ᠬᠠᠢᠷᠠ ᠭᠡᠵᠦ ᠶᠠᠭᠤ ᠪᠠᠢᠨᠠ︖
ᠬᠠᠢᠷᠠ ᠭᠡᠵᠦ ᠶᠠᠭᠤ ᠪᠠᠢᠨᠠ︖
2328
2020-12-28 08:52
发表于:内蒙古
ᠬᠠᠢᠷᠠ ᠭᠡᠵᠦ ᠶᠠᠭᠤ ᠪᠠᠢᠨᠠ︖
ᠬᠠᠯᠠᠭᠤᠷᠠᠬᠤ ᠦᠶᠡ ᠳᠦ ᠦᠯᠢᠶᠡᠳᠡᠭ ᠬᠠᠯᠠᠭᠤᠨ ᠬᠡᠢ ᠴᠦ ᠶᠤᠮ ᠦᠦ︖
ᠬᠠᠯᠳᠤᠷᠢᠬᠤ ᠥᠶᠡ ᠳᠦ ᠲᠤᠯᠤᠳᠠᠭ ᠮᠤᠷᠤᠢ ᠲᠠᠶᠠᠭ ᠴᠦ ᠶᠤᠮ ᠦᠦ︖
ᠬᠠᠰᠢᠷᠠᠬᠤ ᠦᠶᠡ ᠳᠦ ᠬᠠᠷᠡᠮᠰᠠᠬᠤ ᠳᠤᠭᠤᠯᠠᠩ ᠨᠢᠯᠪᠣᠰᠤ ᠴᠦ ᠶᠤᠮ ᠦᠦ︖
ᠬᠠᠭᠠᠷᠠᠬᠤ ᠦᠶᠡ ᠳᠦ ᠮᠥᠷᠥᠭᠡᠳᠥᠭᠥ ᠬᠠᠮᠤᠭ ᠰᠠᠢᠬᠠᠨ ᠴᠦ ᠶᠤᠮ ᠦᠦ︖
ᠭᠠᠯ ᠠᠷᠪᠡᠨ ᠨᠠᠢ᠌ᠮᠠ ᠬᠠᠢᠷᠡ ᠭᠦᠰᠡᠳᠡᠭ ᠨᠠᠰᠤ
ᠭᠠᠯᠵᠠᠭᠤ ᠬᠤᠷᠢᠨ ᠲᠠᠪᠤ ᠬᠠᠢᠷᠡ ᠬᠦᠯᠬᠦᠳᠡᠭ ᠦᠶᠡ
ᠭᠠᠩᠭᠠᠨ ᠶᠠᠪᠤᠭᠰᠠᠨ ᠵᠠᠯᠠᠭᠤᠰ ᠭᠤᠴᠢ ᠶᠢᠨ ᠳᠠᠪᠠᠭᠠ ᠲᠠᠪᠠᠬᠣ ᠪᠠᠷ
ᠭᠠᠷ ᠠᠯᠳᠠᠳᠠᠭ ᠭᠦᠮᠤᠰ ᠤᠳ ᠡ᠂ ᠬᠠᠢᠷᠠ ᠭᠡᠵᠦ ᠶᠠᠭᠤ ᠪᠠᠢᠨᠠ︖
ᠳᠤᠭᠳᠤᠯᠬᠤ ᠵᠢᠷᠦᠭᠡ ᠪᠡᠷ ᠪᠡᠶᠡ ᠴᠠᠴᠠᠷᠡᠭᠰᠡᠨ ᠰᠢᠭᠦᠳᠡᠷᠢ ᠲᠠᠢ ᠦᠷᠯᠦᠭᠡ
ᠳᠤᠷᠠᠯᠠᠬᠤ ᠰᠡᠳᠬᠢᠯ ᠪᠡᠷ ᠣᠳᠣᠳ ᠲᠣᠭᠠᠯᠠᠭᠰᠠᠨ ᠬᠠᠪᠤᠷ ᠤᠨ ᠰᠦᠨᠢ
ᠳᠥᠴᠢᠨ ᠨᠠᠰᠣᠨ ᠤ ᠢᠳᠡᠷ ᠦᠶᠡ ᠵᠢᠮᠡ ᠪᠡᠷ ᠭᠦᠷᠦᠭᠡᠳ ᠢᠷᠡᠭᠥ ᠳᠦ
ᠳᠦᠷᠦᠭᠡ ᠠᠯᠳᠠᠳᠠᠭ ᠭᠦᠮᠤᠰ ᠤᠳ ᠡ᠂ ᠬᠠᠢᠷᠠ ᠭᠡᠵᠦ ᠶᠠᠭᠤ ᠪᠠᠢᠨᠠ︖
