ᠡᠵᠢ᠂ ᠡᠬᠡ ᠣᠷᠤᠨ ᠤ ᠨᠠᠢᠢᠷᠠᠭᠯᠠᠯ ︱ ᠪ᠂ ᠷᠢᠨᠴᠢᠨ
ᠡᠵᠢ ᠶᠢᠨ ᠬᠠᠢᠢᠷᠠ ᠡᠨᠡᠷᠢᠯ ᠲᠠᠢ ᠪᠠᠢᠢᠨᠠ
ᠡᠬᠡ ᠣᠷᠤᠨ ᠤ ᠪᠦᠣᠪᠠᠢ ᠬᠠᠯᠠᠮᠵᠢ ᠲᠠᠢ ᠪᠠᠢᠢᠨᠠ
ᠡᠷᠡ ᠭᠦᠮᠣᠨ ᠤ ᠡᠷᠡᠯᠬᠡᠭ ᠠᠯᠬᠤᠴᠠ ᠪᠠᠷ
ᠢᠳᠡᠯᠡᠨ ᠭᠦᠯᠵᠢᠭᠰᠡᠨ ᠰᠢᠤ ᠬᠦᠣ ᠴᠢᠨᠢ
ᠡᠵᠢ᠂ ᠡᠬᠡ ᠣᠷᠤᠨ ᠮᠢᠨᠢ ᠠᠮᠣᠷᠯᠢᠩᠭᠤᠢ ᠪᠠᠢ︕
1130
2022-09-06 21:00
发表于:内蒙古
ᠡᠵᠢ᠂ ᠡᠬᠡ ᠣᠷᠤᠨ ᠤ ᠨᠠᠢᠢᠷᠠᠭᠯᠠᠯ
︱ ᠪ᠂ ᠷᠢᠨᠴᠢᠨ
ᠠᠮᠣᠭᠤᠯᠠᠩ ᠲᠡᠯᠬᠡᠷ
ᠢᠰᠡᠬᠡᠢ ᠦᠷᠦᠬᠡ ᠶᠢᠨ
ᠴᠡᠩᠬᠢᠷ ᠣᠳᠤᠭᠠᠨ ᠳᠤ
ᠠᠮᠢ ᠨᠠᠰᠣᠨ ᠤ
ᠵᠢᠷᠦᠬᠡᠨ ᠴᠣᠬᠢᠯᠭᠠ ᠪᠠᠨ
ᠯᠣᠭᠰᠢᠭᠤᠯᠪᠠ᠃
ᠡᠩᠬᠡ ᠲᠠᠢᠪᠤᠩ
ᠲᠠᠷᠬᠠᠨ ᠪᠠᠭᠤᠴᠠ ᠶᠢᠨ
ᠬᠦᠳᠦᠰᠦᠨ ᠦᠯᠦᠬᠡᠢ ᠳᠤ
ᠡᠨᠡ ᠬᠤᠷᠸᠠ ᠶᠢᠨ
ᠠᠮᠢᠳᠤᠷᠠᠯ ᠤᠨ ᠲᠠᠭᠤᠣ ᠪᠠᠨ
ᠠᠶᠠᠯᠯᠠᠭᠤᠯᠪᠠ᠃
ᠦᠩᠬᠢᠶᠡᠮᠦᠷ ᠪᠠᠶᠠᠨ
ᠡᠬᠡ ︱ ᠲᠠᠯᠡᠬᠡᠢ ᠶᠢᠨ
ᠠᠩᠬᠢᠷ ᠣᠭᠤᠷᠠᠭ ᠲᠤ
ᠦᠬᠡᠳᠡᠯᠡᠬᠦ ᠵᠠᠶᠠᠭᠠᠨ ᠤ
ᠠᠩᠬᠠᠨ ᠤ ᠬᠦᠰᠡᠯᠡᠡᠩ ᠢᠶᠡᠨ
