www.duurn.cn
- ᠲᠦᠮᠡᠲᠦ ᠰᠢᠨᠡ
- ᠦᠦᠰᠢᠨ ᠭᠠᠯᠠᠭᠤᠲᠤ
- 2017-07-25 10:54
- 2024-01-05 18:54
- 1791356
- 1251
ᠮᠠᠭᠤ ᠥᠬᠢᠨ
ᠵᠢᠷᠦᠬᠡᠨ ᠳᠦ ᠥᠭᠦᠯᠡᠯᠭᠡ ᠹᠸᠢᠰᠪᠦᠦᠺ ᠪᠦᠯᠦᠭ ᠤᠨ ᠪᠦᠲᠦᠭᠡᠯ
4823
2018-10-02 10:37
发表于：内蒙古
ᠪ ∙ ᠴᠣᠣᠵᠢᠴᠢᠯᠠᠭᠤᠨᠴᠡᠴᠡᠭ
ᠮᠠᠭᠤ ᠥᠬᠢᠨ
－ ᠰᠠᠶᠢᠨ ᠤᠤ︖ ᠮᠢᠨᠦ ᠥᠬᠢᠨ ᠤ ᠠᠵᠢᠯ ᠰᠠᠶᠢᠨ ᠪᠢᠵᠡ ᠳ᠋ᠡ︖
- ᠡ᠃ ᠡᠵᠢ᠃ ᠰᠠᠶᠢᠨ ᠪᠠᠶᠢᠨᠠ ᠤᠤ︖ ᠲᠠᠨ ᠢᠶᠠᠷ ᠰᠣᠨᠢᠨ ᠶᠠᠭᠤ ᠪᠠᠶᠢᠨᠠ ᠳ᠋ᠠ᠃
- ᠡᠵᠢ ᠨᠢ ᠰᠠᠶᠢᠨ ᠰᠠᠶᠢᠨ᠃ ᠮᠢᠨᠦ ᠥᠬᠢᠨ ᠶᠠᠭᠤ ᠬᠢᠵᠦ ᠪᠠᠶᠢᠨᠠ ᠳ᠋ᠠ᠃
- ᠡᠵᠢ ᠪᠢ ᠵᠢᠭᠠᠬᠠᠨ ᠵᠠᠪ ᠦᠭᠡᠢ ᠪᠠᠶᠢᠨᠠ᠃ ᠡᠷᠭᠢᠭᠡᠳ ᠵᠠᠯᠭᠠᠨᠠ ᠡ ᠁
ᠤᠲᠠᠰᠤ ᠪᠠᠨ ᠰᠠᠯᠭᠠᠭᠰᠠᠨ ᠬᠣᠶᠢᠨᠠ ᠪᠠᠨ ᠤᠴᠢᠷ ᠦᠭᠡᠢ ᠰᠠᠨᠳᠤᠷᠪᠠ᠃ ᠡᠷᠭᠢᠭᠡᠳ ᠵᠠᠯᠭᠠᠬᠤ ᠭᠡᠲᠡᠯᠡ ᠮᠢᠨᠦ ᠭᠠᠷ ᠲᠤ ᠶᠠᠮᠠᠷ ᠴᠤ ᠤᠲᠠᠰᠤ ᠪᠠᠶᠢᠭᠰᠠᠨ ᠦᠭᠡᠢ᠃ ᠪᠠᠰᠠ ᠡᠵᠢ ᠶᠠᠮᠠᠷ ᠳ᠋ᠤᠭᠠᠷ ᠠᠴᠠ ᠨᠠᠳᠠ ᠤᠷᠤᠭᠤ ᠵᠠᠯᠭᠠᠭᠰᠠᠨ ᠢ ᠪᠣᠳᠣᠭᠠᠳ ᠪᠣᠳᠣᠭᠠᠳ ᠣᠯᠤᠭᠰᠠᠨ ᠦᠭᠡᠢ᠃ ᠡᠵᠢ ᠡ ᠬᠡᠮᠡᠨ ᠬᠠᠷᠠ ᠲᠡᠩᠬᠡᠭᠡ ᠪᠡᠷ ᠢᠶᠡᠨ ᠬᠠᠰᠬᠢᠷᠤᠭᠰᠠᠨ ᠪᠣᠯᠪᠠᠴᠤ ᠨᠠᠳᠠ ᠠᠴᠠ ᠶᠠᠮᠠᠷ ᠴᠤ ᠳᠠᠭᠤ ᠭᠠᠷᠤᠭᠰᠠᠨ ᠦᠭᠡᠢ᠃ ᠰᠠᠶ᠋ᠢᠬᠠᠨ ᠯᠠ ᠡᠵᠢ ᠲᠡᠢ ᠶᠠᠷᠢᠵᠤ ᠪᠠᠶᠢᠭᠰᠠᠨ ᠢᠶᠠᠨ ᠰᠠᠨᠠᠨ ᠭᠠᠷ ᠤᠲᠠᠰᠤ ᠪᠠᠨ ᠬᠠᠢᠯᠠ᠃ ᠥᠴᠥᠭᠡᠳᠦᠷ ᠣᠷᠣᠢ ᠤᠨᠲᠠᠬᠤ ᠳᠤ ᠪᠠᠨ ᠴᠡᠨᠡᠭᠯᠡᠵᠦ ᠣᠷᠬᠢᠭᠰᠠᠨ ᠤᠲᠠᠰᠤ ᠶᠠᠭ ᠯᠠ ᠪᠠᠶᠢᠷᠢᠨ ᠳᠤ ᠪᠠᠨ ᠁
ᠣᠳᠣ ᠠᠴᠠ ᠳᠥᠷᠪᠡᠨ ᠨᠠᠮᠤᠷ ᠤᠨ ᠡᠮᠦᠨᠡ ᠥᠭᠡᠳᠡ ᠪᠣᠯᠤᠭᠰᠠᠨ ᠡᠵᠢ ᠮᠢᠨᠢ ᠥᠬᠢᠨ ᠤ ᠬᠢ ᠪᠠᠨ ᠠᠮᠤᠷ ᠮᠡᠨᠳᠦ ᠶᠢ ᠠᠰᠠᠭᠤᠬᠤ ᠪᠠᠷ ᠵᠡᠭᠦᠳᠦᠨ ᠳᠦ ᠮᠢᠨᠢ ᠢᠷᠡᠭᠡᠳ ᠪᠤᠴᠠᠭᠰᠠᠨ ᠢ ᠰᠠᠶ᠋ᠢ ᠯᠠ ᠮᠡᠳᠡᠪᠡ᠃ ᠤᠷᠢᠳᠤ ᠨᠢ ᠴᠤ ᠭᠡᠰᠡᠨ ᠡᠵᠢ ᠮᠢᠨᠢ ᠪᠠᠶᠢᠩᠭᠤ ᠨᠠᠳᠠ ᠤᠷᠤᠭᠤ ᠵᠠᠯᠭᠠᠳᠠᠭ ᠪᠠᠶᠢᠯᠠ᠃ ᠶᠡᠬᠡᠩᠬᠢ ᠲᠣᠬᠢᠶᠠᠯᠳᠤᠯ ᠳᠤ
- ᠡᠵᠢ ᠪᠢ ᠵᠢᠭᠠᠬᠠᠨ ᠵᠠᠪ ᠦᠭᠡᠢ ᠪᠠᠶᠢᠨᠠ᠃ ᠡᠷᠭᠢᠵᠦ ᠵᠠᠯᠭᠠᠨᠠ ᠡ ᠭᠡᠵᠦ ᠬᠡᠯᠡᠳᠡᠭ ᠪᠠᠶᠢᠵᠤ ᠪᠢᠯᠡ᠃ ᠬᠠᠷᠢᠨ ᠲᠡᠷᠡ ᠪᠦᠷᠢ ᠡᠷᠭᠢᠵᠦ ᠵᠠᠯᠭᠠᠳᠠᠭ ᠪᠠᠶᠢᠭᠰᠠᠨ ᠤᠤ ᠭᠡᠪᠡᠯ ᠦᠭᠡᠢ᠃ ᠡᠵᠢ ᠶᠢᠨ ᠳᠠᠭᠤ ᠠᠶᠠᠳᠠᠭᠤ ᠵᠥᠭᠡᠯᠡᠬᠡᠨ ᠪᠠᠶᠢᠭᠰᠠᠨ᠃ ᠭᠡᠬᠦ ᠳᠦ ᠪᠡᠨ ᠯᠠ ᠥᠬᠢᠨ ᠲᠠᠢ ᠪᠠᠨ ᠨᠢᠭᠡ ᠶᠡᠬᠡ ᠴᠢᠬᠤᠯᠠ ᠵᠦᠢᠯ ᠶᠠᠷᠢᠬᠤ ᠪᠠᠷ ᠵᠠᠪᠳᠣᠵᠤ ᠪᠠᠶᠢᠭᠰᠠᠨ ᠢ ᠰᠠᠨᠠᠯᠠ᠃ ᠬᠣᠯᠠ ᠶᠢᠨ ᠬᠣᠯᠠ ᠠᠴᠠ ᠡᠵᠢ ᠮᠢᠨᠢ ᠥᠬᠢᠨ ᠳᠤ ᠪᠠᠨ ᠶᠠᠭᠤ ᠬᠡᠯᠡᠬᠦ ᠭᠡᠵᠦ ᠵᠡᠭᠦᠳᠦᠨ ᠳᠦ ᠨᠢ ᠢᠷᠡᠭᠰᠡᠨ ᠶᠤᠮ ᠪᠣᠯ ᠬᠡᠮᠡᠨ ᠲᠠᠷᠢᠬᠢ ᠪᠠᠨ ᠭᠠᠰᠢᠯᠲᠠᠯᠠ ᠪᠣᠳᠣᠵᠤ᠂ ᠪᠠᠰᠠ 《ᠡᠵᠢ ᠪᠢ ᠵᠢᠭᠠᠬᠠᠨ ᠵᠠᠪ ᠦᠭᠡᠢ ᠪᠠᠶᠢᠨᠠ》 ᠭᠡᠵᠦ ᠬᠡᠯᠡᠭᠰᠡᠨ ᠳᠦ ᠪᠡᠨ᠂ ᠤᠲᠠᠰᠤ ᠪᠠᠨ ᠰᠠᠯᠭᠠᠭᠰᠠᠨ ᠳᠤ ᠪᠠᠨ ᠥᠪᠡᠷ ᠢ ᠪᠡᠨ ᠵᠦᠭᠡᠭᠡᠳ᠂ ᠵᠦᠭᠡᠭᠡᠳ ᠪᠠᠷᠠᠭᠰᠠᠨ ᠦᠭᠡᠢ᠃ ᠡᠵᠢ ᠶᠢᠨ ᠢᠶᠡᠨ ᠶᠠᠷᠢᠶᠠ ᠶᠢ ᠲᠠᠰᠤᠯᠤᠯ ᠦᠭᠡᠢ ᠰᠣᠨᠣᠰᠴᠤ᠂ ᠡᠵᠢ ᠶᠢᠨ ᠢᠶᠡᠨ ᠠᠶᠠᠳᠠᠭᠤ ᠵᠥᠭᠡᠯᠡᠬᠡᠨ ᠬᠣᠭᠣᠯᠠᠢ ᠶᠢ ᠰᠣᠨᠣᠰᠴᠤ ᠴᠢᠳᠠᠭᠠ ᠦᠭᠡᠢ ᠳ᠋ᠡᠭᠡᠨ ᠬᠠᠷᠠᠮᠰᠠᠭᠰᠠᠭᠠᠷ ᠁ ᠬᠠᠷᠠᠮᠰᠠᠬᠤ ᠲᠤᠰᠤᠮ ᠭᠠᠰᠢᠭᠤᠨ ᠨᠢᠯᠪᠤᠰᠤ ᠬᠣᠭᠣᠯᠠᠢ ᠵᠢᠷᠤᠭᠠᠳ ᠢᠷᠡᠪᠡ᠃
