ᠪᠦᠯᠬᠦᠮᠳᠡᠯ ᠦᠨ ᠬᠦᠴᠦᠨ ᠳᠤ ᠢᠯᠠᠯᠲᠠ ᠶᠢᠨ ᠡᠷᠴᠢ ᠪᠠᠳᠠᠷᠠᠨᠠ
ᠣᠯᠠᠭᠠᠨ ᠲᠤᠭ ᠨᠢ ᠨᠠᠮᠢᠷᠠᠭᠠᠳ ᠢᠷᠡᠯᠡ
ᠦᠰᠢᠶᠡᠳᠡᠨ ᠲᠠᠢᠰᠤᠨ ᠲᠠᠢ ᠪᠠᠢᠢᠯᠳᠣᠭᠠᠳ ᠢᠷᠡᠯᠡ
ᠡᠪ ᠬᠠᠮᠲᠤ ᠨᠠᠮ ᠨᠢ ᠭᠠᠪᠰᠢᠭᠠᠢᠯᠠᠭᠠᠳ ᠢᠷᠡᠯᠡ
ᠡᠲᠡᠭᠡᠳ ᠬᠢᠵᠢᠭ ᠲᠠᠢ ᠲᠡᠮᠡᠴᠡᠭᠡᠳ ᠢᠷᠡᠯᠡ᠃
ᠤᠲᠤᠭᠠ ᠲᠡᠭᠳᠡᠬᠦ ᠦᠭᠡᠢ ᠪᠠᠢᠢᠯᠳᠣᠭᠠ ᠴᠤ
ᠡᠯᠢᠭᠡ ᠠᠭᠤᠰᠬᠢ ᠮᠢᠨᠢ ᠲᠤᠭᠳᠣᠯᠤᠭᠠᠳ ᠪᠠᠢᠢᠨᠠ
ᠴᠢᠰᠣ ᠣᠷᠣᠰᠬᠣ ᠦᠭᠡᠢ ᠲᠤᠯᠤᠯᠳᠤᠭᠠᠨ ᠴᠤ
ᠴᠡᠭᠡᠵᠢ ᠵᠢᠷᠦᠬᠡ ᠮᠢᠨᠢ ᠲᠤᠯᠭᠢᠰᠭᠠᠳ ᠪᠠᠢᠢᠨᠠ᠃
ᠪᠠᠬᠠᠨ ᠬᠡᠷᠰᠡᠤᠯᠡᠬᠦ ᠦᠭᠡᠢ ᠪᠣᠯᠤᠭᠰᠠᠭᠠᠷ
ᠪᠠᠯᠠᠮᠠᠳ ᠲᠠᠢᠰᠤᠨ ᠳᠤ ᠡᠨᠳᠡᠬᠦ ᠶᠤᠮ ᠰᠢᠦ
ᠵᠢᠭᠠᠬᠠᠨ ᠬᠢᠴᠢᠶᠡᠬᠦ ᠦᠭᠡᠢ ᠪᠣᠯᠤᠭᠰᠠᠭᠠᠷ
ᠵᠠᠨᠤᠯᠲᠣ ᠳᠠᠢᠢᠰᠤᠨ ᠳᠤ ᠠᠯᠠᠭᠳᠠᠬᠤ ᠶᠤᠮ ᠰᠢᠦ᠃
ᠡᠷᠳᠡᠨ ᠡᠴᠡ ᠠᠪᠤᠭᠠᠳ ᠡᠷᠡᠯᠬᠡᠭ ᠯᠠ ᠨᠠᠮ
ᠡᠵᠡᠷᠬᠡᠭ ᠳᠠᠢᠢᠰᠤᠨ ᠠᠴᠠ ᠠᠶᠤᠬᠣ ᠶᠤᠰᠤ ᠪᠠᠢᠢᠨᠠᠣ
ᠲᠡᠤᠬᠡᠨ ᠠᠴᠠ ᠠᠪᠤᠭᠠᠳ ᠪᠠᠭᠠᠲᠤᠷ ᠯᠠ ᠠᠷᠠᠳ
ᠲᠥᠷᠢᠮᠡᠬᠡᠢ ᠬᠢᠵᠢᠭ ᠡᠴᠡ ᠠᠶᠤᠬᠣ ᠤᠴᠢᠷ ᠪᠠᠢᠢᠨᠠᠣ︖
ᠠᠮᠠᠪᠴᠢ ᠵᠡᠭᠦᠭᠰᠡᠨ ᠪᠠᠭᠠᠳᠣᠷ ᠨᠢ ᠰᠡᠴᠡᠨ
