ᠰᠢᠨᠡ ᠭᠡᠷ ᠦᠨ ᠵᠠᠩ ᠵᠠᠩᠰᠢᠯ
ᠰᠢᠨᠡ ᠭᠡᠷ ᠦᠨ ᠵᠠᠩ ᠵᠠᠩᠰᠢᠯ
8701
2018-10-05 11:02
发表于:内蒙古
ᠭᠡᠷ ᠪᠠᠷᠢᠬᠤ
ᠮᠣᠩᠭᠣᠯᠴᠤᠳ ᠡᠷᠲᠡᠨ ᠡᠴᠡ ᠨᠠᠭᠠᠰᠢ 《ᠤᠲᠤᠭᠠ ᠲᠠᠯᠪᠢᠵᠤ ᠭᠣᠯᠣᠮᠲᠠ ᠪᠣᠯᠳᠠᠭ᠂ ᠤᠷᠤᠴᠠ ᠪᠠᠷᠢᠵᠤ ᠠᠶᠢᠯ ᠪᠣᠯᠳᠠᠭ》 ᠬᠡᠮᠡᠬᠦ ᠰᠡᠴᠡᠨ ᠦᠭᠡ ᠶᠢ ᠬᠡᠯᠡᠵᠦ ᠢᠷᠡᠵᠡᠢ᠃ ᠭᠡᠷ ᠪᠠᠷᠢᠬᠤ ᠨᠢ ᠬᠤᠷᠢᠮᠯᠠᠬᠤ ᠶᠣᠰᠣᠯᠠᠯ ᠤᠨ ᠭᠣᠣᠯ ᠬᠡᠰᠡᠭ ᠪᠠᠶᠢᠳᠠᠭ ᠠᠴᠠ ᠭᠠᠳᠠᠨᠠ ᠵᠠᠷᠢᠮ ᠠᠶᠢᠯ ᠠᠵᠤ ᠠᠮᠢᠳᠤᠷᠠᠯ ᠨᠢ ᠳᠡᠭᠡᠭᠰᠢᠯᠡᠬᠦ ᠬᠢᠷᠢ ᠪᠡᠷ ᠰᠢᠨᠡ ᠪᠡᠷ ᠭᠡᠷ ᠲᠥᠬᠦᠭᠡᠷᠡᠵᠦ ᠪᠠᠷᠢᠳᠠᠭ ᠪᠢᠯᠡ᠃ ᠰᠢᠨᠡ ᠭᠡᠷ ᠲᠦ ᠪᠡᠨ ᠵᠣᠴᠢᠳ ᠢ ᠤᠷᠢᠨ ᠰᠠᠭᠤᠯᠭᠠᠭᠰᠠᠨ ᠤ ᠳᠠᠷᠠᠭᠠ ᠭᠡᠷ ᠦᠨ ᠡᠵᠡᠨ ᠲᠣᠭᠣᠨᠤ ᠠᠴᠠ ᠬᠠᠳᠠᠭ ᠵᠡᠭᠦᠭᠰᠡᠨ ᠢᠶᠡᠷ ᠭᠡᠷ ᠮᠢᠯᠢᠶᠠᠬᠤ ᠦᠭᠡ ᠬᠡᠯᠡᠵᠦ᠂ ᠨᠠᠶᠢᠷ ᠢᠶᠠᠨ ᠡᠬᠢᠯᠡᠳᠡᠭ᠃