ᠬᠥᠭᠡᠷᠦᠬᠦᠢ ᠳ᠋ᠡ᠃ ᠮᠢᠨᠦ ᠮᠠᠭᠤ ᠡᠵᠢ ᠁ ᠪᠢ ᠡᠵᠢ ᠶᠢᠨ ᠠᠮᠢᠨ ᠤ ᠥᠬᠢᠨ᠂ ᠨᠠᠮᠠ ᠶᠢ ᠭᠠᠷ ᠠᠴᠠ ᠪᠠᠨ᠂ ᠨᠢᠳᠦᠨ ᠡᠴᠡ ᠪᠡᠨ ᠴᠤ ᠰᠠᠯᠭᠠᠬᠤ ᠦᠭᠡᠢ ᠬᠠᠶᠢᠷᠠᠯᠠᠵᠤ᠂ ᠥᠮᠥᠭᠡᠷᠡᠵᠥ᠂ ᠪᠠᠰᠠ ᠮᠢᠨᠦ ᠲᠥᠯᠥᠭᠡ ᠵᠣᠪᠠᠵᠤ ᠰᠢᠨᠠᠯᠵᠤ ᠠᠮᠢᠳᠤᠷᠠᠭᠰᠠᠨ᠃
- ᠪᠢ ᠴᠢᠮᠠ ᠶᠢ ᠠᠮᠠᠨ ᠳᠤ ᠪᠠᠭᠲᠠᠳᠠᠭ ᠪᠣᠯ ᠬᠦᠯᠬᠦᠭᠡᠳ᠂ ᠠᠯᠠᠭᠠᠨ ᠳᠤ ᠪᠠᠭᠲᠠᠳᠠᠭ ᠪᠣᠯ ᠠᠳᠬᠤᠭᠠᠳ ᠶᠠᠪᠤᠵᠤ ᠪᠠᠶᠢᠬᠤ ᠶᠤᠮᠰᠠᠨ ᠬᠡᠮᠡᠨ ᠳᠦᠷᠰᠦ ᠦᠭᠡᠢ᠂ ᠭᠡᠨᠡᠨ᠂ ᠪᠠᠰᠠ ᠲᠣᠮᠣᠭᠠ ᠦᠭᠡᠢ ᠦᠷᠡ ᠳᠦ ᠪᠡᠨ ᠤᠴᠢᠷᠯᠠᠵᠤ ᠪᠠᠶᠢᠭᠰᠠᠨ ᠢ ᠨᠢ ᠡᠷᠭᠢᠨ᠂ ᠡᠷᠭᠢᠨ ᠰᠠᠨᠠᠪᠠ᠃ ᠭᠡᠲᠡᠯᠡ ᠪᠢ ᠡᠵᠢ ᠳᠦ ᠪᠡᠨ ᠴᠢᠩ ᠰᠡᠳᠬᠢᠯ ᠡᠴᠡ ᠪᠡᠨ᠂ 《ᠲᠠᠨ ᠳᠤ ᠪᠠᠨ ᠬᠠᠶᠢᠷᠠᠲᠠᠢ ᠰᠢᠦ》 ᠬᠡᠮᠡᠨ ᠬᠡᠯᠡᠵᠦ ᠪᠠᠶᠢᠭᠠ ᠦᠭᠡᠢ ᠪᠡᠨ᠂ ᠪᠠᠰᠠ ᠬᠡᠵᠢᠶᠡ ᠴᠤ ᠠᠷᠭᠠᠳᠠᠵᠤ ᠵᠢᠮᠡᠯᠡᠭᠰᠡᠨ ᠦᠭᠡ ᠶᠢ ᠨᠢ ᠠᠩᠬᠠᠷᠴᠤ ᠰᠣᠨᠣᠰᠴᠤ ᠪᠠᠶᠢᠭᠠ ᠦᠭᠡᠢ ᠪᠠᠨ ᠰᠠᠨᠠᠪᠠ᠃ ᠰᠠᠨᠠᠬᠤ ᠲᠤᠰᠤᠮ ᠭᠠᠰᠢᠭᠤᠨ ᠨᠢᠯᠪᠤᠰᠤ ᠬᠠᠴᠠᠷ ᠡᠰᠬᠡᠨ ᠤᠷᠤᠰᠤᠭᠰᠠᠭᠠᠷ ᠁
