  ᠲᠦᠮᠡᠲᠦ ᠰᠢᠨ᠎ᠡ       
     ᠦᠦᠰᠢᠨ  ᠭᠠᠯᠠᠭᠤᠲᠤ 
   2017-07-25 10:54
   2024-01-05 18:54
   1774433
   1251

ᠥᠬᠢᠳ ᠲᠠᠢ ᠬᠥᠮᠦᠰ ᠲᠤ

ᠵᠦᠢᠲᠡᠢ ᠰᠠᠨᠠᠭ᠎ᠠ
        8887     
2018-10-03 17:19    
发表于:内蒙古
᠎᠎᠎᠎᠎ ᠥᠬᠢᠳ ᠲᠠᠢ ᠬᠥᠮᠦᠰ ᠲᠤ ᠭᠠᠩᠭᠠᠩ ᠳᠠᠱᠢᠨᠵᠠ ᠡᠮᠦᠰᠬᠡᠵᠦ ᠬᠤᠷᠤᠭᠤ ᠬᠢᠮᠤᠰᠤ ᠶᠢ ᠨᠢ ᠪᠤᠳᠤᠵᠤ ᠪᠠᠶᠢᠭᠰᠠᠨ ᠠᠴᠠ ᠲᠠᠯ᠎ᠠ ᠳᠤᠮᠳᠠᠭᠤᠷ ᠭᠦᠶᠦᠵᠦ ᠴᠡᠴᠡᠭ ᠲᠡᠭᠦᠵᠦ᠂ ᠠᠭᠤᠯᠠ ᠬᠠᠳᠠ ᠪᠠᠷ ᠠᠪᠠᠷᠢᠵᠤ ᠠᠯᠤᠰ ᠢ ᠬᠠᠷᠠᠭᠤᠯ᠃ ᠭᠦᠶᠦᠵᠦ ᠶᠠᠪᠤᠭᠠᠳ ᠪᠦᠳᠦᠷᠢᠨ ᠤᠨᠠᠬᠤ ᠳᠤ ᠨᠢ ᠪᠣᠰ ᠭᠡᠵᠦ ᠵᠠᠩᠳᠤᠷᠬᠤ ᠦᠭᠡᠢ᠂ ᠪᠢᠲᠡᠭᠡᠢ ᠤᠬᠢᠯᠠ ᠭᠡᠵᠦ ᠥᠷᠥᠪᠳᠥᠬᠦ ᠦᠭᠡᠢ᠃ ᠥᠪᠡᠷ ᠢᠶᠡᠨ ᠪᠣᠰ ᠠ᠋᠂ ᠴᠢ ᠴᠢᠳᠠᠨ᠎ᠠ ᠭᠡᠵᠦ ᠬᠡᠯᠡ᠃ ᠬᠣᠶᠠᠷ ᠭᠠᠷ ᠲᠤ ᠨᠢ ᠪᠥᠮᠪᠥᠭᠡ ᠪᠠᠷᠢᠭᠤᠯᠤᠭᠠᠳ ᠬᠠᠨ᠎ᠠ ᠤᠷᠤᠭᠤ ᠰᠢᠳᠡᠬᠦ ᠶᠢ ᠵᠢᠭ᠎ᠠ᠃ ᠬᠤᠷᠤᠭᠤ ᠭᠠᠷ ᠨᠢ ᠬᠥᠭᠵᠢᠵᠦ᠂ ᠬᠥᠳᠡᠯᠭᠡᠭᠡᠨ ᠦ ᠡᠪᠰᠡᠯ ᠲᠡᠢ ᠪᠣᠯᠭᠠᠬᠤ ᠳᠤ ᠰᠤᠷᠭ᠎ᠠ᠃ ᠪᠠᠷᠪᠢ ᠪᠠᠷ ᠲᠣᠭᠯᠠᠭᠤᠯᠵᠤ᠂ ᠲᠡᠭᠦᠨ ᠰᠢᠭ ᠥᠬᠢᠳ ᠢ ᠬᠥᠭᠡᠷᠦᠬᠦᠨ ᠭᠡᠵᠦ ᠪᠤᠤ ᠬᠡᠯᠡ᠃ ᠢᠨᠢᠶᠡᠵᠦ ᠪᠠᠶᠢᠭ᠎ᠠ ᠨᠢᠭᠤᠷ᠂ ᠪᠠᠶᠠᠷᠯᠠᠵᠤ ᠪᠠᠶᠢᠭ᠎ᠠ ᠬᠠᠷᠠᠴᠠ ᠬᠠᠮᠤᠭ ᠤᠨ ᠦᠵᠡᠰᠬᠦᠯᠡᠩᠲᠡᠢ ᠶᠢ ᠣᠶᠢᠯᠠᠭᠠᠭᠤᠯ᠃ ᠲᠡᠷᠡ ᠨᠠᠳᠠ ᠠᠴᠠ ᠢᠯᠡᠭᠦᠦ᠂ ᠲᠡᠭᠦᠨ ᠰᠢᠭ ᠪᠣᠯᠤᠮᠠᠷ ᠪᠠᠶᠢᠨ᠎ᠠ ᠭᠡᠬᠦ ᠳᠦ ᠨᠢ ᠪᠤᠰᠤᠳ ᠢ ᠪᠢᠲᠡᠭᠡᠢ ᠳᠠᠭᠤᠷᠢᠶ᠎ᠠ᠂ ᠥᠪᠡᠷ ᠦᠨ ᠬᠢ ᠪᠡᠷ ᠢᠶᠡᠨ ᠠᠮᠢᠳᠤᠷᠠ ᠭᠡᠵᠦ ᠰᠤᠷᠭ᠎ᠠ᠃ ᠠᠭᠤᠷᠯᠠᠭᠠᠳ ᠪᠤᠷᠤᠭᠤ ᠬᠠᠷᠠᠭᠠᠳ ᠰᠠᠭᠤᠬᠤ ᠳᠤ ᠨᠢ ᠡᠴᠢᠭᠡ ᠪᠡᠨ ᠳᠠᠭᠤᠷᠢᠶᠠᠭᠰᠠᠨ ᠭᠡᠵᠦ ᠵᠠᠩᠨᠠᠬᠤ ᠦᠭᠡᠢ᠃ ᠬᠡᠰᠡᠭ ᠲᠠᠶᠢᠪᠤᠰᠢᠷᠠᠭᠠᠳ ᠢᠨᠢᠶᠡᠭᠡᠳ ᠢᠷᠡᠬᠦ ᠳᠦ ᠳᠤᠬᠤᠨ ᠳᠡᠭᠡᠷ᠎ᠡ ᠨᠢ ᠦᠨᠦᠰᠦᠭᠡᠳ ᠠᠭᠤᠷᠯᠠᠭᠰᠠᠨ ᠤ ᠤᠴᠢᠷ ᠢ ᠠᠰᠠᠭᠤ᠃ ᠪᠣᠷᠣᠭᠠᠨ ᠳᠤ ᠰᠢᠬᠦᠷ ᠥᠭᠴᠦ ᠭᠡᠷ ᠲᠦ ᠪᠡᠨ ᠣᠷᠣ ᠭᠡᠬᠦ ᠦᠭᠡᠢ᠃ ᠪᠣᠷᠣᠭᠠᠨ ᠤ ᠤᠰᠤ ᠲᠤᠭᠤᠯᠵᠤ᠂ ᠨᠣᠷᠴᠤ᠂ ᠰᠣᠯᠣᠩᠭ᠎ᠠ ᠬᠠᠷᠠᠭᠤᠯ᠃ ᠠᠮᠢᠳᠤᠷᠠᠯ ᠬᠠᠲᠠᠭᠤ᠂ ᠪᠡᠶ᠎ᠡ ᠪᠡᠨ ᠪᠣᠳᠣᠵᠤ ᠶᠠᠪᠤ ᠭᠡᠵᠦ ᠵᠠᠬᠢᠬᠤ ᠦᠭᠡᠢ᠃ ᠨᠢᠯᠪᠤᠰᠤ ᠪᠣᠯ ᠥᠴᠥᠬᠡᠨ᠂ ᠭᠤᠨᠢᠭ ᠪᠣᠯ ᠪᠣᠭᠣᠨᠢᠬᠠᠨ ᠭᠡᠳᠡᠭ ᠢ ᠬᠡᠯᠡᠵᠦ ᠥᠭ᠃ ᠠᠯᠳᠠᠭ᠎ᠠ ᠭᠠᠷᠭᠠᠪᠠᠯ ᠬᠠᠷᠢᠶᠠᠵᠤ ᠵᠠᠩᠨᠠᠬᠤ ᠦᠭᠡᠢ᠃ ᠠᠰᠠᠭᠤᠵᠤ ᠯᠠᠪᠯᠠᠭᠠᠳ ᠪᠣᠳᠣᠬᠤ ᠬᠤᠭᠤᠴᠠᠭ᠎ᠠ ᠥᠭ᠃ ᠡᠷ᠎ᠡ ᠬᠦᠮᠦᠨ ᠬᠡᠴᠡᠭᠦᠦ ᠰᠢᠦ ᠭᠡᠵᠦ ᠪᠠᠭ᠎ᠠ ᠠᠴᠠ ᠨᠢ ᠰᠠᠨᠠᠭᠤᠯᠬᠤ ᠦᠭᠡᠢ᠃ ᠡᠵᠢ ᠨᠢ ᠠᠪᠤ ᠦᠭᠡᠢ ᠪᠡᠷ᠂ ᠠᠪᠤ ᠨᠢ ᠡᠵᠢ ᠦᠭᠡᠢ ᠪᠡᠷ ᠠᠵᠠ ᠵᠢᠷᠭᠠᠯ ᠦᠭᠡᠢ ᠪᠠᠶᠢᠳᠠᠭ ᠭᠡᠳᠡᠭ ᠢ ᠣᠶᠢᠯᠠᠭᠠᠭᠤᠯ᠃ ᠬᠦᠰᠡᠯ ᠢ ᠨᠢ ᠪᠤᠤ ᠬᠣᠷᠢ᠃ ᠬᠦᠰᠡᠵᠦ ᠮᠥᠷᠥᠭᠡᠳᠴᠦ ᠪᠠᠶᠢᠭ᠎ᠠ ᠪᠠᠨ ᠬᠢ᠂ ᠡᠵᠢ ᠨᠢ ᠠᠷᠤ ᠶᠢ ᠨᠢ ᠳᠠᠭᠠᠭᠠᠨ᠎ᠠ ᠭᠡᠵᠦ ᠬᠡᠯᠡ᠃ ᠠᠯᠳᠠᠷᠲᠠᠢ ᠬᠦᠮᠦᠨ ᠪᠣᠯᠭᠠᠬᠤ ᠭᠡᠵᠦ ᠪᠤᠤ ᠬᠢᠴᠢᠶᠡ᠃ ᠠᠮᠢᠳᠤᠷᠠᠯ ᠳᠤ ᠯᠠ ᠬᠠᠶᠢᠷᠠᠲᠠᠢ ᠬᠦᠮᠦᠨ ᠪᠣᠯᠭ᠎ᠠ᠃ #Humun᠎Chimedlham ᠍

11        0       

                             13847524386      211429899@qq.com      13847524386   QQ  211429899 蒙ICP备17002503号-1