ᠭᠡᠷ ᠮᠢᠯᠢᠶᠠᠯᠭᠠ ᠶᠢᠨ ᠢᠷᠦᠭᠡᠯ ᠬᠡᠯᠡᠬᠦ ᠦᠶᠡ ᠳᠦ ᠰᠠᠴᠤᠯᠢ ᠶᠢᠨ ᠬᠤᠪᠢᠩ ᠳᠦᠭᠦᠷᠡᠩ ᠰᠦᠨ ᠡᠴᠡ ᠲᠣᠭᠣᠨᠣ᠂ ᠤᠨᠢ᠂ ᠬᠠᠨᠠ ᠥᠭᠡᠳᠡ ᠰᠠᠴᠤᠯᠢ ᠡᠷᠭᠦᠬᠦ ᠪᠤᠶᠤ ᠡᠰᠡᠪᠡᠯ ᠬᠣᠨᠢᠨ ᠤ ᠲᠣᠯᠣᠭᠠᠢ᠂ ᠳᠥᠷᠪᠡᠨ ᠥᠨᠳᠥᠷ᠂ ᠱᠠᠭᠠᠨᠲᠤ ᠴᠢᠮᠦᠭᠡ᠂ ᠤᠭᠤᠷᠠᠭ ᠰᠡᠭᠦᠯ ᠵᠡᠷᠭᠡ ᠶᠢ ᠤᠷᠲᠤ ᠮᠣᠳᠣᠨ ᠤ ᠦᠵᠦᠭᠦᠷ ᠲᠦ ᠬᠠᠳᠬᠤᠨ ᠴᠠᠭᠠᠨ ᠢᠳᠡᠭᠡ ᠪᠡᠷ ᠴᠢᠮᠡᠭᠡᠳ ᠢᠷᠦᠭᠡᠯ ᠪᠡᠯᠭᠡ ᠶᠢᠨ ᠦᠭᠡ ᠳ᠋ᠤ ᠭᠠᠷᠴᠤ ᠪᠤᠢ ᠡᠳ᠋ ᠵᠦᠢᠯᠡᠰ ᠥᠭᠡᠳᠡ ᠳᠣᠬᠢᠨ ᠶᠣᠰᠣᠯᠠᠯ ᠦᠢᠯᠡᠳᠳᠡᠭ᠃ ᠭᠡᠷ ᠮᠢᠯᠢᠶᠠᠯᠭᠠ ᠶᠢᠨ ᠦᠭᠡᠨ ᠳᠦ ᠭᠡᠷ ᠦᠨ ᠪᠦᠲᠦᠴᠡ ᠬᠡᠰᠡᠭ ᠢᠶᠡᠷ ᠨᠢ ᠵᠠᠳᠠᠯᠤᠨ ᠲᠣᠭᠣᠴᠢᠵᠤ ᠮᠠᠭᠲᠠᠬᠤ ᠳᠤ ᠪᠠᠨ ᠵᠥᠪᠬᠡᠨ ᠲᠤᠬᠠᠢ ᠶᠢᠨ ᠵᠦᠢᠯᠡᠰ ᠢ ᠪᠤᠰᠤ ᠲᠡᠭᠦᠨ ᠢ ᠬᠢᠵᠦ ᠪᠦᠲᠦᠭᠡᠬᠦ ᠠᠷᠭᠠ ᠲᠤᠷᠰᠢᠯᠭᠠ᠂ ᠬᠦᠳᠡᠯᠮᠦᠷᠢᠯᠡᠬᠦ ᠦᠢᠯᠡ ᠶᠠᠪᠤᠴᠠ ᠶᠢ ᠳᠦᠷᠰᠦᠯᠡᠨ ᠮᠠᠭᠲᠠᠵᠤ ᠰᠢᠯᠦᠭᠯᠡᠳᠡᠭ᠃ ᠡᠳᠡᠭᠡᠷ ᠦᠨ ᠳᠣᠲᠣᠷᠠ ᠭᠡᠷ ᠦᠨ ᠳᠡᠭᠡᠪᠦᠷ᠂ ᠲᠤᠭᠤᠷᠭᠠ ᠲᠡᠷᠢᠭᠦᠲᠡᠨ ᠦ ᠲᠤᠬᠠᠢ ᠬᠡᠯᠡᠭᠰᠡᠨ ᠨᠢ ᠣᠨᠴᠠᠭᠠᠢ ᠪᠠᠶᠢᠷᠢ ᠶᠢ ᠡᠵᠡᠯᠡᠬᠦ ᠪᠥᠭᠡᠳ ᠢᠰᠡᠭᠡᠢ ᠶᠢᠨ ᠢᠷᠦᠭᠡᠯ ᠲᠡᠢ ᠲᠥᠰᠲᠡᠢ᠃