ᠰᠠᠶᠢᠨ ᠡᠵᠢ ᠶᠢᠨ ᠮᠠᠭᠤ ᠥᠬᠢᠨ ᠁ ᠬᠠᠢᠷᠠ ᠳᠤ ᠪᠢᠯᠠᠭᠤᠷᠠᠵᠤ ᠥᠰᠦᠭᠰᠡᠨ ᠬᠢᠷᠢᠨᠡ ᠬᠠᠶᠢᠷᠠ ᠶᠢ ᠬᠠᠶᠢᠷᠠᠯᠠᠵᠤ ᠴᠢᠳᠠᠭᠠ ᠦᠭᠡᠢ ᠥᠭᠡᠳᠡ ᠦᠭᠡᠢ ᠥᠬᠢᠨ᠃ ᠲᠡᠶᠢᠮᠦ ᠡᠴᠡ ᠯᠠ ᠪᠤᠷᠬᠠᠨ ᠨᠠᠮᠠ ᠶᠢ ᠰᠢᠳᠬᠡᠭᠰᠡᠨ ᠪᠠᠶᠢᠬᠤ᠃ ᠦᠷᠭᠦᠯᠵᠢ ᠪᠢᠯᠬᠠᠵᠤ ᠪᠠᠶᠢᠭᠰᠠᠨ ᠶᠡᠬᠡ ᠬᠠᠶᠢᠷᠠ ᠶᠢ ᠡᠵᠢ ᠲᠡᠢ ᠮᠢᠨᠢ ᠬᠠᠮᠲᠤ ᠨᠠᠳᠠ ᠠᠴᠠ ᠠᠪᠤᠭᠰᠠᠨ ᠪᠠᠶᠢᠬᠤ ᠁ ᠲᠡᠶᠢᠮᠦ ᠡ᠃ ᠰᠠᠶᠢᠨ ᠡᠵᠢ ᠶᠢᠨ ᠮᠠᠭᠤ ᠥᠬᠢᠨ ᠳᠦ ᠡᠶᠢᠮᠦ ᠯᠠ ᠰᠢᠳᠬᠡᠯ ᠵᠣᠬᠢᠬᠤ ᠪᠠᠶᠢᠭᠰᠠᠨ ᠪᠠᠶᠢᠬᠤ ᠁
ᠲᠦᠮᠡᠲᠦ ᠰᠢᠨᠡ ᠬᠥᠷᠪᠡᠭᠦᠯᠪᠡ
3 
0 
-
369 2023-11-23 11:03
- 1980 2023-09-07 08:40
- 2205 2023-07-05 21:05
- ᠡᠬᠡ ︵ ᠴ ᠊ ᠭᠠᠯᠰᠠᠩ ᠤᠨ ᠪᠦᠲᠦᠭᠡᠯ ︶ 4784 2018-10-02 09:06
- ᠨᠢᠭᠤᠴᠠ ᠠᠮᠠᠷᠠᠭ 4649 2018-10-01 10:14
- ᠭᠠᠯ ᠲᠠᠬᠢᠬᠤ ᠲᠤᠬᠠᠢ 9208 2018-09-30 15:57
- 13847524386 211429899@qq.com 13847524386 QQ 211429899 蒙ICP备17002503号-1
