ᠨᠢᠳᠦ ᠪᠡᠷ ᠢᠶᠡᠨ ᠡᠷᠡᠭᠦᠯ ᠮᠡᠨᠳᠦ ᠪᠠᠨ ᠬᠡᠷᠬᠢᠨ ᠰᠢᠨᠵᠢᠬᠦ ᠪᠤᠢ 1.ᠡᠪᠦᠳᠦᠭ ᠭᠠᠷᠬᠤ ᠡᠪᠦᠳᠦᠭ ᠭᠠᠷᠬᠤ ᠳᠤ ᠮᠠᠰᠢ ᠶᠡᠬᠡ ᠵᠠᠭᠠᠲᠤᠨᠠᠵᠤ᠂ ᠡᠪᠡᠳᠳᠡᠭ ᠪᠢᠯᠡ᠃ ᠥᠭᠡᠬᠦᠨ ᠦ ᠪᠤᠯᠴᠢᠷᠬᠠᠢ ᠪᠣᠭᠣᠭᠳᠠᠭᠰᠠᠨ ᠠᠴᠠ ᠪᠣᠯᠵᠤ ᠡᠪᠦᠳᠦᠭ ᠭᠠᠷᠳᠠᠭ ᠪᠥᠭᠡᠳ ᠶᠡᠬᠡᠪᠴᠢᠯᠡᠨ ᠬᠡᠳᠦ ᠬᠣᠨᠣᠭᠠᠳ ᠥᠪᠡᠷ ᠢᠶᠡᠨ ᠠᠯᠠᠭ᠎ᠠ ᠪᠣᠯᠳᠠᠭ ᠴᠤ᠂ ᠵᠠᠷᠢᠮ ᠲᠣᠬᠢᠶᠠᠯᠳᠤᠯ ᠳᠤ ᠠᠷᠢᠯᠵᠤ ᠥᠭᠭᠦ ᠦᠭᠡᠢ ᠪᠠᠶᠢᠬᠤ ᠨᠢ ᠪᠤᠢ᠃ ᠲᠡᠭᠡᠪᠡᠯ ᠡᠨᠡ ᠨᠢ ᠥᠭᠡᠬᠦᠨ ᠦ ᠪᠤᠯᠴᠢᠷᠬᠠᠢ ᠶᠢᠨ ᠬᠣᠣᠷᠠᠲᠤ ᠬᠠᠪᠤᠳᠠᠷ ᠪᠠᠶᠢᠬᠤ ᠮᠠᠭᠠᠳᠯᠠᠯ ᠲᠠᠢ ᠲᠤᠯᠠ ᠡᠳᠡᠭᠡᠬᠦ ᠦᠭᠡᠢ ᠤᠳᠠᠬᠤ ᠶᠤᠮ ᠤᠤ᠂ ᠳᠠᠬᠢᠨ ᠳᠠᠬᠢᠨ ᠭᠠᠷᠤᠭᠠᠳ ᠪᠠᠶᠢᠪᠠᠯ ᠡᠮᠴᠢ ᠳᠦ ᠦᠵᠡᠭᠦᠯᠬᠦ ᠱᠠᠭᠠᠷᠳᠠᠯᠭ᠎ᠠ ᠲᠠᠢ ᠶᠤᠮ᠃ 2.ᠬᠥᠮᠥᠰᠬᠡ ᠰᠢᠩᠭᠡᠷᠡᠬᠦ ᠬᠥᠭᠰᠢᠷᠡᠯ ᠳᠦ ᠡᠰᠡᠪᠡᠯ ᠰᠲᠷᠧᠰᠰ ᠡᠴᠡ ᠪᠣᠯᠵᠤ ᠬᠥᠮᠥᠰᠬᠡ ᠰᠢᠩᠭᠡᠷᠡᠳᠡᠭ ᠬᠡᠳᠦᠢ ᠴᠤ᠂ ᠡᠨᠡ ᠨᠢ ᠲᠤᠩ ᠬᠣᠪᠣᠷ ᠦᠵᠡᠭᠳᠡᠯ ᠶᠤᠮ᠃ ᠬᠠᠷᠢᠨ ᠪᠠᠮᠪᠠᠢ ᠪᠤᠯᠴᠢᠷᠬᠠᠢ ᠶᠢᠨ ᠱᠦᠭᠦᠷᠡᠯ ᠪᠠᠭᠠᠰᠠᠭᠰᠠᠨ ᠠᠴᠠ ᠪᠣᠯᠵᠤ ᠦᠰᠦ ᠤᠨᠠᠬᠤ ᠨᠢ ᠬᠠᠮᠤᠭ ᠤᠨ ᠲᠦᠭᠡᠮᠡᠯ ᠬᠢᠷᠢᠨ᠎ᠡ ᠠᠶᠤᠯᠲᠠᠢ ᠲᠣᠬᠢᠶᠠᠯᠳᠤᠯ ᠠᠵᠢ᠃ ᠲᠡᠶᠢᠮᠦ ᠡᠴᠡ ᠦᠰᠦ᠂ ᠬᠥᠮᠥᠰᠬᠡ ᠤᠨᠠᠵᠤ᠂ ᠰᠢᠩᠭᠡᠷᠡᠵᠥ ᠡᠬᠢᠯᠡᠭᠰᠡᠨ ᠪᠣᠯ ᠨᠡᠩ ᠳᠠᠷᠤᠢ ᠪᠠᠮᠪᠠᠢ ᠪᠤᠯᠴᠢᠷᠬᠠᠢ ᠪᠠᠨ ᠰᠢᠯᠭᠠᠭᠤᠯᠤᠭᠠᠷᠠᠢ᠃ 3.ᠨᠢᠳᠦ ᠪᠥᠷᠥᠯᠵᠡᠬᠦ ᠺᠣᠮᠫᠢᠶᠦ᠋ᠲ᠋ᠧᠷ ᠦᠨ ᠠᠷᠣ ᠳ᠋ᠤ ᠣᠯᠠᠨ ᠴᠠᠭ ᠰᠠᠭᠤᠬᠤ ᠪᠠᠷ ᠨᠢᠳᠦ ᠪᠦᠷᠦᠯᠵᠡᠳᠡᠭ᠃ ᠡᠶᠢᠮᠦ ᠲᠣᠬᠢᠶᠠᠯᠳᠤᠯ ᠥᠨᠥ ᠴᠠᠭ ᠲᠤ ᠬᠠᠷᠢᠴᠠᠩᠭᠤᠢ ᠶᠡᠬᠡᠰᠦᠭᠰᠡᠨ ᠲᠤᠯᠠ 《ᠳ᠋ᠢᠵᠢᠲᠠᠯ᠎ᠠ ᠨᠥᠯᠦᠭᠡᠨ ᠦ ᠨᠢᠳᠦᠨ ᠦ ᠠᠴᠢᠶᠠᠯᠠᠯ》᠂ 《ᠨᠢᠳᠦ ᠬᠠᠭᠤᠷᠠᠶᠢᠰᠢᠬᠤ ᠬᠠᠮ ᠰᠢᠨᠵᠢ》 ᠵᠡᠷᠭᠡ ᠡᠪᠡᠳᠴᠢᠨ ᠬᠦᠷᠲᠡᠯ᠎ᠡ ᠪᠤᠢ ᠪᠣᠯᠵᠠᠢ᠃ ᠲᠡᠶᠢᠮᠦ ᠡᠴᠡ ᠲᠠᠨ ᠳᠤ ᠡᠳᠡᠭᠡᠷ ᠰᠢᠨᠵᠢ ᠲᠡᠮᠳᠡᠭ ᠢᠯᠡᠷᠡᠭᠰᠡᠨ ᠪᠣᠯ ᠶᠠᠭᠠᠷᠠᠯᠲᠠᠢ ᠡᠮᠴᠢ ᠳᠦ ᠬᠠᠨᠳᠤᠵᠤ᠂ ᠨᠥᠬᠥᠴᠡᠯ ᠪᠠᠶᠢᠳᠠᠯ ᠳᠤ ᠪᠠᠨ ᠲᠣᠬᠢᠷᠠᠭᠰᠠᠨ ᠵᠥᠪᠯᠡᠯᠭᠡ ᠠᠪᠬᠤ ᠬᠡᠷᠡᠭᠲᠡᠢ ᠶᠤᠮ᠃ 4.