭᠤᠸᠠᠢ ᠡᠭᠦᠳᠡ ᠲᠦᠯᠬᠢᠨ ᠭᠠᠷᠴᠤ ᠢᠷᠡᠭᠡᠳ ᠲᠠᠷᠤᠭ᠎ᠠ  ᠨᠠᠷ ᠢ ᠤᠭᠳᠤᠨ ᠢᠷᠡᠵᠦ ᠂ ᠡᠷᠦᠬᠡ ᠵᠦᠭ ᠢᠶᠡᠨ ᠤᠷᠢᠨ ᠶᠠᠪᠤᠯ᠎ᠠ ᠃ ᠡᠭᠦᠳᠡ ᠲᠤᠯᠵᠤ ᠢᠷᠡᠳᠡᠯ᠎ᠡ ᠪᠠᠯᠭᠠᠰᠤᠨ ᠲᠠᠷᠤᠭ᠎ᠠ ᠶᠠᠭᠤ ᠪᠤᠳᠤᠭᠰᠠᠨ ᠢ ᠪᠤᠤ ᠮᠡᠳᠡ ᠂ᠮᠠᠯᠴᠢᠨ ᠤ ᠵᠦᠭ ᠭᠠᠷ ᠡᠷᠭᠦᠨ  ᠡᠷᠡᠤ ᠲᠤᠬᠢᠭᠠᠳ ᠄

ᠵᠠ ᠂ ᠲᠠ ᠤᠷᠢᠳᠠ ᠪᠠᠷ ᠡᠷᠦᠬᠡ ᠭᠡᠷ ᠲᠦ ᠪᠡᠨ ᠮᠤᠷᠢᠯᠠᠨ ᠰᠠᠭᠠᠳᠠᠭᠠᠷᠠᠢ ᠭᠡᠳ ᠠᠯᠬᠤᠮ ᠢᠶᠠᠨ ᠵᠤᠭᠰᠤᠰᠬᠢᠬᠦ ᠳᠦ

ᠬᠠᠰᠢ ᠯᠠ ᠲᠠᠷᠤᠭ᠎ᠠ  ᠲᠠ ᠤᠷᠢᠳᠠ ᠪᠠᠷ ᠮᠤᠷᠢᠯᠠᠨ ᠰᠠᠭᠠᠳᠠᠴᠢᠬ᠎ᠠ ᠂ ᠦᠴᠦᠬᠡᠨ ᠮᠠᠯᠴᠢᠨ ᠪᠢ ᠡᠳᠦᠷᠵᠢᠨ ᠬᠤᠨᠢᠨ ᠪᠦᠭᠰᠡ ᠲᠠᠭᠠᠵᠤ ᠠᠳᠤᠭᠤᠰᠤ ᠮᠠᠯ ᠤᠨ ᠬᠤᠢᠨ᠎ᠠ ᠠᠴᠠ ᠨᠢ ᠶᠠᠪᠤᠭᠰᠠᠭᠠᠷ ᠵᠠᠨᠭᠰᠢᠯ ᠪᠤᠯᠴᠢᠬᠠᠵᠠᠢ ᠭᠡᠵᠦ ᠶᠠᠷᠢᠭᠰᠠᠭᠠᠷ ᠭᠡᠷ ᠲᠦ ᠤᠷᠤᠪᠠ ᠃

 ᠭᠡᠷ ᠲᠦ ᠤᠷᠤᠭᠰᠠᠨ ᠤ ᠲᠠᠷᠠᠭ᠎ᠠ ᠪᠠᠯᠭᠠᠰᠤᠨ ᠲᠠᠷᠤᠭ᠎ᠠ ᠄

ᠡᠨᠡ ᠴᠢᠨᠢ ᠦᠨᠡᠬᠡᠷ ᠪᠦᠳᠦᠭᠦᠯᠢᠭ ᠲᠡᠨᠡᠭ ᠮᠠᠯᠴᠢᠨ ᠪᠠᠢᠨ᠎ᠠ ᠬᠡᠮᠡᠨ ᠬᠦᠮᠦᠰᠭᠡ ᠨᠢᠳᠡᠷᠡᠨ ᠪᠤᠳᠤᠯᠭ᠎ᠠ ᠪᠤᠯᠵᠤ ᠰᠠᠭᠤᠳᠠᠯ᠎ᠠ. ᠮᠠᠯᠴᠢᠨ ᠭᠤᠸᠠᠢ ᠰᠢᠷᠡᠬᠡ ᠲᠦᠭᠦᠷᠡᠩ ᠠᠭᠤᠷ ᠰᠠᠪᠰᠠᠭᠰᠠᠨ ᠶᠠᠰᠤᠳᠠᠢ ᠮᠢᠬ᠎ᠠ ᠤᠷᠤᠭᠤᠯᠵᠤ ᠢᠷᠡᠭᠡᠳ ᠰᠢᠷᠡᠬᠡ ᠶᠢ ᠬᠤᠷᠤᠭᠤ ᠪᠠᠷ ᠢᠶᠠᠨ ᠵᠢᠭᠠᠭᠠᠳ ᠪᠠᠯᠭᠠᠰᠤᠨ ᠲᠠᠷᠤᠭ᠎ᠠ ᠲᠡᠰᠢ ᠄