ᠡᠮᠡ ᠬᠣᠨᠢᠨ ᠤ ᠨᠣᠣᠰᠣ ᠪᠠᠷ
ᠡᠪᠯᠡᠭᠦᠯᠦᠨ ᠵᠤᠯᠤᠵᠤ ᠬᠢᠭᠰᠡᠨ
ᠡᠯᠡᠰᠦᠲᠦ ᠭᠣᠣᠯ ᠤᠨ ᠤᠰᠤ ᠪᠠᠷ
ᠱᠠᠪᠰᠢᠨ ᠤᠰᠤᠯᠠᠵᠤ ᠬᠢᠭᠰᠡᠨ
ᠡᠷᠴᠢᠮ ᠰᠠᠶᠢᠨ ᠮᠣᠷᠢ ᠪᠠᠷ
ᠲᠠᠲᠠᠨ ᠴᠢᠷᠴᠥ ᠬᠢᠭᠰᠡᠨ
ᠡᠩᠲᠡᠢ ᠴᠠᠭᠠᠨ ᠲᠤᠭᠤᠷᠭᠠ ᠳᠡᠭᠡᠪᠦᠷ ᠢ ᠴᠢᠨᠢ ᠮᠢᠯᠢᠶᠠᠶᠠ ᠁ ᠬᠡᠮᠡᠨ ᠮᠠᠭᠲᠠᠵᠤ ᠪᠠᠶᠢᠨᠠ᠃ ᠶᠡᠷᠦ ᠨᠢ ᠭᠡᠷ ᠦᠨ ᠢᠷᠦᠭᠡᠯ᠂ ᠮᠢᠯᠢᠶᠠᠯᠭᠠ ᠶᠢᠨ ᠦᠭᠡᠨ ᠡᠴᠡ ᠮᠣᠩᠭᠣᠯᠴᠤᠳ ᠤᠨ ᠢᠰᠡᠭᠡᠢ ᠬᠢᠬᠦ᠂ ᠣᠭᠣᠰᠣᠷ ᠬᠣᠰᠢᠯᠠᠩ ᠲᠣᠮᠣᠬᠤ᠂ ᠰᠢᠷᠳᠡᠭ ᠳᠡᠪᠢᠰᠬᠡᠷ ᠰᠢᠷᠢᠵᠥ᠂ ᠮᠣᠳᠣ ᠶᠢ ᠪᠣᠯᠪᠠᠰᠤᠷᠠᠭᠤᠯᠬᠤ ᠵᠡᠷᠭᠡ ᠠᠵᠢᠯ ᠬᠥᠳᠡᠯᠮᠦᠷᠢ ᠶᠢᠨ ᠤᠷᠠ ᠴᠢᠳᠠᠪᠤᠷᠢ᠂ ᠠᠷᠭᠠ ᠲᠤᠷᠰᠢᠯᠭᠠ ᠲᠠᠢ ᠲᠠᠨᠢᠯᠴᠠᠵᠤ ᠪᠣᠯᠤᠨᠠ᠃
ᠡᠶᠢᠨᠬᠦᠦ ᠰᠢᠨᠡ ᠭᠡᠷ ᠦᠨ ᠢᠷᠦᠭᠡᠯ᠂ ᠮᠢᠯᠢᠶᠠᠯᠭᠠ ᠶᠢᠨ ᠦᠭᠡ ᠬᠡᠯᠡᠭᠰᠡᠨ ᠦ ᠳᠠᠷᠠᠭᠠ ᠨᠠᠶᠢᠷ ᠢᠶᠠᠨ ᠡᠬᠢᠯᠡᠳᠡᠭ ᠤᠯᠠᠮᠵᠢᠯᠠᠯ ᠲᠠᠢ ᠠᠵᠢ᠃
3 0