ᠣᠮᠳᠠᠯᠠᠭᠤᠯᠪᠠ᠃
ᠰᠣᠷ ᠤᠨ ᠲᠦᠯᠦ
ᠡᠴᠢᠬᠡ ︱ ᠲᠡᠭᠷᠢ ᠶᠢᠨ
ᠠᠭᠤᠳᠠᠮ ᠡᠪᠦᠷ ᠲᠦ
ᠰᠤᠶᠤᠯᠵᠢᠬᠤ ᠲᠠᠪᠢᠯᠠᠩ ᠤᠨ
ᠠᠯᠮᠠᠰ ᠵᠣᠷᠢᠭ ᠢᠶᠠᠨ
ᠭᠠᠩᠰᠢᠭᠤᠯᠪᠠ᠃
ᠡᠵᠢ ᠶᠢᠨ ᠬᠠᠢᠢᠷᠠ ᠢᠪᠡᠬᠡᠯ ᠲᠠᠢ ᠪᠠᠢᠢᠨᠠ
ᠡᠩᠬᠦᠷᠡᠢ ᠦᠷᠡ ᠴᠢᠨᠢ ᠵᠢᠷᠭᠠᠯ ᠲᠠᠢ ᠪᠠᠢᠢᠨᠠ᠂
ᠡᠷᠢᠨ ᠴᠠᠭ ᠤᠨ ᠵᠠᠯᠠᠭᠤᠰ ᠪᠠᠢᠢᠨᠠ
ᠡᠵᠢ ᠮᠢᠨᠢ ᠰᠡᠳᠬᠢᠯ ᠠᠮᠣᠭᠤᠯᠠᠩ ᠪᠠᠢ᠃
ᠡᠵᠢ ︱ ᠡᠬᠡ ᠣᠷᠣᠨ
ᠵᠠᠯᠠᠭᠤ ᠨᠠᠰᠣᠨ ᠤ
ᠮᠦᠷᠦᠬᠡᠳᠦᠯ ᠦᠨ ᠬᠠᠷᠭᠣᠢ
ᠡᠬᠡ ᠣᠷᠤᠨ ︱ᠡᠵᠢ
ᠲᠡᠭᠵᠢᠷᠡᠬᠦ ᠦᠶᠡ ᠶᠢᠨ
ᠪᠢᠯᠢᠭ ᠲᠣᠭᠢᠶᠠ᠃
ᠡᠵᠢ ᠶᠢᠨ ᠬᠠᠢᠢᠷᠠ
ᠴᠠᠭᠠᠨ ᠰᠥ᠋ ᠡᠴᠡ
ᠠᠷᠢᠭᠤᠬᠠᠨ︕
ᠡᠬᠡ ᠣᠷᠤᠨ
ᠡᠵᠢ ᠶᠢᠨ ᠰᠥ᠋ ᠡᠴᠡ
ᠢᠯᠳᠠᠮᠬᠠᠨ︕
ᠭᠠᠩᠭᠠᠩ ᠪᠠᠢᠢᠭᠠᠯᠢ ᠰᠢᠭ᠋
ᠬᠢᠯᠠᠷᠠᠵᠣ ᠪᠠᠢᠢᠭᠠ
ᠡᠬᠡ ᠣᠷᠤᠨ ᠳᠤ
ᠭᠠᠷᠮᠠᠭᠠᠢ ᠬᠦᠰᠡᠯᠡᠡᠩ
ᠪᠠᠳᠠᠷᠠᠭᠰᠠᠨ ᠨᠠᠰᠤ ᠪᠠᠨ
ᠡᠷᠴᠢᠮᠯᠡᠶᠡ᠃
ᠮᠦᠩᠬᠦᠨ ᠰᠠᠷᠠ ᠰᠢᠭ᠋
ᠬᠡᠷᠡᠯᠳᠦᠵᠦ ᠪᠠᠢᠢᠭᠠ
ᠲᠦᠷᠪᠡᠨ ᠣᠳᠤᠬᠢᠴᠢᠯᠡᠯᠳᠡ ᠳᠤ