ᠰᠢᠮᠡᠷᠡᠭᠡᠳ ᠪᠠᠢᠳᠠᠭ ᠰᠢᠪᠡᠷᠡᠭᠡ ᠪᠤᠷᠤᠭᠠᠨ ᠠᠷᠢᠯᠬᠤ ᠴᠠᠭ ᠪᠠᠢᠳᠠᠭ ᠶᠤᠮ
ᠰᠡᠩᠭᠢᠨᠡᠭᠡᠳ ᠪᠠᠢᠳᠠᠭ ᠬᠤᠩᠭᠤᠷ ᠰᠠᠯᠭᠢᠨ ᠨᠠᠮᠬᠠᠷᠠᠬᠤ ᠡᠷᠡᠨ ᠪᠠᠢᠳᠠᠭ ᠶᠤᠮ
ᠰᠡᠳᠭᠢᠯ ᠭᠡᠵᠦ ᠨᠢᠭᠡ ᠬᠦᠮᠦᠨ ᠦ ᠤᠷᠴᠢᠯᠠᠩ ᠪᠠᠢᠳᠠᠭ ᠤᠨ ᠬᠠᠷᠠᠭᠠ
ᠰᠡᠷᠭᠡᠭ ᠦᠶᠡ ᠳᠡᠬᠡᠨ ᠰᠡᠳᠭᠢᠵᠦ ᠦᠵᠡ᠂ ᠬᠠᠢᠷᠠ ᠭᠡᠵᠦ ᠶᠠᠭᠤ ᠪᠠᠢᠨᠠ︖
ᠡᠷᠦᠭᠡ ᠶᠢ ᠴᠢᠨᠢ ᠲᠠᠲᠠᠵᠦ ᠠᠢᠯ ᠪᠤᠰᠬᠠᠬᠤ ᠲᠡᠷᠡ ᠶᠠᠭᠡ ᠵᠣᠷᠢᠭ
ᠢᠵᠢᠯᠢ ᠶᠢᠨ ᠢᠶᠡᠨ ᠨᠠᠰᠤᠳᠠᠨ ᠢ ᠪᠤᠷᠬᠠᠨ ᠰᠢᠭ ᠲᠡᠭᠡᠳᠦᠯᠡᠭᠰᠡᠨ ᠲᠡᠷᠡ ᠶᠠᠭᠡ ᠵᠢᠷᠣᠮ
ᠦᠪᠡᠷ ᠦᠨ ᠴᠢᠨᠢ ᠪᠤᠷᠤᠭᠤ ᠶᠢ ᠵᠦᠭᠡᠯᠡᠨ ᠢᠶᠡᠷ ᠵᠢᠮᠡᠯᠡᠭᠰᠡᠨ ᠲᠡᠷᠡ ᠡᠮᠵᠡᠭᠬᠡᠨ ᠰᠡᠳᠭᠢᠯ
ᠦᠷᠡ ᠶᠢᠨ ᠴᠢᠨᠢ ᠵᠤᠯᠠᠢ ᠳᠦ ᠰᠦ ᠪᠡᠨ ᠰᠢᠩᠭᠡᠭᠡᠭᠰᠡᠨ ᠡᠬᠡ ᠶᠢᠨ ᠴᠠᠭᠠᠨ ᠲᠡᠭᠷᠢ
ᠡᠳᠡᠭᠡᠷ ᠢ ᠮᠡᠳᠡᠷᠡᠪᠡᠯ ᠡᠷᠡ ᠭᠦᠮᠦᠨ ᠠᠭᠤᠷ ᠦᠭᠡᠢ ᠪᠣᠯᠳᠠᠭ ᠶᠤᠮ
ᠡᠷᠤᠭᠡ ᠭᠡᠷ ᠲᠡᠭᠡᠨ ᠰᠢᠭᠦᠮᠵᠢᠯᠡᠯ ᠬᠦᠷᠳᠡᠪᠠᠵᠦ ᠪᠠᠶᠠᠷ ᠲᠠᠢ ᠪᠠᠢᠳᠠᠭ ᠶᠤᠮ
ᠦᠷᠦᠭᠡᠯ ᠦᠨ ᠨᠢᠳᠦᠨ ᠳ᠋ᠦ ᠠᠶᠤᠮᠠᠬᠠᠢ ᠡᠷᠡ ᠡ ᠢᠨᠢᠶᠡᠳᠣᠮ ᠲᠠᠢ ᠪᠣᠯᠪᠠᠴᠦ
ᠦᠨᠡᠨ ᠬᠠᠢᠷᠠ ᠶᠢᠨ ᠰᠢᠳᠢ ᠶᠢ ᠤᠬᠠᠭᠰᠠᠨ ᠭᠦᠨᠳᠦ ᠬᠠᠷᠢᠭᠤᠴᠠᠯᠭᠠ ᠲᠡᠷᠡ ᠶᠤᠮ᠃
2 0