ᠡᠬᠡ ᠬᠥᠮᠦᠨ
ᠡᠬᠡ
ᠲᠠᠢᠪᠤᠩᠵᠢᠷᠭᠠᠯ
ᠡᠬᠡ ᠬᠦᠮᠦᠨ ᠭᠡᠵᠦ
ᠮᠢᠨᠦ ᠡᠵᠢ ᠶᠢ ᠬᠡᠯᠡᠳᠡᠭ
ᠡᠵᠢ ᠡ ᠭᠡᠵᠦ ᠲᠠᠭᠤᠳᠠᠬᠤ
ᠡᠩᠬᠦᠷᠡᠢ ᠦᠷᠡ ᠨᠢ ᠪᠢ ᠪᠠᠶᠢᠳᠠᠭ
ᠡᠬᠡ ᠬᠦᠮᠦᠨ ᠪᠤᠷᠬᠠᠨ ᠪᠢᠰᠢ ᠴᠤ
ᠡᠯᠪᠡᠷᠢᠯ ᠬᠠᠶᠢᠷᠠ ᠨᠢ ᠢᠳᠡ ᠰᠢᠳᠢ ᠪᠠᠶᠢᠳᠠᠭ
ᠡᠮᠴᠢ ᠳᠣᠮᠴᠢ ᠪᠢᠰᠢ ᠴᠤ
ᠡᠳᠡᠭᠡᠭᠡᠬᠦ ᠠᠨᠠᠭᠠᠬᠤ ᠨᠢ ᠳᠣᠮᠣ ᠪᠠᠶᠢᠳᠠᠭ
10704
2019-07-25 20:36
发表于:内蒙古
ᠡᠬᠡ
ᠲᠠᠢᠪᠤᠩᠵᠢᠷᠭᠠᠯ
ᠡᠬᠡ ᠬᠦᠮᠦᠨ ᠭᠡᠵᠦ
ᠮᠢᠨᠦ ᠡᠵᠢ ᠶᠢ ᠬᠡᠯᠡᠳᠡᠭ
ᠡᠵᠢ ᠡ ᠭᠡᠵᠦ ᠲᠠᠭᠤᠳᠠᠬᠤ
ᠡᠩᠬᠦᠷᠡᠢ ᠦᠷᠡ ᠨᠢ ᠪᠢ ᠪᠠᠶᠢᠳᠠᠭ
ᠡᠬᠡ ᠬᠦᠮᠦᠨ ᠪᠤᠷᠬᠠᠨ ᠪᠢᠰᠢ ᠴᠤ
ᠡᠯᠪᠡᠷᠢᠯ ᠬᠠᠶᠢᠷᠠ ᠨᠢ ᠢᠳᠡ ᠰᠢᠳᠢ ᠪᠠᠶᠢᠳᠠᠭ
ᠡᠮᠴᠢ ᠳᠣᠮᠴᠢ ᠪᠢᠰᠢ ᠴᠤ
ᠡᠳᠡᠭᠡᠭᠡᠬᠦ ᠠᠨᠠᠭᠠᠬᠤ ᠨᠢ ᠳᠣᠮᠣ ᠪᠠᠶᠢᠳᠠᠭ
ᠡᠬᠡ ᠬᠦᠮᠦᠨ ᠦ
ᠰᠦᠨ ᠰᠡᠳᠬᠢᠯ ᠬᠣᠶᠠᠷ ᠨᠢ ᠴᠠᠭᠠᠨ ᠪᠠᠶᠢᠳᠠᠭ
ᠰᠦᠰᠦᠭ ᠪᠢᠰᠢᠷᠡᠯ ᠨᠢ ᠭᠡᠭᠡᠨ ᠪᠠᠶᠢᠳᠠᠭ
ᠰᠡᠭᠦᠳᠡᠷ ᠭᠠᠵᠠᠷ ᠴᠤ ᠨᠠᠷᠠ ᠲᠠᠢ ᠪᠠᠶᠢᠳᠠᠭ
ᠰᠥᠭᠥᠳᠴᠦ ᠰᠠᠭᠤᠭᠠᠳ ᠵᠠᠯᠪᠠᠷᠢᠮᠠᠷ ᠪᠠᠶᠢᠳᠠᠭ
ᠡᠬᠡ ᠬᠦᠮᠦᠨ ᠦ