ᠮᠡᠳᠡᠯᠬᠡ ᠴᠢᠳᠠᠪᠤᠷᠢ
ᠬᠤᠣᠰᠯᠠᠭᠰᠠᠨ ᠬᠦᠴᠦ ᠪᠡᠨ
ᠡᠷᠭᠦᠶᠡ︕
ᠮᠦᠩᠬᠡ ᠶᠢᠨ ᠨᠠᠷᠠ ᠰᠢᠭ᠋
ᠰᠠᠴᠣᠷᠠᠵᠣ ᠪᠠᠢᠢᠭᠠ
ᠠᠯᠤᠰ ᠢᠷᠡᠬᠡᠳᠦᠢ ᠳᠦ
ᠮᠡᠷᠬᠡᠵᠢᠯ ᠪᠤᠯᠪᠠᠰᠤᠷᠠᠯ
ᠲᠡᠭᠦᠰᠵᠢᠭᠰᠡᠨ ᠵᠢᠳᠬᠦᠯ ᠢᠶᠡᠨ
ᠲᠡᠪᠰᠢᠭᠦᠯᠦᠶᠡ︕
ᠣᠭᠳᠠᠷᠭᠣᠢ ᠶᠢᠨ ᠤᠳᠣ ᠰᠢᠭ᠋
ᠲᠤᠷᠮᠤᠯᠵᠠᠵᠣ ᠪᠠᠢᠢᠭᠠ
ᠡᠬᠡ ᠣᠯᠤᠰ ᠲᠤ
ᠣᠬᠢ ᠭᠠᠢᠬᠠᠮᠰᠢᠭ
ᠰᠢᠯᠢᠳᠡᠭ ᠪᠦᠳᠦᠬᠡᠯ ᠢᠶᠡᠨ
ᠨᠠᠮᠡᠷᠢᠯᠡᠶᠡ︕
ᠡᠵᠢ ᠶᠢᠨ ᠬᠠᠢᠢᠷᠠ ᠡᠬᠡᠯᠢᠳᠡᠢ ᠪᠠᠢᠢᠨᠠ
ᠡᠷᠲᠡ ᠡᠳᠦᠬᠡ ᠳᠦ ᠲᠣᠷᠠᠳᠬᠠᠯ ᠲᠠᠢ ᠪᠠᠢᠢᠨᠠ᠂
ᠡᠷᠬᠡᠭ ᠦᠷᠡ ᠴᠢᠨᠢ ᠪᠠᠶᠠᠷᠳᠠᠢ ᠯᠠ ᠪᠠᠢᠢᠨᠠ
ᠡᠵᠢ ᠮᠢᠨᠢ ᠰᠠᠨᠠᠭᠠ ᠵᠢᠷᠭᠠᠯᠠᠩ ᠪᠠᠢ᠃
ᠠᠯᠳᠠᠢ ᠰᠠᠢᠢᠬᠠᠨ
ᠮᠤᠩᠭᠤᠯ ᠠᠢᠢᠯ ᠤᠨ
ᠲᠤᠯᠭᠠ ᠶᠢᠨ ᠬᠤᠢᠢᠮᠣᠷ ᠲᠤ
ᠠᠩᠬᠠᠨ ᠤ
ᠨᠢᠯᠬᠠ ᠲᠠᠭᠤ ᠪᠠᠨ
ᠰᠣᠨᠤᠷᠳᠠᠭᠤᠯᠪᠠ᠃
ᠠᠳᠤᠭᠤᠨ ᠰᠦᠷᠦᠭ
ᠠᠲᠠᠷ ᠲᠠᠯᠠ ᠶᠢᠨ
ᠦᠷᠳᠡᠬᠡ ᠬᠠᠩᠭᠠᠢ ᠳᠤ
ᠠᠪᠤ ᠪᠠᠨ ᠲᠠᠭᠠᠵᠣ
ᠡᠮᠨᠢᠭ ᠲᠠᠭᠠ
