ᠦᠨᠦᠷ ᠁
ᠦᠨᠦᠷ ᠦᠭᠡᠢ ᠤᠰᠤ ᠶᠢ ᠠᠯᠠᠭᠠ ᠪᠠᠷ ᠢᠶᠠᠨ ᠢᠷᠠᠨ ᠦᠢᠯᠡᠳᠦᠭᠴᠢ ᠲᠦᠮᠡᠨ ᠪᠣᠳᠠᠰ ᠢ ᠨᠢ ᠳᠡᠯᠭᠡᠬᠦ ᠦᠭᠡᠢ
2428
2021-11-15 09:39
发表于:内蒙古
ᠦᠨᠦᠷ
ᠦᠨᠦᠷ ᠦᠭᠡᠢ ᠤᠰᠤ ᠶᠢ ᠠᠯᠠᠭᠠ ᠪᠠᠷ ᠢᠶᠠᠨ ᠢᠷᠠᠨ
ᠦᠢᠯᠡᠳᠦᠭᠴᠢ ᠲᠦᠮᠡᠨ ᠪᠣᠳᠠᠰ ᠢ ᠨᠢ ᠳᠡᠯᠭᠡᠬᠦ ᠦᠭᠡᠢ
ᠦᠨᠦᠷ ᠦᠭᠡᠢ ᠤᠰᠤ ᠥᠪᠡᠷ ᠢᠶᠡᠨ ᠠᠩᠬᠢᠯᠤᠮᠠ
ᠦᠨᠦᠷ ᠦᠭᠡᠢ ᠰᠡᠳᠬᠢᠯ ᠢ ᠦᠭᠡ ᠪᠡᠷ ᠢᠶᠡᠨ ᠢᠷᠠᠨ
ᠦᠢᠯᠡ ᠶᠢᠨ ᠮᠢᠩᠭᠠᠨ ᠦᠭᠡᠰ ᠢ ᠰᠢᠪᠡᠨᠡᠬᠦ ᠳᠦ
ᠦᠨᠦᠷ ᠦᠭᠡᠢ ᠰᠡᠳᠬᠢᠯ ᠥᠪᠡᠷ ᠢᠶᠡᠨ ᠦᠨᠦᠷᠲᠡᠨᠡᠮ
ᠦᠨᠦᠷ ᠦᠭᠡᠢ ᠮᠢᠩᠭᠠᠨ ᠣᠨ ᠢ ᠲᠤᠭᠤᠯᠤᠨ ᠤᠷᠤᠰᠤᠭᠰᠠᠨ ᠤᠰᠤᠨ ᠳᠤ
ᠦᠢᠯᠡ ᠶᠢᠨ ᠬᠠᠯᠪᠠᠭᠠ ᠪᠠᠷ ᠶᠠᠭᠤ ᠳᠤᠰᠤᠭᠠᠨᠠ ᠲᠡᠭᠦᠨ ᠳᠦ ᠬᠤᠪᠢᠯᠵᠤ
ᠦᠨᠦᠷ ᠦᠭᠡᠢ ᠬᠥᠮᠥᠨ ᠵᠠᠶᠠᠭᠠ ᠶᠢ ᠲᠠᠭᠠᠯᠠᠨ ᠢᠷᠡᠭᠰᠡᠨ ᠰᠡᠳᠬᠢᠯ ᠳᠦ
ᠦᠭᠡ ᠶᠢᠨ ᠰᠢᠳᠢ ᠪᠡᠷ ᠶᠠᠭᠤ ᠰᠢᠪᠡᠨᠡᠨᠡ ᠲᠡᠭᠦᠨ ᠳᠦ ᠡᠷᠬᠡᠰᠢᠶᠡᠭᠳᠡᠨᠡ
ᠭᠦᠨ ᠴᠡᠭᠡᠯ ᠦᠨ ᠤᠰᠤᠨ ᠭᠠᠵᠠᠷ ᠤᠨ ᠬᠡᠪᠡᠯᠢ ᠳᠦ ᠪᠤᠯᠠᠩᠭᠢᠷᠲᠤᠵᠤ