ᠪᠡᠭᠡᠯᠡᠢ ᠲᠤᠬᠣᠭᠰᠠᠨ ᠵᠠᠩᠵᠣᠨ ᠨᠢ ᠰᠡᠷᠭᠦᠯᠡᠩ᠃
ᠴᠠᠭᠠᠨ ᠲᠡᠪᠡᠯ ᠲᠠᠢ ᠪᠠᠭᠰᠢ ᠨᠢ ᠮᠡᠷᠭᠡᠨ
ᠴᠠᠭᠠᠨᠠ ᠬᠣᠴᠤᠷᠤᠭᠰᠠᠨ ᠴᠡᠷᠢᠭ ᠨᠢ ᠶᠣᠰᠤᠷᠬᠠᠭ᠃
ᠳᠣᠤᠭᠠᠷᠪᠠᠯ ᠳᠠᠭᠣᠨ ᠨᠢᠭᠡᠲᠡᠢ
ᠳᠤᠭᠲᠤᠷᠪᠠᠯ ᠬᠦᠴᠦᠨ ᠨᠢᠭᠡᠳᠡᠢ
ᠳᠠᠢᠢᠰᠤᠨ ᠤ ᠪᠡᠬᠢᠯᠡᠯᠲᠡ ᠶᠢ ᠰᠢᠪᠳᠤᠯᠤᠭᠠᠳ ᠢᠷᠡᠯᠡ
ᠳᠠᠢᠢᠴᠢᠨ ᠬᠦᠴᠦᠨ ᠢᠶᠡᠨ ᠪᠠᠳᠠᠷᠠᠭᠤᠯᠤᠭᠠᠳ ᠢᠷᠡᠯᠡ᠃
ᠵᠠᠩᠵᠣᠨ ᠴᠡᠷᠢᠭ ᠨᠢ ᠪᠦᠯᠬᠦᠮᠳᠡᠭᠡᠳ ᠢᠷᠡᠯᠡ
ᠵᠠᠬᠢᠶᠠ ᠵᠠᠷᠯᠢᠭ ᠢ ᠵᠢᠷᠦᠮᠯᠡᠭᠡᠳ ᠢᠷᠡᠯᠡ
ᠵᠢᠭᠠᠭᠰᠠᠨ ᠭᠠᠵᠠᠷ ᠨᠢ ᠲᠣᠪᠲᠣᠯᠤᠭᠠᠳ ᠢᠷᠡᠯᠡ
ᠵᠠᠪᠠᠯ ᠢᠯᠠᠬᠤ ᠪᠠᠷ ᠲᠡᠮᠡᠴᠡᠭᠡᠳ ᠢᠷᠡᠯᠡ᠃
ᠨᠢᠳᠦᠨ ᠡᠴᠡ ᠨᠢ ᠭᠠᠯ ᠪᠠᠳᠠᠷᠠᠵᠤ
ᠨᠢᠭᠤᠷ ᠠᠴᠠ ᠨᠢ ᠴᠤᠭ ᠪᠠᠳᠠᠷᠠᠵᠤ
ᠨᠢᠭᠤᠯᠲᠣ ᠬᠢᠵᠢᠭ ᠢ ᠵᠠᠪᠠᠯ ᠣᠰᠠᠳᠬᠠᠬᠣ ᠪᠠᠷ
ᠨᠢᠭᠡ ᠯᠠ ᠰᠡᠳᠭᠢᠯ ᠢᠶᠡᠷ ᠵᠢᠳᠭᠦᠭᠡᠳ ᠢᠷᠡᠯᠡ᠃
ᠬᠤᠯᠵᠢᠨ ᠦᠨᠡᠭᠡ ᠬᠡᠴᠢᠨᠡᠨ ᠵᠠᠯᠢᠬᠠᠢ ᠴᠤ
ᠬᠠᠰᠢᠷ ᠠᠩᠴᠢᠨ ᠤ ᠭᠠᠷ ᠠᠴᠠ ᠬᠡᠷᠬᠢᠨ ᠮᠤᠯᠲᠤᠷᠠᠨᠠ
ᠬᠠᠷᠠᠩᠭᠤᠢ ᠬᠢᠵᠢᠭ ᠬᠡᠴᠢᠨᠡᠨ ᠰᠠᠮᠠᠭᠤᠷᠠᠭᠰᠠᠨ ᠴᠤ
ᠬᠠᠮᠤᠭ ᠤᠯᠠᠨ ᠤ ᠬᠦᠴᠦᠨ ᠡᠴᠡ ᠬᠡᠷᠬᠢᠨ ᠲᠤᠲᠠᠭᠠᠨᠠ︕.
ᠪᠤᠷᠤᠩᠬᠠᠢ ᠳᠠᠢᠢᠰᠤᠨ ᠬᠡᠴᠢᠨᠡᠨ ᠲᠦᠷᠢᠮᠡᠬᠡᠢ ᠴᠤ
ᠪᠠᠭᠠᠲᠤᠷ ᠤᠨ ᠭᠠᠷ ᠠᠴᠠ ᠮᠤᠯᠳᠤᠷᠠᠵᠤ ᠴᠢᠳᠠᠨᠠᠤ
ᠡᠲᠡᠭᠡᠳ ᠬᠢᠵᠢᠭ ᠬᠡᠴᠢᠨᠡᠨ ᠲᠡᠭᠳᠡᠮᠡᠬᠡᠢ ᠴᠤ
ᠡᠷᠲᠡᠮᠳᠡᠳ ᠦᠨ ᠨᠢᠳᠦᠨ ᠡᠴᠡ ᠲᠤᠲᠠᠭᠠᠵᠤ ᠴᠢᠳᠠᠨᠠᠤ︖
ᠵᠠᠢᠢᠯᠵᠣ ᠴᠠᠭᠠᠰᠢ ᠪᠠᠨ ᠲᠤᠲᠠᠭᠠᠪᠠᠯ
ᠵᠢᠳᠠᠯᠠᠵᠤ ᠴᠢᠮᠠᠶ ᠶᠢ ᠠᠯᠠᠬᠤ ᠶᠤᠮ
ᠲᠡᠷᠪᠡᠵᠦ ᠲᠡᠭᠡᠭᠰᠢ ᠪᠡᠨ ᠲᠡᠭᠳᠡᠪᠡᠯ
ᠲᠤᠷᠠᠨᠳᠠᠵᠤ ᠴᠢᠮᠠᠶ ᠶᠢ ᠰᠦᠨᠦᠭᠡᠬᠦ ᠶᠤᠮ᠃
ᠡᠰᠡᠷᠭᠦᠴᠡᠭᠡᠳ ᠲᠠᠬᠢᠨ ᠢᠷᠡᠪᠡᠯ
ᠠᠮᠠᠪᠴᠢ ᠪᠠᠷ ᠢᠶᠠᠨ ᠴᠢᠮᠠᠢ ᠶᠢ ᠬᠠᠯᠬᠠᠯᠠᠬᠣ ᠶᠤᠮ
ᠡᠷᠦᠢ ᠬᠣᠷᠤᠢ ᠦᠭᠡᠢ ᠰᠠᠮᠤᠭᠣᠷᠠᠪᠠᠯ
ᠡᠮ ᠢᠶᠡᠷ ᠰᠦᠷᠴᠢᠵᠦ ᠠᠷᠢᠯᠭᠠᠬᠤ ᠶᠤᠮ᠃
ᠰᠡᠪ ᠰᠡᠮᠡᠬᠡᠷ ᠭᠤᠯᠭᠤᠭᠠᠳ ᠢᠷᠡᠪᠡᠯ
ᠰᠠᠪᠤᠩᠲᠣ ᠣᠰᠤ ᠪᠠᠷ ᠰᠦᠢᠳᠭᠡᠬᠦ ᠶᠤᠮ
ᠴᠢᠪ ᠴᠢᠮᠡᠭᠡ ᠦᠭᠡᠢ ᠲᠠᠭᠠᠷᠢᠭᠠᠳ ᠢᠷᠡᠪᠡᠯ
ᠴᠡᠪᠡᠷᠯᠡᠭᠡ ᠠᠷᠢᠭᠤᠳᠬᠠᠯ ᠢᠶᠠᠷ ᠮᠦᠬᠦᠭᠡᠬᠦ ᠶᠤᠮ᠃
ᠤᠭ ᠢ ᠴᠢᠨᠢ ᠲᠠᠰᠤᠯᠬᠤ ᠦᠭᠡᠢ ᠴᠠᠭ ᠲᠤ
ᠡᠷᠭᠢᠵᠦ ᠶᠠᠭᠠᠬᠢᠭᠰᠠᠨ ᠴᠤ ᠪᠤᠴᠠᠬᠤ ᠦᠭᠡᠢ ᠶᠤᠮ
ᠣᠳᠣᠮ ᠶᠢ ᠴᠢᠨᠢ ᠰᠠᠷᠨᠢᠭᠤᠯᠬᠤ ᠦᠭᠡᠢ ᠴᠠᠭ ᠲᠤ
ᠣᠬᠤᠷᠢᠵᠦ ᠶᠠᠭᠠᠬᠢᠭᠰᠠᠨ ᠴᠤ ᠬᠠᠷᠢᠬᠣ ᠦᠭᠡᠢ ᠶᠤᠮ᠃
ᠪᠠᠭᠠᠳᠣᠷ ᠵᠠᠩᠵᠦᠨ ᠤ ᠬᠦᠴᠦᠨ ᠳᠤ
ᠠᠲᠠᠭᠠᠲᠠᠨ ᠳᠠᠢᠢᠰᠤᠨ ᠣᠰᠠᠳᠣᠨᠠ
ᠪᠦᠯᠬᠦᠮᠳᠡᠯ ᠨᠢᠭᠲᠠᠷᠠᠯ ᠤᠨ ᠬᠦᠴᠦᠨ ᠳᠦ
ᠠᠮᠵᠢᠯᠳᠠ ᠢᠯᠠᠯᠲᠠ ᠡᠷᠴᠢᠯᠡᠭᠳᠡᠨᠡ︕
54 0