ᠳᠠᠭᠤᠨ ᠠᠶᠠᠯᠭᠤ ᠨᠢ ᠪᠦᠪᠡᠢ ᠪᠠᠶᠢᠳᠠᠭ
ᠳᠤᠮᠳᠠ ᠪᠠᠨ ᠲᠠᠰᠤᠷᠠᠳᠠᠭ ᠦᠭᠡᠢ ᠠᠶᠠᠯᠭᠤ ᠪᠠᠶᠢᠳᠠᠭ
ᠳᠠᠭᠤᠯᠠᠵᠤ ᠰᠠᠭᠤᠭᠠ ᠨᠢ ᠡᠯᠪᠡᠷᠢᠯ ᠪᠠᠶᠢᠳᠠᠭ
ᠳᠠᠭᠤᠨ ᠤ ᠳᠠᠬᠢᠯᠲᠠ ᠨᠢ ᠰᠥ᠋ ᠪᠠᠶᠢᠳᠠᠭ
ᠡᠬᠡ ᠬᠦᠮᠦᠨ ᠦ
ᠥᠨᠢ ᠮᠥᠩᠬᠡ ᠬᠠᠶᠢᠷᠠ ᠨᠢ ᠭᠡᠭᠡᠨ ᠪᠠᠶᠢᠳᠠᠭ
ᠥᠭᠭᠢᠶᠡᠮᠦᠷ ᠰᠡᠳᠬᠢᠯ ᠨᠢ ᠴᠠᠭᠠᠨ ᠪᠠᠶᠢᠳᠠᠭ
ᠥᠷᠯᠥᠭᠡ ᠨᠠᠷᠠ ᠰᠢᠭ ᠢᠯᠠᠭᠤᠨ ᠪᠠᠶᠢᠳᠠᠭ
ᠦᠷᠭᠦᠯᠵᠢ ᠰᠠᠨᠠᠬᠤ ᠳᠤ ᠰᠠᠶᠢᠬᠠᠨ ᠪᠠᠶᠢᠳᠠᠭ
ᠡᠬᠡ ᠬᠦᠮᠦᠨ ᠦ
ᠲᠥᠷᠦᠭᠦᠯᠵᠦ ᠥᠰᠬᠡᠭᠰᠡᠨ ᠵᠠᠶᠠᠭᠠ ᠨᠢ ᠡᠭᠡᠯ ᠦᠭᠡᠢ ᠪᠠᠶᠢᠳᠠᠭ
ᠲᠦᠰᠢᠵᠦ ᠥᠨᠳᠡᠶᠢᠬᠦ ᠳᠦ ᠡᠬᠡ ᠬᠦᠮᠦᠨ ᠦ ᠬᠠᠶᠢᠷᠠ ᠳᠡᠮ ᠪᠠᠶᠢᠳᠠᠭ
ᠲᠦᠭᠳᠡᠴᠢᠵᠦ ᠠᠯᠬᠤᠬᠤ ᠳᠤ ᠤᠷᠮᠠ ᠶᠢᠨ ᠦᠭᠡ ᠨᠢ ᠲᠡᠩᠴᠡᠪᠦᠷᠢ ᠪᠣᠯᠳᠠᠭ
ᠲᠦᠭᠰᠢᠵᠦ ᠠᠶᠤᠬᠤ ᠳᠤ ᠨᠥᠮᠥᠷᠢ ᠨᠢ ᠢᠪᠡᠭᠡᠯ ᠪᠠᠶᠢᠳᠠᠭ
ᠡᠬᠡ ᠬᠦᠮᠦᠨ ᠦ
ᠤᠨᠠᠵᠤ ᠪᠦᠳᠦᠷᠢᠬᠦ ᠳᠦ ᠰᠡᠳᠬᠢᠯ ᠨᠢ ᠭᠠᠵᠠᠷ ᠵᠥᠭᠡᠯᠡᠯᠡᠳᠡᠭ
ᠤᠬᠢᠯᠠᠭᠰᠠᠭᠠᠷ ᠣᠴᠢᠬᠤ ᠳᠤ ᠨᠢᠯᠪᠤᠰᠤ ᠰᠡᠪᠡᠷᠡᠭᠡᠬᠦ ᠰᠢᠳᠢ ᠲᠡᠢ ᠪᠠᠶᠢᠳᠠᠭ
ᠤᠷᠮᠠ ᠶᠢᠨ ᠦᠭᠡ ᠨᠢ ᠪᠤᠷᠮᠠ ᠰᠢᠭ ᠪᠠᠶᠢᠳᠠᠭ
ᠤᠬᠠᠭᠠᠨ ᠲᠡᠭᠰᠢᠷᠡᠭᠦᠯᠡᠭᠰᠡᠨ ᠦᠭᠡ ᠨᠢ ᠰᠤᠷᠭᠠᠯ ᠪᠠᠶᠢᠳᠠᠭ
ᠡᠬᠡ ᠬᠦᠮᠦᠨ ᠦ
ᠤᠬᠠᠭᠠᠨ ᠰᠥ᠋ ᠬᠣᠶᠠᠷ ᠨᠢ ᠤᠨᠳᠤᠷᠴᠤ ᠪᠠᠶᠢᠳᠠᠭ
ᠤᠷᠤᠰᠬᠠᠯ ᠶᠡᠬᠡ ᠮᠥᠷᠡᠨ ᠰᠢᠭ ᠳᠡᠪᠡᠷᠡᠵᠦ ᠪᠠᠶᠢᠳᠠᠭ
ᠤᠷᠮᠠ ᠱᠠᠩᠨᠠᠯ ᠬᠣᠶᠠᠷ ᠨᠢ ᠳᠦᠭᠦᠷᠡᠩ ᠪᠠᠶᠢᠳᠠᠭ
ᠤᠶᠠᠬᠠᠨ ᠰᠡᠳᠬᠢᠯ ᠨᠢ ᠬᠠᠶᠢᠷᠠ ᠪᠠᠶᠢᠳᠠᠭ
ᠡᠬᠡ ᠬᠦᠮᠦᠨ ᠦ
ᠬᠠᠶᠢᠷᠠ ᠤᠬᠠᠭᠠᠨ ᠬᠣᠶᠠᠷ ᠨᠢ ᠬᠠᠮᠲᠤ ᠪᠠᠶᠢᠳᠠᠭ
ᠬᠠᠯᠠᠮᠵᠢ ᠡᠨᠡᠷᠢᠯ ᠬᠣᠶᠠᠷ ᠨᠢ ᠨᠠᠷᠠ ᠪᠠᠶᠢᠳᠠᠭ
ᠬᠠᠯᠠᠭᠤᠨ ᠰᠡᠳᠬᠢᠯ ᠨᠢ ᠬᠠᠶᠢᠷᠠ ᠪᠠᠶᠢᠳᠠᠭ
ᠬᠠᠮᠲᠤ ᠳᠤ ᠪᠠᠨ ᠪᠠᠶᠢᠬᠤ ᠳᠤ ᠪᠤᠷᠬᠠᠨ ᠰᠢᠭ ᠪᠠᠶᠢᠳᠠᠭ
ᠡᠬᠡ ᠬᠦᠮᠦᠨ ᠦ
ᠬᠠᠷᠢᠭᠤ ᠨᠡᠬᠡᠭᠡ ᠦᠭᠡᠢ ᠰᠡᠳᠬᠢᠯ ᠨᠢ ᠰᠦᠨ ᠪᠠᠶᠢᠳᠠᠭ
ᠬᠠᠯᠠᠮᠵᠢ ᠬᠠᠶᠢᠷᠠ ᠨᠢ ᠠᠮᠢ ᠪᠠᠶᠢᠳᠠᠭ
ᠬᠠᠷᠠᠵᠤ ᠰᠠᠭᠤᠬᠤ ᠳᠤ ᠪᠤᠷᠬᠠᠨ ᠪᠠᠶᠢᠳᠠᠭ
ᠬᠠᠶᠢᠷᠠᠯᠠᠵᠤ ᠰᠠᠨᠠᠬᠤ ᠳᠤ ᠰᠢᠲᠦᠮᠡᠷ ᠪᠠᠶᠢᠳᠠᠭ
ᠡᠬᠡ ᠬᠦᠮᠦᠨ ᠦ
ᠦᠭᠡ ᠶᠢᠨ ᠦᠵᠦᠭᠦᠷ ᠲᠦ ᠨᠢ ᠰᠤᠷᠭᠠᠯ ᠪᠠᠶᠢᠳᠠᠭ
ᠥᠭᠦᠯᠡᠪᠦᠷᠢ ᠶᠢᠨ ᠲᠡᠭᠦᠰᠬᠡᠯ ᠨᠢ ᠤᠬᠠᠭᠠᠨ ᠪᠠᠶᠢᠳᠠᠭ
ᠦᠨᠦᠰᠦᠯᠲᠡ ᠪᠦᠬᠦᠨ ᠨᠢ ᠪᠤᠷᠮᠠ ᠪᠠᠶᠢᠳᠠᠭ
ᠦᠨᠡᠨ ᠦ ᠲᠥᠯᠦᠭᠡᠬᠢ ᠰᠡᠳᠬᠢᠯ ᠪᠠᠶᠢᠳᠠᠭ
ᠡᠬᠡ ᠬᠦᠮᠦᠨ ᠦ
ᠲᠩᠷᠢ ᠶᠡᠬᠡ ᠵᠠᠶᠠᠭᠠ ᠨᠢ ᠡᠭᠡᠯ ᠦᠭᠡᠢ ᠪᠠᠶᠢᠳᠠᠭ
ᠲᠡᠪᠴᠢᠶᠡᠷᠢ ᠬᠠᠲᠠᠭᠤᠵᠢᠯ ᠨᠢ ᠭᠠᠶᠢᠬᠠᠮᠠᠷ ᠪᠠᠶᠢᠳᠠᠭ
ᠲᠡᠩᠴᠡᠭᠦᠦ ᠪᠢᠰᠢ ᠡᠷᠡ ᠡᠮᠡ ᠶᠢᠨ ᠲᠠᠪᠢᠯᠠᠩ ᠳᠤ
ᠲᠡᠭᠡᠭᠡᠵᠦ ᠲᠥᠷᠥᠭᠦᠯᠬᠦ ᠶᠡᠬᠡ ᠬᠤᠪᠢᠲᠠᠢ ᠪᠠᠶᠢᠳᠠᠭ
ᠡᠬᠡ ᠬᠦᠮᠦᠨ ᠦ
ᠪᠤᠷᠲᠠᠭ ᠦᠭᠡᠢ ᠰᠡᠳᠬᠢᠯ ᠨᠢ
ᠪᠤᠯᠠᠢ ᠶᠢ ᠨᠢᠮᠭᠡᠯᠡᠭᠰᠡᠨ ᠰᠥ᠋ ᠪᠠᠶᠢᠳᠠᠭ
ᠪᠤᠰᠤᠳ ᠤᠨ ᠲᠥᠯᠥᠭᠡ ᠰᠢᠨᠠᠯᠠᠬᠤ ᠨᠢ
ᠪᠤᠶᠠᠨ ᠤ ᠮᠥᠷ ᠪᠠᠶᠢᠳᠠᠭ
ᠡᠬᠡ ᠬᠦᠮᠦᠨ
ᠡᠯᠪᠡᠷᠢᠯ ᠪᠤᠶᠠᠨ ᠤ ᠳᠠᠯᠠᠯᠭᠠ ᠪᠠᠶᠢᠳᠠᠭ
ᠡᠴᠢᠭᠡ ᠬᠦᠮᠦᠨ ᠦ ᠬᠠᠶᠢᠷᠠ ᠨᠢ ᠪᠠᠶᠢᠳᠠᠭ
ᠡᠨᠳᠡᠬᠦ ᠠᠯᠳᠠᠬᠤ ᠨᠢ ᠦᠭᠡᠢ ᠪᠠᠶᠢᠳᠠᠭ
ᠢᠷᠡᠭᠡᠳᠦᠢ ᠴᠠᠭ ᠤᠨ ᠡᠬᠢᠯᠡᠯ ᠪᠠᠶᠢᠳᠠᠭ
ᠡᠬᠡ ᠬᠦᠮᠦᠨ
ᠪᠠᠷᠠᠭᠠᠨ ᠨᠥᠮᠥᠷᠢᠯᠡᠭᠰᠡᠨ ᠴᠤ ᠭᠡᠭᠡᠨ ᠳᠦᠷᠢ ᠲᠡᠢ ᠪᠠᠶᠢᠳᠠᠭ
ᠪᠠᠴᠢᠮᠳᠠᠵᠤ ᠣᠷᠢᠯᠠᠭᠰᠠᠨ ᠴᠤ ᠲᠠᠶᠢᠪᠤᠰᠢᠷᠠᠭᠤᠯᠬᠤ ᠦᠭᠡ ᠲᠡᠢ ᠪᠠᠶᠢᠳᠠᠭ
ᠪᠠᠶᠠᠷ ᠬᠥᠷ ᠦᠨ ᠳᠡᠭᠡᠳᠦ ᠨᠢ ᠪᠠᠶᠢᠳᠠᠭ
