ᠬᠠᠨᠢᠶᠠᠳᠤ ᠶᠢ ᠨᠠᠮ ᠳᠠᠷᠤᠬᠤ ᠪᠢᠲᠡᠭᠦᠦ ᠱᠥᠯᠦ ᠶᠢ ᠬᠡᠷᠬᠢᠨ ᠬᠢᠬᠦ ᠪᠤᠢ︖ ᠭᠤᠷᠪᠠᠨ ᠬᠦᠮᠦᠨ ᠦ ᠬᠤᠪᠢ ᠳᠤ ᠳᠠᠷᠠᠭᠠᠬᠢ ᠵᠦᠢᠯᠡᠰ ᠣᠷᠣᠨ᠎ᠠ᠃ ᠣᠷᠣᠴᠠ᠄ 200-250 ᠭᠷᠠᠮ ᠣᠷᠴᠢᠮ ᠮᠢᠬ᠎ᠠ᠃ ᠬᠡᠮᠵᠢᠶ᠎ᠡ ᠶᠢ ᠥᠪᠡᠷᠰᠡᠳ ᠢᠶᠡᠨ ᠲᠠᠭᠠᠷᠠᠭᠤᠯᠤᠭᠠᠳ ᠬᠢᠵᠦ ᠪᠣᠯᠤᠨ᠎ᠠ᠃ ᠬᠣᠨᠢ᠂ ᠦᠬᠡᠷ ᠠᠯᠢ ᠨᠢ ᠴᠤ ᠪᠣᠯᠤᠨ᠎ᠠ᠃ ᠯᠤᠤᠪᠠᠩ ᠨᠢᠭᠡ ᠰᠢᠷᠬᠡᠭ ᠲᠥᠮᠥᠰᠥ ᠨᠢᠭᠡ ᠰᠢᠷᠬᠡᠭ ᠰᠣᠩᠭᠢᠨ᠎ᠠ ᠨᠢᠭᠡ ᠰᠢᠷᠬᠡᠭ ᠰᠠᠷᠮᠢᠰ ᠭᠤᠷᠪᠠᠨ ᠬᠢᠮᠤᠰᠤ ᠥᠨᠳᠡᠭᠡ ᠭᠤᠷᠪᠠᠨ ᠰᠢᠷᠬᠡᠭ ᠨᠣᠭᠣᠭᠠᠨ ᠰᠣᠩᠭᠢᠨ᠎ᠠ ᠪᠠᠭ᠎ᠠ ᠵᠡᠷᠭᠡ ᠳᠠᠪᠤᠰᠤ ᠬᠦᠰᠡᠭᠰᠡᠨ ᠪᠦᠬᠦ ᠨᠣᠭᠣᠭ᠎ᠠ ᠪᠣᠯᠤᠨ ᠠᠮᠲᠠᠯᠠᠭᠴᠢ ᠨᠤᠭᠤᠳ ᠢᠶᠠᠨ ᠬᠢᠵᠦ ᠪᠣᠯᠤᠨ᠎ᠠ᠃ ᠤᠰᠤ-100 ᠣᠷᠴᠢᠮ ᠭᠷᠠᠮ (ᠬᠠᠷᠠᠵᠤ ᠪᠠᠶᠢᠭᠠᠳ ᠲᠠᠭᠠᠷᠠᠭᠤᠯᠤᠨ᠎ᠠ) ᠭᠤᠯᠢᠷ-1-1.5 ᠠᠶᠠᠭ᠎ᠠ ᠬᠢᠬᠦ ᠠᠷᠭ᠎ᠠ᠄ 1. ᠮᠢᠬ᠎ᠠ ᠪᠠᠨ ᠬᠡᠷᠴᠢᠵᠦ᠂ ᠭᠤᠷᠪᠠᠨ ᠠᠶᠠᠭᠠᠨ ᠳᠤ ᠪᠠᠨ ᠲᠡᠩᠴᠡᠭᠦᠦ ᠬᠤᠪᠢᠶᠠᠨ ᠬᠢᠨ᠎ᠡ᠃ 2.ᠲᠥᠮᠥᠰᠥ᠂ ᠯᠤᠤᠪᠠᠩ ᠢ ᠪᠠᠨ ᠦᠷᠡᠭᠴᠢ ᠪᠡᠷ ᠦᠷᠦᠵᠦ᠂ ᠮᠥᠨ ᠭᠤᠷᠪᠠ ᠬᠤᠪᠢᠶᠠᠵᠤ ᠬᠢᠨ᠎ᠡ᠃ 3. ᠰᠣᠩᠭᠢᠨ᠎ᠠ᠂ ᠰᠠᠷᠮᠢᠰ ᠢᠶᠠᠨ ᠵᠢᠵᠢᠭ ᠵᠢᠵᠢᠭ ᠬᠡᠷᠴᠢᠨ᠂ ᠮᠥᠨ ᠭᠤᠷᠪᠠ ᠬᠤᠪᠢᠶᠠᠵᠤ ᠠᠶᠠᠭᠠᠨ ᠳᠤ ᠪᠠᠨ ᠬᠢᠨ᠎ᠡ᠃ 4. ᠪᠤᠰᠤᠳ ᠬᠦᠰᠡᠭᠰᠡᠨ ᠨᠣᠭᠣᠭ᠎ᠠ ᠪᠠᠨ ᠮᠥᠨ ᠵᠢᠵᠢᠭ ᠬᠡᠷᠴᠢᠨ ᠬᠢᠨ᠎ᠡ᠃ 5.