ᠲᠤᠢᠢᠯᠠᠭᠤᠯᠪᠠ᠃
ᠢᠰᠡᠬᠡᠢ ᠲᠤᠭᠤᠷᠭᠠᠳᠠᠨ ᠤ
ᠡᠬᠡᠪᠦᠷ ᠲᠤᠯᠠᠭᠠᠨ
ᠢᠯᠴᠢ ᠶᠢᠨ ᠬᠡᠷᠡᠯ ᠳᠦ
ᠡᠵᠢ ᠪᠡᠨ ᠲᠠᠭᠠᠵᠤ
ᠭᠡᠷ ᠦᠨ ᠠᠵᠣ ᠳᠤ
ᠭᠠᠷ ᠲᠠᠰᠬᠠᠪᠠ᠃
ᠡᠵᠢ ︱ ᠲᠡᠯᠡᠬᠡᠢ ᠶᠢᠨ
ᠬᠠᠢᠢᠷᠠ ᠭᠡᠭᠴᠢ
ᠰᠢᠷᠬᠢᠰᠢ ᠦᠬᠡᠢ
ᠡᠴᠢᠬᠡ ︱ ᠲᠡᠭᠷᠢ ᠶᠢᠨ
ᠵᠤᠷᠢᠭᠵᠢᠭᠤᠯᠤᠯ ᠭᠡᠭᠴᠢ
ᠰᠢᠯᠢᠷᠡᠰᠢ ᠦᠬᠡᠢ᠂
ᠡᠬᠡ ᠤᠷᠤᠨ
ᠡᠯᠲᠡᠩ ᠪᠠᠢᠢᠭᠠᠯᠢ ᠶᠢᠨ
ᠡᠷᠳᠡᠨᠢ ᠶᠢᠨ ᠰᠠᠩ᠂
ᠡᠵᠢ ︱ ᠡᠬᠡ ᠣᠷᠤᠨ
ᠡᠯᠪᠡᠭ ᠬᠦᠮᠦᠷᠬᠡ ᠶᠢᠨ
ᠡᠩ ᠦᠬᠡᠢ ᠲᠠᠯᠠᠢ᠃
ᠡᠵᠢ ᠶᠢᠨ ᠬᠠᠢᠢᠷᠠ ᠡᠨᠡᠷᠢᠯ ᠲᠠᠢ ᠪᠠᠢᠢᠨᠠ
ᠡᠬᠡ ᠣᠷᠤᠨ ᠤ ᠪᠦᠣᠪᠠᠢ ᠬᠠᠯᠠᠮᠵᠢ ᠲᠠᠢ ᠪᠠᠢᠢᠨᠠ
ᠡᠷᠡ ᠭᠦᠮᠣᠨ ᠤ ᠡᠷᠡᠯᠬᠡᠭ ᠠᠯᠬᠤᠴᠠ ᠪᠠᠷ
ᠢᠳᠡᠯᠡᠨ ᠭᠦᠯᠵᠢᠭᠰᠡᠨ ᠰᠢᠤ ᠬᠦᠣ ᠴᠢᠨᠢ
ᠡᠵᠢ᠂ ᠡᠬᠡ ᠣᠷᠤᠨ ᠮᠢᠨᠢ ᠠᠮᠣᠷᠯᠢᠩᠭᠤᠢ ᠪᠠᠢ︕
1983 ᠣᠨ ᠤ 4 ᠰᠠᠷᠠ ᠶᠢᠨ 26 ᠦ ᠡᠳᠦᠷ ᠦᠨ︽ᠡᠪᠦᠷ ᠲᠡᠪᠳᠡᠷ︾ ᠡᠴᠡ
2020ᠤᠠ ᠦ ᠴᠠᠭᠠᠨ ᠰᠠᠷᠠ ᠶᠢᠨ ᠬᠤᠷᠢᠨ ᠲᠠᠪᠤᠨ ᠳᠤ᠃
21 0