ᠪᠠᠢᠩᠭᠤ ᠪᠣᠳᠣᠭᠳᠠᠬᠤ ᠪᠤᠷᠬᠠᠨ ᠮᠢᠨᠢ ᠪᠠᠶᠢᠳᠠᠭ
ᠡᠬᠡ ᠬᠦᠮᠦᠨ
ᠠᠯᠳᠠᠭᠠ ᠣᠨᠣᠭᠠ ᠶᠢ ᠢᠯᠭᠠᠭᠴᠢ ᠨᠢ ᠪᠠᠶᠢᠳᠠᠭ
ᠠᠷᠭᠠ ᠤᠬᠠᠭᠠᠨ ᠤ ᠳᠡᠭᠡᠳᠦ ᠨᠢ ᠪᠠᠶᠢᠳᠠᠭ
ᠠᠵᠠ ᠵᠢᠷᠭᠠᠯ ᠤᠨ ᠵᠠᠮ ᠢ ᠵᠢᠭᠠᠭᠴᠢ ᠨᠢ ᠪᠠᠶᠢᠳᠠᠭ
ᠠᠯᠢᠪ ᠪᠦᠬᠦᠨ ᠦ ᠡᠬᠢᠯᠡᠯ ᠨᠢ ᠪᠠᠶᠢᠳᠠᠭ
ᠡᠬᠡ ᠬᠦᠮᠦᠨ
ᠡᠨᠡ ᠠᠮᠢᠳᠤᠷᠠᠯ ᠤᠨ ᠡᠬᠢᠯᠡᠯ ᠪᠠᠶᠢᠳᠠᠭ
ᠡᠨᠡᠷᠢᠯ ᠬᠠᠶᠢᠷᠠ ᠶᠢᠨ ᠤᠨᠳᠤᠷᠭᠠ ᠪᠠᠶᠢᠳᠠᠭ
ᠡᠬᠢᠯᠡᠯ ᠲᠡᠭᠦᠰᠬᠡᠯ ᠦᠭᠡᠢ ᠦᠷᠭᠦᠯᠵᠢᠯᠡᠯ ᠪᠠᠶᠢᠳᠠᠭ
ᠡᠷᠬᠢᠮ ᠴᠢᠨᠠᠷ ᠤᠨ ᠡᠬᠢ ᠪᠤᠯᠠᠭ ᠨᠢ ᠪᠠᠶᠢᠳᠠᠭ
ᠡᠬᠡ ᠬᠦᠮᠦᠨ
ᠡᠭᠦᠷᠢᠳᠡ ᠬᠠᠨᠢ ᠶᠢᠨ ᠲᠦᠰᠢᠭ ᠪᠠᠶᠢᠳᠠᠭ
ᠦᠷᠭᠦᠯᠵᠢ ᠭᠡᠭᠡᠨ ᠰᠠᠷᠠᠭᠤᠯ ᠪᠠᠶᠢᠳᠠᠭ
ᠦᠳᠡ ᠶᠢᠨ ᠨᠠᠷᠠᠨ ᠤ ᠢᠯᠴᠢ ᠰᠢᠭ ᠥᠭᠭᠢᠶᠡᠮᠦᠷ ᠪᠠᠶᠢᠳᠠᠭ
ᠦᠨᠡᠨᠴᠢ ᠬᠠᠶᠢᠷᠠ ᠨᠢ ᠳᠤᠯᠠᠭᠠᠨ ᠪᠠᠶᠢᠳᠠᠭ
ᠡᠬᠡ ᠬᠦᠮᠦᠨ
ᠦᠬᠦᠯ ᠠᠮᠢᠳᠤᠷᠠᠯ ᠤᠨ ᠵᠠᠭᠠᠭ ᠳᠡᠭᠡᠷᠡ
ᠦᠷᠭᠦᠯᠵᠢ ᠠᠪᠤᠷᠠᠭᠴᠢ ᠪᠠᠶᠢᠳᠠᠭ
ᠦᠷᠡ ᠳᠦ ᠪᠡᠨ ᠪᠡᠶᠡ ᠪᠡᠨ ᠬᠤᠪᠢᠶᠠᠭᠰᠠᠨ ᠠᠴᠢ ᠨᠢ
ᠦᠨᠡᠯᠡᠵᠦ ᠴᠡᠩᠨᠡᠬᠦ ᠠᠷᠭᠠ ᠦᠭᠡᠢ ᠪᠠᠶᠢᠳᠠᠭ
ᠡᠬᠡ ᠬᠦᠮᠦᠨ