ᠭᠦᠨ ᠲᠩᠷᠢ ᠶᠢᠨ ᠬᠥᠮᠥᠨ ᠰᠦᠨᠡᠰᠦ ᠭᠠᠵᠠᠷ ᠤᠨ ᠦᠢᠯᠡ ᠳᠦ ᠣᠷᠢᠶᠠᠭᠳᠠᠨᠠ
ᠭᠠᠵᠠᠷ ᠤᠨ ᠦᠨᠦᠷ᠂ ᠬᠦᠮᠦᠨ ᠦ ᠦᠨᠦᠷ᠂
ᠭᠠᠯ ᠦᠨᠡᠰᠦ᠂ ᠵᠣᠪᠠᠯᠠᠩ ᠵᠢᠷᠭᠠᠯ ᠤᠨ ᠦᠨᠦᠷ
ᠭᠠᠷᠴᠠᠭᠠ ᠦᠭᠡᠢ ᠡᠨᠳᠡ ᠯᠠ ᠪᠥᠷᠢᠯᠳᠦᠨᠡ
ᠦᠨᠦᠷ ᠦᠭᠡᠢ ᠦᠯᠢᠶᠡᠬᠦ ᠰᠠᠯᠬᠢᠨ ᠠᠴᠠ
ᠦᠢᠯᠡ ᠶᠢᠨ ᠦᠷᠡ ᠦᠨᠦᠷᠲᠡᠨᠡ
ᠦᠨᠦᠷ ᠨᠢ ᠲᠣᠳᠣ ᠢᠵᠢᠢ ᠶᠢᠨ ᠬᠢ ᠨᠢ ᠳᠡᠪᠡᠯ ᠡᠴᠡ
ᠦᠷᠡ ᠳᠦ ᠪᠡᠨ ᠠᠮᠢᠳᠤ ᠡᠬᠡ ᠬᠦᠮᠦᠨ ᠦᠨᠦᠷᠲᠡᠨᠡ
ᠦᠨᠦᠷ ᠥᠪᠡᠷ ᠢᠶᠡᠨ ᠥᠩᠭᠡ ᠦᠭᠡᠢ ᠶᠢ ᠰᠦᠯᠡᠵᠦ
ᠥᠷᠦᠰᠢᠶᠡᠯ ᠦᠭᠡᠢ ᠨᠤᠲᠠᠯᠠᠬᠤ ᠭᠠᠵᠠᠷ ᠤᠨ ᠡᠷᠬᠡᠰᠢᠶᠡᠯ ᠶᠤᠮ
ᠤᠰᠤᠨ ᠤ ᠦᠨᠦᠷ
ᠬᠦᠮᠦᠨ ᠦ ᠦᠨᠦᠷ
ᠰᠠᠯᠬᠢᠨ ᠤ ᠦᠨᠦᠷ
ᠪᠠᠭᠤᠵᠤ ᠮᠣᠷᠳᠠᠭᠠᠳ
ᠪᠤᠴᠠᠬᠤ ᠳᠡᠯᠡᠬᠡᠢ ᠶᠢᠨ ᠦᠨᠦᠷ
ᠪᠢᠳᠡᠨ ᠳᠦ ᠰᠢᠩᠭᠡᠭᠰᠡᠨ ᠲᠠᠨᠢᠬᠤ ᠦᠭᠡᠢ ᠪᠦᠬᠦ ᠦᠨᠦᠷ
ᠪᠢᠷ ᠨᠢ ᠦᠭᠡᠢ ᠪᠢᠴᠢᠭᠳᠡᠭᠰᠡᠨ ᠦᠢᠯᠡ ᠶᠢᠨ ᠦᠷᠡ ᠶᠢᠨ ᠵᠢᠷᠤᠭᠠᠰᠤ ᠶᠤᠮ᠃
ᠪ ᠊ ᠰᠠᠷᠠᠨᠲᠤᠶᠠᠭᠠ
2 0