ᠬᠠᠷᠠᠴᠠ ᠪᠦᠳᠡᠭᠢᠷᠡᠬᠦ ᠬᠠᠷᠠᠭᠳᠠᠵᠤ ᠪᠠᠶᠢᠭ᠎ᠠ ᠵᠦᠢᠯ ᠭᠡᠨᠡᠳᠲᠡ ᠪᠦᠳᠡᠭᠢᠷᠡᠵᠦ᠂ ᠵᠠᠷᠢᠮ ᠵᠦᠢᠯ ᠢ ᠰᠠᠶᠢᠨ ᠬᠠᠷᠠᠵᠤ ᠴᠢᠳᠠᠬᠤ ᠦᠭᠡᠢ ᠳᠦ ᠬᠦᠷᠳᠡᠭ᠃ ᠳᠦᠷᠰᠦ ᠪᠦᠦᠳᠡᠶᠢᠨ ᠰᠡᠭᠦᠳᠡᠭᠡᠨᠡᠬᠦ ᠲᠡᠳᠦᠢ ᠦᠵᠡᠭᠳᠡᠵᠦ᠂ ᠡᠰᠡᠪᠡᠯ ᠭᠡᠷᠡᠯᠲᠦ ᠴᠡᠭ ᠪᠣᠯᠵᠤ ᠬᠠᠷᠠᠭᠳᠠᠬᠤ ᠭᠡᠬᠦ ᠮᠡᠲᠦ ᠣᠯᠠᠨ ᠶᠠᠩᠵᠤ ᠪᠠᠷ ᠬᠠᠷᠠᠴᠠ ᠪᠦᠳᠡᠭᠢᠷᠡᠳᠡᠭ ᠪᠥᠭᠡᠳ ᠡᠭᠦᠨ ᠡᠴᠡ ᠪᠣᠯᠵᠤ ᠲᠣᠯᠣᠭᠠᠢ ᠡᠪᠡᠳᠳᠡᠭ ᠪᠠᠶᠢᠨ᠎ᠠ᠃ ᠬᠠᠷᠢᠨ ᠡᠶᠢᠮᠦ ᠲᠣᠬᠢᠶᠠᠯᠳᠤᠯ ᠳᠤ ᠶᠠᠭᠠᠷᠠᠯᠲᠠᠢ ᠡᠮᠴᠢ ᠳᠦ ᠬᠠᠨᠳᠤᠬᠤ ᠬᠡᠷᠡᠭᠲᠡᠢ ᠭᠡᠨ᠎ᠡ ᠰᠢᠦ᠃ 5.ᠨᠢᠳᠦᠨ ᠳᠦ ᠶᠠᠭᠤᠮ᠎ᠠ ᠲᠣᠷᠬᠤ ᠬᠠᠷᠠᠴᠠᠨ ᠳᠤ ᠶᠠᠭᠤᠮ᠎ᠠ ᠲᠣᠷᠬᠤ ᠦᠶ᠎ᠡ ᠳᠦ ᠬᠦᠮᠦᠨ ᠥᠪᠡᠷ ᠦᠨ ᠡᠷᠬᠡ ᠦᠭᠡᠢ ᠨᠢᠳᠦ ᠪᠡᠨ ᠣᠶᠢᠷ᠎ᠠ ᠣᠶᠢᠷᠠᠬᠠᠨ ᠴᠠᠪᠴᠢᠯᠠᠵᠤ᠂ ᠨᠤᠬᠤᠯᠠᠳᠠᠭ᠃ ᠲᠤᠰ ᠰᠢᠨᠵᠢ ᠲᠡᠮᠳᠡᠭ ᠪᠠᠶᠢᠩᠭᠤ ᠢᠯᠡᠷᠡᠬᠦ ᠨᠢ ᠪᠠᠮᠪᠠᠢ ᠪᠤᠯᠴᠢᠷᠬᠠᠢ ᠶᠢᠨ ᠬᠡᠲᠦ ᠠᠴᠢᠶᠠᠯᠠᠯ ᠠᠴᠠ ᠪᠣᠯᠤᠭᠰᠠᠨ ᠪᠠᠶᠢᠬᠤ ᠥᠨᠳᠥᠷ ᠮᠠᠭᠠᠳᠯᠠᠯ ᠲᠠᠢ ᠪᠠᠶᠢᠳᠠᠭ ᠪᠠᠶᠢᠨ᠎ᠠ᠃ ᠨᠢᠳᠦ ᠪᠡᠨ ᠠᠨᠢᠬᠤ ᠳᠤ ᠪᠣᠯᠤᠨ ᠶᠠᠭᠤᠮ᠎ᠠ ᠬᠠᠷᠠᠬᠤ ᠳᠤ ᠬᠦᠨᠳᠦᠷᠡᠯᠲᠡᠢ ᠡᠶᠢᠮᠦ ᠨᠥᠬᠥᠴᠡᠯ ᠳᠦ ᠬᠦᠮᠦᠨ ᠠᠯᠢ ᠪᠣᠯᠬᠤ ᠲᠣᠮᠣ ᠬᠠᠷᠠᠬᠤ ᠭᠡᠵᠦ ᠬᠢᠴᠢᠶᠡᠳᠡᠭ ᠪᠢᠯᠡ᠃ 6.ᠨᠢᠳᠦᠨ ᠦ ᠴᠡᠴᠡᠭᠡᠢ ᠰᠢᠷᠠᠯᠠᠬᠤ ᠨᠢᠭᠤᠷ ᠪᠣᠯᠤᠨ ᠨᠢᠳᠦᠨ ᠦ 《ᠴᠠᠭᠠᠨ》 ᠰᠢᠷᠠᠯᠠᠬᠤ ᠨᠢ ᠰᠢᠷ᠎ᠠ ᠡᠪᠡᠳᠴᠢᠨ ᠡᠴᠡ ᠡᠭᠦᠳᠦᠯᠲᠡᠢ᠃ ᠡᠰᠡᠪᠡᠯ ᠰᠥᠰᠦᠨ ᠦ ᠬᠡᠦᠳᠡᠢ᠂ ᠰᠥᠰᠦᠨ ᠦ ᠴᠣᠷᠭᠣ ᠲᠠᠢ ᠰᠢᠭᠤᠳ ᠬᠠᠮᠢᠶᠠᠷᠤᠯᠲᠠᠢ ᠪᠠᠶᠢᠵᠤ ᠮᠡᠳᠡᠬᠦ ᠶᠤᠮ᠎᠃ ᠲᠡᠶᠢᠮᠦ ᠡᠴᠡ ᠨᠢᠳᠦ ᠰᠢᠷᠠᠯᠠᠭᠰᠠᠨ ᠪᠣᠯ ᠡᠮᠴᠢ ᠳᠦ ᠦᠵᠡᠭᠦᠯᠬᠦ ᠵᠠᠶᠢᠯᠠᠰᠢ ᠦᠭᠡᠢ ᠱᠠᠭᠠᠷᠳᠠᠯᠭ᠎ᠠ ᠲᠠᠢ ᠠᠵᠢ᠃ 7.ᠨᠢᠳᠦ ᠪᠤᠯᠠᠩᠭᠢᠷᠲᠤᠬᠤ ᠰᠢᠬᠢᠷ ᠦᠨ ᠰᠢᠵᠢᠩ ᠡᠪᠡᠳᠴᠢᠲᠡᠢ ᠬᠦᠮᠦᠰ ᠡᠷᠡᠭᠦᠯ ᠮᠡᠨᠳᠦ ᠳᠦ ᠪᠡᠨ ᠣᠨᠴᠠᠭᠠᠢ ᠠᠩᠬᠠᠷᠬᠤ ᠶᠣᠰᠣᠲᠠᠢ ᠪᠠᠶᠢᠳᠠᠭ᠃ ᠤᠴᠢᠷ ᠨᠢ ᠤᠭ ᠡᠪᠡᠳᠴᠢᠨ ᠨᠢᠳᠦᠨ ᠦ ᠲᠣᠣᠷᠯᠢᠭ ᠪᠦᠷᠬᠦᠪᠴᠢ ᠶᠢᠨ ᠭᠡᠷᠡᠯ ᠮᠡᠳᠡᠷᠡᠭᠴᠢ ᠡᠳ᠋ ᠍ ᠦᠨ ᠰᠤᠳᠠᠰᠤ ᠶᠢ ᠭᠡᠮᠲᠦᠭᠡᠳᠡᠭ ᠲᠤᠯᠠ ᠨᠢᠳᠦ ᠪᠤᠯᠠᠩᠭᠢᠷᠲᠤᠬᠤ ᠳᠤ ᠬᠦᠷᠭᠡᠳᠡᠭ᠃ ᠶᠠᠭᠤᠮ᠎ᠠ ᠶᠢ ᠶᠠᠭᠠᠬᠢᠵᠤ ᠮᠡᠳᠡᠬᠦ ᠪᠤᠢ᠂ ᠲᠠᠨ ᠤ ᠨᠢᠳᠦ ᠲᠠᠨᠢ ᠪᠤᠯᠠᠩᠭᠢᠷᠲᠤᠳᠠᠭ ᠪᠣᠯ ᠰᠢᠬᠢᠷ ᠦᠨ ᠰᠢᠵᠢᠩ ᠲᠤᠰᠣᠭᠰᠠᠨ ᠴᠤ ᠶᠤᠮ ᠪᠢᠯᠡ ᠦᠦ ᠁ 8.ᠳᠦᠷᠰᠦ ᠳᠠᠪᠬᠤᠷᠳᠠᠵᠤ ᠬᠠᠷᠠᠭᠳᠠᠬᠤ᠂ ᠨᠢᠳᠦ ᠬᠠᠷᠠᠩᠭᠤᠶᠢ᠍ᠯᠠᠬᠤ ᠬᠦᠮᠦᠨ ᠦ ᠨᠢᠳᠦᠨ ᠦ ᠬᠠᠷᠠᠭ᠎ᠠ ᠮᠠᠰᠢ ᠬᠤᠷᠳᠤᠨ ᠪᠠᠶᠢᠳᠠᠭ᠃ ᠬᠠᠷᠢᠨ ᠭᠡᠨᠡᠳᠲᠡ ᠳᠦᠷᠰᠦ ᠳᠠᠪᠬᠤᠷᠳᠠᠵᠤ ᠬᠠᠷᠠᠭᠳᠠᠭᠠᠳ ᠡᠰᠡᠪᠡᠯ ᠪᠤᠯᠠᠩᠭᠢᠷᠲᠤᠵᠤ᠂ ᠬᠡᠰᠡᠭ ᠬᠤᠭᠤᠴᠠᠭᠠᠨ ᠳᠤ ᠴᠤ ᠪᠣᠯᠪᠠ ᠨᠢᠳᠦ ᠬᠠᠷᠠᠩᠭᠤᠶᠢᠯᠠᠵᠤ ᠪᠤᠢ ᠰᠢᠨᠵᠢ ᠲᠡᠮᠳᠡᠭ ᠠᠵᠢᠭᠯᠠᠭᠳᠠᠪᠠᠯ ᠶᠠᠭᠠᠷᠠᠯᠲᠠᠢ ᠡᠮᠴᠢ ᠳᠦ ᠬᠠᠨᠳᠤᠭᠠᠷᠠᠢ᠃ ᠤᠴᠢᠷ ᠨᠢ ᠡᠨᠡ ᠨᠢ ᠰᠠ ᠡᠪᠡᠳᠴᠢᠨ ᠦ ᠠᠩᠬᠠᠨ ᠤ ᠰᠢᠨᠵᠢ ᠲᠡᠮᠳᠡᠭ ᠦᠳ ᠠᠵᠡᠢ᠃