ᠨᠣᠮ ᠤᠩᠰᠢᠭᠰᠠᠨ ᠰᠡᠳᠭᠢᠭᠳᠡᠯ
ᠰᠢᠭᠤᠷᠠᠢ ᠶᠢᠨ ᠰᠣᠯᠣᠩᠭᠠ ᠵᠣᠬᠢᠶᠠᠯᠴᠢ ᠶᠢᠨ ᠭᠢᠮᠠᠯᠠᠢ ᠨᠣᠮ ᠢ ᠤᠩᠰᠢᠯᠠ᠃ ᠡᠶᠢᠮᠦ ᠤᠩᠰᠢᠭᠤᠷᠢ ᠲᠠᠢ ᠨᠣᠮ ᠰᠡᠭᠦᠯ ᠳᠦ ᠨᠠᠮᠢᠨᠴᠢᠮᠡᠳ ᠠᠬᠠ ᠶᠢᠨ ᠠᠤᠭᠠ ᠡᠷᠡᠨ ᠡᠴᠡ ᠬᠣᠶᠢᠰᠢ ᠤᠩᠰᠢᠭᠠ ᠦᠭᠡᠢ ᠪᠠᠶᠢᠵᠠᠢ᠃ ᠤᠩᠰᠢᠬᠤ ᠳᠤ ᠪᠠᠨ ᠤᠬᠢᠯᠠᠵᠤ᠂ ᠢᠨᠢᠶᠡᠵᠦ᠂ ᠵᠢᠷᠦᠬᠡ ᠲᠦᠭᠰᠢᠨ ᠳᠣᠭᠳᠣᠯᠤᠭᠰᠠᠨ ᠢᠶᠠᠨ ᠨᠢᠭᠤᠬᠤ ᠦᠭᠡᠢ᠃ ᠰᠥᠨᠢ ᠨᠣᠶᠢᠷ ᠬᠦᠷᠬᠦ ᠦᠭᠡᠢ᠂ ᠵᠣᠬᠢᠶᠠᠯ ᠤᠨ ᠦᠢᠯᠡ ᠶᠠᠪᠤᠳᠠᠯ ᠢ ᠪᠣᠳᠣᠭᠠᠳ ᠬᠡᠪᠲᠡᠵᠦ ᠪᠠᠶᠢᠬᠤ ᠳᠤ ᠶᠠᠭ ᠺᠢᠨᠣ᠋ ᠰᠢᠭ ᠁
3411
2021-10-27 11:15
发表于:内蒙古
ᠰᠢᠭᠤᠷᠠᠢ ᠶᠢᠨ ᠰᠣᠯᠣᠩᠭᠠ ᠵᠣᠬᠢᠶᠠᠯᠴᠢ ᠶᠢᠨ ᠭᠢᠮᠠᠯᠠᠢ ᠨᠣᠮ ᠢ ᠤᠩᠰᠢᠯᠠ᠃ ᠡᠶᠢᠮᠦ ᠤᠩᠰᠢᠭᠤᠷᠢ ᠲᠠᠢ ᠨᠣᠮ ᠰᠡᠭᠦᠯ ᠳᠦ ᠨᠠᠮᠢᠨᠴᠢᠮᠡᠳ ᠠᠬᠠ ᠶᠢᠨ ᠠᠤᠭᠠ ᠡᠷᠡᠨ ᠡᠴᠡ ᠬᠣᠶᠢᠰᠢ ᠤᠩᠰᠢᠭᠠ ᠦᠭᠡᠢ ᠪᠠᠶᠢᠵᠠᠢ᠃ ᠤᠩᠰᠢᠬᠤ ᠳᠤ ᠪᠠᠨ ᠤᠬᠢᠯᠠᠵᠤ᠂ ᠢᠨᠢᠶᠡᠵᠦ᠂ ᠵᠢᠷᠦᠬᠡ ᠲᠦᠭᠰᠢᠨ ᠳᠣᠭᠳᠣᠯᠤᠭᠰᠠᠨ ᠢᠶᠠᠨ ᠨᠢᠭᠤᠬᠤ ᠦᠭᠡᠢ᠃ ᠰᠥᠨᠢ ᠨᠣᠶᠢᠷ ᠬᠦᠷᠬᠦ ᠦᠭᠡᠢ᠂ ᠵᠣᠬᠢᠶᠠᠯ ᠤᠨ ᠦᠢᠯᠡ ᠶᠠᠪᠤᠳᠠᠯ ᠢ ᠪᠣᠳᠣᠭᠠᠳ ᠬᠡᠪᠲᠡᠵᠦ ᠪᠠᠶᠢᠬᠤ ᠳᠤ ᠶᠠᠭ ᠺᠢᠨᠣ᠋ ᠰᠢᠭ ᠁
ᠤᠩᠰᠢᠭᠠᠳ ᠪᠣᠳᠠᠲᠤ ᠶᠠᠪᠤᠳᠠᠯ ᠠᠴᠠ ᠰᠡᠳᠦᠪᠯᠡᠭᠰᠡᠨ ᠢ ᠰᠢᠭᠤᠳ ᠣᠶᠢᠯᠠᠭᠠᠭᠰᠠᠨ ᠪᠥᠭᠡᠳ ᠵᠣᠬᠢᠶᠠᠯᠴᠢ ᠨᠢ ᠠᠮᠢ ᠨᠠᠰᠤᠨ ᠳᠤ ᠪᠠᠨ ᠠᠶᠤᠯ ᠤᠴᠠᠷᠠᠬᠤ ᠪᠤᠢ ᠬᠡᠮᠡᠨ ᠪᠣᠯᠭᠣᠮᠵᠢᠯᠠᠵᠤ ᠵᠣᠷᠢᠭᠤᠳᠠ ᠪᠠᠷ ᠡᠨᠡ ᠨᠣᠮ ᠳᠤ ᠭᠠᠷᠴᠤ ᠪᠤᠢ ᠦᠢᠯᠡ ᠶᠠᠪᠤᠳᠠᠯ ᠨᠢ ᠪᠣᠳᠠᠲᠤ ᠶᠠᠪᠤᠳᠠᠯ ᠠᠴᠠ ᠰᠡᠳᠦᠪᠯᠡᠭᠡ ᠦᠭᠡᠢ ᠪᠥᠭᠡᠳ ᠳᠠᠩ ᠭᠠᠭᠴᠠ ᠤᠷᠠᠨ ᠰᠡᠳᠬᠢᠮᠵᠢ ᠡᠴᠡ ᠪᠦᠷᠢᠳᠦᠭᠰᠡᠨ ᠪᠣᠯᠤᠨᠠ ᠬᠡᠮᠡᠨ ᠨᠣᠮ ᠤᠨ ᠡᠮᠦᠨᠡᠬᠢ ᠨᠢᠭᠤᠷ ᠲᠤ ᠪᠢᠴᠢᠭᠰᠡᠨ ᠪᠣᠯᠤᠯᠲᠠᠢ᠃
ᠮᠣᠩᠭᠣᠯ ᠳᠤ ᠲᠠᠩᠨᠠᠭᠤᠯ ᠤᠨ ᠠᠯᠪᠠ ᠬᠡᠷᠬᠢᠨ ᠠᠵᠢᠯᠯᠠᠳᠠᠭ ᠬᠢᠭᠡᠳ ᠣᠨᠴᠠᠭᠠᠢ ᠰᠣᠳᠣᠨ ᠠᠪᠢᠶᠠᠰ ᠲᠠᠢ ᠬᠡᠦᠬᠡᠳ ᠦᠳ ᠢ ᠬᠡᠷᠬᠢᠨ ᠰᠣᠩᠭᠣᠨ ᠠᠪᠴᠤ᠂ ᠰᠤᠷᠭᠠᠵᠤ ᠳᠠᠳᠤᠯᠭᠠᠵᠢᠭᠤᠯᠤᠨ ᠠᠮᠢ ᠥᠷᠢᠰᠦᠭᠰᠡᠨ ᠬᠡᠴᠡᠭᠦᠦ ᠠᠯᠪᠠᠨ ᠳᠤ ᠲᠣᠮᠢᠯᠠᠨ ᠢᠯᠡᠭᠡᠳᠡᠭ ᠢ ᠭᠢᠮᠠᠯᠠᠢ ᠬᠡᠮᠡᠬᠦ ᠥᠨᠦᠴᠢᠨ ᠥᠬᠢᠨ ᠤ ᠬᠤᠪᠢ ᠲᠠᠪᠢᠯᠠᠩ ᠢᠶᠠᠷ ᠢᠯᠡᠴᠢᠯᠡᠨ ᠭᠠᠷᠭᠠᠵᠠᠢ᠃ ᠭᠢᠮᠠᠯᠠᠢ ᠳᠤ ᠡᠭᠦᠷᠭᠡ ᠥᠭᠭᠦᠨ ᠬᠢᠯᠢ ᠳᠠᠪᠠᠭᠤᠯᠬᠤ ᠠᠴᠠ ᠡᠬᠢᠯᠡᠭᠡᠳ ᠯᠠ ᠬᠦᠨᠳᠦ ᠬᠡᠴᠡᠭᠦᠦ ᠲᠠᠪᠢᠯᠠᠩ ᠲᠣᠰᠤᠨᠠ᠃ ᠭᠢᠮᠠᠯᠠᠢ ᠪᠦᠭᠦᠳᠡ ᠶᠢ ᠰᠥᠷᠥᠨ ᠳᠠᠪᠠᠵᠤ᠂ ᠰᠢᠯᠢᠳᠡᠭ ᠮᠡᠷᠭᠡᠵᠢᠯᠲᠡᠨ ᠪᠣᠯᠤᠭᠰᠠᠨ ᠴᠤ ᠡᠴᠦᠰ ᠦᠨ ᠡᠴᠦᠰ ᠲᠦ ᠵᠣᠯᠢᠶᠠᠨ ᠳᠤ ᠭᠠᠷᠤᠭᠰᠠᠨ ᠢᠶᠠᠨ ᠤᠬᠠᠮᠰᠠᠷᠯᠠᠬᠤ ᠠᠵᠠᠢ᠃ ᠵᠣᠯᠢᠶᠠᠨ ᠳᠤ ᠭᠠᠷᠤᠭᠰᠠᠨ ᠬᠦᠮᠦᠨ ᠶᠠᠭᠠᠬᠢᠬᠤ ᠪᠤᠢ︖ ᠪᠠᠭᠤᠵᠤ ᠦᠭᠬᠦ ᠦᠦ︖ ᠭᠢᠮᠠᠯᠠᠢ ᠱᠠᠯ ᠥᠭᠡᠷᠡ ᠵᠠᠮ ᠢ ᠰᠣᠩᠭᠣᠵᠤ ᠪᠠᠶᠢᠨᠠ᠃ ᠲᠡᠷᠡ ᠬᠡᠷᠬᠢᠨ ᠵᠣᠷᠢᠭᠰᠠᠨ ᠳᠤ ᠪᠠᠨ ᠬᠦᠷᠬᠦ ᠪᠣᠯ ᠁
ᠮᠥᠨ ᠨᠣᠮ ᠳᠦ ᠪᠠᠭᠲᠠᠭᠰᠠᠨ ᠰᠡᠭᠦᠯᠴᠢ ᠶᠢᠨ ᠬᠦᠰᠡᠯᠲᠡ ᠲᠤᠭᠤᠵᠢ ᠶᠢ ᠡᠮᠡᠭᠲᠡᠢ ᠬᠦᠮᠦᠨ ᠪᠦᠷᠢ ᠤᠩᠰᠢᠬᠤ ᠶᠣᠰᠣᠲᠠᠢ᠃ ᠶᠠᠭᠠᠬᠢᠭᠠᠳ ᠭᠡᠪᠡᠯ ᠲᠡᠨᠳᠡ ᠡᠮᠡᠭᠲᠡᠢ ᠬᠦᠮᠦᠨ ᠦ ᠵᠢᠷᠦᠬᠡ ᠰᠡᠳᠬᠢᠯ ᠦᠨ ᠶᠢᠷᠲᠢᠨᠴᠦ᠂ ᠭᠡᠨᠡᠨ ᠲᠣᠮᠣᠭᠠ ᠦᠭᠡᠢ ᠬᠦᠰᠡᠯ᠂ ᠠᠮᠢᠳᠤᠷᠠᠯ ᠤᠨ ᠬᠠᠭᠤᠷᠮᠠᠴᠢ ᠲᠠᠯᠠ ᠶᠡᠬᠡ ᠬᠤᠷᠴᠠ ᠪᠠᠷ ᠢᠯᠡᠷᠡᠵᠡᠢ᠃ ᠲᠠ ᠡᠨᠡ ᠲᠤᠭᠤᠵᠢ ᠶᠢ ᠤᠩᠰᠢᠭᠠᠳ ᠰᠡᠷᠢᠭᠦᠨ ᠢᠶᠡᠷ ᠵᠡᠭᠦᠳᠦᠯᠡᠵᠦ ᠪᠤᠢ ᠵᠡᠭᠦᠳᠦᠨ ᠡᠴᠡ ᠪᠡᠨ ᠰᠡᠷᠢᠬᠦ ᠪᠠᠶᠢᠬᠤ᠃ ᠥᠬᠢᠳ ᠲᠤ ᠪᠠᠨ᠂ ᠨᠠᠶᠢᠵᠠ ᠪᠦᠰᠡᠭᠦᠢ ᠳᠦ ᠪᠡᠨ᠂ ᠡᠬᠡᠨᠡᠷ ᠲᠦ ᠪᠡᠨ ᠠᠪᠴᠤ ᠥᠭᠪᠡᠯ ᠬᠠᠮᠤᠭ ᠤᠨ ᠲᠣᠮᠣ ᠪᠡᠯᠡᠭ ᠪᠣᠯᠬᠤ ᠪᠢᠵᠡ᠃
ᠭᠢᠮᠠᠯᠠᠢ ᠲᠠᠨ ᠳᠤ ᠡᠮᠡᠭᠲᠡᠢ ᠬᠦᠮᠦᠨ ᠦ ᠴᠢᠮᠪᠠᠢ ᠲᠣᠭᠠᠴᠠᠭᠠ ᠲᠠᠢ ᠶᠢᠷᠲᠢᠨᠴᠦ ᠶᠢ ᠨᠡᠬᠡᠭᠡᠬᠦ ᠪᠣᠯ ᠰᠡᠭᠦᠯᠴᠢ ᠶᠢᠨ ᠬᠦᠰᠡᠯᠳᠡ ᠲᠤᠭᠤᠵᠢ ᠶᠢᠨ ᠸᠠᠩᠰᠡᠮᠪᠡᠷᠦ ᠶᠢᠨ ᠳᠦᠷᠢ ᠲᠠᠨ ᠤ ᠵᠢᠷᠦᠬᠡ ᠰᠡᠳᠬᠢᠯ ᠢ ᠣᠷᠪᠣᠩ ᠢᠶᠠᠷ ᠨᠢ ᠡᠷᠭᠢᠭᠦᠯᠬᠦ ᠰᠢᠳᠢ ᠲᠡᠢ᠃