ᠲᠠᠷᠤᠭ᠎ᠠ ᠡ ᠂ ᠲᠠ ᠠᠮᠰᠠᠵᠤ ᠦᠵᠡᠭᠡᠷᠡᠢ ᠂ ᠶᠠᠮᠠᠷ ᠵᠡᠷᠬᠡ ᠪᠤᠢ

ᠪᠠᠯᠭᠠᠰᠤᠨ ᠲᠠᠷᠤᠭ᠎ᠠ ᠠᠮᠰᠠᠭᠰᠠᠨ ᠤ ᠲᠠᠷᠠᠭ᠎ᠠ ᠄

ᠪᠤᠯᠵᠤ ᠪᠠᠢᠨ᠎ᠠ ᠂ ᠪᠤᠯᠵᠤ ᠪᠠᠢᠨ᠎ᠠ ᠂ ᠤᠨᠴᠠ ᠰᠠᠢᠨ ᠪᠠᠢᠨ᠎ᠠ ᠭᠡᠯ᠎ᠡ ᠃

 ᠡᠭᠦᠨ ᠳᠦ ᠮᠠᠯᠴᠢᠨ ᠭᠤᠸᠠᠢ ᠄

ᠲᠠᠷᠤᠭ᠎ᠠ ᠭᠤᠸᠠᠢ ᠂ ᠬᠡᠳᠦᠷᠬᠡᠢ ᠮᠠᠭᠳᠠᠯ᠎ᠠ ᠂ ᠡᠨᠡ ᠴᠢᠨᠢ ᠪᠢᠳᠡᠨ ᠦ ᠡᠳᠦᠷ ᠲᠤᠳᠤᠮ ᠤᠨ ᠨᠤᠬᠠᠢ ᠳᠤ ᠬᠡᠮᠡᠯᠡᠭᠦᠯᠬᠦ ᠶᠠᠰᠤ ᠠᠴᠠ ᠲᠡᠮᠡᠢ ᠲᠡᠭᠡᠷ᠎ᠡ ᠦᠭᠡᠢ ᠰᠢᠳᠡ ᠪᠢᠳᠡ ᠴᠢᠨᠢ ᠨᠤᠬᠠᠢ ᠳᠤ ᠬᠡᠮᠡᠯᠡᠭᠦᠯᠬᠦ ᠶᠠᠰᠤ  ᠪᠠᠨ ᠮᠦᠨ ᠯᠠ ᠢᠨᠭᠭᠢᠵᠦ ᠪᠠᠵᠠᠭᠠᠳᠠᠭ ᠰᠢᠤ ᠂ ᠡᠷᠡᠭᠡᠯᠡᠯ  ᠦᠭᠡᠢ ᠢᠳᠡᠵᠡᠭᠡ ᠭᠡᠯ᠎ᠡ ᠃

ᠪᠠᠯᠭᠠᠰᠤᠨ ᠲᠠᠷᠤᠭ᠎ᠠ  ᠮᠠᠯᠴᠢᠨ ᠢ ᠨᠡᠬᠡᠷᠡᠨ ᠲᠡᠨᠡᠭ ᠭᠡᠵᠦ ᠪᠤᠳᠤᠭᠠᠳ ᠠᠭᠣᠷ  ᠭᠢᠯᠢᠩ ᠢᠶᠡᠨ ᠲᠠᠷᠣᠨ ᠮᠠᠯᠴᠢᠨ ᠲᠡᠰᠢ ᠄

ᠵᠠ᠂ ᠮᠠᠯᠴᠢᠨ ᠭᠤᠸᠠᠢ ᠂ ᠲᠠ ᠪᠠᠰᠠ ᠰᠢᠷᠡᠭᠡᠨ ᠳᠦ ᠪᠡᠨ ᠰᠠᠭᠣᠭᠠᠳ  ᠢᠳᠡᠴᠢᠬᠡ  ᠳ᠋ᠠ ᠭᠡᠯ᠎ᠡ ᠃ ᠡᠭᠦᠨ ᠳᠦ ᠮᠠᠯᠴᠢᠨ  ᠄

ᠲᠠᠷᠤᠭ᠎ᠠ ᠨᠠᠷ ᠣᠷᠢᠲᠠᠪᠡᠷ ᠢᠳᠡᠵᠦ ᠪᠠᠢ ᠂ ᠪᠢ ᠴᠢᠨᠢ ᠶᠡᠷᠦ ᠳᠦ ᠪᠡᠨ ᠨᠣᠬᠠᠢ ᠪᠠᠨ ᠲᠡᠵᠢᠭᠡᠵᠦ ᠪᠠᠷᠠᠭᠠᠳ ᠰᠠᠶ᠋ᠢ ᠬᠣᠭᠣᠯᠠ ᠪᠣᠳᠠᠭ᠎ᠠ ᠢᠲᠡᠳᠡᠭ ᠵᠠᠨᠭᠰᠢᠯ ᠲᠠᠢ ᠰᠢᠣ ᠭᠡᠯ᠎ᠡ ᠃

ᠪᠦᠳᠦᠭᠦᠯᠢᠭ ᠮᠠᠯᠴᠢᠨ  ᠳᠤ ᠵᠣᠴᠢᠯᠠᠭᠳᠠᠭᠰᠠᠨ ᠪᠠᠯᠭᠠᠰᠤᠨ ᠲᠠᠷᠤᠭ᠎ᠠ ᠪᠤᠳᠤᠯ ᠤᠨ ᠭᠠᠯ ᠢᠶᠠᠨ ᠲᠠᠷᠤᠭᠰᠠᠭᠠᠷ  ᠪᠠᠯᠭᠠᠰᠤᠨ ᠵᠦᠭ ᠲᠦ ᠪᠡᠨ ᠵᠠᠮᠨᠠᠵᠤ ᠶᠠᠪᠤᠯ᠎ᠠ᠃

7        0       

                             13847524386      211429899@qq.com      13847524386   QQ  211429899 蒙ICP备17002503号-1