ᠢᠩᠭᠢᠭᠡᠳ ᠳᠠᠪᠤᠰᠤ ᠪᠠᠨ ᠬᠢᠵᠦ ᠮᠢᠬ᠎ᠠ ᠨᠣᠭᠣᠭ᠎ᠠ ᠲᠠᠢ ᠪᠠᠨ ᠬᠣᠯᠢᠨ᠎ᠠ᠃ 6. ᠤᠰᠤ ᠪᠠᠨ ᠲᠠᠭᠠᠷᠠᠭᠤᠯᠵᠤ ᠬᠢᠨ᠎ᠡ᠃ ᠬᠡᠲᠦᠷᠬᠡᠢ ᠳᠦᠭᠦᠷᠭᠡᠵᠦ ᠪᠣᠯᠬᠤ ᠦᠭᠡᠢ᠃ 7. ᠡᠭᠦᠨ ᠳᠡᠭᠡᠷ᠎ᠡ ᠪᠡᠨ ᠥᠨᠳᠡᠭᠡ ᠪᠡᠨ ᠨᠡᠮᠡᠨ᠎ᠡ᠃ 8. ᠭᠤᠯᠢᠷ ᠢᠶᠠᠨ ᠵᠠᠭᠤᠷᠠᠵᠤ ᠠᠶᠠᠭ᠎ᠠ ᠪᠠᠨ ᠪᠦᠲᠡᠭᠡᠬᠦᠶᠢᠴᠡ ᠬᠡᠮᠵᠢᠶ᠎ᠡ ᠲᠡᠢ ᠡᠯᠳᠡᠨ᠎ᠡ᠃ ᠭᠤᠯᠢᠷ ᠨᠢ ᠪᠠᠭ᠎ᠠ ᠵᠡᠷᠭᠡ ᠵᠤᠵᠠᠭᠠᠨ ᠪᠠᠶᠢᠭᠰᠠᠨ ᠴᠤ ᠪᠣᠯᠤᠨ᠎ᠠ᠃ 9.ᠢᠩᠭᠢᠭᠡᠳ ᠠᠶᠠᠭ᠎ᠠ ᠲᠠᠢ ᠰᠢᠶᠠᠨᠵᠠᠨ ᠳᠡᠭᠡᠷ᠎ᠡ ᠪᠡᠨ ᠭᠤᠯᠢᠷ ᠢᠶᠠᠨ ᠪᠦᠲᠦᠭᠡᠵᠦ᠂ ᠠᠮᠠᠰᠠᠷ ᠤᠳ ᠢ ᠨᠢ ᠰᠠᠶᠢᠲᠤᠷ ᠠᠶᠠᠭᠠᠨ ᠳᠤ ᠪᠠᠨ ᠨᠠᠭᠠᠯᠳᠤᠭᠤᠯᠵᠤ ᠥᠭᠭᠦᠨ᠎ᠡ᠃ 10. ᠢᠩᠭᠢᠭᠡᠳ ᠵᠢᠩᠨᠡᠭᠦᠷ ᠳᠡᠭᠡᠷ᠎ᠡ ᠪᠡᠨ ᠲᠠᠯᠪᠢᠭᠠᠳ 25-30 ᠮᠢᠨᠦ᠋ᠲ ᠵᠢᠩᠨᠡᠨ᠎ᠡ᠃ 11. ᠭᠠᠷᠭᠠᠭᠠᠳ ᠢᠳᠡᠬᠦ ᠳᠦ ᠪᠡᠨ ᠭᠤᠷᠢᠯ ᠳᠡᠭᠡᠷ᠎ᠡ ᠪᠡᠨ ᠪᠠᠭ᠎ᠠ ᠵᠡᠷᠭᠡ ᠴᠥᠴᠥᠭᠡᠢ᠂ ᠡᠰᠡᠪᠡᠯ ᠮᠠᠶᠢᠶᠢᠨᠧᠽ ᠲᠦᠷᠬᠢᠭᠡᠳ ᠢᠳᠡᠪᠡᠯ ᠢᠯᠡᠭᠦᠦ ᠠᠮᠲᠠᠲᠠᠢ ᠪᠠᠶᠢᠬᠤ ᠪᠣᠯᠤᠨ᠎ᠠ᠃