ᠭᠢᠮᠠᠯᠠᠢ ᠲᠤᠭᠤᠵᠢ ᠪᠠᠷ ᠺᠢᠨᠣ᠋ ᠬᠢᠪᠡᠯ ᠮᠣᠩᠭᠣᠯ ᠤᠨ ᠺᠢᠨᠣ᠋ ᠤᠷᠠᠯᠢᠭ ᠲᠤ ᠲᠡᠰᠦᠷᠡᠯᠲᠡ ᠪᠣᠯᠵᠤ᠂ ᠠᠰᠢᠭ ᠣᠷᠣᠯᠭᠠ ᠶᠢ ᠰᠢᠭᠤᠳᠠᠶᠢᠯᠠᠵᠤ ᠮᠠᠭᠠᠳ ᠦᠭᠡᠢ᠃ ᠤᠴᠢᠷ ᠨᠢ ᠲᠡᠨᠳᠡ ᠵᠢᠩᠬᠢᠨᠢ ᠵᠣᠬᠢᠶᠠᠯ ᠪᠤᠢ᠃
ᠰᠣᠯᠣᠩᠭᠠ ᠤᠷᠤᠭᠤ ᠵᠠᠯᠭᠠᠵᠤ ᠠᠰᠠᠭᠤᠯᠠ᠃ ᠴᠢ ᠶᠠᠭᠠᠬᠢᠭᠠᠳ ᠨᠣᠮ ᠢᠶᠠᠨ ᠰᠤᠷᠲᠠᠯᠴᠢᠯᠠᠬᠤ ᠦᠭᠡᠢ ᠪᠠᠶᠢᠭᠠ ᠶᠤᠮ ᠪᠤᠢ︖ ᠭᠡᠵᠦ ᠠᠰᠠᠭᠤᠭᠰᠠᠨ ᠶᠤᠮ᠃ ᠲᠡᠷᠡ ᠰᠠᠶᠢᠨ ᠨᠣᠮ ᠥᠪᠡᠷ ᠢᠶᠡᠨ ᠥᠪᠡᠷ ᠢ ᠪᠡᠨ ᠠᠪᠤᠭᠠᠳ ᠶᠠᠪᠤᠴᠢᠬᠠᠳᠠᠭ ᠶᠤᠮ ᠡ ᠭᠡᠳ ᠢᠨᠢᠶᠡᠵᠦ ᠪᠠᠶᠢᠨᠠ ᠯᠡ᠃
ᠨᠠᠶᠢᠵᠠ ᠶᠢ ᠮᠢᠨᠢ ᠰᠢᠭᠤᠷᠠᠢ ᠶᠢᠨ ᠰᠣᠯᠣᠩᠭᠠ ᠭᠡᠳᠡᠭ ᠶᠤᠮ᠃ ᠲᠡᠷᠡ ᠢᠨᠢᠶᠡᠭᠡᠳ ᠯᠠ᠂ ᠬᠠᠮᠤᠭ ᠤᠨ ᠰᠠᠶᠢᠨ ᠵᠣᠬᠢᠶᠠᠯ ᠪᠢᠴᠢᠬᠦ ᠰᠡᠨ᠂ ᠨᠠᠳᠠ ᠳᠤ ᠶᠠᠭᠤ ᠴᠤ ᠬᠡᠷᠡᠭ ᠦᠭᠡᠢ ᠡ ᠭᠡᠳ ᠯᠠ ᠭᠦᠶᠦᠵᠦ ᠶᠠᠪᠤᠭᠠ᠃
ᠪᠠᠶᠠᠷᠯᠠᠯᠠ ᠴᠢᠮᠠ ᠳᠤ ᠪᠠᠨ᠃ ᠤᠷᠠᠨ ᠵᠣᠬᠢᠶᠠᠯ ᠡᠶᠢᠮᠦ ᠯᠠ ᠪᠠᠶᠢᠬᠤ ᠶᠣᠰᠣᠲᠠᠢ᠃
ᠤᠩᠰᠢᠭᠴᠢ ᠪ•ᠪᠢᠮᠪᠠᠵᠢᠷᠭᠠᠯ
1 0