  ᠲᠦᠮᠡᠲᠦ ᠰᠢᠨ᠎ᠡ       
     ᠦᠦᠰᠢᠨ  ᠭᠠᠯᠠᠭᠤᠲᠤ 
   2017-07-25 10:54
   2024-01-05 18:54
   1774297
   1251

ᠲᠥᠷᠦᠭᠰᠡᠨ ᠭᠡᠷ

ᠶᠠᠫᠣᠨ ᠥᠭᠦᠯᠡᠯᠭᠡ
        4489     
2018-09-24 11:14    
发表于:内蒙古
ᠺᠠᠸᠠᠪᠠᠲ᠋ᠠ ᠶᠠᠰᠦᠨᠠᠷᠢ ᠲᠥᠷᠦᠭᠰᠡᠨ ᠭᠡᠷ ︵ ᠪᠣᠭᠣᠨᠢ ᠥᠭᠦᠯᠡᠯᠭᠡ ︶ ᠺᠢᠨᠢᠺᠣ ᠪᠦᠰᠡᠭᠦᠢ ᠲᠦᠷᠦᠭᠰᠡᠨ ᠭᠡᠷ ᠲᠦ ᠪᠡᠨ ᠢᠷᠡᠭᠡᠳ ᠤᠷᠢᠳᠤ ᠪᠡᠷᠢ ᠡᠭᠡᠴᠢ ᠪᠡᠨ ᠭᠡᠷ ᠤᠷᠤᠭᠤ ᠪᠡᠨ ᠬᠠᠷᠢᠳᠠᠭ ᠪᠠᠶᠢᠭᠰᠠᠨ ᠦᠶ᠎ᠡ ᠶᠢᠨ ᠶᠠᠪᠤᠳᠠᠯ ᠢ ᠳᠤᠷᠠᠰᠤᠨ ᠰᠠᠨᠠᠪᠠ᠃ ᠪᠡᠷᠢ ᠡᠭᠡᠴᠢ ᠶᠢᠨ ᠬᠢ ᠨᠢ ᠲᠣᠰᠬᠣᠨ ᠳᠤ 《ᠳᠠᠩᠭᠣ ︵1︶ ᠢᠳᠡᠬᠦ》 ᠭᠡᠵᠦ ᠨᠡᠷᠡᠯᠡᠳᠡᠭ 1 ᠰᠠᠷ᠎ᠠ ᠶᠢᠨ 31 ᠍ ᠦ ᠣᠷᠣᠢ ᠬᠦᠮᠦᠨ ᠦ ᠨᠤᠲᠤᠭ ᠲᠤ ᠪᠡᠷᠢ ᠪᠣᠯᠤᠭᠠᠳ ᠶᠠᠪᠤᠭᠰᠠᠨ ᠦᠬᠢᠳ ᠢᠶᠠᠨ ᠳᠠᠭᠤᠳᠠᠨ ᠢᠷᠡᠭᠦᠯᠦᠭᠡᠳ ᠤᠯᠠᠭᠠᠨ ᠪᠤᠷᠴᠠᠭ ᠤᠨ ᠵᠤᠲᠠᠩ ᠳᠤ ᠳᠠᠩᠭᠣ ᠬᠢᠵᠦ ᠢᠳᠡᠭᠦᠯᠳᠡᠭ ᠵᠠᠩ ᠦᠢᠯᠡ ᠪᠠᠶᠢᠬᠤ᠃ ᠳᠡᠭᠡᠷ᠎ᠡ ᠦᠶ᠎ᠡ ᠶᠢᠨ ᠤᠯᠠᠭᠠᠨ ᠪᠤᠷᠴᠠᠭ ᠤᠨ ᠵᠤᠲᠠᠩ ᠬᠢᠬᠦ ᠦᠶ᠎ᠡ ᠶᠢᠨ ᠤᠯᠠᠮᠵᠢᠯᠠᠯ ᠦᠯᠡᠳᠡᠭᠰᠡᠨ ᠨᠢ ᠲᠡᠷᠡ ᠪᠣᠯᠪᠠ ᠤᠤ᠃ - ᠡᠶᠢᠮᠦ ᠶᠡᠬᠡ ᠴᠠᠰᠤ ᠲᠠᠢ ᠪᠠᠶᠢᠬᠤ ᠳᠤ ᠶᠠᠪᠤᠬᠤ ᠭᠡᠵᠦ ᠦᠦ︖ ᠬᠡᠮᠡᠨ ᠡᠬᠡ ᠨᠢ᠂ ᠬᠡᠦᠬᠡᠳ ᠢᠶᠡᠨ ᠡᠭᠦᠷᠦᠭᠡᠳ ᠶᠠᠪᠤᠬᠤ ᠪᠠᠷ ᠭᠠᠷᠬᠤ ᠪᠡᠷᠢ ᠪᠠᠨ ᠶᠠᠯᠢᠮ ᠦᠭᠡᠢ ᠳᠤᠷᠠᠭᠦᠶᠢᠯᠬᠡᠭᠰᠡᠨ ᠠᠶᠠᠲᠠᠢ ᠦᠳᠡᠨ᠎ᠡ᠃ - ᠲᠡᠶᠢᠮᠦ ᠯᠠ ᠬᠥᠭᠵᠢᠯᠲᠡᠢ ᠪᠠᠶᠠᠷ ᠶᠤᠮ ᠪᠠᠶᠢᠬᠤ ᠳ᠋ᠠ᠃ ᠡᠬᠡ ᠬᠦᠮᠦᠨ ᠪᠣᠯᠴᠢᠬᠠᠭᠠᠳ ᠬᠡᠦᠬᠡᠳ ᠰᠢᠭ ᠠᠭᠠᠰᠢᠯᠠᠭᠠᠳ ᠁ ᠠᠶᠢᠯ ᠤᠨ ᠪᠡᠷᠢ ᠪᠣᠯᠤᠭᠰᠠᠨ ᠬᠦᠮᠦᠨ᠂ ᠣᠳᠣ ᠬᠤᠷᠳᠤᠨ ᠡᠨᠡ ᠭᠡᠷ ᠲᠦ ᠳᠠᠰᠬᠤ ᠦᠭᠡᠢ ᠭᠡᠳ ᠶᠠᠭᠠᠬᠢᠬᠤ ᠭᠡᠰᠡᠨ ᠶᠤᠮ ᠪᠣᠯ᠃ - ᠭᠡᠬᠦ ᠳᠦ ᠪᠡᠨ ᠪᠢ ᠴᠤ ᠭᠡᠰᠡᠨ ᠠᠶᠢᠯ ᠤᠨ ᠪᠡᠷᠢ ᠪᠣᠯᠤᠭᠰᠠᠨ ᠴᠤ ᠭᠡᠷ ᠢᠶᠡᠨ ᠦᠷᠭᠦᠯᠵᠢ ᠰᠠᠨᠠᠨ᠎ᠠ᠂ ᠬᠠᠷᠢᠮᠠᠷ ᠦᠭᠡᠢ ᠪᠣᠯᠪᠠᠯ ᠲᠠᠨ ᠳᠤ ᠭᠤᠨᠢᠭᠲᠠᠢ ᠪᠠᠶᠢᠨ᠎ᠠ ᠪᠢᠵᠡ ᠳ᠋ᠡ ᠭᠡᠵᠦ ᠺᠢᠨᠢᠺᠣ ᠡᠵᠢ ᠳᠦ ᠪᠡᠨ ᠬᠡᠯᠡᠪᠡ᠃ ᠳᠠᠶᠢᠨ ᠤ ᠤᠯᠠᠮ ᠠᠴᠠ ᠡᠷ᠎ᠡ ᠬᠦᠮᠦᠨ ᠴᠥᠭᠡᠳᠡᠭᠰᠡᠨ ᠬᠥᠳᠡᠭᠡ ᠲᠣᠰᠬᠣᠨ ᠳᠤ ᠪᠠᠨ ᠪᠡᠷᠢ ᠡᠭᠡᠴᠢ ᠨᠢ ᠮᠣᠷᠢ ᠲᠠᠢ ᠠᠨᠵᠢᠰᠤ ᠪᠠᠷ ᠭᠠᠵᠠᠷ ᠬᠠᠭᠠᠯᠬᠤ ᠡᠮᠡᠭᠲᠡᠶᠢᠴᠦᠳ ᠦᠨ ᠪᠦᠯᠦᠭ ᠲᠦ ᠬᠦᠷᠲᠡᠯ᠎ᠡ ᠨᠢᠭᠡᠳᠴᠦ ᠶᠠᠪᠤᠭᠰᠠᠨ ᠠᠵᠢᠯᠰᠠᠭ ᠨᠢᠭᠡᠨ ᠪᠠᠶᠢᠯ᠎ᠠ᠃ ᠺᠢᠨᠢᠺᠣ ᠥᠨᠥ᠂ ᠬᠣᠲᠠ ᠰᠠᠭᠤᠷᠢᠨ ᠳᠤ ᠪᠡᠷᠢ ᠪᠣᠯᠵᠤ ᠢᠷᠡᠭᠡᠳ ᠪᠡᠶ᠎ᠡ ᠳᠦ ᠬᠡᠳᠦᠢ ᠠᠮᠠᠷ ᠴᠤ ᠶᠤᠮ ᠰᠢᠭ ᠬᠢᠷᠢ ᠨᠢ ᠥᠯᠮᠡᠩ ᠵᠡᠯᠮᠡᠩ ᠠᠮᠢᠳᠤᠷᠠᠯ ᠨᠢᠭᠡ ᠯᠠ ᠵᠤᠲᠠᠷᠠᠭᠤ ᠰᠠᠨᠠᠭᠳᠠᠨ᠎ᠠ᠃ ᠯᠠᠪᠰᠠᠨ ᠤᠷᠤᠬᠤ ᠴᠠᠰᠤᠨ ᠳᠤᠮᠳᠠ ᠠᠭᠤᠯᠠ ᠶᠢᠨ ᠨᠠᠷᠢᠨ ᠵᠢᠮ ᠢᠶᠡᠷ ᠲᠥᠷᠬᠥᠮ ᠤᠷᠤᠭᠤ ᠪᠡᠨ ᠶᠠᠭᠠᠷᠠᠨ ᠠᠯᠬᠤᠬᠤ ᠪᠡᠷᠢ ᠡᠭᠡᠴᠢ ᠪᠡᠨ ᠳᠤᠷᠠᠰᠤᠨ ᠪᠣᠳᠣᠭᠠᠳ 《ᠬᠢᠴᠢᠶᠡᠭᠡᠷᠡᠢ》 ᠭᠡᠵᠦ ᠬᠡᠯᠡᠮᠡᠷ ᠪᠣᠯᠪᠠ᠃ ᠲᠡᠷᠡ ᠴᠠᠭ ᠠᠴᠠ ᠳᠥᠷᠪᠡᠨ ᠵᠢᠯ ᠦᠨ ᠳᠠᠷᠠᠭ᠎ᠠ᠂ ᠺᠢᠨᠢᠺᠣ ᠨᠤᠲᠤᠭ ᠲᠤ ᠪᠠᠨ ᠬᠠᠷᠢᠵᠤ ᠪᠡᠷᠭᠡᠨ ᠢᠶᠡᠨ ᠭᠠᠯ ᠲᠣᠭᠣᠭᠠᠨ ᠳᠤ ᠲᠠᠷᠠ ᠨᠢᠷ ᠬᠢᠯᠭᠡᠬᠦ ᠳᠠᠭᠤᠨ ᠢᠶᠠᠷ ᠰᠡᠷᠡᠯ᠎ᠡ᠃ ᠬᠥᠷᠰᠢ ᠠᠶᠢᠯ ᠤᠨ ᠪᠠᠶᠢᠰᠢᠩ ᠤᠨ ᠴᠠᠭᠠᠨ ᠬᠠᠨ᠎ᠠ ᠴᠠᠭᠠᠳᠤ ᠠᠭᠤᠯᠠᠨ ᠳᠤ ᠣᠶᠢᠷᠠᠬᠠᠨ ᠬᠠᠷᠠᠭᠳᠠᠭᠠᠳ ᠣᠯᠠᠨ ᠳᠤᠷᠠᠰᠤᠮᠵᠢ ᠠᠷᠤ ᠠᠷᠤ ᠠᠴᠠ ᠪᠠᠨ ᠠᠮᠢᠯᠠᠨ ᠣᠷᠣᠵᠤ ᠢᠷᠡᠪᠡ᠃ ᠲᠠᠬᠢᠯ ᠤᠨ ᠡᠮᠦᠨᠡᠬᠢ ᠪᠤᠷᠬᠠᠨ ᠪᠣᠯᠤᠭᠰᠠᠨ ᠡᠴᠢᠭᠡ ᠳᠦ ᠪᠡᠨ 《ᠠᠪᠤ ᠡ᠂ ᠥᠬᠢᠨ ᠨᠢ ᠵᠢᠷᠭᠠᠯ ᠲᠠᠢ ᠪᠠᠶᠢᠨ᠎ᠠ》 ᠭᠡᠵᠦ ᠬᠡᠯᠡᠭᠡᠳ ᠴᠢᠮᠡᠭᠡᠭᠦᠶᠢᠬᠡᠨ ᠨᠢᠳᠦᠨ ᠳᠦ ᠪᠡᠨ ᠨᠢᠯᠪᠤᠰᠤ ᠴᠡᠶᠢᠯᠡᠭᠡᠨᠡᠭᠦᠯᠪᠡ᠃ ᠡᠷ᠎ᠡ ᠨᠥᠬᠥᠷ ᠢᠶᠡᠨ ᠰᠡᠷᠡᠭᠡᠬᠦ ᠪᠡᠷ ᠣᠴᠢᠪᠠᠯ᠂ - ᠡ᠂ ᠴᠢᠨᠤ ᠭᠡᠷ ᠲᠦ ᠪᠠᠶᠢᠭ᠎ᠠ ᠪᠢᠯᠡ ᠦᠦ︖ ᠭᠡᠳ ᠨᠣᠶᠢᠷᠮᠤᠭᠯᠠᠨ ᠬᠠᠭᠤᠴᠢᠨ ᠤ ᠶᠠᠫᠣᠨ ᠥᠷᠥᠭᠡᠨ ᠳᠣᠲᠣᠷᠠᠬᠢ ᠶᠢ ᠡᠷᠭᠢᠭᠦᠯᠦᠨ ᠬᠠᠷᠠᠨ᠎ᠠ᠃ ᠥᠷᠯᠥᠭᠡᠨ ᠦ ᠴᠠᠢ ᠪᠣᠯᠤᠭ᠎ᠠ ᠦᠭᠡᠢ ᠪᠠᠶᠢᠬᠤ ᠳᠤ ᠯᠠ ᠡᠬᠡ ᠨᠢ ᠠᠯᠢᠮ᠎ᠠ᠂ ᠯᠢᠢᠷ ᠪᠠᠬᠠᠨ ᠠᠷᠢᠯᠭᠠᠵᠤ᠂ ᠣᠳᠣ ᠪᠣᠯᠤᠭᠰᠠᠨ ᠭᠡᠬᠦ ᠬᠦᠷᠭᠡᠨ ᠬᠦᠦ ᠳᠦ ᠪᠡᠨ᠂ - ᠵᠠ ᠮᠠᠷᠲᠠᠬᠤ ᠪᠠᠷ ᠦᠭᠡᠢ ᠪᠣᠯᠲᠠᠯ᠎ᠠ ᠢᠳᠡᠭᠡᠷᠡᠢ ᠭᠡᠵᠦ ᠰᠢᠬᠠᠨ᠂ ᠰᠢᠷᠡᠭᠡ ᠤᠷᠤᠭᠤ ᠤᠬᠤᠰᠬᠢᠬᠤ ᠠᠴᠢ ᠨᠠᠷ ᠢᠶᠠᠨ ᠵᠠᠩᠨᠠᠨ ᠪᠣᠯᠢᠭᠤᠯᠤᠨ᠎ᠠ᠃ ᠵᠢᠵᠢᠭᠬᠡᠨ ᠬᠥᠭᠡᠷᠦᠬᠦᠨ ᠠᠴᠢ ᠳᠡᠭᠦᠦ ᠨᠠᠷ ᠤᠨ ᠬᠢ ᠨᠢ ᠳᠤᠮᠳᠠ ᠨᠠᠭᠠᠴᠤ ᠠᠬ᠎ᠠ ᠨᠢ ᠪᠣᠯᠤᠭᠰᠠᠨ ᠨᠥᠬᠥᠷ ᠦᠨ ᠢᠶᠡᠨ ᠵᠥᠭᠡᠯᠡᠨ ᠳᠥᠯᠥᠭᠡᠨ ᠴᠢᠷᠠᠢ ᠶᠢ ᠬᠠᠷᠠᠭᠠᠳ ᠺᠢᠨᠢᠺᠣ ᠣᠢᠷ᠎ᠠ ᠳ᠋ᠤ ᠪᠠᠶᠠᠷᠯᠠᠭ᠎ᠠ ᠦᠭᠡᠢ ᠪᠡᠷ ᠢᠶᠡᠨ ᠪᠠᠶᠠᠷᠯᠠᠨ ᠳᠣᠭᠳᠣᠯᠪᠠ᠃ ᠡᠬᠡ ᠨᠢ ᠬᠡᠳᠦᠶᠢᠨ᠎ᠡ ᠺᠢᠨᠢᠺᠣ ᠶᠢᠨ ᠨᠢᠯᠬ᠎ᠠ ᠶᠢ ᠲᠡᠪᠡᠷᠢᠨ ᠭᠠᠳᠠᠭ᠎ᠠ ᠭᠠᠷᠴᠤ᠂ - ᠮᠠᠨ ᠤ ᠺᠢᠨᠢᠺᠣ ᠶᠢᠨ ᠬᠡᠦᠬᠡᠳ ᠢ ᠬᠠᠷᠠ ᠳ᠋ᠠ᠂ ᠡᠶᠢᠮᠦ ᠬᠥᠭᠡᠷᠦᠬᠦᠨ ᠮᠠᠷᠢᠶᠠᠯᠠᠭᠠᠳ ᠭᠡᠵᠦ ᠬᠥᠷᠰᠢ ᠠᠶᠢᠯ ᠤᠨ ᠬᠢᠨ ᠳᠤ ᠪᠠᠨ ᠭᠠᠶᠢᠬᠠᠭᠤᠯᠤᠨ᠎ᠠ᠃ ᠠᠬ᠎ᠠ ᠶᠢᠨ ᠬᠢ ᠨᠢ ᠳᠠᠶᠢᠨ ᠤ ᠲᠠᠯᠠᠪᠤᠷ ᠠᠴᠠ ᠢᠯᠡᠭᠡᠭᠰᠡᠨ ᠵᠠᠬᠢᠳᠠᠯ ᠢ ᠦᠵᠡᠭᠦᠯᠬᠦ ᠪᠡᠷ ᠪᠣᠰᠤᠭᠰᠠᠨ ᠪᠡᠷᠢ ᠡᠭᠡᠴᠢ ᠶᠢᠨ ᠢᠶᠡᠨ ᠠᠷᠤ ᠨᠢᠷᠤᠭᠤᠨ ᠠᠴᠠ ᠺᠢᠨᠢᠺᠣ ᠭᠡᠨᠡᠳᠲᠡ ᠪᠡᠷᠢ ᠡᠭᠡᠴᠢ ᠶᠢᠨ ᠢᠶᠡᠨ ᠨᠠᠰᠤ ᠠᠬᠢᠭᠰᠠᠨ ᠢ᠂ ᠭᠡᠪᠡᠴᠦ ᠬᠡᠳᠦᠶᠢᠨ᠎ᠡ ᠡᠨᠡ ᠭᠡᠷ ᠦᠨ ᠬᠠᠯᠠᠭᠤᠨ ᠠᠮᠠ ᠪᠦᠯᠢ ᠪᠣᠯᠤᠭᠰᠠᠨ ᠣᠷᠣᠨ ᠵᠠᠢ ᠶᠢ ᠨᠢ ᠮᠡᠳᠡᠷᠡᠭᠡᠳ ᠭᠦᠨ᠎ᠡ ᠰᠠᠨᠠᠭ᠎ᠠ ᠠᠯᠳᠠᠪᠠ᠃ ------------------------ ᠲᠠᠶᠢᠯᠪᠤᠷᠢ᠄ 1. ᠳᠠᠩᠭᠣ – ᠴᠠᠭᠠᠨ ᠪᠤᠳᠠᠭ᠎ᠠ ᠪᠠᠷ ᠬᠢᠭᠰᠡᠨ ᠪᠥᠭᠡᠷᠡᠩᠬᠡᠢ᠂ ᠰᠢᠬᠢᠷ ᠲᠡᠢ ᠶᠠᠫᠣᠨ ᠦᠨᠳᠦᠰᠦᠨ ᠦ ᠪᠣᠣᠪᠣ ᠺᠠᠸᠠᠪᠠᠲ᠋ᠠ ᠶᠠᠰᠦᠨᠠᠷᠢ᠂ ᠶᠠᠫᠣᠨ᠂ 1944 ᠣᠨ᠃ ᠣᠷᠴᠢᠭᠤᠯᠤᠭᠰᠠᠨ ᠳ ᠊ ᠠᠯᠲᠠᠨᠴᠡᠴᠡᠭ ᠬᠥᠷᠪᠡᠭᠦᠯᠦᠭᠰᠡᠨ ᠲᠦᠮᠡᠲᠦ ᠰᠢᠨ᠎ᠡ

1        0       

               307       2023-11-23 11:03
       1680       2023-09-07 08:40
            1909       2023-07-05 21:05
ᠲᠠᠨ ᠢ ᠤᠳᠠᠭᠠᠨ ᠢᠶᠡᠷ ᠦᠬᠦᠯ ᠳ᠋ᠤ ᠬᠦᠷᠭᠡᠵᠦ ᠪᠤᠢ ᠬᠣᠭᠤᠯᠠ ᠬᠦᠨᠡᠰᠦ …  8735       2018-09-22 15:14
ᠲᠠᠢᠢᠰᠠᠨ ᠤ ᠠᠷᠤ ᠶᠢᠨ ᠥᠷᠥᠭᠡᠨ ᠤ ᠮᠥᠮᠦ  4708       2018-09-22 13:44
ᠪ ∙ ᠣᠶᠢᠳᠣᠪ ︽ ᠭᠠᠷ ᠤᠨ ᠲᠠᠪᠤᠨ ᠬᠤᠷᠤᠭᠤᠨ 》 ᠤ ᠱᠠᠭᠳᠠᠷ ᠢ ᠭᠠᠭᠴᠠᠭᠠᠷᠳᠠᠯ ᠡᠴᠡ ᠴᠢᠯᠥᠭᠡᠯᠡᠭᠰᠡᠨ ᠲᠡᠮᠳᠡᠭᠯᠡᠯ  5067       2018-09-17 08:54
                             13847524386      211429899@qq.com      13847524386   QQ  211429899 蒙ICP备17002503号-1