ᠭᠠᠰᠠᠯᠠᠩ ᠬᠢᠰᠠᠯᠠᠩᠳᠤ ᠬᠣᠷᠸᠠ ᠶᠢ ᠭᠡᠲᠦᠯᠭᠡᠭᠴᠢ ᠪᠠᠶᠢᠳᠠᠭ
ᠭᠠᠶᠢᠬᠠᠮᠰᠢᠭᠲᠤ ᠠᠴᠢᠯᠠᠯ ᠨᠢ ᠡᠯᠪᠡᠷᠢᠯ ᠪᠠᠶᠢᠳᠠᠭ
ᠭᠠᠮᠰᠢᠭ ᠠᠶᠤᠯ ᠢ ᠲᠤᠭᠤᠯᠬᠤ ᠠᠷᠭᠠ ᠤᠬᠠᠭᠠᠨ ᠪᠠᠶᠢᠳᠠᠭ
ᠭᠠᠯ ᠬᠠᠯᠠᠭᠤᠨ ᠰᠡᠳᠬᠢᠯ ᠦᠨ ᠪᠤᠯᠠᠭ ᠪᠠᠶᠢᠳᠠᠭ
ᠡᠬᠡ ᠬᠦᠮᠦᠨ
ᠡᠯᠡᠭᠳᠡᠵᠦ ᠡᠮᠲᠡᠷᠡᠭᠰᠡᠨ ᠴᠤ
ᠡᠴᠦᠰ ᠦᠨ ᠭᠠᠭᠴᠠ ᠠᠮᠢᠰᠬᠤᠯ ᠨᠢ ᠦᠷᠡ ᠳᠦ ᠪᠡᠨ ᠯᠠ ᠪᠠᠶᠢᠳᠠᠭ
ᠡᠭᠡᠳᠡᠷᠡᠭᠡᠳᠦ ᠠᠮᠢᠳᠤᠷᠠᠯ ᠤᠨ ᠡᠰᠡᠷᠭᠦ
ᠢᠷᠯᠡᠵᠦ ᠬᠤᠷᠴᠠᠯᠠᠭᠰᠠᠨ ᠰᠡᠳᠬᠢᠯ ᠪᠠᠶᠢᠳᠠᠭ
ᠡᠬᠡ ᠬᠦᠮᠦᠨ
ᠬᠣᠯᠠ ᠣᠶᠢᠷᠠ ᠶᠢᠨ ᠭᠠᠵᠠᠷ ᠢ ᠰᠡᠳᠬᠢᠯ ᠳᠦ ᠪᠡᠨ ᠪᠠᠭᠲᠠᠭᠠᠭᠰᠠᠨ
ᠬᠣᠷᠸᠠ ᠶᠢᠨ ᠠᠮᠢᠳᠤᠷᠠᠯ ᠤᠨ ᠡᠬᠢᠯᠡᠯ ᠪᠠᠶᠢᠳᠠᠭ
ᠬᠣᠣᠰ ᠢᠶᠠᠷ ᠠᠮᠢᠳᠤᠷᠠᠬᠤ ᠲᠠᠪᠢᠯᠠᠩ ᠤᠨ
ᠬᠣᠶᠠᠷ ᠠᠮᠢᠨ ᠤ ᠨᠢᠭᠡ ᠨᠢ ᠪᠠᠶᠢᠳᠠᠭ
ᠡᠬᠡ ᠬᠦᠮᠦᠨ
ᠪᠤᠷᠬᠠᠨ ᠪᠢᠰᠢ ᠴᠤ
ᠪᠦᠬᠦᠨ ᠦ ᠡᠬᠢᠯᠡᠯ ᠠᠮᠢᠳᠤᠷᠠᠯ ᠪᠠᠶᠢᠳᠠᠭ
ᠪᠤᠶᠠᠨ ᠬᠢᠭᠰᠡᠨ ᠲᠤᠰᠠ ᠨᠢ
ᠪᠤᠵᠠᠷ ᠢ ᠠᠷᠢᠯᠭᠠᠭᠰᠠᠨ ᠤᠬᠠᠭᠠᠨ ᠪᠠᠶᠢᠳᠠᠭ
ᠡᠬᠡ ᠬᠦᠮᠦᠨ
ᠭᠠᠵᠠᠷ ᠳᠡᠭᠡᠷᠡᠬᠢ
ᠭᠠᠭᠴᠠ ᠭᠡᠷᠡᠯ ᠭᠡᠭᠡ ᠨᠢ ᠪᠠᠶᠢᠳᠠᠭ
12 0